2015 jylǵy 26 naýryz, Astana qalasy
Mehanıkalyq kólik quraldaryn jáne olardyń tirkemelerin mindetti tehnıkalyq qarap-tekserýdi uıymdastyrý jáne júrgizý qaǵıdalaryn, mehanıkalyq kólik quraldaryn jáne olardyń tirkemelerin mindetti tehnıkalyq qarap-tekserýden ótkizýdiń kezeńdiligin bekitý týraly
«Jol júrisi týraly» 2014 jylǵy 17 sáýirdegi Qazaqstan Respýblıkasynyń Zańy 11-babynyń 5-3) tarmaqshasyna sáıkes buıyramyn:
1. Bekitilsin:
1) osy buıryqqa 1-qosymshaǵa sáıkes Mehanıkalyq kólik quraldaryn jáne olardyń tirkemelerin mindetti tehnıkalyq qarap tekserýdi uıymdastyrý jáne júrgizý qaǵıdalary;
2) osy buıryqqa 2-qosymshaǵa sáıkes Mehanıkalyq kólik quraldaryn jáne olardyń tirkemelerin mindetti tehnıkalyq qarap tekserýden ótkizýdiń kezeńdiligi.
2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A.Asavbaev):
1) osy buıryqtyń zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin, kúntizbelik on kún ishinde onyń kóshirmesin merzimdi baspa basylymdaryna jáne «Ádilet» aqparattyq-quqyqtyq júıesine resmı jarııalaýǵa jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalar týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Investısııalar jáne damý mınıstriniń
mindetin atqarýshy J.QASYMBEK
«KELISILGEN»
Qazaqstan Respýblıkasynyń
Ulttyq ekonomıka mınıstri
________________ E.Dosaev
2015 jylǵy 28 sáýir «KELISILGEN»
Qazaqstan Respýblıkasynyń
Ishki ister mınıstri
________________ Q.Qasymov
2015 jylǵy 29 sáýir
Qazaqstan Respýblıkasy Investısııalar jáne damý mınıstriniń mindetin atqarýshy
2015 jylǵy 26 naýryzdaǵy №329 buıryǵyna 1-qosymsha
Mehanıkalyq kólik quraldaryn jáne olardyń tirkemelerin mindetti tehnıkalyq qarap
tekserýdi uıymdastyrý jáne júrgizý qaǵıdalary
1. Jalpy erejeler
1. Osy Mehanıkalyq kólik quraldaryn jáne olardyń tirkemelerin mindetti tehnıkalyq qarap tekserýdi uıymdastyrý jáne júrgizý qaǵıdalary (budan ári – Qaǵıdalar) «Jol júrisi týraly» 2014 jylǵy 17 sáýirdegi Qazaqstan Respýblıkasynyń Zańy 11-babynyń 5-3) tarmaqshasyna sáıkes ázirlendi.
2. Osy Qaǵıdalar Qazaqstan Respýblıkasynyń aýmaǵynda jol júrisine qatysatyn jáne jol júrisi qaýipsizdigin qamtamasyz etý jónindegi ýákiletti organda tirkelgen mehanıkalyq kólik quraldaryn jáne olardyń tirkemelerin mindetti tehnıkalyq qarap tekserýdi uıymdastyrý jáne júrgizý tártibin aıqyndaıdy.
3. Osy Qaǵıdalarda mynadaı uǵymdar paıdalanylady:
1) baqylaý-dıagnostıkalyq jabdyq – mehanıkalyq kólik quraldarynyń jáne olardyń tirkemeleriniń tehnıkalyq jaı-kúıiniń parametrlerin anyqtaý úshin qoldanylatyn synaý jabdyǵy jáne ólsheý quraldary;
2) jol júrisi qaýipsizdigin qamtamasyz etý jónindegi ýákiletti organ – jol júrisi qaýipsizdigin qamtamasyz etý salasynda basshylyqty óz quzyreti sheginde jáne salaaralyq úılestirýdi júzege asyratyn ortalyq atqarýshy organ jáne onyń astanadaǵy, respýblıkalyq jáne oblystyq mańyzy bar qalalardaǵy aýmaqtyq bólimsheleri;
3) kóliktik baqylaý organy – kólik jáne kommýnıkasııa salasyndaǵy ýákiletti organynyń aýmaqtyq organdary;
4) kólik jáne kommýnıkasııa salasyndaǵy ýákiletti organ – avtomobıl kóligi salasynda basshylyqty, sondaı-aq Qazaqstan Respýblıkasynyń zańnamasynda kózdelgen shekterde salaaralyq úılestirýdi júzege asyratyn ortalyq atqarýshy organ;
5) mehanıkalyq kólik quralynyń jáne onyń tirkemeleriniń ıesi – mehanıkalyq kólik quralynyń jáne onyń tirkemeleriniń menshik ıesi, sondaı-aq mehanıkalyq kólik quralynyń jáne onyń tirkemeleriniń sharýashylyq júrgizý quqyǵynda nemese jedel basqarý quqyǵynda ne ózge de zańdy negizde (jaldaý quqyǵy, mehanıkalyq kólik quralynyń jáne onyń tirkemeleriniń basqarý quqyǵyna senimhat, tıisti organnyń osy adamǵa mehanıkalyq kólik quralynyń jáne onyń tirkemeleriniń berý týraly ókimi) ıelenetin adam. О́ziniń qyzmettik nemese eńbek mindetterin oryndaýyna oraı, onyń ishinde kólik quralynyń menshik ıesimen nemese ózge de ıesimen jasalǵan eńbek nemese azamattyq-quqyqtyq shart negizinde kólik quralyn basqaratyn adam mehanıkalyq kólik quralynyń jáne onyń tirkemeleriniń ıesi bolyp tabylmaıdy;
6) mindetti tehnıkalyq qarap tekserýdi júrgizý – mindetti tehnıkalyq qarap tekserýge qatysýshy retinde óz quqyqtaryna jáne mindetterine sáıkes osy Qaǵıdada kózdelgen tehnıkalyq qarap tekserýdi operatory júzege asyratyn is-qımyldar;
7) mindetti tehnıkalyq qarap tekserýden ótý – mindetti tehnıkalyq qarap tekserýge qatysýshy retinde óz quqyqtaryna jáne mindetterine sáıkes osy Qaǵıdalarda kózdelgen mehanıkalyq kólik quraldarynyń jáne olardyń tirkemeleriniń ıesi júzege asyratyn is-qımyldar;
8) tehnıkalyq qarap tekserý ortalyǵynyń mamany – mehanıkalyq kólik quraldaryn jáne olardyń tirkemelerin mindetti tehnıkalyq qarap tekserýdi júrgizýdi júzege asyratyn tehnıkalyq qarap tekserý operatorynyń qyzmetkeri.
