2015 jylǵy 26 naýryz, Astana qalasy
Qazaqstan Respýblıkasynyń azamattyq avıasııasyndaǵy órt qaýipsizdigi qaǵıdalaryn bekitý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasy Zańynyń 14-baby 1-tarmaǵynyń 41-48) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasynyń azamattyq avıasııasyndaǵy órt qaýipsizdigi qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti (B.K. Seıdahmetov):
1) osy buıryqtyń zańnamada bekitilgen tártippen Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kúnniń ishinde onyń kóshirmelerin merzimdi baspa basylymdarynda jáne «Ádilet» aqparattyq-quqyqtyq júıesine resmı jarııalaýǵa jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýbıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaýdy ózime qaldyramyn.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstriniń
mindetin atqarýshy J.QASYMBEK
«KELISILDI»
Qazaqstan Respýblıkasynyń Ishki ister mınıstri
Q.N.Qasymov ________________
2015 jylǵy «___» ____________
Qazaqstan Respýblıkasy Investısııalar jáne damý mınıstriniń mindetin atqarýshynyń
2015 jylǵy 26 naýryzdaǵy №324 buıryǵymen bekitilgen
Qazaqstan Respýblıkasynyń azamattyq avıasııasyndaǵy órt qaýipsizdigi qaǵıdalary
1. Jalpy erejeler
1. Osy Qazaqstan Respýblıkasynyń azamattyq avıasııasyndaǵy órt qaýipsizdigi qaǵıdalary (budan ári – Qaǵıdalar) «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasynyń Zańynyń 14-babynyń 1-tarmaǵynyń 41-48) tarmaqshasyna jáne «Azamattyq qorǵaý týraly» 2014 jylǵy 11 sáýirdegi Qazaqstan Respýblıkasynyń Zańyna sáıkes ázirlengen jáne Qazaqstan Respýblıkasynyń azamattyq avıasııasyndaǵy órt qaýipsizdiginiń tártibin belgileıdi.
2. Qazaqstan Respýblıkasynyń azamattyq avıasııasyndaǵy órt qaýipsizdiginiń tártibi mynalardy qamtıdy:
1) qoımalardy, aerovokzaldardy (jolaýshylar, júk termınaldaryn) ustaý;
2) órtke qarsy sýmen jabdyqtaýdy qamtamasyz etý;
3) áýe kemeleri turatyn oryndardy, tehnologııalyq jabdyqtardy jáne mehanıkalandyrý quraldaryn ustaý;
4) radıotehnıkalyq jabdyqty jáne baılanysty paıdalaný bazalarynyń obektilerin ustaý;
5) arnaıy kólikti saqtaý, jóndeý jáne paıdalaný oryndaryn ustaý;
6) avıaotynmen qamtamasyz etý obektilerin ustaý jáne órtke qarsy qamtamasyz etý;
7) bastapqy órt sóndirý quraldarymen qamtamasyz etý.
3. Azamattyq avıasııa uıymynyń basshysy azamattyq avıasııa uıymynda órt qaýipsizdigin qamtamasyz etetin tulǵalardy taǵaıyndaıdy.
4. Áýe kemelerinde jáne áýeaılaq obektilerinde órtten qutqarý jumystaryn oryndaý úshin azamattyq avıasııa uıymynyń basshysy ushýdy izdestirý avarııalyq-qutqarýmen qamtamasyz etý qyzmetiniń (budan ári – UIAQQQ) avarııalyq-qutqarý komandalarynyń quramyna kiretin órtten qutqarý jasaqtaryn qurady.
UIAQQQ basshysy áýejaı obektileriniń órt qaýipsizdigin qamtamasyz etetin adam bolyp tabylady.
5. Avıaotynmen qamtamasyz etý obektileri UIAQQQ kezekshi úı-jaıy jáne memlekettik órtke qarsy qyzmet organdarynyń jergilikti bólimshesiniń tikeleı telefon baılanysymen jabdyqtalady.
6. Injenerlik-tehnıkalyq qyzmetkerlerdi jáne qyzmetshilerdi azamattyq avıasııa uıymdarynda órt qaýipsizdigin qamtamasyz etý jónindegi is-sharalardy ótkizýge qatysýǵa tartý úshin órtke qarsy tehnıkalyq komıssııasy qurylady.
О́rtke qarsy tehnıkalyq komıssııalar týraly erejeni osy Qaǵıdalardyń qosymshasynda keltirilgen Azamattyq avıasııa uıymdaryndaǵy órtke qarsy tehnıkalyq komıssııalar týraly úlgilik erejege sáıkes azamattyq avıasııa uıymdary bekitedi.
7. Azamattyq avıasııa uıymdarynyń qurylymdyq bólimshelerinde (avıasııalyq-tehnıkalyq baza, janar-jaǵarmaı materıaldarynyń jáne radıotehnıkalyq jabdyqty jáne baılanysty paıdalaný qyzmeti) sehtik (obektilik) órtke qarsy tehnıkalyq komıssııalar qurylýy múmkin.
