2015 jylǵy 26 naýryz, Astana qalasy
Qazaqstan Respýblıkasynyń azamattyq áýe kemeleriniń ushýyn ornıtologııalyq qamtamasyz etý qaǵıdalaryn bekitý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasy Zańynyń 14-baby 1-tarmaǵynyń 41-46) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasynyń Qazaqstan Respýblıkasynyń azamattyq áýe kemeleriniń ushýyn ornıtologııalyq qamtamasyz etý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti (B.K. Seıdahmetov):
1) osy buıryqtyń zańnamada bekitilgen tártippen Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kúnniń ishinde onyń kóshirmelerin merzimdi baspa basylymdarynda jáne «Ádilet» aqparattyq-quqyqtyq júıesine resmı jarııalaýǵa jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýbıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaýdy ózime qaldyramyn.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstriniń
mindetin atqarýshy J.QASYMBEK
«KELISILDI»
Qazaqstan Respýblıkasynyń
Ulttyq ekonomıka mınıstri
E.A.Dosaev _________________
2015 jylǵy 22 maýsym «KELISILDI»
Qazaqstan Respýblıkasynyń
Aýyl sharýashylyq mınıstri
A. S.Mamytbekov_____________
2015 jylǵy 22 mamyr
Qazaqstan Respýblıkasy Investısııalar jáne damý mınıstriniń mindetin atqarýshynyń
2015 jylǵy 26 naýryzdaǵy №323 buıryǵymen bekitilgen
Qazaqstan Respýblıkasynyń azamattyq áýe kemeleriniń ushýyn ornıtologııalyq
qamtamasyz etý qaǵıdalary
1. Jalpy erejeler
1. Osy Qazaqstan Respýblıkasynyń azamattyq áýe kemeleriniń ushýyn ornıtologııalyq qamtamasyz etý qaǵıdasy (budan ári – Qaǵıda) Halyqaralyq azamattyq avıasııa uıymynyń (budan ári – IKAO) standarttaryn jáne usynymdaryn eskere otyryp, «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń Zańyna sáıkes ázirlendi, Qazaqstan Respýblıkasynyń azamattyq áýe kemeleriniń ushýyn ornıtologııalyq qamtamasyz tártibin aıqyndaıdy jáne Qazaqstan Respýblıkasynyń barlyq azamattyq avıasııa uıymdaryna qoldanylady.
2. Qazaqstan Respýblıkasynyń azamattyq avıasııasynda ushýdy ornıtologııalyq qamtamasyz etý tártibi:
1) ushýdy ornıtologııalyq qamtamasyz etýdi uıymdastyrý tártibin;
2) qustardyń shoǵyrlanýyn týǵyzatyn jaǵdaılardy aıqyndaýdy jáne joıýdy.
3. Osy Qaǵıdada paıdalanylatyn negizgi termınder men anyqtamalar:
1) avıasııalyq ornıtologııa - ushýdyń qaýipsizdigin qamtamasyz etýge qatysty bóliginde faýnany, ekologııany, qustardyń qareketin jáne órisin zerdeleýmen, sondaı-aq qustardyń áýe kemelerine soqtyǵysýynyń aldyn alý jónindegi is-sharalardy ázirleýmen jáne júzege asyrýmen aınalysatyn jalpy ornıtologııanyń qoldanbaly páni;
2) ornıtologııalyq jaǵdaı - qandaı da bir ýaqyt aralyǵynda qustardyń jerde (sýda) jáne áýe keńistiginde bolýy;
3) ushýdy ornıtologııalyq qamtamasyz etý - qustardyń áýe kemelerine soqtyǵysýyn boldyrmaýǵa baǵyttalǵan is-sharalar kesheni;
4) qustar toby - uzaq ýaqyt kezeńi ishinde ortaq tirshilik etý keńistigine ıe bolatyn daraqtar jıyntyǵy.
4. Ushýdy ornıtologııalyq qamtamasyz etý jónindegi is-sharalar josparyn ushýdy ornıtologııalyq qamtamasyz etýge jaýapty áýeaılaq paıdalanýshysynyń qyzmeti ázirleıdi.