4. Mehanıkalyq kólik quraldaryn jáne olardyń tirkemelerin (budan ári - kólik quraldary) mindetti tehnıkalyq qarap tekserýdi júrgizýdiń negizgi mindetteri:
1) jol qozǵalysyna qatysýshy kólik quraldarynyń tehnıkalyq jaı-kúıiniń osy Qaǵıdalardyń 31-tarmaǵynda belgilengen talaptarǵa sáıkestigin baǵalaý;
2) kólik quraldarynyń tehnıkalyq jaı-kúıiniń osy Qaǵıdalardyń 32-tarmaǵynda belgilengen talaptarǵa sáıkessizdigi saldarynan týyndaǵan jol-kólik oqıǵalarynyń aldyn alý;
3) kólik quraldaryn paıdalaný qaýipsizdigin qamtamasyz etý jáne kólik quraldaryn paıdalanýdyń qorshaǵan ortaǵa zııandy áserin tómendetý;
4) kólik quraldarynyń bar bolýy boıynsha jáne tehnıkalyq jaı-kúıi boıynsha statıstıkalyq taldaý bolyp tabylady.
2. Mindetti tehnıkalyq qarap tekserýdi
uıymdastyrý tártibi
5. Mindetti tehnıkalyq qarap tekserý operatorymen kólik quralynyń tirkelgen orny men kólik quraly ıesiniń turatyn ornyna qaramastan, tehnıkalyq qarap tekserýdiń stasıonarlyq jáne (nemese) utqyr jelilerin paıdalana otyryp júrgiziledi.
6. Kólik quraldarynyń mindetti tehnıkalyq qarap tekserýin ótkizýdi tehnıkalyq qarap tekserý operatorlary tizilimge qosylǵan kúnnen bastap tehnıkalyq qarap tekserýdi júzege asyra beredi.
7. Tehnıkalyq qarap tekserý operatorlary jarııa shart negizinde erkin nysanynda qyzmet kórsetedi.
8. Kólik quraldarynyń ıeleri:
1) kólik quralynyń tirkelgen jerine jáne óziniń turǵylyqty jerine (turǵylyqty ornyna) qaramastan, mindetti tehnıkalyq qarap tekserýden ótý úshin tehnıkalyq qarap tekserý ortalyǵyn derbes tańdaıdy;
2) mehanıkalyq kólik quraldaryn jáne olardyń tirkemelerin mindetti tehnıkalyq qarap tekserýden ótkizýdiń kezeńdiligimen bekitilgen mindetti tehnıkalyq qarap tekserýdi ótkizý merziminiń sheginde mindetti tehnıkalyq qarap tekserýden ótý ýaqytyn derbes anyqtaıdy;
3) Qazaqstan Respýblıkasynyń zańnamasyna sáıkes mindetti tehnıkalyq qarap tekserýden ótýdi jeke nemese ózderiniń ókilderi arqyly júzege asyrady;
4) tehnıkalyq qarap tekserý operatorlaryna tehnıkalyq qarap tekserý operatorlary belgilegen tarıf sheginde mindetti tehnıkalyq qarap tekserý ótkizý qyzmetteri úshin tólem júrgizedi.
9. Mindetti tehnıkalyq qarap tekserýden ótý úshin kólik quralynyń ıesi tehnıkalyq qarap tekserý operatoryna kólik quralyn jáne kólik quralyn memlekettik tirkeý týraly kýáligin usynady.
10. Kólik quraldary ıeleriniń qujattaryn qabyldaýǵa arnalǵan úı-jaı mynalar kórsetilgen aqparattyq stendileri bar kólik quraldary ıeleri úshin qoljetimdi jerde jabdyqtalady:
1) tehnıkalyq qarap tekserý operatorynyń jumys rejımi;
2) tehnıkalyq qarap tekserý operatorynyń qyzmet óńiri;
3) qyzmet óńirinde mindetti tehnıkalyq qarap tekserýden ótkizý kestesi;
4) kórsetiletin qyzmetterdiń túrleri men erekshelikteri;
5) kóliktik baqylaý organynyń baılanys telefondary;
6) tehnıkalyq qarap tekserý operatorynyń tarıfteri;
7) tehnıkalyq qarap tekserý operatorynyń baılanys telefondary.
11. Tehnıkalyq qarap tekserý operatory kólik quraldary ıesiniń ótinishi boıynsha kólik quraldaryn mindetti tehnıkalyq qarap tekserýden ótkizý kezinde oryndalatyn jumystarǵa qatysty málimetterdi habarlaıdy.
12. Tehnıkalyq qarap tekserý operatory:
1) mindetti tehnıkalyq qarap tekserýdi ótkizý jónindegi jumystardy oryndaý prosesinde osy Qaǵıdalarda jáne Qazaqstan Respýblıkasynyń ózge de normatıvtik quqyqtyq aktilerinde belgilengen talaptardy saqtaıdy;
2) tehnıkalyq qarap tekserý ortalyqtarynyń aýmaǵy jáne óndiristik úı-jaıynyń «Jol júrisi týraly» 2014 jylǵy 17 sáýirdegi Qazaqstan Respýblıkasynyń Zańy 91-babynyń 1-tarmaǵy 1) tarmaqshasynyń talaptaryna sáıkestigin qamtamasyz etedi;
3) mindetti tehnıkalyq qarap tekserýdi ótkizý quny jáne merzimi týraly kóliktik baqylaý organyna málimet usynady;
4) mindetti tehnıkalyq qarap tekserýden ótkizý nátıjeleri boıynsha mehanıkalyq kólik quraldaryn jáne olardyń tirkemelerin mindetti tehnıkalyq qarap tekserýdiń biryńǵaı aqparattyq júıesine málimetter usynady.
