Rıo-de-Janeıroda ótken Olımpııalyq oıyndarda tórtinshi oryn alǵan qazaqstandyq aýyr atlet Denıs Ýlanov endi Oıyndardyń qola medalin alyp qalýy da ábden múmkin.
Rýmynııa buqaralyq aqparat quraldary jazyp jatqandaı, Rıoda 85 kıloǵa deıingi salmaqta úshinshi oryn alǵan rýmyn ziltemirshisi Gabrıel Sınkraıannyń Oıynnan keıingi tekseriste dopıng paıdalanǵany anyqtalǵan. Onyń ile-ashala tekserýden ótkizilgen dopıng-synamasy oń nátıje bergen.
Halyqaralyq aýyr atletıka federasııasy ázirge bul jaıynda habarlaǵan joq.
Alaıda, qazir Sınkraıannyń Olımpıadada kórsetken kórsetkishteri joıylyp jiberiletini kútilip otyr. Bulaı bolǵan jaǵdaıda úshinshi orynǵa Ýlanov kóterilip, qola medal alady. Sóıtip, Qazaqstan qorjynyndaǵy medalder sany 18-ge jetedi. Sóıtip, bizdiń sportshylar 3 altyn, 5 kúmis jáne 10 qola medaldiń ıegerleri bolyp shyǵa keledi.
Aıta ketýimiz kerek, Olımpııalyq oıyndarda Ýlanov pen Sınkraıannyń ekeýi birdeı qossaıys qorytyndysynda 390 kg salmaqtan kóterdi. Alaıda, rýmyn atletiniń jeke salmaǵy jeńildeý bolǵandyqtan, qola medal soǵan berildi.
Damır QOJAMQUL