8. Osy Qaǵıdalar negizinde azamattyq avıasııa salasyndaǵy ýákiletti organ (budan ári - ýákiletti organ) ushý qaýipsizdigin qamtamasyz etý maqsatynda azamattyq avıasııa obektilerinde órtke qarsy qamtamasyz etý jónindegi nusqaýlyq-ádistemelik oqýlyqty ázirleıdi, olar mynalarda órt qaýipsizdigin qamtamasyz etýdi:
1) qoımalarda jáne aerovokzaldarda (jolaýshylar, júk termınaldarynda);
2) áýe kemeleri turatyn oryndarda;
3) radıotehnıkalyq jabdyq jáne baılanys obektilerinde;
4) arnaıy kólikti, tehnologııalyq jabdyqty jáne mehanıkalandyrý quraldaryn saqtaý, jóndeý jáne paıdalaný oryndarynda;
5) avıaotynmen qamtamasyz etý obektilerinde;
6) azamattyq avıasııa uıymdarynyń obektilerin órtke qarsy sýmen jabdyqtaý bóliginde;
7) azamattyq avıasııa uıymy personalyn oqytý, nusqaý berý jáne jumysqa ruqsat berý bóliginde;
8) azamattyq avıasııa áýeaılaqtarynyń (tikushaq aılaqtarynyń) aýmaǵyndaǵy áýe kemeleriniń;
9) avıasııalyq tehnıkanyń jáne obektilerdiń;
10) órt qaýipsizdigin qamtamasyz etý bóligindegi ózge de máselelerdi retteıdi.
9. Azamattyq avıasııa uıymdary osy Qaǵıdalardyń jáne ýákiletti organ bekitetin nusqaýlyqtar negizinde jalpy uıym úshin jáne árbir jeke obekt úshin jergilikti memlekettik órtke qarsy qyzmet organdarymen kelisilgen órt qaýipsizdiginiń sharalary týraly ishki reglamentterdi bekitedi.
10. Jalpy azamattyq avıasııa uıymy úshin jáne árbir jeke obekt úshin órt qaýipsizdiginiń sharalary týraly ishki reglamentterde mynalar kórsetiledi:
1) aýmaqty, ǵımaratty jáne úı-jaıdy, onyń ishinde evakýasııalaý pýnktterin ustaýdy júzege asyrý;
2) áýe kemelerine qyzmet kórsetýdiń tehnologııalyq prosesterin júrgizý, jabdyqty paıdalaný, órt qaýpi bar jumystardy júrgizý kezinde órt qaýipsizdigin qamtamasyz etý jónindegi is-sharalar;
3) jarylys - órt qaýpi bar, órt qaýpi bar zattar men materıaldardy saqtaýdy jáne tasymaldaýdy júzege asyrý;
4) temeki shegý, ashyq ot qoldaný jáne otpen jumystar júrgizý oryndary;
5) janatyn zattar men materıaldardy jınaýdy, saqtaýdy jáne joıýdy, arnaıy kıimdi ustaýdy jáne saqtaýdy júzege asyrý;
6) aýytqý órtke nemese jarylysqa alyp kelýi múmkin baqylaý-ólsheý aspaptarynyń shekti kórsetkishteri;
7) órt kezinde obektiniń qyzmet kórsetýshi personalynyń áreketi, onyń ishinde:
memlekettik órtke qarsy qyzmet bólimshesin shaqyrý kezektiligi;
tehnologııalyq jabdyqty avarııalyq toqtatýdy júzege asyrý;
jeldetkishti jáne elektr jabdyǵyn sóndirýdi júzege asyrý;
órt sóndirý quraldaryn qoldaný jáne órtke qarsy avtomatty ornatý;
adamdardy, janatyn zattardy jáne materıaldyq qundylyqtardy evakýasııalaýdy júzege asyrý;
azamatty avıasııa uıymynyń barlyq úı-jaılaryn qaraýdy jáne órt - jarylys qaýipsiz jaǵdaıyna keltirýdi júzege asyrý.
Jalpy azamattyq avıasııa uıymy úshin jáne árbir jeke obekt úshin órt qaýipsizdiginiń sharalary týraly ishki reglamentter úsh jylda bir retten jıi emes, sondaı-aq tehnologııalyq prosess jáne jumys jaǵdaıy ózgergen kezde, ishki reglamenttiń negizinde alynǵan nusqaýlyq qujattar ózgergen kezde jáne obektide bolǵan órtti, avarııany jáne jarylysty taldaý negizinde qaıta qaraýǵa jatady.
2. О́rt qaýipsizdiginiń tártibi
1-paragraf. Qoımalar, aerovokzaldar
(jolaýshylar, júk termınaldaryn) ustaý tártibi
11. Aýmaqtar, ǵımarattar, qurylystar, ǵımarattar men qurylystardy bóletin órtke qarsy bógetter, sondaı-aq qoımalar men aerovokzaldardyń (jolaýshylar jáne júk termınaldarynyń) úı-jaılary órt qaýipsizdiginiń talaptaryna jáne qurylys normalaryna jaýap berýi tıis.
12. О́tkelder, kireberister, dálizder, stasıonarlyq órtke qarsy baspaldaqtar, ǵımarattardyń shatyryndaǵy janbaıtyn qorshaýlar, baspaldaq torlary, shatyr astyndaǵy úı-jaılar durys jaǵdaıda ustalady jáne eshteńemen qorshalmaıdy.