13. Tehnıkalyq qarap tekserý operatorlaryna:
1) kólik quralyn memlekettik tirkeý týraly kýáliktiń derekterine sáıkes kelmeıtin, ýákiletti organmen kelisilmeı aýystyrylǵan nómirlik agregattary (shassı, shanaq) bar, sondaı-aq normatıvtik quqyqtyq aktilermen belgilengen talaptar buzyla otyryp, memlekettik tirkeý nómiri belgileri joq, sonymen qatar avtokólik quraldarynyń qaýipsizdigi salasyndaǵy talaptaryn buzyp qaıta jabdyqtalǵan kólik quraldaryn mindetti tehnıkalyq qarap tekserýden ótkizýge;
2) mindetti tehnıkalyq qarap tekserýdi ótkizýden negizsiz bas tartýǵa;
3) mindetti tehnıkalyq qarap tekserýden ótkizý merziminiń buzylýyna baılanysty mindetti tehnıkalyq qarap tekserýdi ótkizý sharttaryn ózgertýine;
4) kólik quralynyń ıesinen mindetti tehnıkalyq qarap tekserýdi ótkizýge baılanysty qosymsha syıaqyny talap etýine jol berilmeıdi.
14. Kólik quraldaryn mindetti tehnıkalyq qarap tekserýden ótkizý ýaqyty 30 mınýttan aspaıdy.
15. Tehnıkalyq qarap tekserý operatorlary qyzmet óńiri sheginde kólik quraldaryn mindetti tehnıkalyq qarap tekserýden ótkizýdi qamtamasyz etedi.
16. Astanada, respýblıkalyq jáne oblystyq mańyzy bar qalalarda mindetti tehnıkalyq qarap tekserý tehnıkalyq qarap tekserýdiń tek stasıonarlyq jelilerimen júzege asady.
17. Tehnıkalyq qarap tekserý operatory jergilikti atqarýshy organdarmen kelisý boıynsha qyzmet óńiri sheginde kólik quraldarynyń mindetti tehnıkalyq qarap tekserýdi ótkizý úshin shyǵý kestesin Qazaqstan Respýblıkasy Investısııalar jáne damý mınıstriniń 2015 jylǵy 27 aqpandaǵy № 248 buıryǵyna (Qazaqstan Respýblıkasynyń normatıvtik quqyqtyq aktilerdi tirkeýdiń memlekettik tiziliminde № 9658 bolyp tirkelgen) sáıkes ázirleıdi.
18. Tehnıkalyq qarap tekserý operatorynyń mindetti tehnıkalyq qarap tekserýdi ótkizýden bas tartýyna:
1) kólik quraly ıesiniń kólik quralyn memlekettik tirkeý týraly kýálikti usynbaýy;
2) ıesiniń kólik quralyn usynbaýy;
3) kólik quralyn memlekettik tirkeý týraly kýáliktiń derekterine sáıkes kelmeıtin, nómirlik agregattary (shassı, shanaq) ýákiletti organmen kelisilmeı aýystyrylǵan kólik quralyn mindetti tehnıkalyq qarap tekserýge usyný;
4) memlekettik tirkeý nómiri belgileri joq kólik quraldaryn mindetti tehnıkalyq qarap tekserýge usyný negizder bolyp tabylady.
19. Osy Qaǵıdalardyń 18-tarmaǵynda kórsetilgen mindetti tehnıkalyq qarap tekserýdi ótkizýden bas tartý negizderiniń eń bolmasa (bir jáne odan da kop) biri anyqtalǵan jaǵdaıda tehnıkalyq qarap tekserý operatory kólik quraly ıesiniń suraýy boıynsha ol týraly 15 mınýttyń ishinde jazbasha túrde habarlaıdy.
3. Mindetti tehnıkalyq qarap
tekserýdi ótkizý tártibi
20. Kólik quraldarynyń mindetti tehnıkalyq qarap tekserýy tehnıkalyq qarap tekserý operatorlarynyń stasıonarlyq jáne (nemese) utqyr jelilerinde júzege asyrylady.
21. Mindetti tehnıkalyq qarap tekserýdi júzege asyrý kezinde Qazaqstan Respýblıkasynyń 2004 jylǵy 9 qarashadaǵy «Tehnıkalyq retteý týraly» jáne 2000 jylǵy 7 maýsymdaǵy «О́lshem birligin qamtamasyz etý týraly» Zańdaryna sáıkes baqylaý-dıagnostıkalyq jabdyq qoldanylady.
22. Baqylaý-dıagnostıkalyq jabdyq kedergiden qorǵaý jelisi arqyly jalǵaspaly arna boıynsha ólshengen derekterdi avtomattandyrylǵan túrde berýdi qamtamasyz etetin biryńǵaı sıfrly hattama jóninde mindetti tehnıkalyq qarap tekserý jelileriniń biryńǵaı basqarý júıesine biriktiriledi.
23. Baqylaý-dıagnostıkalyq jabdyqtyń quramyna mynadaı jabdyqtar kiredi:
1) rolıktik tejeýish stendisi;
2) lıýftomer;
3) gaz analızator jáne tútin ólshegish;
4) jaryq faryn tekserýdiń elektrondyq aspaby;
5) rýlmen basqarý jáne ilgishtiń detaldarynda lıýftilerdi tekserý testileri.
24. Kólik quraldarynyń sanatyna baılanysty kólik quraldarynyń tejeýishtin basqarýyn tekserý mynadaı roliktik tejeýish stendilerinde júrgiziledi:
1) N3 jáne 04 sanattary úshin bilikke túsetin barynsha júktemesi 16 tonnadan kem emes;
2) M2, M3, N2, O3 sanattary úshin bilikke túsetin barynsha júktemesi 10 tonnadan kem emes;
3) M1, N1, 02 sanattary úshin bilikke túsetin barynsha júktemesi 2 tonnadan kem emes;
4) L3, L4, L5 sanattary úshin 1 dońǵalaqqa túsetin barynsha salmaq 0,6 tonna.
25. Barlyq tejeýish stendileriniń sanattaryna mynalar kiredi:
1) ornatylǵan ólsheý júıesi;
2) tejeýish júıesiniń tıimdiligin tekserý múmkindigi;
3) avtomobıldiń barlyq túrleri úshin pedaldy kúsheıtý ólshegish datchıgi;
4) kólik quraldarynyń tejeýish júıesindegi qysymnyń túsýin pnevmatıkalyq jetekpen ólsheý múmkindigi;
5) avtomobıl tejeýish júıesiniń iske qosylǵan ýaqytyn tejeýish júıesiniń pnevmatıkalyq jetegimen ólsheý múmkindigi.
