2016 jylǵy 26 shilde, Astana qalasy
Qazaqstan Respýblıkasy Prezıdentiniń 2016 jylǵa arnalǵan stıpendııasyn
joǵary oqý oryndary boıynsha bólý týraly
«Qazaqstan Respýblıkasy Prezıdentiniń stıpendııasyn taǵaıyndaý týraly» Qazaqstan Respýblıkasy Prezıdentiniń 1993 jylǵy 5 naýryzdaǵy № 1134 qaýlysynyń 4-tarmaǵyna sáıkes, Normatıvtik quqyqtyq aktiler tiziliminde №13712 bolyp tirkelgen, «Qazaqstan Respýblıkasy Prezıdentiniń 2016 jylǵa arnalǵan stıpendııasyn bólý týraly» Qazaqstan Respýblıkasy Bilim jáne ǵylym mınıstriniń mindetin atqarýshynyń 2016 jylǵy 13 sáýirdegi № 269 buıryǵyn iske asyrý maqsatynda, buıyramyn:
1. Qosa berilip otyrǵan Qazaqstan Respýblıkasy Prezıdentiniń 2016 jylǵa arnalǵan stıpendııasyn joǵary oqý oryndary boıynsha bólý bekitilsin.
2. Qazaqstan Respýblıkasy Mádenıet jáne sport mınıstrligi Bilim, ǵylymı jumys jáne halyqaralyq yntymaqtastyq departamenti (D.Bolathanuly) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde tólnusqasyna tolyq sáıkes keletin onyń grafıkalyq formattaǵy kóshirmelerin «Ádilet» aqparattyq-quqyqtyq júıesinde resmı jarııalaý úshin joldaýdy;
3) osy buıryq memlekettik tirkelgennen keıin kúntizbelik on kún ishinde osy buıryqqa qol qoıýǵa ýákiletti tulǵanyń elektrondyq sıfrlyq qoltańbasymen kýálandyrylǵan elektrondy jáne qaǵaz túrindegi kóshirmelerin resmı jarııalaý úshin, Qazaqstan Respýblıkasy normatıvtik quqyqtyq aktileriniń etalondyq baqylaý bankine, Qazaqstan Respýblıkasynyń Normatıvtik quqyqtyq aktileriniń memlekettik tizilimine engizý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
4) resmı jarııalanǵannan keıin kúntizbelik on kún ishinde osy buıryqty Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrýdy;
5) osy tarmaqta kózdelgen is-sharalar oryndalǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine is-sharalardyń oryndalýy týraly málimetterdi usynýdy qamtamasyz etsin.
3. Qazaqstan Respýblıkasy Mádenıet jáne sport mınıstrligi Ekonomıka jáne qarjy departamenti (A.Doshodjaeva) qosymshada kórsetilgen bólýge sáıkes joǵary oqý oryndaryna qarjy jylyna respýblıkalyq bıýdjette qarastyrylǵan qarajattar sheginde 2016 jylǵy kezeńge tóleýdi qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasynyń Mádenıet jáne sport vıse-mınıstrine júktelsin.
5. Osy buıryq alǵashqy resmı jarııalanǵan kúninen keıin qoldanysqa engiziledi.
Qazaqstan Respýblıkasy Mádenıet jáne sport mınıstri A.MUHAMEDIULY
Qazaqstan Respýblıkasy Mádenıet jáne sport mınıstriniń
2016 jylǵy 26 shildedegi №217 buıryǵymen bekitilgen
Qazaqstan Respýblıkasy Prezıdentiniń 2016 jylǵa arnalǵan stıpendııasyn
joǵary oqý oryndary boıynsha bólý
№ Joǵary oqý oryndarynyń ataýy Stýdentterge arnalǵan stıpendııa
1 Qurmanǵazy atyndaǵy Qazaq ulttyq konservatorııasy 4
2 Qazaq ulttyq óner ýnıversıteti 4
3 T.K.Júrgenov atyndaǵy Qazaq ulttyq óner akademııasy 4
Barlyǵy: 12
Buıryq Qazaqstan Respýblıkasynyń Ádilet mınıstrliginde 2016 jylǵy 25 tamyzdaǵy Normatıvtik quqyqtyq kesimderdi memlekettik tirkeýdiń tizilimine №14144 bolyp engizildi.