2-paragraf. О́rtke qarsy
sýmen jabdyqtaý tártibi
13. Áýejaı aýmaǵynda nemese áýejaıdyń perımetrlik qorshaýynan 1 km qashyqtyqta tabıǵı sý kózderi (ózender, kólder, toǵandar) bolǵan jaǵdaıda jyldyń kez kelgen mezgilinde órt sóndirý avtomobılderin qoıý jáne sý tartý úshin kirme joldar jáne pırster salynady.
14. О́rt sóndirý rezervýarlary, sý qoımalary, sý qubyry jelileri jáne gıdranttar, sprınklerlik, drencherlik jáne sorǵy qondyrǵylary órt shyqqan nemese tutanǵan jaǵdaıda olardyń jaramdylyq jaı-kúıi men únemi daıyndyǵyn qamtamasyz etetin turaqty tehnıkalyq baqylaý júzege asyrylady.
15. Jóndeý jumystary júrgizilgen nemese órtke qarsy sýmen jabdyqtaý jelileriniń ýchaskeleri bólingen, sorǵy stansııalary isten shyqqan, sprınklerlik jáne drencherlik qondyrǵylary aqaýly bolǵan, órt sóndirý sý qoımalarynan sý aqqan jaǵdaıda azamattyq avıasııa uıymynyń órt qaýipsizdigine jaýapty adamǵa habarlanady.
16. Múmkindik bolmaǵan nemese órtke qarsy paıdalanylatyn sý qubyrlary qondyrǵylaryn ekonomıkalyq jaǵynan orynsyz bolǵan jaǵdaıda, áýejaılardyń aýmaǵynda órtke qarsy sý syıymdylyqtardyń (sý aıdyny, rezervýarlardyń) sany keminde ekeýdi quraıdy.
О́rtke qarsy syıymdylyqtardyń sanyna qaramastan, árbir aýa syıymdylyǵynda órt sóndirýge arnalǵan sýdyń jarty mólsheri saqtalady.
О́rtke qarsy sýmen jabdyqtaý kózi retinde jerasty nemese jer ústi sýlary paıdalanylady. Mundaı jaǵdaıda jerasty sýlaryn tartý órt sóndirý qajettilikterii jáne ony sý tasýshyǵa jetkizý úshin qajetti sý mólsherin senimdi alýǵa kepildik berýi tıis.
3-paragraf. Áýe kemeleri turatyn oryndardy, tehnologııalyq jabdyqtardy jáne
mehanıkalandyrý quraldaryn ustaý tártibi
17. Áýe kemeleri turatyn oryndar:
1) janar-jaǵarmaı materıaldarynyń qoımalarynan (budan ári – JJM), otyn quıý turaqtarynan keminde 100 metr;
2) áýe kemeleri angardan 25 metr jaqyn emes ornalasqan jáne baılanys quraldarymen jabdyqtalǵan angarlardy qospaǵanda, óndiristik ǵımarattar men qurylystardan 50 metr qashyqtyqta ornalasady.
Áýe kemesi turatyn oryndardyń aınalasyndaǵy aýmaq (radıýsy keminde 50 metr) qurǵaq shópten, qoqystan jáne janǵysh materıaldardan tazartylǵan, taza ustalady. Otynnyń qaldyǵyn jáne óńdelgen maıdy aǵyzý úshin arnaıy syıymdylyqtar, al paıdalanylǵan súrtý (eski) materıaldaryn jınaý úshin tyǵyz jabylatyn qaqpaqtary bar metall jáshikter qoıylady.
18. Turaqtarda áýe kemelerin ornalastyrýdy júzege asyrý, sondaı-aq olardyń arasyndaǵy eń az qaýipsiz qashyqtyq azamattyq avıasııanyń áýeaılaqtaryn (tikushaq aılaqtaryn) paıdalanýǵa jaramdylyq normalarymen bekitilgen Zańnyń 14-baby 1-tarmaǵynyń 41-39) tarmaqshasyna sáıkes belgilenedi.
19. Turaqta turǵan, onyń ishinde avıasııalyq tehnıkalyq bazanyń angaryndaǵy jáne ushaq jóndeý korpýsyndaǵy áýe kemeleri únemi jerge qosylýy tıis.
20. Áýe kemesiniń jerge qosylǵan qurylǵylaryn tehnıkalyq paıdalaný Zańnyń 14-baby 1-tarmaǵynyń 41-39) tarmaqshasyna sáıkes bekitilgen azamattyq avıasııadaǵy áýeaılaqtardy (tikushaq aılaqtaryn) paıdalanýǵa jaramdylyq normalaryna sáıkes júzege asyrylady.
21. Áýe kemeleri turatyn oryndar, onyń ishinde topyraq áýeaılaqtarda statıkalyq elektrden qorǵaný úshin stasıonarlyq jerge qosý qurylǵylarymen jabdyqtalady.
22. Áýe kemeleri turatyn oryndarda mynalarǵa:
1) jabynǵa (jerge) otyn, maı, gıdroqospa jáne basqa da tez tutanatyn jáne janatyn suıyqtyqtardy tógýge bolmaıdy. Tógilgen jaǵdaıda sońǵylaryna dereý túrde qum sebiledi jáne jınalady;
2) temeki shegýge arnaıy bólingen orynnan basqa jerde temeki shegýge;
3) jumys istep turǵan mehanıkalandyrylǵan quraldar men tehnologııalyq jabdyqtar, sondaı-aq, áýeaılaqtaǵy elektrlik qorektený kózderine qosylǵan áýe kemelerin qaraýsyz qaldyrýǵa;
4) órt sóndirýdiń alǵashqy quraldarynsyz qozǵaltqyshty iske qosýǵa nemese basqa jumystar atqarýǵa ruqsat etilmeıdi.