26. Gaz analızator jáne tútin ólshegishter mynalardy qamtıdy:
1) SO jáne SN gaz analızator;
2) Lambda koeffısıentin ólsheý;
3) dızeldi qozǵaltqyshtyń tútin deńgeıin ólsheý.
27. Jaryq faryn tekserýdiń elektrondyq aspaby mynalardy qamtıdy:
1) farlardyń barlyq túrin tekserý;
2) jaryq kúshin tekserý.
28. Aqaýly jáne (nemese) belgilengen merzimde tekserýden ótpegen baqylaý-dıagnostıkalyq jabdyqty paıdalanýǵa jol berilmeıdi.
29. Tehnıkalyq qarap tekserý operatorlary kólik quraldarynyń mindetti tehnıkalyq qarap tekserýden ótkizýdi kólik quraldaryn mindetti tehnıkalyq qarap tekserýden ótkizýdiń tehnologııalyq prosesterine sáıkes júzege asyrady.
Kólik quraldaryn mindetti tehnıkalyq qarap tekserýden ótkizýdiń tehnologııalyq prosesi árbir stasıonarlyq jáne utqyr tehnıkalyq qarap tekserý jelileri úshin anyqtalǵan ádisterin jáne kólik quraldary men olardyń quramdas bólikteriniń tehnıkalyq jaı-kúıiniń osy Qaǵıdalarmen belgilengen talaptarǵa sáıkestigin tekserý rettiligin qamtıdy.
30. Mindetti tehnıkalyq qarap tekserý ótkizý eki kezeńdi qamtıdy: daıyndyq jáne negizgi.
31. Mindetti tehnıkalyq qarap tekserýdi ótkizýdiń daıyndyǵy kezeńinde:
1) kólik quralynyń markasy, modeli jáne modıfıkasııasy anyqtalady;
2) kólik quralynyń túsi anyqtalady;
3) tirkeý belgileriniń bar bolýy tekseriledi;
4) kólik quralynyń konstrýksııasyna engizilgen ózgeristerdiń bolýy anyqtalady;
5) alynǵan qorytyndylar kólik quralynyń memlekettik tirkeý týraly kýáliginiń derekterimen salystyrylady (salǵastyrylady).
32. Mindetti tehnıkalyq qarap tekserýdiń negizgi kezeńi jıyntyqqa qatysty tekserýden, paıdalaný qaýipsizdiginiń jekelegen qasıetterin sıpattaıtyn parametrlerdiń shekti mánderin, jekelegen quramdas bólikterdiń tozyǵyn (aqaýlaryn) paıdalanýda ruqsat etilgen shekteýlerdi, jumys qabilettiligi kórsetkishteriniń shekti yqtımal nasharlaýyn, avtokólik quraldarynyń konstrýksııalaryn ózgertýdiń ruqsat etilgen shegin shekteýdi sıpattaıtyn normalardy, onyń ishinde:
1) tejeýishti basqarýdy:
tejeýish júıesiniń jumys isteý tıimdiligin;
turaqta turý tejeýish júıesiniń jumys isteý tıimdiligin;
bloktaýǵa qarsy tejeýish júıeleri sıgnalızatorlarynyń jumys isteýi (kólik quralynyń konstrýksııasymen kózdelgen jaǵdaıda);
tejeýish júıeleriniń elementteriniń jaı-kúıi jáne tejeýish jeteginiń tumshalanýy;
2) rýldi basqarýdy:
rýl tetiginiń jáne ony bekitetin karterdiń, rýl jeteginiń, rýl dóńgeleginiń jáne rýl kolonkasynyń mehanıkalyq jaı-kúıi men jumys isteýi;
jalpy lıýfti;
3) kórý:
kórý aıasy;
áınekterdiń jaı-kúıi;
artqy kórý aınasynyń jaı-kúıi jáne bekitilýi;
áınek tazalaǵyshtar;
áınek jýǵyshtar;
4) syrtqy jaryq aspaptarynyń, kózdi shaǵystyrǵyshtar men elektr jabdyǵynyń sany, ornalasýy, tústeri, kórý buryshtary, jaı-kúıi, jumys isteýi jáne sıpattamalary:
alys jáne jaqyn faralar;
aldyńǵy jáne artqy gabarıttik (búıir) ottary, búıir sıgnaldyq shamdary;
tejeýish sıgnaldary;
burý siltegishteri;
aldyńǵy jáne artqy tumanǵa qarsy faralary;
artqa júrý shamdary;
artqy nómirlik belgini jaryqtandyratyn kishkene lampalary;
avarııalyq sıgnalızasııa (kólik quralynyń konstrýksııasymen kózdelgen jaǵdaıda);
5) dóńgelekter, shınalar men aspalar:
shınalar bujyrtabanynyń tozýy jáne zaqymdalýy;
aspa elementteriniń jáne olardy bekitkishterdiń (ressorlar, amortızatorlar, aspa ıintiregishiniń, sharnır elementteriniń) mehanıkalyq jaı-kúıi;
dońǵalaqtardyń dıskileri men qursaýlarynyń jaı-kúıi, olar bekitiletin elementterdiń bar bolýy;
6) shassı men shassıge agregattar men toraptardy bekitý elementteriniń ahýaly men qyzmet atqarýy:
tútin tútikteri men tunshyqtyrǵyshtardyń kólik quralynyń (tek avtobýstarǵa, shaǵyn avtobýstarǵa jáne taksıge qatysty) salony men kabınasynda zııandy zattardyń bolýy;
tirkeý qurylǵylarynyń edenniń (tek avtobýstarǵa, shaǵyn avtobýstarǵa jáne taksıge qatysty);
júrgizýshi men jolaýshylar oryndyqtarynyń, jylytý, kondısıonerleý jáne jeldetpe júıesiniń eńbekke qabilettiligi, (tek avtobýstarǵa, shaǵyn avtobýstarǵa jáne taksıge qatysty);
bamperlerdiń, shashyraýdan qorǵaýǵa arnalǵan qurylǵylardyń jaı-kúıi men jumys isteýi;
7) ózge de jabdyqtyń:
balalarǵa arnalǵan ustaý qurylǵylary men olardy bekitý oryndary olardyń bolǵan kezinde, dybystyq sıgnaldyń, spıdometrdiń jaı-kúıin men jumys isteýi;
mynalardyń bolýy:
qaýipsizdik beldikteriniń,
órt sóndirý quraldarynyń;
avarııalyq toqtaý belgileriniń;
alǵashqy medısınalyq kómek kórsetýge arnalǵan dári-dármek qobdıshasynyń;
8) qorshaǵan ortaǵa áser etetin faktorlar:
paıdalanylǵan gazdar;
janarmaıdyń jáne paıdalanylatyn suıyqtyqtardyń aǵýy (motorlyq jáne transmıssııalyq maı, tejeýish, gıdravlıkalyq jáne sýytatyn suıyqtyq).
