2016 jylǵy 13 qańtar , Astana qalasy
Qazaqstan Respýblıkasy Ishki ister mınıstrliginiń áskerı, arnaýly oqý
oryndarynda oqýlyq basylymdary men oqý-ádistemelik keshenderdi daıyndaý, saraptaý, synamaqtan ótkizý, basyp shyǵarý jáne olarǵa monıtorıng júrgizý jónindegi jumystardy uıymdastyrý qaǵıdalaryn bekitý týraly
«Bilim týraly» 2007 jylǵy 27 shildedegi Qazaqstan Respýblıkasy Zańy 5-1-babynyń 8) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasy Ishki ister mınıstrliginiń áskerı, arnaýly oqý oryndarynda oqýlyq basylymdary men oqý-ádistemelik keshenderdi daıyndaý, saraptaý, synamaqtan ótkizý, basyp shyǵarý jáne olarǵa monıtorıng júrgizý jónindegi jumystardy uıymdastyrý qaǵıdalary bekitilsin.
2. Qazaqstan Respýblıkasy Ishki ister mınıstrliginiń Kadr jumysy departamenti (A.Ú.Ábdiǵalıev):
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde Qazaqstan Respýblıkasy Normatıvtik quqyqtyq aktileriniń etalondyq baqylaý bankine engizý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásiporynǵa joldaýdy;
4) osy buıryqty Qazaqstan Respýblıkasy Ishki ister mınıstrliginiń ınternet-resýrsynda ornalastyrýdy;
5) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde osy tarmaqtyń 1), 2), 3) jáne 4) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Ishki ister mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń birinshi orynbasary polısııa general-leıtenanty M.Ǵ. Demeýovke júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótkennen soń qoldanysqa engiziledi.
Mınıstr polısııa general-polkovnıgi Q.QASYMOV
Qazaqstan Respýblıkasy Ishki ister mınıstriniń 2016 jylǵy 13 qańtardaǵy №22 buıryǵymen bekitilgen
Qazaqstan Respýblıkasy Ishki ister mınıstrliginiń áskerı, arnaýly oqý oryndarynda oqýlyq basylymdary men oqý-ádistemelik keshenderdi daıyndaý, saraptaý, synamaqtan ótkizý, basyp shyǵarý jáne olarǵa monıtorıng júrgizý jónindegi jumystardy uıymdastyrý qaǵıdalary
1. Jalpy erejeler
1. Osy Qazaqstan Respýblıkasy Ishki ister mınıstrliginiń áskerı, arnaýly oqý oryndarynda oqýlyq basylymdary men oqý-ádistemelik keshenderdi daıyndaý, saraptaý, synamaqtan ótkizý, basyp shyǵarý jáne olarǵa monıtorıng júrgizý jónindegi jumystardy uıymdastyrý qaǵıdalary (budan ári – Qaǵıdalar) «Bilim týraly» 2007 jylǵy 27 shildedegi Qazaqstan Respýblıkasy Zańynyń (budan ári – «Bilim týraly» Zań) 5-1-babynyń 8) tarmaqshasyna sáıkes ázirlendi.
2. Qaǵıdalar Qazaqstan Respýblıkasy Ishki ister mınıstrliginiń áskerı, arnaýly oqý oryndarynda (budan ári – IIM bilim berý uıymdary) oqýlyq basylymdary men oqý-ádistemelik keshenderdi daıyndaý, saraptaý, synamaqtan ótkizý, basyp shyǵarý jáne olarǵa monıtorıng júrgizý jónindegi jumysty uıymdastyrý tártibin aıqyndaıdy.