4-paragraf. Radıotehnıkalyq jabdyqtar men baılanysty paıdalaný bazalarynyń obektilerin ustaý tártibi
23. Radıotehnıkalyq jabdyqtar men baılanysty paıdalaný (budan ári – RTJBP) bazalarynyń obektileri janbaıtyn edeni bar, otqa tózimdiliktiń II dárejesinen tómen emes jeke turǵan nemese toptastyrylǵan ǵımarattarda ornalasady. Toptastyrylǵan ǵımarattardaǵy tehnologııalyq jabdyqtar úı-jaı ózge úı-jaılardan janbaıtyn qabyrǵalarmen nemese keminde 0,25 saǵat shegindegi otqa tózimdi qorshaýmen bólinedi jáne syrtqa shyǵatyn jeke esigi bolady.
24. Qonýdy qamtamasyz etetin obektilerdi qospaǵanda, qyzmet kórsetýshi personaldyń turaqty qatysýynsyz jumys isteıtin obektiler órt bolǵan jaǵdaıda elektrlik qorektený kózderin avtomatty túrde ajyratatyn apparatýramen jabdyqtalady.
25. RTJBP bazasy obektilerindegi úı-jaılarda qajetti temperatýrany qamtamasyz etý úshin órt qaýipsizdiginiń mynadaı talaptaryn oryndaǵan kezde ónerkásipte ázirlenetin elektr peshterin ornatýǵa ruqsat etiledi:
1) úı-jaıda qajetti temperatýrany avtomatty túrde saqtaýdy qamtamasyz etetin (jylý temperatýrasyn retteý avtomattary rettelgennen keıin plombany ashpaı olardy retteýdi erkin ózgertý múmkindigin boldyrmaý maqsatynda plombalanýy tıis) jabyq jylytý elementteri bar elektr peshteri qoldanylady;
2) elektr peshteri úı-jaıdyń eń salqyn bóligine jáne jabdyqtan keminde 1 m qashyqtyqta ornatylady;
3) janatyn materıaldardan jasalǵan edender men qabyrǵalar jylý oqshaýlaǵysh jáne elektr peshi (grelka) aralyǵy keminde 15 sm aýa qabatyn qamtamasyz ete otyryp, elektr pesh (gorelka) turǵan jerden keminde qalyńdyǵy 10 mılımetr asbest kartony boıynsha qańyltyrmen qorshalady jáne tyǵyzdalady;
26. RTJBP bazasy obektileriniń qorshaý perımetri boıynsha eni 3 metrden kem emes órtke qarsy jolaǵy, jyrtý arqyly alshaqtalatyn ósimdik jabyny jyrtý arqyly jabylady.
27. Aǵash machtasy, fıder baǵanalary men kergish zákirleri ornatylǵan jer beti keminde 1 metr radıýsta qazylýy tıis.
28. Obektilerdegi janatyn materıaldardan jasalǵan kabeldik arnalar asbest kartony ústinen tabaq qańyltyrmen qaptalýy tıis.
29. Ǵımarat shatyrynyń metall jabyndysyn, apparatýra korpýsyn, symdardyń, qubyrdyń metall qaptamalaryn, elektr qalqandarynyń korpýsyn, transformatorlardy, elektr peshterin, ótpeli ızolıatordyń bekitkish bolttary jáne basqa da metall zattardy jerge qosý qajet.
30. Generatorlar men montajdaý symdary oraýyshtaryn oqshaýlaý kedergisin keminde jylyna bir ret jáne jóndeýden keıin ólsheý júrgiziledi.
5-paragraf. Arnaıy kólikti saqtaý, jóndeý jáne paıdalaný oryndaryn ustaý tártibi
31. Otyndy quıýshylar, otyn sısternalary, benzın qotarýshy stansııalar, jyljymaly agregattar (servıserler), maı quıýshylar kedergisiz shyǵýdy qamtamasyz ete otyryp, ashyq alańdarda, shatyr astynda nemese garajdardyń oqshaýlanǵan úı-jaılarynda bólek saqtalady.
32. Ottegi óndirýshi jáne ottegimen zarıadtaý stansııalary basqa avtomobılderden bólek ornalastyrylady.
33. Fekaldy suıyqtyqtardy, ýly nemese ınfeksııalanǵan zattardy tasıtyn avtomobılder, sondaı-aq gaz otynmen júretin avtomobılder toptar boıynsha bólek jáne basqa avtomobılderden jeke ornalastyrylady.
34. Jıyrma besten astam avtomobılder nemese arnaıy kólikter jınaqtalǵan arnaıy kólik qyzmetinde (budan ári - arnaıy kólik) órt kezinde olardy evakýasııalaý jaǵdaıyn jasaý úshin arnaıy kólik qyzmetiniń bastyǵy arnaıy kólik ornalastyrýdyń, evakýasııalaý kezegi men tártibi jazylǵan jospardy ázirlep, bekitedi.