5. Is-sharalar jospary áýeaılaqta jáne oǵan jaqyn aýmaqtarda qustardyń shoǵyrlanýyn týǵyzatyn jaǵdaılardy aıqyndaý jáne joıý jónindegi is-sharalardy, avıasııalyq-ornıtologııalyq taqyryp boıynsha áýejaı qyzmetkerlerimen sabaqtar ótkizýdi jáne áýejaı jumysynyń ereksheligi men jergilikti ornıtologııalyq jaǵdaıǵa negizdelgen ózge de is-sharalardy qamtıdy.
6. Áýejaıda shtattyq ornıtologtar jáne ornıtologııalyq qamtamasyz etýge jaýapty adamdar úsh jylda keminde bir retten sıretpeı mamandandyrylǵan kýrstarda mindetti biliktilikti arttyrýdan ótýi tıis.
7. Áýejaıdyń avıasııalyq ornıtologııa jónindegi mamany mynalardy júzege asyrady:
1) osy Qaǵıdaǵa sáıkes ushýdy ornıtologııalyq qamtamasyz etý boıynsha jalpy basshylyq;
2) avıasııalyq ornıtologııa máseleleri boıynsha áýejaı qyzmetteriniń arasynda tikeleı ózara is-qımyldy uıymdastyrý;
3) ornıtologııalyq jaǵdaıdy taldaý jáne boljaý;
4) tıisti bólimsheler basshylaryna jáne ushý quramyna áýeaılaqtaǵy ornıtologııalyq jaǵdaı týraly aqparat berý;
5) áýejaıdyń qyzmetkerlerimen avıasııalyq ornıtologııa boıynsha sabaqtar men konsýltasııalar ótkizý;
6) ÁK-ge qustardyń soqtyǵysýyn boldyrmaý jónindegi sharalardyń durys jáne ýaqtyly qabyldanýyn baqylaý.
8. Praktıkalyq is-sharalardy oryndaýǵa azamattyq avıasııa uıymynyń basshysy áýeaılaq qyzmetiniń (budan ári – ÁQ), avıasııalyq qaýipsizdik qyzmetiniń (budan ári - AQQ) qyzmetkerlerin, ushý qaýipsizdigi jónindegi ınspektordy (budan ári - UQI), ushýdy izdestirý, avarııalyq-qutqarýmen qamtamasyz etý qyzmetterin (budan ári - UIAQQQ) jáne azamattyq avıasııa uıymynyń basqa qyzmetkerlerin tartady.
9. Tıisti áýe qozǵalysyna qyzmet kórsetý dıspetcherlerine (budan ári – ÁQQ), áýeaılaq, avıasııalyq qaýipsizdik, ınjenerlik-avıasııalyq jáne áýejaıdyń basqa da qyzmetteriniń qyzmetkerlerine avıasııalyq ornıtologııa boıynsha sabaqtardy áýeaılaq qyzmetiniń bastyǵy uıymdastyrady jáne ádette jyldyń kóktemgi jáne kúzgi mezgiliniń aldynda tehnıkalyq oqý saǵattarynda ótkiziledi.
10. Avıasııalyq ornıtologııa boıynsha sabaqtarda mynadaı máseleler zerdelenedi:
1) áýeaılaq aýdanynda ártúrli jyl maýsymdaryndaǵy ornıtologııalyq jaǵdaıdyń erekshelikteri: (túr quramy, áýe kemeleriniń ushýy úshin qaýip tóndiretin qustardyń toptalýy jáne ushyp ótýdiń negizgi marshrýttary);
2) osy áýeaılaqta áýe kemesine qustardyń soqtyǵysý jaǵdaılaryn jyl maýsymdary, táýlik kezeńderi, bıiktikter boıynsha bolý;
3) áýeaılaqta ushýdy ornıtologııalyq qamtamasyz etýdi uıymdastyrý;
4) áýeaılaq aýdanynda ornıtologııalyq jaǵdaıdy kózben sholyp jáne radıolokasııalyq baqylaý;
5) áýeaılaq aýdanynda qustardyń shoǵyrlanýyn týdyratyn jaǵdaılardy joıý;
6) ushyp kele jatqan ekıpajdyń áýe kemesine qustardyń soqtyǵysý múmkindikterin jáne qaýip-qaterin azaıtý jónindegi is-qımyly;
7) áýe kemelerine qustardyń soqtyǵysý saldary (materıaldyq zalal, ushýdaǵy qaýipti jaǵdaılar).