9) «Avtomobıl kóligi týraly» Qazaqstan Respýblıkasynyń Zańy 13 babynyń 23-7) tarmaqshasyna sáıkes bekitilgen qaýipti júkterdiń tasymaldaýyn júzege asyratyn kólik quraldaryna usynylǵan qaýipti júkterdiń tasymaldaý qaǵıdalaryndaǵy talaptarǵa sáıkestikteri;
33. Mindetti tehnıkalyq qarap tekserýdi ótkizýdiń negizgi kezeńinde kólik quralynyń bólikterin ajyratýsyz jáne alyp tastaýsyz oryndalady.
34. Tirkemeler men jartylaı tirkemelerdiń tehnıkalyq jaı-kúıi avtopoezd quramynda da, aǵytylǵan jaı-kúıinde de (tartym-tirkeme qurylǵysy men tejegish bloktaýynyń jaramdylyǵyn baqylaý úshin) tekseriledi.
35. Mindetti tehnıkalyq qarap tekserýdi júrgizý nátıjeleri boıynsha tehnıkalyq qarap tekserý operatory osy Qaǵıdalarǵa qosymshaǵa sáıkes nysan boıynsha tehnıkalyq qarap tekserýdiń dıagnostıkalyq kartasyn (budan ári - dıagnostıkalyq karta) jasaıdy.
Kólik quralyn mindetti tehnıkalyq qarap tekserýden ótkizý nátıjeleri biryńǵaı dıagnostıkalyq kartaǵa qalyptastyrylady.
36. Dıagnostıkalyq kartaǵa tehnıkalyq qarap tekserý operatorynyń basshysy nemese osyǵan ýákilettik berilgen tulǵa qol qoıady, tehnıkalyq qarap tekserý operatorynyń mórimen bekitiledi jáne kólik quralynyń ıesine beriledi.
37. Dıagnostıkalyq kartany toltyrýdy tehnıkalyq qarap tekserý operatory mindetti tehnıkalyq qarap tekserýdiń biryńǵaı aqparattyq júıesimen ózara is-áreketin júzege asyratyn mamandandyrylǵan baǵdarlamalyq jasaqtamada elektrondyq túrde júrgizedi.
38. Stasıonarlyq jáne utqyr tehnıkalyq qarap tekserý jelileri mindetti tehnıkalyq qarap tekserýdi júrgizý nátıjeleri týraly aqparatty qalyptastyrý, saqtaý jáne berý úshin mindetti tehnıkalyq qarap tekserýdiń biryńǵaı aqparattyq júıesimen ózara is-áreketin júzege asyratyn mamandandyrylǵan baǵdarlamalyq qamtamasyz etetin baǵdarlamalyq-apparattyq keshenmen jabdyqtanady.
39. Mindetti tehnıkalyq qarap tekserýdiń biryńǵaı basqarý júıesi ortalyqtandyrylǵan, sondaı-aq biryńǵaı sıfrlyq hattama boıynsha biriktirilgen jáne mynadaı talaptarǵa sáıkes keledi:
1) baqylaýlyq-dıagnostıkalyq jabdyqty basqarý úshin belgilengen baǵdarlamalyq jasaqtamanyń bolýy;
2) sıfrlyq hattama negizinde jumys isteıdi;
3) resmı jáne (nemese) memlekettik tilderdegi ınterfeısi bolady.
40. Baǵdarlamalyq-apparattyq keshen kompıýterlik jabdyqpen kólik quralynyń bekitý quralynan turady.
Kólik quralynyń tejeýish júıesin tekserý foto bekitilgen rolıktik tejeýish stendisimen qamtamasyz etiledi. Foto bekitý quraly rolıktik tejeýish stendisinde memlekettik tirkeý nómirlik belgisi jáne avtomobıldiń aldyńǵy biligi ornalasýymen bir mezgildi sholýmen qamtamasyz etedi.
Mindetti tehnıkalyq qarap tekserýden ótkizý tehnologııalyq úderisi beıne bekitý quralymen tirkeledi. Beıne quraly barlyq tehnıkalyq qarap tekserý jelisi ornalasýymen bir mezgildi sholýmen qamtamasyz etedi.
Tehnıkalyq qarap tekserýdiń operatory kólik quraldarynyń tekserý barlyq rásimin kún saıynǵa beıne faıly jazbasynyń muraǵattyq saqtalýyn 3 jyl ishinde qamtamasyz etedi.
41. Mindetti tehnıkalyq qarap tekserýdi júrgizý nátıjeleri boıynsha mamandandyrylǵan baǵdarlamalyq qamtamasyz etý arqyly mindetti tehnıkalyq qarap tekserýdiń biryńǵaı aqparattyq júıesine kólik quralynyń ıesi, kólik quraly, mindetti tehnıkalyq qarap tekserýdi júrgizý nátıjeleri, berilgen dıagnostıkalyq kartalar týraly aqparat beriledi.
42. Eger kólik quralyn mindetti tehnıkalyq qarap tekserýden ótkizý nátıjeleri boıynsha aqaýlar jáne kólik quraly men onyń tirkemelerin paıdalanýǵa jol berilmeıtin jaǵdaılar anyqtalmasa, mindetti tehnıkalyq qarap tekserý ótkizildi dep sanalady.
