Júrekjardy tilekterin arnaıdy

Elbasy Nursultan Nazarbaevtyń atyna elimizdiń túkpir-túkpirinen júrekjardy tilekterin arnap, merziminen buryn saılaý ótkizý jónindegi sheshimine qoldaý bildirgen hattar men jedelhattar aǵylyp kelýde, dep habarlady Qazaqstan Respýblıkasy Prezıdentiniń baspasóz qyzmeti. Almaty qalasynan úndeý-hat joldaǵan jastar qoǵamdyq uı­ym­darynyń bir top jetekshileri men joǵary oqý oryn­da­rynyń stýdentteri: «Jastyq yntasyn, jigeri men kúsh-qaı­ratyn Qazaq­stannyń keleshek damýyna arna­ǵysy keletin Almaty qalasynyń jastary aty­nan Sizdiń saılaýǵa baı­la­nysty sheshimderińizdi shyn júrekten qoldaıtynymyzdy bil­dire otyryp, árqashanda Sizben birge ekenimizdi jetkizgimiz keledi», – dep jazady. Úndeýge «Zań­ǵar» shyǵarmashylyq bir­le­s­ti­gi­niń tóraǵasy A.Qy­ryq­baı, «Qa­lamger azamat» jas tilshiler qoǵamdyq qorynyń at­qa­rýshy dırektory E.Jaqypbaı, Qazaq­stan Jastar odaǵynyń tóraǵasy Á.Turdyǵulov jáne basqalar qol qoıǵan. Sondaı-aq, «Asyl Ana» áıelder birlestigi atynan jedelhat joldaǵan Astana tur­ǵyny Teńdik Sársekeeva men Atyraý óńirinen hat jazǵan J.Júkesova Prezıdentke to­laı­ym tabystar tileıdi. Hat joldaýshylardyń ishinde shet elderde turatyn qan­das­ta­ry­myz da bar. О́zbekstan Res­pýb­lı­kasynyń Tashkent ob­ly­sy­nan Ordabek Andahanov by­laı dep jazady: «Sizge Jambyl Ja­baev­tyń jasyndaı uzaq ǵumyr jáne myqty densaýlyq tileımin». Qaraǵandy oblysynan hat jazǵan bir top sportshy El­basyn qazaqstandyq sport­shy­lar­dyń 7-shi Qysqy Azııa oıyndaryndaǵy jarqyn jeńi­si­men quttyqtaıdy.