2. Ushýdy ornıtologııalyq qamtamasyz etýdi uıymdastyrý tártibi
11. Ushýdy ornıtologııalyq qamtamasyz etýdi uıymdastyrý tártibi mynalardy qamtıdy:
1) ushýdy ornıtologııalyq qamtamasyz etýdi taldaý;
2) jaqyn aýmaqta qustardyń shoǵyrlanýyn týǵyzatyn jaǵdaılardy anyqtaý jáne joıý;
3) ushýdy ornıtologııalyq qamtamasyz etýge qatysatyn áýejaı qyzmetkerlerimen, avıakompanııalardyń pılottarymen avıasııalyq-ornıtologııalyq taqyryp boıynsha sabaqtar ótkizý.
12. Áýe kemelerine qustardyń soqtyǵysýynyń aldyn alý boıynsha ushýdy ornıtologııalyq qamtamasyz etý jónindegi maman jyl basynda ushýdy ornıtologııalyq qamtamasyz etýge taldaýdy júrgizedi, ol mynalardy qamtıdy:
1) áýeaılaqta jáne oǵan jaqyn aýmaqta qustardyń toptalýy men ushyp ótý merzimderi men oryndaryn ekologııalyq-ornıtologııalyq tekserý, kózben sholyp jáne radıolokasııalyq baqylaý jáne ornıtologııalyq tekserý nátıjeleri boıynsha naqtylaý;
2) áýeaılaq aýdanynda qustardyń shoǵyrlaný jáne jappaı ushyp ótý sebepterin naqtylaý;
3) áýe kemelerine qustardyń soqtyǵysýynyń neǵurlym jıi qaıtalanatyn jaǵdaılaryn (áýe kemeleriniń úlgisi, ushý bıiktigi jáne jyldamdyǵy, soqtyǵysý orny, qustardyń túri, táýlik pen jyldyń ýaqyty) anyqtaý;
4) soqtyǵysý saldaryn (áýe kemeleri zaqymdanýynyń sany men sıpaty, áýe kemelerin jóndeýden, turyp qalýdan, kidirtýden, toqtatylǵan ushýlardan jáne májbúrli qonýlardan bolǵan materıaldyq zalal) anyqtaý;
5) áýe kemelerin qustarmen soqtyǵysýdan qorǵaý sharalaryn oryndaý boıynsha azamattyq avıasııa uıymdarynyń qyzmetteri men bólimsheleriniń qyzmetin taldaý.
13. Áýe kemelerine qustardyń soqtyǵysýy týraly derekter soqtyǵysýlardyń taldanatyn Qaǵıdaǵa 1-qosymshaǵa sáıkes nysan boıynsha jasalǵan áýeaılaqtaǵy ornıtologııalyq jaǵdaı jýrnalyna engiziledi.
Qustardyń toptalýy jáne ushyp ótýi, sondaı-aq olardyń sebepteri týraly taldaý ýaqyty kezeńinde alynǵan barlyq qosymsha málimetter tıisti shema-kartalarǵa, dıagrammalarǵa, grafıkterge jáne kestelerge engiziledi.
14. Áýeaılaqtarda kózben sholyp ornıtologııalyq baqylaýdy ÁQQ dıspetcherleri nemese shtattaǵy avıasııalyq ornıtolog júzege asyrady. Mundaı qadaǵalaý áýe kemeleriniń ushý jáne qonýǵa bet alý sektorlary sheginde ushý jáne qonýǵa bet alýy kezinde turaqty júrgiziledi. Ornıtologııalyq baqylaý barysynda UQJ jáne oǵan jaqyn ushý alańynyń aýmaǵy qaralady.
15. Ushý jáne qonýǵa bet alý sektorynda qustardyń toptalýy kózben sholyp anyqtalǵan kezde, sondaı-aq tilshiden (áýe kemesiniń ekıpajy, ÁQ, AQQ, UQI, UIAQQQ jáne t.b.) ÁQQ dıspetcherine aqparat kelip túsken jaǵdaıda, ÁQQ dıspetcheri osy aqparatty barlyq múddeli paıdalanýshylarǵa qozǵalys qyzmeti dıspetcherleriniń jumys tehnologııasyna sáıkes habarlaıdy.