3. Qaǵıdalarda mynadaı termınder men anyqtamalar qoldanylady:
1) avtor – shyǵarmashylyq eńbegimen shyǵarma, ǵylymı zertteý, ónertabys, oqý jáne/nemese ádistemelik materıaldardy jasaǵan jeke tulǵa;
2) avtorlyq ujym – birlesken avtorlar retinde jınaqtalǵan jeke tulǵalar toby;
3) oqýlyq basylymdary men oqý-ádistemelik keshenderdi synamaqtan ótkizý – IIM bilim berý uıymdaryndaǵy oqytý prosesinde oqýlyq basylymdary men oqý-ádistemelik keshenderdi paıdalaný praktıkasyn keshendi zerdeleý;
4) oqýlyq basylymdary men oqý-ádistemelik keshenderge monıtorıng júrgizý – oqýlyq basylymdary men oqý-ádistemelik keshenderdi IIM bilim berý uıymdarynyń oqý prosesine engizý nátıjeleri boıynsha aqparatty jınaqtaý, saqtaý, óńdeý jáne taratý;
5) oqýlyq basylymy – oqý prosesinde naqty bilim berý (oqý) baǵdarlamasy boıynsha qoldanýǵa arnalǵan basylym;
6) oqý-ádistemelik keshen – bilim alýshylardyń oqý pánderiniń mazmunyn meńgerýin qamtamasyz etýge baǵyttalǵan jekelegen oqý jáne ádistemelik materıaldardyń jıyntyǵy.
2. Oqýlyq basylymdary men oqý-ádistemelik keshenderdi daıyndaý tártibi
4. Oqýlyq basylymdary men oqý-ádistemelik keshenderdi daıyndaýdy avtor (avtorlyq ujym nemese ázirleýshiler) Qazaqstan Respýblıkasy Úkimetiniń 2012 jylǵy 23 tamyzdaǵy №1080 qaýlysymen bekitilgen Memlekettik jalpyǵa birdeı bilim berý standarttaryna (budan ári – MJBS), oqý páni (pánderi) boıynsha úlgilik oqý josparlary men úlgilik oqý baǵdarlamalaryna (budan ári – Úlgilik oqý josparlary men baǵdarlamalary) sáıkes júzege asyrady.
5. Avtor (avtorlyq ujym, ázirleýshiler) oqýlyq basylymdary men oqý-ádistemelik keshenderdi daıyndaýdy mynadaı talaptardy eskere otyryp, júzege asyrady:
1) oqý páni (pánderi) boıynsha neǵurlym ózekti bilimdi engizý;
2) usynylǵan oqý jáne ádistemelik materıaldardyń shynaıylyǵy;
3) bilim alýshylar kontıngentin (bilim berý baǵdarlamasynyń túrin eskere otyryp) esepke alý;
4) oqý materıaly mazmunynyń kásibı, praktıkalyq baǵyttylyǵy.
6. Oqýlyq basylymdary avtorlyq ujymynyń quramyna ǵalymdar, ǵylymı qyzmetkerler, oqytýshylar, oqýlyq basylymynyń beıini boıynsha oqytýshy-ádiskerler kiredi.
7. Oqý-ádistemelik keshenderdi daıyndaý tıisti kafedralarda (sıklderde) júzege asyrylady.
8. Oqý-ádistemelik keshender kafedrada (sıklde) oqý jyly bastalǵanǵa deıin ázirlenedi.
9. Avtordyń (avtorlardyń) resenzent jasaǵan eskertýlerge (eger bolsa) sáıkes daıyndaǵan jáne óńdegen qoljazbalary men alǵan resenzııalary IIM bilim berý uıymynyń kafedra (sıkl, fakýltet, ınstıtýt) otyrysynda talqylanady.
10. Oqýlyq basylymdarynyń nemese oqý-ádistemelik keshenderdiń jobalaryn kafedra (sıkl, fakýltet, ınstıtýt) otyrysynda qaraý nátıjeleri boıynsha mynadaı sheshimderdiń biri qabyldanady:
oqýlyq basylymyn nemese oqý-ádistemelik keshenin oqý-ádistemelik (ǵylymı) keńeste talqylaý jáne maquldaý úshin usyný;
oqýlyq basylymyn nemese oqý-ádistemelik keshenin oqý-ádistemelik (ǵylymı) keńeste talqylaý jáne maquldaý úshin usynbaý.
11. Kafedralar (sıklder) oqý-ádistemelik keshendi oqý prosesin ońtaılandyratyn, pánderdi oqytý erekshelikterin sıpattaıtyn ádistemelik qujattardyń ózge de túrlerimen tolyqtyrady.