35. Arnaıy kólikti ornalastyrý josparynda sondaı-aq júrgizýshilerdiń túngi ýaqyttaǵy, demalys, mereke kúnderindegi kezekshilik kestesi jáne otaldyrý kiltterin saqtaýdy júzege asyrý anyqtalady.
36. Arnaıy kólik úı-jaıyn jáne ashyq saqtaý alańyn arnaıy kólikti tez evakýasııalaýǵa kedergi keltirýi múmkin zattar men jabdyqtarmen jabylýy ruqsat etilmeıdi.
37. Qyzmet kórsetýdiń onnan astam beketi nemese jıyrma besten astam avtomobıl (nemese arnaıy kólikti) saqtaý kózdelgen úı-jaıdyń keminde eki qaqpasy bolýy qajet.
38. Arnaıy kólik turatyn oryn on avtomobılge bir arqan (shtanga) esebimen tirkeme arqan jáne shtangalarmen qamtamasyz etiledi.
39. Garajdarda ustalyq, termııalyq, pisirý, boıaý, aǵash óńdeý jumystaryn júrgizýge, sondaı-aq tez tutanatyn suıyqtyqtardy paıdalana otyryp, bólshekter men agregattardy jýýǵa ruqsat etilmeıdi.
40. Arnaıy kólikti turaqqa jáne jóndeýge arnalǵan úı-jaılarda, shatyr asty men ashyq alańdarda:
1) arnaıy kólikti normadan asatyn sanda ornalastyrýǵa, olardyń ornalastyrý shemasyn buzýǵa, avtomobılder, arnaıy mashınalar jáne ǵımarat elementteri arasyndaǵy qashyqtyqty kemitýge;
2) arnaıy kólikti otyn baqtary men syıymdylyqtarynyń ashyq qaqpaqtarymen, sondaı-aq janarmaı aǵyp jatqanda saqtaýǵa;
3) otyndy ydysta ustaýǵa jáne arnaıy kólikti otynmen jabdyqtaýǵa;
4) turaq oryndarynda júgi túsirilmegen avtomobıldi qaldyrýǵa;
5) ydysty tez tutanatyn jáne janatyn suıyqtyqtyń astynda saqtaýǵa;
6) shyǵatyn qaqpa men joldy jabýǵa;
7) qozǵaltqyshty, júıelerdi, toraptar men agregattardy ashyq otpen (jalynmen, alaýmen, dánekerlegish shammen) qyzdyrýǵa, sondaı-aq tehnıkalyq baıqaýlar, jóndeý jáne basqa jumystardy júrgizý kezinde jaryq túsirý úshin ashyq ot kózderin paıdalanýǵa;
8) arnaıy kólikte maı sińgen súrtkishter men arnaıy kıimderdi qaldyrýǵa;
9) ot aldyrylǵan arnaıy kólikti qaraýsyz qaldyrýǵa;
10) tıisti biliktiligi joq adamdarǵa tehnıkalyq qyzmet kórsetý men arnaıy kólikti júrgizýdi tapsyrýǵa ruqsat etilmeıdi.
41. Arnaıy kólikke tehnıkalyq qyzmet kórsetý jáne jóndeý kezinde mynalarǵa:
1) aldyn ala tazalamaı jáne jarylys qaýpi bary-joǵy úshin alynǵan aýa synamalaryn taldaýdyń durys ekeni týraly derekti bilmeı otyn sısternalarynda nemese rezervýarlarynda qandaı da bir jumysty oryndaýǵa;
2) senimdi túrde jerge qospaı otyn quıylǵan sısternalar nemese rezervýarlarǵa jóndeý júrgizýge;
3) jumys suıyqtyqtary men gazdar bosatyp almaı tehnologııalyq jabdyqtardy bólshekteýge kirisýge;
4) syıymdylyǵy otynmen (gazben) toltyrylǵan jáne maımen toltyrylǵan karterlerdi arnaıy mashınalardy jóndeýge ruqsat etilmeıdi (TQ-1 bazalyq shassı baktarynda otyn jáne qozǵaltqyshtardyń karterlerindegi maı bolsa da ruqsat etiledi).
6-paragraf. Avıaotynmen qamtamasyz
etetin obektilerdi ustaý jáne órtke qarsy qamtamasyz etý tártibi
42. JJM qoımalary men ortalyq maı quıý stansııalarynan jalpy jelidegi avtomobıl joldaryna nemese qoımalardyń kireberis joldaryna órt sóndirý avtomobılderine arnalǵan keminde eki jol jabdyqtalady.
43. Avıaotynmen qamtamasyz etý obektileriniń ǵımarattary men qurylystary (metall rezervýarlardy qospaǵanda) keminde II dárejeli otqa tózimdi bolýy tıis.
44. Avtokólik tehnıkasy qoımalarynyń aýmaǵyna ushqyn sóndirgishsiz kirýge ruqsat etilmeıdi.
45. JJM qoımalarynyń aýmaǵy qurǵaq shópten, túsken japyraqtan, óndiristik qaldyqtardan únemi tazartylady. Tógilgen munaı ónimderi alyp tastalady, al maı tamǵan jerlerge qum sebiledi. Jazǵy ýaqytta shóp shabylady jáne keppegen kúıinde qoıma aýmaǵynan tasyp áketiledi. Shabylǵan shópti JJM qoımalarynyń aýmaǵynda keptirýge jáne saqtaýǵa ruqsat etilmeıdi.