Bul jaǵdaıda kólik quraly ıesine mindetti tehnıkalyq qarap tekserýden ótýdiń belgilengen merzimdiligine sáıkes kelesi mindetti tehnıkalyq qarap tekserýden ótý merzimi kórsetile otyryp, tehnıkalyq qarap tekserýdiń dıagnostıkalyq kartasy beriledi.
43. Eger mindetti tehnıkalyq qarap tekserýden ótkizý nátıjeleri boıynsha aqaýlar jáne kólik quraldary men olardyń tirkemelerin paıdalanýǵa jol berilmeıtin jaǵdaılar anyqtalsa, mindetti tehnıkalyq qarap tekserý ótkizilmedi dep tanylady.
Bul jaǵdaıda kólik quraly ıesine tehnıkalyq qarap tekserýdiń dıagnostıkalyq kartasy aqaýlary kórsetile otyryp beriledi.
44. Kólik quralyn paıdalanýǵa jol berilmeıtin anyqtalǵan aqaýlar men sharttar joıylǵannan keıin kólik quralynyń ıesi ony mindetti tehnıkalyq qarap tekserýdi qaıta júrgizý úshin usynady.
45. Kólik quralyn qaıta mindetti tehnıkalyq qarap tekserý birinshi mindetti tehnıkalyq qarap tekserý júrgizilgen tehnıkalyq qarap tekserý ortalyǵynda ne ózge tehnıkalyq qarap tekserý ortalyǵynda júrgiziledi.
46. Mehanıkalyq kólik quralyn jáne onyń tirkemelerin alǵashqy mindetti tehnıkalyq qarap tekserý ótkizilgen tehnıkalyq qarap tekserý ortalyǵynda qaıta tehnıkalyq qarap tekserýden ótkizý kezinde tehnıkalyq qarap tekserý belgilengen krıterıılerge saı bolmaǵan jáne tehnıkalyq qarap tekserýdiń dıagnostıkalyq kartasynda kórsetilgen pozısııalar boıynsha ǵana júrgiziledi.
Bul jaǵdaıda tólem qaıtadan tekseriletin pozısııalardy teksergeni úshin ǵana alynady.
Eger mindetti tehnıkalyq qarap tekserýden qaıta ótkizilgen tekserýdiń nátıjesi boıynsha kólik quraldaryn paıdalanýǵa jol berilmeıtin jaǵdaıda jaı-kúıi jáne aqaýlyq anyqtalmasa, mindetti tehnıkalyq qarap tekserýden ótti dep eseptelinedi.
Bul jaǵdaıda kólik quralynyń ıesine mindetti tehnıkalyq qarap tekserýden ótkizý kezeńdilik merzimi bekitilgen erejege sáıkes mindetti tehnıkalyq qarap tekserýdiń kelesi ótý merzimi kórsetilgen dıagnostıkalyq karta beriledi.
47. Tehnıkalyq qarap tekserý operatorlaryna kólik quralynyń ıesine qaıta mindetti tehnıkalyq qarap tekserýdi júrgizýden bas tartýǵa ruqsat etilmeıdi.
48. Kólik quraly ıesiniń mindetti tehnıkalyq qarap tekserýdi júrgizý kezinde aqaýlardy anyqtaǵannan keıin qaıta mindetti tehnıkalyq qarap tekserýge usynýynyń eń uzaq merzimi birinshi mindetti tehnıkalyq qarap tekserý ótkizilgen kúnnen bastap kúntizbelik on kúndi quraıdy.
Kúntizbelik on kún ótkennen keıin kólik quralynyń jaı-kúıin osy Qaǵıdada belgilengen talaptarǵa sáıkestigine tekserý jalpy negizderde júzege asyrylady.
49. Eger qaıta mindetti tehnıkalyq qarap tekserý júrgizý kezinde buryn anyqtalǵan jáne dıagnostıkalyq kartada kórsetilgen, kólik quralyn paıdalanýǵa jol berilmeıtin aqaýlar men sharttar joıylmaǵany belgilense, dıagnostıkalyq karta jasalady, onda qaıta mindetti tehnıkalyq qarap tekserý nátıjeleri kórsetiledi.
50. Belgilengen mindetti tehnıkalyq qarap tekserýden ótý kezeńdiligine sáıkes kelesi mindetti tehnıkalyq qarap tekserýden ótý merzimi kórsetilgen dıagnostıkalyq karta joǵalǵan nemese búlingen kezde kólik quralynyń ıesi joǵalǵan nemese búlingen dıagnostıkalyq kartanyń ornyna dıagnostıkalyq kartany berý týraly ótinishpen tehnıkalyq qarap tekserý operatoryna júginedi.
Tehnıkalyq qarap tekserý operatory 15 mınýttyń ishinde kólik quralyn mindetti tehnıkalyq qarap tekserýden ótkizbeı buzylǵan nemese joǵalǵan dıagnostıkalyq kartanyń ornyna dıagnostıkalyq karta berýdi júzege asyrady.
Buzylǵan nemese joǵalǵan dıagnostıkalyq kartanyń ornyna dıagnostıkalyq karta buzylǵan nemese joǵalǵan dıagnostıkalyq kartanyń jaramdylyq merzimine beriledi.
Kólik quralynyń menshik ıesi men memlekettik tirkeý nómirlik belgisi ózgergen jaǵdaıda kólik quralyn tirkeý orny boıynsha jol júrisi qaýipsizdigin qamtamasyz etý jónindegi ýákiletti organnyń tirkeý bólimshesi kólik quralyn memlekettik tirkeý týraly kýáligin jáne/nemese memlekettik tirkeý nómirlik belgisin berý kezinde bir ýaqytta mindetti tehnıkalyq qarap tekserýden ótkeni týraly dıagnostıkalyq kartaǵa jáne mindetti tehnıkalyq qarap tekserýdiń biryńǵaı aqparattyq júıesi tıisti ózgeristerdi engizýdi júrgizedi.
51. Tehnıkalyq qarap tekserý operatorynyń tehnıkalyq qarap tekserýdiń stasıonarlyq jelileriniń kólik quraldaryn mindetti tehnıkalyq qarap tekserýdi júrgizýi boıynsha aqparaty mindetti tehnıkalyq qarap tekserýdiń biryńǵaı aqparattyq júıesine mynadaı merzimdilikpen beriledi:
1) tehnıkalyq qarap tekserýdiń stasıonarlyq jelisi úshin - kún saıyn naqti ýaqyt tártibinde;
2) tehnıkalyq qarap tekserýdiń utqyr jelisi úshin – kúntizbelik eki kún ishinde bir ret.
