Jaqynda Astanada «Astana EKSPO-2017» halyqaralyq mamandandyrylǵan kórmesiniń komıssary Rápil Joshybaev Kosta-Rıka Syrtqy ister mınıstri Manýel Gonsales Sans bastaǵan osy el delegasııasymen kezdesti.
Kezdesý barysynda, taraptar ekijaqty yntymaqtastyq máselelerimen qatar, Kosta-Rıkanyń EKSPO-2017-ge qatysýy máselelerin talqylady.
Kosta-Rıka syrtqy saıasat vedomstvosynyń basshysy óz eli Úkimetiniń Astanadaǵy halyqaralyq kórmege qatysýǵa sheshim qabyldaǵanyn habarlady.
Al kórme komıssary R.Joshybaev EKSPO-2017 balamaly energetıka salasyndaǵy yntymaqtastyqty damytý úshin jaqsy tuǵyrnama qalaıtynyn atap ótti.
Osylaısha, «Astana EKSPO-2017» halyqaralyq mamandandyrylǵan kórme komıssary hatshylyǵynyń aqparatyna súıensek, Kosta-Rıka EKSPO-2017 kórmesine qatysatynyn resmı túrde qýattaǵan 98-shi el bolyp otyr. Budan bólek, búgingi kúnge deıin kórmege ózderiniń qatysatyndyqtaryn 17 halyqaralyq uıym qýattaǵan.
«Egemen-aqparat»