12. Eger kafedra (sıkl) oqýlyq basylymyn usyný týraly sheshim qabyldaǵan jaǵdaıda avtor(lar) ony oqý-ádistemelik (ǵylymı) keńeske qaraý úshin joldaıdy. Oqý-ádistemelik (ǵylymı) keńes otyrysqa deıin oqýlyq basylymyna saraptaý júrgizedi. Qaraý nátıjeleri boıynsha oqý-ádistemelik (ǵylymı) keńes oqýlyq basylymyn basyp shyǵarýǵa jáne oqý prosesinde qoldanýǵa usynady nemese bas tartady.
13. Oqý-ádistemelik (ǵylymı) keńes oqýlyq basylymyn basyp shyǵarý týraly sheshim qabyldaǵan kezde oqýlyq basylymy redaksııalyq-baspa jumysyn uıymdastyrý bólimine (bólinisine) redaksııalaý jáne betteý úshin beriledi. Redaksııalyq jumystan keıin oqýlyq basylymy baspahanaǵa tırajdaý úshin beriledi.
3. Oqýlyq basylymdary men oqý-ádistemelik keshenderge saraptaý júrgizý tártibi
14. Oqýlyq basylymdary men oqý-ádistemelik keshenderdi saraptaý olardyń mazmunynyń MJBS talaptaryna, úlgilik oqý josparlary men baǵdarlamalaryna, ǵylymı zertteýlerge, bilim alýshylardy oqytý, damytý maqsattaryna, psıhologııalyq-pedagogıkalyq ǵylymnyń qazirgi kezdegi talaptaryna sáıkestigin baǵalaý maqsatynda júzege asyrylady.
15. Oqýlyq basylymdaryn saraptaýdy oqý-ádistemelik (ǵylymı) keńes oqýlyq basylymy daıyndalǵan saladaǵy maman bolyp tabylatyn, ǵylymı ataǵy bar professorlyq-oqytýshylyq quram qatarynan taǵaıyndaǵan sarapshy ótkizedi.
16. Sarapshylardyń qorytyndysy (qupııalylyq rejımin jáne oqý pánderine sáıkestigin saqtaý boıynsha) negizinde oqý-ádistemelik (ǵylymı) keńes oqýlyq basylymyn basyp shyǵarýǵa jáne oqý prosesine engizýge usynady nemese bas tartady.
17. Avtor (avtorlyq ujym nemese ázirleýshi) oqý-ádistemelik (ǵylymı) keńeske oqýlyq basylymyn qaraý jáne maquldaý týraly baıanatty (ótinimdi) joldaıdy, onda tıtýl paraqqa sáıkes avtory (avtorlar, ázirleýshi), ataýy, basylymnyń tili, jyly kórsetiledi.
Baıanatqa (ótinimge):
1) kafedra (sıkl) otyrysy hattamasynan úzindi;
2) avtor (avtorlyq ujym, ázirleýshi) týraly málimet;
3) basyp shyǵarylǵan jáne elektrondyq nusqadaǵy qoljazba;
4) oqýlyq basylymyna túsindirme jazba;
5) eki resenzııa – ishki jáne syrtqy;
6) erkin túrdegi ornatý jónindegi nusqaýlyq jáne paıdalanýshylarǵa arnalǵan basshylyq (elektrondyq oqýlyq basylymdary úshin) qosa beriledi.
Jańadan daıyndalǵan oqýlyq basylymdaryna túsindirme jazbada negizgi tujyrymdamalyq ıdeıalar, ázirleýdiń ózektiligi, MJBS, úlgilik oqý baǵdarlamasy talaptaryn iske asyrý, qaıta basyp shyǵarylatyn oqýlyq basylymdary úshin – avtor (avtorlyq ujym, ázirleýshi) engizgen ózgerister men tolyqtyrýlar bolýy tıis.
18. Bir oqýlyq basylymyna saraptaý kúntizbelik alpys kúnge deıin uıymdastyrylady jáne júrgiziledi.
19. Saraptaý qorytyndysynda mynadaı sheshimderdiń biri kórsetiledi:
1) basyp shyǵarýǵa jáne oqý prosesinde qoldanýǵa usynylady;
2) basyp shyǵarýǵa usynylmaıdy.
20. Avtor (avtorlyq ujym, ázirleýshi) saraptaý nátıjesimen kelispegen jaǵdaıda oqýlyq basylymdaryna qosymsha saraptaý júrgiziledi.