Mehanıkalyq kólik quraldaryn jáne olardyń tirkemelerin mindetti tehnıkalyq qarap tekserýdi uıymdastyrý jáne júrgizý qaǵıdalaryn, mehanıkalyq kólik quraldaryn jáne olardyń tirkemelerin mindetti tehnıkalyq qarap tekserýden ótkizýdiń kezeńdiligin bekitýge qosymsha
№ ___ tehnıkalyq qarap tekserýdiń dıagnostıkalyq kartasy
Certificate of periodic technical inspection
Betki jaǵy
Tehnıkalyq qarap tekserý operatory (operatordyń ataýy men mekenjaıy):
Bastapqy tekserý Qaıtalap tekserý Dıagnostıkalanatyn kólik quralynyń fotosýreti
Memlekettik tirkeý nómiriniń belgisi:
Kólik quralynyń ıesi
Sáıkestendirý nómiri (VIN):
Markasy, modeli:
Shyǵarylǵan jyly:
Kólik quralynyń tirkelý kýáligi (serııasy, nómiri):
Shanaq nómiri:
Rama nómiri:
Qozǵaltqyshynyń nómiri:
Kólik quralynyń sanaty:
№ Tekseriletin parametrleri jáne qoıylatyn talaptar № Tekseriletin parametrleri jáne qoıylatyn talaptar № Tekseriletin parametrleri jáne qoıylatyn talaptar
I. Tejegish júıeleri 13 Retteý buryshtary men farlar jaryǵy kúshiniń qoıylatyn talaptarǵa sáıkestigi 26 Aspa túıinderi men bólshekteriniń jaı-kúıi, sondaı-aq olar bekitiletin jerlerde qozǵalystyń (konstrýksııamen kózdelmegen) jáne lıfterdiń bolmaýy
1 Jumys tejegish júıesi is-qımylynyń tıimdiligi kórsetkishteriniń sáıkestigi 14 Jaryq aspaptary shashyratqyshtarynyń buzylýlary men jaryqshaqtarynyń bolmaýy VI. Qozǵaltqysh jáne onyń júıeleri
2 Tejegish kúshter aıyrmashylyqtarynyń belgilengen talaptarǵa sáıkestigi III. Kórinis 27 Kólik quraldarynyń paıdalanylǵan gazdaryndaǵy lastandyrǵysh zattardyń belgilengen talaptarǵa sáıkestigi
3 Turýdaǵy tejegish júıesi is-qımyldarynyń tıimdiligi kórsetkishteriniń sáıkestigi 15 Jelqaǵar áınektiń áınek tazalaǵyshtarynyń bolýy jáne jumys qabilettiligi 28 Paıdalanylǵan gazdardyń tútindegishtiginiń shekti ruqsat etilgen deńgeıiniń belgilengen talaptarǵa sáıkestigi
4 Bloktaýǵa qarsy tejegish júıeleri sıgnalbergishiniń jumys isteýi 16 Jelqaǵar áınektiń áınek jýǵyshtary forsýnkalarynyń bolýy jáne áınek jýǵyshtyń áınek jýý aımaǵyna suıyqtyq berýdi qamtamasyz etýi 29 Otyn tamýynyń jáne paıdalaný suıyqtyqtarynyń tamshylaýynyń bolmaýy
5 Tejegish jeteginiń germetıkasy buzylýynyń, qysym túsken tejegish shlangterdiń isinýiniń, jaryqshaqtardyń, ysqylanǵan jerlerdiń, germetıkanyń joǵalýyna nemese qıraý qaýpin tóndiretin totyǵýdyń bolmaýy 17 Júrgizýshi ornynan kórinisti shekteıtin qosymsha zattardyń nemese jamylǵylardyń bolmaýy. Jelqaǵar áınektiń joǵarǵy bóligindegi plenka jolaǵynyń belgilengen talaptarǵa sáıkestigi 30 Gazben jumys isteıtin kólik quraldarynyń germetıkalyq júıesiniń buzylýlarynyń bolmaýy. Gaz ballondarynyń belgilengen talaptarǵa sáıkestigi
6 Tejegish suıyqtyqtarynyń tamýynyń bolmaýy 18 Jelqaǵar áınektiń, aldyńǵy búıirlik áınektiń jáne aldyńǵy esikter áıneginiń jaryq ótkizý normasyna sáıkestigi VII. Konstrýksııanyń basqa elementteri
II. Rýldik basqarý 19 Júrgizýshi jaǵynan áınek tazalaǵyshpen áınektiń jartysyn tazalaý aımaǵynda jelqaǵar áınekte jaryqshaqtyń bolmaýy 31 Dybystyq sıgnal berý aspabynyń jumys qabilettiligi
7 Rýldik basqarýda shekti mánderden jıyntyq lıýftyń artýynyń bolmaýy 20 Belgilengen talaptarǵa sáıkes artqy kórinis aınasynyń bolýy jáne jaı-kúıi 32 Bir ostik tirkemelerde (tarqatýdy qospaǵanda) jáne jumys tejegish júıelermen jabdyqtalmaǵan tirkemelerde jumysqa qabiletti saqtandyrǵysh qural-saımandardyń bolýy
8 Rýldik basqarý kúsheıtkishi bar rýldik dońǵalaqtyń beıtarap jaǵdaıdan ózdiginen burylýynyń bolmaýy V. Shınalar, dońǵalaqtar jáne aspalar 33 Avtomatty qulyptyń, ershikti-ilinis qurylǵysynyń qoldyq jáne avtomattyq bloktaýynyń jumys qabilettiligi
9 Rýldik baǵannyń jáne rýldik mehanızm karteriniń bekitý bólshekteriniń zaqymdanýynyń bolmaýy jáne tolyq jınaqtalymy 21 Shına bujyrtabandary sýretiniń bıiktiginiń belgilengen talaptarǵa sáıkestigi 34 Kólik quralyn jaramdy qaýipsizdik belbeýlerimen jaraqtaý
10 Qaldyq deformasııa izderiniń, rýldik mehanızmde jáne rýldik jetekte jaryqshaqtar men basqa da aqaýlardyń bolmaýy 22 Kordty jalańashtaıtyn bujyrtabannyń jergilikti ajyraýy jáne shınanyń jergilikti zaqymdanýlary (tesilýi, kesilýi, jyrtylýy) bolmaýy 35 Tunshyqtyrǵyshtardyń jáne tútin tútikteriniń bolýy
