Jas memleket úshin úlken qurmet

Qazirgi álemdegi eń belsendi de be­deldi sammıttiń biri – G20 («Úlken jıyr­malyq»). Odan da myq­tysy ári qýattysy – G7 («Úlken jetilik»). Kerek de­seńiz, bul topqa sońǵy kezderi Re­seıdiń ózi de kirmeı qalǵan... Qytaı qazir tek qana eko­nomıkalyq qýatty memleket qana emes, ishki jıyntyq ónimderdiń kórsetkishinen Jer planetasynda birinshi, ekinshi oryndarda kele jatqan damý qarqyny óte tez el bolyp sanalady. Osydan birneshe jyl buryn ǵana joǵarydaǵy kórsetkishteri boıynsha jyldyq damýy 9 pa­ıyz edi, keıin 7,5 paıyz, qazir 6,9 paıyzdyń ústinde tur. Bir sarapshylarymyz osyǵan qarap Qytaıdyń ekonomıkalyq ósimi baıaýlap keledi deıdi, olaı emes, óıtkeni, bazalyq kórsetkish kóterilip, ósip keledi. Sońǵy biz meńzegen sıfr – qazirgi tańda fantastıkalyq kórsetkish bolyp sanalatynyn bilesiz be? Qytaıda jumys qoly kóp bolyp eseptelgenmen de eń joǵary ká­sibı tehnologııasy damyǵan memleket bolyp sanalady. Qytaı – dúnıe júzi­ne úlgi memleket. El­basymyz Nursultan Nazarbaev Qytaıda ótken G20 sammıtine Qytaı Halyq Res­pýb­lıkasynyń Tóraǵasy Sı Szınpınniń shaqyrýymen bardy. Bul – biz úshin, bizdiń jas memleketimiz úshin óte úlken abyroı. Úlken sammıtte ekono­mı­kalyq damýǵa qandaı sharttar kerek degen keleli áńgime qozǵaldy. Áńgimeniń toqeterinde bizdiń Prezıdentimiz «Alǵa damý úshin memleketter bir-birine bóget jasamaýy kerek» degen kókeıkesti oı tastady. Bul týraly Nursultan Nazarbaev Polshaǵa saparyn­da da batyl túrde atap aıtqan. Prezıdenttiń meńzegeni  bir memlekettiń ekinshi bir memle­ketke shekaradan taýar ótki­zerde qoldan jasalǵan kedergilerdiń joıylýy edi. Na­ryqtyq prınsıpterdi damytý úshin memleketter birine biri qolushyn berýi kerektigin eske saldy. Bul minberde qaýipsizdik máselesi de qamtyldy. Qazirgi Shyǵys Qytaı aımaǵynyń tez damýy jaǵynan kúlli álemge úlgi ekenin taǵy bir qaıtalap qoıaıyn. Qytaı ekonomıkasy ártaraptandyrýdan ótken, munaı men gazy bolmasa da satyp alǵan sýtegi qorymen-aq ekonomıkasyn qalypty túrde damytyp keledi. Túrikmenniń gazy Qazaqstan arqyly Qytaı asyp otyr. Qazaqstan arqyly jahandyq «Jibek joly» jobasynyń baǵdarlamalary oryndalýda. Qazaqstan eshqandaı da lańkestik toptardy qoldamaıdy. Onyń ústine, ózin álemge Or­ta­lyq Azııadaǵy birden-bir tirek memleket retinde tanytyp úlger­di de. Qazaqstannyń BUU Qaýip­sizdik Keńesine eki jyl múshe bolýy da bizdiń elimizge zor se­nim júkteıdi. Osynyń ózi biz­diń memleketimiz úshin óte úlken abyroı. Árıne, buǵan Qazaqstannyń sońǵy 25 jylda, Táýelsizdik alǵaly bergi kezeńdegi tirnektep jınaǵan bedelin qosyńyz! Nursultan Nazarbaevtyń jahan­dyq jıynǵa qurmetpen shaqy­rylyp, sóz sóıleýiniń túpki máni de osynda jatyr. Ázimbaı ǴALI, saıasattanýshy, tarıh ǵylymdarynyń doktory ALMATY