46. JJM qoıma aýmaǵynyń bos alańdarynda jalpaq japyraqty aǵash pen butalar egýge, gúlzarlar jasaýǵa ruqsat etiledi, biraq rezervýarlardyń syrtqy jaǵynan keminde 5 metr qashyq bolýy tıis. Qoımalar aǵashty jerde ornalastyrylǵan kezde olardyń aınalasyndaǵy aýmaq tazartylady japyraqty tuqym radıýsy 20 metr, qylqan japyraqty 50 metr jáne eni keminde 2 metr mıneraldandyrylǵan beldeýmen kómkeriledi.
47. Avıaotynmen qamtamasyz etý obektileri aýmaǵynda ashyq otty - alaý jaǵýǵa, jaryqtandyrý úshin fakelder, sirińkeler, shyraqtar, kerosın shamdaryn paıdalanýǵa ruqsat etilmeıdi.
48. Avıaotynmen qamtamasyz etetin aýmaqta, óndiristik ǵımarattar men qurylystarda temeki tartýǵa ruqsat etilmeıdi.
49. Temeki shegýge sý men órt sóndirgish jáne ýrnamen jabdyqtalǵan arnaıy bólingen oryndarda ruqsat etiledi. Temeki shegýge bólingen oryndarda belgiler men jazýlar ilinedi.
50. Otalǵysh bý men gaz jınaqtalǵan aımaqtarda jóndeý - profılaktıkalyq jumystar júrgizgen kezde ushqyn shyqpaıtyn aspaptar paıdalanylady. Jabdyqtar maqta-mata shúberegimen súrtiledi, sıntetıkalyq matalardy qoldanýǵa ruqsat etilmeıdi.
51. Munaı ónimderiniń býy men gazy bólinetin úı-jaılar men estakadalarda jumys isteıtin personalǵa temir shege nemese taǵa qaǵylǵan aıaq kıimmen júrýine ruqsat etilmeıdi.
52. JJM qoımasynyń ǵımarattary men qurylystary jáne ortalyq maı quıý stansııalary:
1) naızaǵaıdyń tikeleı áserinen;
2) naızaǵaıdyń ekinshi ret bolýynan (elektrostatıkalyq jáne elektromagnıttik ındýksııa);
3) joǵary áleýetti qoqystan;
4) statıkalyq elektr paıda bolýynan qorǵalady.
53. JJM qoımalary qurylys normalarynyń talaptaryna sáıkes sýmen jabdyqtaý jáne órt sóndirý júıelerimen jabdyqtalady.
54. Árqaısysynyń kólemi 5000 m3 az rezervýary bar qoımalarda órt sóndirý avtomobılderimen jáne/nemese órtke qarsy syıymdylyqtardyń motopompalarymen (rezervýarlar nemese ashyq jasandy jáne tabıǵı sý aıdyndary) órtti sóndirý jáne sýytý úshin sý berýge ruqsat etiledi. Bul rette:
1) órtke qarsy syıymdylyqtardyń kólemi (rezervýarlardyń nemese ashyq sý aıdyndarynyń) órt sóndirýdiń esepti kezeńinde sý shyǵynynyń normasyna sáıkes kelýi tıis;
2) órtke qarsy ashyq sý aıdyndarynyń kólemi sýdyń yqtımal býlanýy nemese muzdyń paıda bolýyn eskere otyryp aıqyndalady;
3) órtke qarsy sý qoımalary órt avtomobılderine arnalǵan bos kirme joldarmen jabdyqtalady jáne ustalady;
4) órtke qarsy syıymdylyqtardyń sany (sý qoımasynyń, rezervýarlardyń) ekiden kem bolmaýy tıis, ár syıymdylyqta órt sóndirýge arnalǵan sý kóleminiń jartysy saqtalýy tıis;
5) órtke qarsy syıymdylyqtarda sýdyń qol suǵylmaıtyn qoryn qalpyna keltirý ýaqyty ony órtte paıdalanǵannan keıin toqsan alty saǵattan aspaýǵa tıis.
55. JJM qoımalarynda jáne avtomattandyrylǵan JJM-de dıametri keminde 200 mılımetr órtke qarsy sý qubyry ornalastyrylady.
56. JJM qoımalarynda jáne ortalyq maı quıý stansııalarynda aýa-mehanıkalyq kóbikpen órt sóndirý kózdeledi. О́rtti sóndirý úshin stasıonarlyq avtomattandyrylǵan órt sóndirgishterdi, stasıonarlyq avtomatty emes órt sóndirgishterdi jáne jyljymaly órt sóndirgishterdi ornatý kózdeledi.
57. О́rt sóndirý qondyrǵylaryn qoldaný, sondaı-aq olardy tekserý kezeńdiligi men rásimderi osy Qaǵıdalardyń 8-tarmaǵynda kórsetilgen nusqaýlyq-ádistemelik quraldarda retteledi.
58. Qoımalar aýmaqtarynda órt kezinde rezervýarlardy sýytýdan sýdy qabyldaý úshin paıdalanylatyn óndiristik nemese óndiristik - jaýyn kárizderi kózdeledi.