36 Spıdometrdiń jumys qabilettiligi
IV. Syrtqy jaryqtyq aspaptary 23 Dońǵalaq dıskileri men qursaýlary bekitpesiniń barlyq burandamalary men somyndarynnyń bolýy 37 Bamperlarynyń jáne dońǵalaq ústiniń lastanýdan qorǵaý qurylǵylarynyń bolýy jáne jaı-kúıi
11 Konstrýksııada kózdelgen oryndarda farlardyń, sıgnal fonarlarynyń bolýy jáne ornalasýy 24 Dońǵalaq dıskileri men qursaýlarynda jaryqshaqtyń bolmaýy 38 Salon edeninde jaryqshaqtardyń bolmaýy, oryndyqtardyń senimdi bekitilýi, avtobýstarda, shaǵyn avtobýstarda jáne taksıde oryndyqtardyń retteý mehanızmderiniń jáne bekitpeleriniń jumys qabilettiligi, jylytý, jeldetpe júıesiniń eńbekke qabilettiligi,
12 Farlardyń jáne sıgnaldyq fonarlardyń jaı-kúıi, jumys qabilettiligi jáne jumys rejımi 25 Belgilengen talaptarǵa sáıkes kólik quralyna shınalardy ornatý 39 Balalarǵa arnalǵan ustaý qurylǵylary men olardy bekitý oryndarynyń jaı-kúıi men jumys isteýi. Belgilengen talaptarǵa sáıkes keletin avarııalyq aıaldaý belgisiniń, órtsóndirgishterdiń jáne medısınalyq qobdıshanyń bolýy
40 Qaýpti júkterdiń tasymaldaýyn júzege asyrǵan kólik quralyna qoıylǵan talaptaryna sáıkestigi
Ekinshi jaǵy
Dıagnostıkalaý nátıjeleri
Sáıkessizdik anyqtalǵan parametrlerdi tekserý Dıagnostıkalyq karta pýnkti
Tómengi shekara Tekserý nátıjesi Joǵarǵy shekara Parametr ataýy
Sáıkessizdik anyqtalǵan parametrlerdi vızýaldy tekserý
Tekserý zattary (torap, bólshek, agregat) Talaptarǵa sáıkessizdik mazmuny
Kólik quralynyń derekteri
Júktemesiz massa: Ruqsat etilgen eń kóp massa:
Otyn túri: Júrisi:
Jol qaýipsizdigi talaptaryna sáıkestilik /
sáıkessizdik týraly qorytyndy (qajet emesi syzyp tastalsyn) sáıkes keledi
matches sáıkes kelmeıdi
does not match
Qaıtalap tekserýdi talap etetin dıagnostıkalyq karta pýnktteri:
Dıagnostıkalyq kartanyń berilgen kúni:
«____» _____ 20___ j. Tehnıkalyq sarapshynyń T.A.Á:
(ol bolǵan jaǵdaıda) Qoly:
Kelesi mindetti tehnıkalyq qarap tekserýden ótý merzimi: «_____» 20____ j.
(aıy)
Kólik quralynyń ıesinyń jáne
(nemese) memlekettik tirkeý nómirlik belgisiniń ózgerýi Kólik quralynyń ıesi:
MO_________________
Kúni_______________
Memlekettik tirkeý nómirlik belgisi:
Qazaqstan Respýblıkasy Investısııalar jáne damý mınıstriniń mindetin atqarýshy
2015 jylǵy 26 naýryzdaǵy №329 buıryǵyna 2-qosymsha
Mehanıkalyq kólik quraldaryn jáne olardyń tirkemelerin mindetti
tehnıkalyq qarap tekserýden ótkizýdiń kezeńdiligi
1. Jol júrisi qaýipsizdigin qamtamasyz etý jónindegi ýákiletti organda tirkelgen mehanıkalyq kólik quraldaryn jáne olardyń tirkemelerin mindetti tehnıkalyq qarap tekserýden ótkizý tehnıkalyq qarap tekserý ortalyqtarynda, shyqqan jylyn qosa alǵanda, shyǵarylǵanyna jeti jyldan aspaǵan jáne avtomobıl kóligi salasyndaǵy kásipkerlik qyzmette paıdalanylmaıtyn M1 sanatyndaǵy kólik quraldaryn qospaǵanda, mynadaı kezeńdilikpen júrgiziledi:
1) árbir 12 aı saıyn – shyǵarylǵan jylyn qosa alǵanda, 7 jyl jáne odan asatyn;
2. Adamdardy tasymaldaý úshin jabdyqtalǵan avtobýstar, shaǵyn avtobýstar jáne taksıler, sondaı-aq júk avtomobılderi menshik nysanyna jáne shyǵarylǵan jylyna qaramastan, mindetti tehnıkalyq qarap tekserýden árbir alty aı saıyn ótedi.
3. Qaýipti júkterdi tasymaldaýǵa arnalǵan jáne jabdyqtalǵan avtokólik quraldary menshik nysanyna jáne shyǵarylǵan jylyna qaramastan, mindetti tehnıkalyq qarap tekserýden árbir alty aı saıyn ótedi.
4. Júk avtomobılderi jáne olarǵa tirkemeler menshik nysanyna jáne shyǵarylǵan jylyna qaramastan, mindetti tehnıkalyq qarap tekserýden árbir 12 aı saıyn ótedi.
5. Mehanıkalyq kólik quraldarynyń jáne olardyń tirkemeleriniń budan keıingi mindetti tehnıkalyq qarap tekserýden ótý merzimi 1, 2, 3 jáne 4-tarmaqtarda kórsetilgen kezeńdilikke sáıkes bastapqy mindetti tehnıkalyq qarap tekserýden ótý kúninen bastap esepteledi.
Buıryq Qazaqstan Respýblıkasynyń Ádilet mınıstrliginde 2015 jylǵy 12 maýsymda Normatıvtik quqyqtyq kesimderdi memlekettik tirkeýdiń tizilimine №11333 bolyp engizildi.