16. Praktıkalyq is-sharalardy oryndaýǵa azamattyq avıasııa uıymynyń basshysy áýeaılaq qyzmetiniń (budan ári - ÁQ), avıasııalyq qaýipsizdik qyzmetiniń (budan ári - AQQ) qyzmetkerlerin, ushý qaýipsizdigi jónindegi ınspektordy (budan ári - UQI), avarııalyq-qutqarý qyzmetiniń (budan ári - AQQ) jáne azamattyq avıasııa uıymynyń basqa da qyzmetkerlerin tartady.
17. Áýejaıdyń basshysy:
1) áýeaılaqty jáne áýeaılaq mańyndaǵy aýmaqty ekologııalyq-ornıtologııalyq tekserýdi ótkizýdi;
2) áýejaıdyń ornıtologııalyq baǵdarlamasyn ázirleýdi jáne engizýdi;
3) áýeaılaqtan qustardy úrkitý úshin ornıtologııalyq top qurýdy;
4) áýe kemesine qustardyń soqtyǵysýyn boldyrmaý jóninde áýeaılaq aýdanynda qajetti jumystardy júrgizý úshin kez kelgen menshik nysanyndaǵy uıymdarmen shart jasasýdy, ornıtologııalyq qamtamasyz etýdi jaqsartý boıynsha jańa, tıimdi ádisterdi praktıkaǵa engizýdi;
5) áýe kemesine qustardyń soqtyǵysýyn boldyrmaýǵa baǵyttalǵan jumystar men is-sharalardy ótkizý kezinde memlekettik organdarmen jáne uıymdarmen ózara is-qımyl jasaýdy, ornıtologııalyq qamtamasyz etýdi jaqsartý boıynsha jańa, tıimdi ádisterdi praktıkaǵa engizýdi;
6) azamattyq avıasııanyń basqa uıymdarymen avıasııalyq ornıtologııalyq máseleler boıynsha ózara is-qımyldy;
7) ushýdy ornıtologııalyq qamtamasyz etýdi jáne áýeaılaq aýdanynda ornıtologııalyq jaǵdaıdy jaqsartý boıynsha is-sharalar ázirleýdi;
8) áýejaıdyń aınalasynda qosalqy sharýashylyqtar qurýdy nemese keńeıtýdi baqylaýdy;
9) áýejaıdyń aýmaǵynda aýyl sharýashylyǵy jumystarynyń bolmaýyn baqylaýdy uıymdastyrady;
10) jyl saıyn qustar týdyratyn qaýip-qaterler jáne olardy azaıtý ádisteriniń máseleleri boıynsha IKAO talaptaryna sáıkestigine aýdıt ótkiziledi.
18. Áýeaılaqtyń ushý basshysy áýeaılaqtyń UQJ aýdanyndaǵy ornıtologııalyq jaǵdaıdyń qıyndaǵany týraly ÁQ, AQQ, UQI baıandamalary men aqparaty negizinde ushýdy toqtatý, shekteý nemese jańartý týraly sheshim qabyldaıdy.
Áýeaılaqta nemese áýeaılaq aýdanynda qustardyń shoǵyrlanýy paıda bolǵan jaǵdaıda ÁQQ dıspetcheri AQQ qyzmetkerlerine qustardy úrkitýdi júrgizýge tıisti nusqaý beredi, sondaı-aq osy Qaǵıdaǵa 2-qosymshaǵa sáıkes shema boıynsha áýeaılaqta qustardyń bolýy týraly áýe kemeleri ekıpajdaryna eskertedi.
3. Qustardyń shoǵyrlanýyn týǵyzatyn jaǵdaılardy anyqtaý jáne joıý tártibi
19. Áýejaıdy áýeaılaqtyq qamtamasyz etý qyzmetiniń qyzmetkerleri ushyp kóterilý-qoný jolaǵynda (budan ári - UQJ) qustardyń shoǵyrlanýyn týǵyzǵan jaǵdaılardy anyqtaıdy jáne joıady, áýe kemesi soqqan, UQJ-dan jáne onyń mańynan tabylǵan qustardyń súıekterin jınaıdy jáne anyqtaıdy.
