Úsh tilde shyrqalǵan

«Zaman-aı» áni halyqaralyq deńgeıge shyqty El táýelsizdiginiń nátıje­sin­de Qazaqstannyń ekonomı­ka­lyq sýbektileri ǵana emes, so­nymen qatar, óneri men máde­nıe­ti de halyqaralyq qoǵam­das­tyqqa keńinen tanymal bola bastaǵandyǵynyń kýásimiz. Jý­yq­ta Parlament Májilisiniń Tór­aǵasy Oral Muhamedjanov bastaǵan depýtattar delega­sııa­sy­nyń Japonııaǵa jasaǵan sa­pa­­ryn aqparattyq qoldaý maq­sa­tynda osy elde bolǵa­ny­myz­da, Hırosıma qalasynyń tur­ǵyn­dary qazaq­tyń kórnekti aqy­ny Ulyqbek Esdáýletovtiń «Zaman-aı» óle­ńi­ne jazylǵan sazger Tólegen Muhamedja­nov­tyń ánin jaqsy biletindigin baıqadyq. Bul ándi osy eldiń áıgili ánshisi Tomaka aǵyl­shyn, japon jáne qazaq tilderinde jıi shyrqaı­dy eken. «Zaman-aı» – Qazaqstandaǵy Semeı polıgonynyń qasiretine arnalyp shyǵarylǵan án. Al Hırosıma qalasynyń turǵyn­dary álemde alǵashqy bolyp onyń jan túrshigerlik zardabyn bastan ótkergen bolatyn. Bul qalada atalǵan oqıǵaǵa baı­la­nys­ty ıadrolyq qarýlarmen kúres qozǵalysy áli kúnge deıin belsendi sıpat alyp keledi. Osy másele jóninde jyl saıyn án men óner festıvalin ótkizip, oǵan álemniń ár elderinen ónerpazdar shaqyrý berik dástúrge engizilgen. «Zaman-aı» áni osy festıval­dyń negizgi uranyna aınalǵan. Bul ánniń sózi men sazynyń qudiretin jaqsy túsingen Japo­nııa­nyń ıadrolyq qarýlarǵa qarsy kúres qozǵalysynyń qatysý­shy­lary ózderiniń jetekshisi Keıchı Sasakıdiń usynysy negizinde ony kompakt-dıskige aǵylshyn, ja­pon, qazaq tilderinde basty­ryp shyǵaryp, halyq arasyna ke­ńinen taratýda. Osy oqıǵaǵa baı­lanysty jazylǵan óz habarynda Japonııanyń «Japon Taıms» gazeti «án 90-jyldary Qazaqstan dalasyndaǵy Semeı ıadrolyq po­lıgonyn jabý jóninde usynys ja­saǵan osy eldiń ıadrolyq qa­rýlarǵa qarsy kúres qozǵalysyna qa­ty­sýshylary shyrqaǵan nus­qadan aýdarylyp otyr. Japon ıadrolyq qarýlarǵa qarsy kúres qozǵalysynyń jetekshisi Keıchı Sasakı kompakt-dıskiniń ha­lyq arasynda tara­ty­lýy osy máselege oraı ún qosý­shy adam­dardyń halyq­aralyq yn­ty­maqtastyǵyn bekite túse­di dep esepteıdi», dep jazypty. Qazaqstannyń birinshi bo­lyp ıadrolyq polıgondy jap­qan el ekendigi qazirgi kúni ha­lyqaralyq qoǵamdastyqqa ke­ńi­nen tanymal bola bastady. О́tken jyly Elbasymyz Nur­sultan Nazarbaevtyń AQSh prezıdenti Barak Obamanyń arnaıy shaqyrýy boıynsha Vashıngtonda ótken ıadrolyq qa­rýsyzdaný máselesine arnalǵan sammıtke qatysýyn aqparat­tyq qoldaý maq­satynda osy elde bolǵa­nymyzda sammıtke qatysý­shy­lardyń, sonyń ishinde AQSh basshylyǵynyń bizdiń elge, onyń Prezıdentine erekshe qurmet kórsetkendiginiń kýási bolǵan edik. Sol tusta Qa­zaq­stannyń ıadrolyq qarý­syz­daný jónindegi usynys­tary sam­mıt­tiń bıik minberi arqyly keń dúnıege taraǵan bolatyn. Endi osy iske «Zaman-aı» áni de laıyqty úles qosady dep esepteımiz. Suńǵat ÁLIPBAI.