59. Rezervýar parkiniń shuńqyrly alańdaryndaǵy jaýyn qabyldaǵyshtar qorshaý biligin nemese parktiń syrtqy qorshaýynan (shuńqyrlaýynan) tys turǵan oryndardy áreketke keltiretin bekitý qurylǵylarymen (japqyshtarmen, syrǵytpalarmen) jabdyqtalady.
60. Káriz jelilerindegi qudyqtarda:
1) 400 m arqyly káriz magıstraldyq jelisinde;
2) ǵımarattardan shyǵarý oryndarynda (sorǵy stansııalary, sý tógý, zerthanalar);
3) rezervýarlyq park shuńqyrly alańynda - shuńqyrlaýdan (qorshaýdan) tys ornalasqan jaýyn qabyldaǵyshtardan shyǵý oryndarynda;
4) sý quıý qurylǵylary (temir jol nemese avtomobıl sısternalary úshin) alańdarynda ornalasqan jaýyn qabyldaǵyshtardan shyǵý oryndarynda;
5) keminde 10 metr qashyqtyqta - munaı ustap qalǵyshqa deıin jáne keıin káriz jelilerinde bıiktigi keminde 0,25 metr gıdravlıkalyq bekitkishter ornatý kózdeledi.
61. Kárizdiń jalpy shyǵý oryndarynda ortalyq ustap qalǵysh ornatylady. Ortalyq ustap qalǵyshtan óndiristik ǵımaratqa, qurylystar men rezervýarlarǵa deıin qashyqtyq keminde 30 metr, al sorǵy stansııalary men rezervýarlarǵa qyzmet kórsetetin stansııalardaǵy ustap qalǵyshtar 10 metr bolýy tıis. Barlyq qurylǵylar órtke tózimdi materıaldardan jasalady.
62. Qosymsha sý toqtatý aryǵyn paıdalaný kezinde:
1) bólinip alynǵan munaı ónimderiniń jalpy qabatynyń túzilýine jol berilmeıdi;
2) jınalyp qalǵan qojdardyń mólsherine qatysty aryqtardy tazartý júrgiziledi.
63. JJM jáne ortalyq maı quıý stansııalarynda ortalyqtandyrylǵan jylýmen jabdyqtaý kózdeledi.
64. Ǵımarattar men qurylystardy jylytý men jeldetý úshin jylýtasyǵysh retinde temperatýrasy 130oS-tan aspaıtyn ystyq sý qoldanylady.
7-paragraf. О́rt sóndirýdiń bastapqy quraldarymen qamtamasyz etý tártibi
65. О́rtten qutqarý jasaqtary órtten qutqarý tehnıkasymen, otty sóndirý quramdarymen, arnaıy avarııalyq-qutqarý jasaqtarymen jaraqtalady.
66. Azamattyq avıasııa uıymdarynda áýeaılaqtyń sanatyna qaraı talap etiletin órtke qarsy qorǵaý deńgeıi boıynsha órt mashınalarynyń taktıkalyq-tehnıkalyq sıpattamalaryna sáıkes jeke quramnyń tolyq qarýly jasaǵyna ıe avıasııalyq oqıǵa ornyna órt kóligi quraldarynda bir ýaqytta jetkiziletin órt sóndirý quramynyń normatıvtik qory qurylady.
Áýeaılaqtardy talap etiletin órtke qarsy qorǵaý deńgeıi boıynsha sanattaý azamattyq paıdalanýǵa jaramdylyq normalarymen bekitilgen Zańnyń 14-babynyń 1-tarmaǵynyń 41-39) tarmaqshasyna sáıkes bekitiletin avıasııa áýeaılaqtaryn (tikushaq aılaqtaryn) júzege asyrý belgilenedi.
67. Azamattyq avıasııa uıymdarynyń barlyq óndiristik qoımalyq, kómekshi jáne ákimshilik ǵımarattary men qurylystary, sondaı-aq jekelegen úı-jaılary men tehnologııalyq qondyrǵylary shaǵyn tutanýlardy, sondaı-aq bastapqy damý satysynda órtterdi óshirý jáne joıý úshin paıdalanylatyn órt sóndirgishtermen jabdyqtalady.
68. Azamattyq avıasııa uıymdarynyń óndiristik jáne qoımalyq ǵımarattary men qurylystarynda jáne aýmaqtarynda órt sóndirýdiń bastapqy quraldarynyń jıyntyǵy bar arnaıy órt qalqandary ornatylady. О́rt qalqandary múmkindiginshe úı-jaıdan shyǵý oryndaryna jaqyn, kórinetin jáne ońaı qol jetetin oryndarda ornatylady. Uıymdardyń aýmaqtaryndaǵy bir qalqan 5000 m2 alańǵa esebimen órt qalqandarymen qamtamasyz etiledi.
69. О́rt sóndirý quraldaryn aıqyndaý kezinde janatyn zattardyń fızıkalyq-hımııalyq jáne órt qaýpi bar qasıetteri, olardyń órt sóndirgish quraldaryna qatynasy, sondaı-aq óndiristik úı-jaı alańdary, ashyq alańdar men qondyrǵylar esepke alynady.