20. Áýejaıdyń ÁQQ ÁQB dıspetcherinen qustardyń toptalýy týraly habarlamany alǵan soń áýeaılaqtyń áýe kemelerine yqtımal qaýip-qater tóndiretin qustar tabylǵan aýmaǵyna dereý shyǵady.
Atys qarýy, pırotehnıkalyq quraldar, jaryq arqyly sıgnal beretin raketnısalar arqyly áýeaılaq aýmaǵynan qustardy úrkitý jónindegi áreketterdi áýe kemeleriniń qozǵalysyna qustar qater tóndirmeıtin sátke deıin júrgizedi.
Qustardyń toptalyp jınalatyn jaǵdaılarynda kóktemgi-jazǵy-kúzgi kezeńderde oq-dárilerdiń jetkilikti mólsheri bar atqyshtar mynadaı jerlerde:
1) qoný núktesinde, ushyp kóterilý núktesinde jáne áýe kemesinde (ushý jolaǵynan tys);
2) ÁQQ dıspetcheriniń «toqta» degen komandasyna deıin rýldeý joldarynyń ushý-qoný jolaǵyna qıylysqan jerlerde qoıylady.
21. Qustardyń shoǵyrlanýyn týǵyzatyn jaǵdaılardy joıý jónindegi is-sharalardyń barlyǵy:
1) áýeaılaqtarda júrgiziletin;
2) áýeaılaq mańy aýmaǵynda júrgiziletin degen toptarǵa bólinedi.
22. Áýeaılaqtarda qustardyń shoǵyrlaný sebepterin ÁQ qyzmetkerleri nemese ornıtolog-mamandar joıady.
23. Áýeaılaqtarda júrgiziletin negizgi is-sharalardyń qataryna:
1) UQJ mańynda qustardy uıa jasaýǵa, demalýǵa jáne túneýge tartatyn aǵashtar men butalardy kesý;
2) áýeaılaqtaǵy shóp jabyndysyn ońtaıly bıiktikke deıin shabý;
3) qustardyń áýeaılaqtaǵy angar-qurylystarda jáne basqa da ǵımarattarda uıa salý múmkindigin azaıtý;
4) áýeaılaqtaǵy ylǵaldanǵan jáne batpaqty ýchaskelerde melıorasııalyq jumystar, olardy qurǵatý jáne kómý;
5) tamaq qaldyqtaryn jabyq konteınerlerde saqtaý arqyly ushaq jáne áýeaılaq asúıleriniń, áýejaı meıramhanasy men ashanalarynyń tamaq qaldyqtaryna kirýin boldyrmaý, qaldyqtardy qustar kirmeıtin jabyq úı-jaılarda tolyq kádege jaratý;
6) qus aýlaýǵa arnalǵan tuzaqtar ornatý;
7) qustar shoǵyrlanatyn jerlerde qustardyń óli deneleri men tulyptaryn qoıý;
8) áýeaılaq aýmaǵyn qustardy ózine tartatyn aýyl sharýashylyǵy daqyldary úshin paıdalanýǵa jol bermeý;
9) áýeaılaq aýmaǵynda qustardy ózine tartatyn jándikterge qarsy hımııalyq óńdeý júrgizý;
10) qustar uıa sala bastaǵanda qustardyń uıasy toptasyp ornalasqan aǵashtardyń joǵarǵy butaqtaryn kesý nemese uıalardy sýatqyshtardyń kómegimen buzý;
11) áýeaılaqtyń baqylaý núktesinen on bes kılometrden jaqyn qashyqtyqta taǵam qaldyqtaryn tastaıtyn oryndardy, ań ósirý fermalaryn, qasaphanalardy jáne qustardy ózine tartýmen jáne olardyń toptalyp jınalýymen erekshelenetin basqa da obektiler qurylysyn ornalastyrýǵa tyıym salý;
12) áýeaılaqtan 15 kılometr radıýsta taǵam qaldyqtaryn joıý/tastaýdy boldyrmaý nemese olardy qustar shoǵyrlanǵan jerlerden qoqysqa ushatyn qustar UQJ-ny jáne oǵan baratyn joldardy kesip ótpeıtindeı eseppen basqa jaqqa kóshirý;
13) áýeaılaqtyń aınalasyndaǵy dándi daqyldar egilgen aýyl sharýashylyǵy alqaptaryn tek qana túngi ýaqytta jyrtý jáne qaıta jyrtý;
14) usaq qustardyń kóp mólsherin tartýdy boldyrmaý úshin áýeaılaq mańynda mal jaıýǵa tyıym salý;
15) áýeaılaq mańyndaǵy aýmaq arqyly ushyp ótetin qustardyń shoǵyrlaný orny bolyp tabylatyn áýeaılaq mańyndaǵy usaq sý aıdyndaryn qurǵatý;
16) qustardyń jappaı uıa salý, demalý jáne túneý orny bolyp tabylatyn áýeaılaq mańynda ornalasqan sý aıdyndarynda jaǵalaý mańyndaǵy bıik ósimdikterdi kesý jatady.