21. Oqý prosesinde qoldanýǵa jáne basyp shyǵarýǵa usynylmaǵan oqýlyq basylymyn avtor (avtorlyq ujym, ázirleýshi) pysyqtap, eskertýlerdi joıǵannan keıin qaıta saraptaýǵa usynady.
22. Ekinshi ret qaıtarylǵan oqýlyq basylymy aǵymdaǵy jyldyń ishinde saraptaýǵa qabyldanbaıdy.
23. Oqý-ádistemelik keshenderdi saraptaý kafedralardyń birlesken ádistemelik otyrystarynda júrgiziledi.
4. Oqýlyq basylymdary men oqý-ádistemelik keshenderdi synamaqtan ótkizý jáne
olarǵa monıtorıng júrgizý tártibi
24. Jańadan ázirlengen oqýlyqtardy, oqý, oqý-ádistemelik quraldardy synamaqtan ótkizý bir oqý jyly ishinde júrgiziledi.
25. Synamaqtan ótkizý oqýlyq basylymyn odan ári oqý prosesine engizý maqsatynda júrgiziledi, ol tıisti engizý aktisinde kórsetiledi.
26. Jańadan daıyndalǵan oqý-ádistemelik keshendi (nemese onyń jekelegen elementterin) synamaqtan ótkizý keminde bir oqý jylynda júrgiziledi, merzim aıaqtalǵan soń oqý-ádistemelik keshendi nemese onyń jekelegen elementterin oqý prosesine engizý aktisi resimdeledi.
27. Barlyq bilim berý deńgeıleri boıynsha oqýlyq basylymdaryna monıtorıngti oqý-ádistemelik bólinis (ortalyq, bólim):
1) oqýlyq basylymdary men oqý-ádistemelik keshenderdiń sapasyn jaqsartý;
2) IIM bilim berý uıymdarynyń oqý prosesin oqý ádebıetterimen qamtamasyz etý jáne oqý prosesine engizý deńgeıin taldaý maqsatynda júrgizedi.
28. Oqý-ádistemelik keshenderge monıtorıng júrgizýdi kafedra (sıkl) jáne oqý-ádistemelik bólinis (ortalyq, bólim) olardyń sapasyn jáne oqý prosesinde paıdalanýdyń tıimdiligin jaqsartý maqsatynda júrgizedi.
29. Oń tájirıbeni engizý maqsatynda IIM bilim berý uıymdary ózderiniń oqýlyq basylymdarymen almasýdy odan ári oqý prosesine engize otyryp júzege asyrady.
5. Oqýlyq basylymdaryn basyp shyǵarý tártibi
30. Oqýlyq basylymdaryn basyp shyǵarý saraptamanyń oń qorytyndysy jáne oqý-ádistemelik (ǵylymı) keńestiń uıǵarymy negizinde IIM bilim berý uıymynyń nemese avtordyń (avtorlyq ujymnyń, ázirleýshiniń) qarajaty esebinen júzege asyrylady.
31. IIM bilim berý uıymynyń baspahanasynda basyp shyǵarý úshin oqýlyq basylymy redaksııalyq-baspa jumysyn uıymdastyrý bólinisi qalyptastyratyn jyl saıynǵy basylymdardyń taqyryptyq josparyna engiziledi.
32. Avtor (avtorlyq ujym, ázirleýshi) túzetilgen, tolyqtyrylǵan, qaıta óńdelgen, qaıta qaralǵan, aýdarylǵan basylymdy qaıta basyp shyǵarýdy júzege asyrady.
33. Oqý prosesin oqý-ádistemelik qamtamasyz etýdiń tıimdiligin arttyrý jáne professorlyq-oqytýshylyq quramnyń jumysyn yntalandyrý maqsatynda IIM bilim berý uıymy úzdik oqýlyq basylymyna konkýrs ótkizedi.
Buıryq Qazaqstan Respýblıkasynyń Ádilet mınıstrliginde 2016 jylǵy 19 aqpandaǵy Normatıvtik quqyqtyq kesimderdi memlekettik tirkeýdiń tizilimine №13135 bolyp engizildi.