Barlyq jol mektepke aparady

«Alty Alashtyń balasy bas qossa, tórdegi oryn – muǵalimdiki» degen eken Maǵjan Jumabaev. Árıne, bul ótken ǵasyrdyń basynda, qazaq dalasynda ustaz ataýlynyń múldem az kezinde aıtylǵan shyǵar. Áıtse de, arada qanshama zaman ótse de muǵalimniń mártebesi sol bıiginen tómendegen joq. О́ıtkeni, búgingi zaman – bilimdiniń zamany. Bilikti, bilimdi, ozyq oıly ustazdyń qashanda orny bólek. Bizdiń elde barlyq jol mektepke aparady. Osy bir kıeli shańyraqqa bas suqpaǵan, bilim almaǵan, qońyraýynyń syń­ǵyryn estimegen adam kem­de-kem. Bálkim joq ta bolar... Osydan keıin keshe ózińdi oqyt­qan, al búgin balańyzdyń, nemere­leri­ńiz­diń boıyna bilim nárin quıyp júr­gen ustazdardyń tózimdiligine, sabyr­lyǵy men shydamdylyǵyna qaıran qalmaı kórińiz. Árıne, bilim berý júıesiniń tabysty jumys isteýi sapaly zamanaýı ınfraqurylymǵa baılanysty. Jaqynda ǵana oblys ortalyǵynda ótken Tamyz keńesinde kóptegen máseleler aıtylyp, biraz nársege qanyqtyq. Elimizde jańa bilim nysandaryn soǵý boıynsha qyrýar jumystar atqarylyp keledi. Memleket basshysynyń kezekti Joldaýyna sáıkes 2016 jyldyń 1 qańtarynan bilim qyzmetkerleriniń jalaqysy 29 paıyzǵa, shákirtaqynyń ortasha alǵanda 30 paıyzǵa ósýi de – osy salaǵa degen úlken áleýmettik qoldaý boldy. Olaı bolsa, el ıgiligi úshin aıanbaı eńbek etý – barshamyzdyń negizgi mindetimiz. Elimizde táýelsizdik týy jelbiregeli beri Jambyl oblysynda 92 jańa bilim nysandary iske qosylypty. Onyń ishinde 71 mektep, 20 balabaqsha, 1 kolledj paıdalanýǵa berilipti. Osynyń arqasynda 46 tozyǵy jetken, 8 úsh aýysymdy, 10 oryn tapshylyǵy bar, 7 yńǵaılastyrylǵan ǵımarat­ta ornalasqan mektepter máselesi sheshilgen. Bilim mekemeleriniń mate­rıaldyq-tehnıkalyq bazasyn arttyrýǵa, jóndeý jumystaryna, oqýlyqtarmen qamtamasyz etýge bólinetin qarjy kólemi jyl saıyn ulǵaıyp keledi. Osy jasalǵan jaǵdaılardyń bári – Elbasynyń bilim salasyna, el bolashaǵyna jasap otyrǵan úlken qoldaýy, qamqorlyǵy. Endigi mindet – ózimizge júk­telgen jaýapkershiligi mol jumysty abyroımen oryndaý! Oblys ustazdary jańa oqý jylynda bilimdi urpaq, tárbıeli shákirt, sanaly azamat tárbıelep shyǵarýǵa bar kúsh-jigerin jum­saı­dy dep senemin. Gúlshat ASANOVA, №26 Jańatalap orta mektebiniń muǵalimi Jambyl oblysy, Jýaly aýdany