...AVTOKО́LIKTER AÝDAN MURAǴATTARYNA
Muraǵat qoryn saqtaý jáne tolyqtyrý isi Qyzyljar óńirinde jaqsy jolǵa qoıylǵan. Ol jóninde muraǵattar men qujattamalar basqarmasy, jergilikti bólimsheler jetekshileri jáne qyzmetkerlerimen kezdesýde oblys ákimi Serik Bilálov atap ótti. Basqarma bastyǵy Rústem Bıkenev ulttyq muraǵat qoryn tolyqtyrý jáne saqtaý jaıyna jan-jaqty toqtalyp, atqarǵan isterdi saralap berdi. Ol óz sózinde oblystyń 4446 memlekettik muraǵat qorynda 1,3 mıllıonnan astam qujattyń saqtaýly turǵanyn, byltyr 42 myńǵa jýyq qujattyń memlekettik aınalymǵa alynǵanyn jetkizdi. Aýdandardaǵy muraǵat ǵımarattaryn jóndeýge «Jol kartasy» baǵdarlamasy boıynsha 64,5 mıllıon teńge jumsalǵan.
Serik Sultanǵazyuly muraǵattyń bir top qyzmetkerine qurmet gramotalaryn, alǵys hattar men aqshalaı syılyqtar tapsyrdy. Bes aýdannyń muraǵattaryna jeńil kólikter berildi.
О́mir ESQALI.
Soltústik Qazaqstan oblysy.
* * *
...BALABAQShAǴA BAǴALY SYILYQ
Sáni men sáýleti jáne túri men mazmuny kelisim tapqan 280 oryndyq mektepke deıingi balalar mekemesine «Nurbalapan» degen ataý berildi. Syńǵyrlaǵan sý jańa eńseli ǵımarat shalǵaıdaǵy Kaztalov aýdanynyń ortalyǵyna aıryqsha ajar berip tur. Atalǵan nysan qurylysyn Erjan Baqtııarov basqaratyn «Álim» JShS qurylysshylary júrgizgen.
Alys aýdandaǵy ata-analar men búldirshinderdiń qýanyshyna Batys Qazaqstan oblysynyń ákimi Baqtyqoja Izmuhambetov ortaqtasyp, jańa balabaqshaǵa óz atynan baǵaly syılyq tabys etti.
Temir QUSAIYN.
Batys Qazaqstan oblysy.
* * *
...«ID»-ORTALYQ AShYLDY
«Qazaqtelekom» AQ oblys ortalyǵy turǵyndaryna osyndaı bir zamanaýı úlgidegi baılanys túrin usyndy. Jańadan ashylǵan bul ortalyqtyń ereksheligi, baılanystyń kez-kelgen túri qoljetimdi. Munda ınteraktıvti telehabarlar kórýge múmkindik beretin «iD-TV», «iD-phone» atty jańa jeli, ǵalamtorǵa symsyz qosylatyn «Wi-Fi», ǵalamtordy emin-erkin aralatatyn «Megaline» baılanys qyzmeti bar. Mamandar da qasyńyzdan tabylady.
Elimizde jetinshi bolyp iske qosylǵan «ǵajaıyp» ortalyqtyń ashylýyna «Qazaqtelekom» AQ basqarma tóraǵasy Qýanyshbek Esekeev pen oblys ákimi Baqytjan Saǵyntaev qatysty.
Farıda BYQAI.
Pavlodar.