24. Áýeaılaqtardan qustardy úrkitý ártúrli quraldardyń (bıoakýstıkalyq qondyrǵylardyń, qarýlardyń, raketnısanyń, pırotehnıkalyq quraldardyń, pnevmatıkalyq tapanshanyń, mehanıkalyq úrkitkishtiń, aınaly sharlardyń, lazerli qondyrǵylardyń, óli qustar denesiniń, shytyrlaqtyń, gazdy zeńbirektiń, jyrtqysh qustar maketiniń, órt sóndirý mashınalarynyń, jalaýshalardyń jáne ózge de quraldardyń) kómegimen júrgiziledi.
25. Áýeaılaqtarda qustardy aýlaý tuzaqpen, aýlarmen, órmek aýlarmen, qaqpanmen, uıyqtatatyn zattarmen jáne basqa da quraldarmen júrgiziledi.
Qazaqstan Respýblıkasynyń azamattyq áýe kemeleriniń ushýyn
ornıtologııalyq qamtamasyz etý qaǵıdalaryna 1-qosymsha
Nysan
Áýeaılaqtaǵy ornıtologııalyq jaǵdaı jýrnaly
Kúni____________________________________ Oqıǵa ýaqyty __________________________________________
ÁK úlgisi_______________________________________ ÁK № ___________________________________________
Avıakompanııa _________________________________ reıstiń № ______________________________________
Bolǵan oqıǵa týraly kim habarlady: ______________________________________________________________
UQJ qustardyń qandaı qaldyqtary tabyldy:______________________________________________________
Tabylǵan oryndary (UQJ osine jáne taıaý jerdegi RJ qatysty): ______________________________________
Ushý kezeńderi (bıiktigi, jyldamdyǵy, ushý-qoný): ____________________________________________________
Qustardyń túrleri jáne sany: ___________________________________________________________________
Qustardyń ÁK-ge soqtyǵysqan orny: ______________________________________________________________
Zaqymdaný:_____________________________________________________________________________________
Ekıpaj málimetteri: ___________________________________________________________________________
UQJ jumys kýrsy: _____________________________________________________________________________
UQJ sońǵy qaralǵan ýaqyty: ____________________________________________________________________
Oqıǵa bolǵan sáttegi ornıtologııalyq jaǵdaı: _______________________________________________________
Meteojaǵdaı: ___________________________________________________________________________________
Reısti oryndaý úshin saldary: ___________________________________________________________________
Eskertpe:
T.A.Á. (bar bolsa)______________________
20__jyl «__»__________qoly _____________
Qazaqstan Respýblıkasynyń azamattyq áýe kemeleriniń ushýyn
ornıtologııalyq qamtamasyz etý qaǵıdalaryna 2-qosymsha
Nysan
Áýeaılaqta qustardyń shoǵyrlanýy anyqtalǵan jaǵdaıda qyzmetterdiń jedel óz ara is-qımyl
SYZBASY
Buıryq Qazaqstan Respýblıkasynyń Ádilet mınıstrliginde 2015 jylǵy 22 shildede Normatıvtik quqyqtyq kesimderdi memlekettik tirkeýdiń tizilimine №11724 bolyp engizildi.