Qazaqstan Respýblıkasy Azamattyq avıasııasyndaǵy órt qaýipsizdigi qaǵıdalaryna 1-qosymsha
Azamattyq avıasııa uıymdaryndaǵy órt-tehnıkalyq komıssııalary týraly ereje
1. Jalpy ereje
1. О́ndiris uıymdarynyń jumysshylary, qyzmetshileri jáne ınjener-tehnıkalyq qyzmetkerleriniń qalyń buqarasyn órtke qarsy profılaktıkalyq sharalar júrgizýge jáne órtten saqtaý jolyndaǵy belsendi kúreske tartý maqsatynda azamattyq avıasııa uıymdarynda órt-tehnıkalyq komıssııa qurylady.
2. О́rt-tehnıkalyq komıssııa azamattyq avıasııa uıymdarynyń qyzmetkerlerinen qurylady.
Komıssııa azamattyq avıasııa basshysynyń buıryǵymen belgilenedi (taǵaıyndalady), onyń quramyna órtke qarsy kúres qyzmetiniń bas ınjeneri (tóraǵasy), bastyǵy, ınjener-tehnık qyzmetkerleri - energetık, tehnolog, mehanık, tehnıka qaýipsizdigi ınjeneri, sýmen jabdyqtaý mamany jáne azamattyq avıasııa uıymy basshysynyń uıǵarymy boıynsha basqa da qyzmetkerler enedi.
3. О́rt-tehnıkalyq komıssııasy óziniń praktıkalyq jumysynda Memlekettik órtti baqylaýdyń jergilikti organdarymen turaqty baılanys jasaýy tıis.
2. О́rt-tehnıkalyq komıssııasy jumysynyń tártibi jáne negizgi mindetteri
4. О́rt-tehnıkalyq komıssııasynyń negizgi mindetterine mynalar jatady:
1) óndiristiń tehnologııalyq prosesterinde, agregattar, qondyrǵylar jumysynda, laboratorııalar, sheberhanalar, qoımalar, bazalar túptiń túbinde órttiń shyǵýyna, jarylys nemese apat jaǵdaıyna aparyp soqtyratyn órtke qaýipti tártip buzýshylyq jáne ózge de kemshilikterdiń betin ashý;
2) uıymdaǵy óndiristik sehtarda, qoımalarda, ákimshilik úılerinde jáne turǵyn úılerde órt-profılaktıkalyq jumystardy iske asyrý, órtke qarsy qatań tártip ornaýy jolyndaǵy uıymdastyrý jáne júrgizý isine járdemdesý;
3) órt qaýipsizdigi máselesi boıynsha rasıonalızatorlyq jáne ónertapqyshtyq jumystardy uıymdastyrý;
4) jumysshylar, qyzmetshiler jáne ınjener-tehnık qyzmetkerleri arasynda órtke qarsy erejeler men tártipti saqtaý máseleleri boıynsha kópshilik - túsindirý jumystaryn júrgizý.
5. О́rt-tehnıkalyq komıssııasy alǵa qoıylǵan mindetterdi júzege asyrý úshin mynalardy atqarýǵa mindetti:
1) óndiristik prosesterde, agregattarda, qoımalarda, laboratorııalarda, elektr sharýashylyǵynda, jylý júıelerinde, jeldetý jáne basqa da nysandar men qondyrǵylardaǵy órt qaýpine jol berilgen kemshilikteriniń betin ashý maqsatynda barlyq óndiristik ǵımarattarda, bazda, qoımalarda, laboratorııalarda jáne uıymnyń basqa da qyzmettik úılerinde jylyna kem degende 2-4 ret tolyq tekseris júrgizý;
2) jumysshylarmen, qyzmetshilermen, ınjener-tehnık qyzmetkerlerimen áńgimeler jáne leksııalar ótkizý;
3) uıymnyń órtke qarsy jaǵdaıy týraly máselelerdi jergilikti uıymdar men óndiristik keńesterge baqylaýǵa usyný;
4) uıymnyń rasıonalızatorlyq jáne jańashyldyq bıýrosyna órt qaýipsizdigi máseleleri boıynsha taqyryp oılastyryp usyný jáne uıymnyń órtke qarsy jaǵdaıyn jaqsartýǵa baǵyttalǵan sharalardy júzege asyrýǵa jaǵdaı týǵyzý;
5) ákimshilikpen birlese otyryp, sehtar, qoımalar, laboratorııalar jáne uıymnyń basqa da nysandary úshin órt qaýipsizdigi nusqaýlaryn, erejelerin ázirleýge belsene qatysý;
6) uıymda órtten qorǵaý mamandaryna órt qaýipsizdigi máseleleri jónindegi ǵylymı-tehnıkalyq qyzmetkerlerdiń qatysýymen órt-tehnıkalyq konferensııasyn ótkizý;
7) uıym sehtary, qoımalary men úıleriniń órtke qarsy jaǵdaıyna jáne órtten qorǵaý mekemesiniń ázirligine qoǵamdyq baıqaý ótkizý, sondaı-aq Memlekettik órtti baqylaý organy usynǵan órtke qarsy sharalardyń oryndalýyn tekserý.
Buıryq Qazaqstan Respýblıkasynyń Ádilet mınıstrliginde 2015 jylǵy 29 qazanda Normatıvtik quqyqtyq kesimderdi memlekettik tirkeýdiń tizilimine №12217 bolyp engizildi.