1 qyrkúıek – Bilim kúni Almaty oblysynda «Nurly jol» baǵdarlamasymen jańadan salynǵan úsh mektep – Ile, Eńbekshiqazaq jáne Kóksý aýdandarynda ashyldy.
Ile aýdany, Boraldaı kentinde ornalasqan 600 oryndyq jańa úlgidegi mektep osy aýyldaǵy úsh aýysymda oqytýdy joıýǵa múmkindik týǵyzdy. Bul mekteptiń qurylysyna Ulttyq qor men jergilikti bıýdjet qarajaty esebinen 1623,9 mln teńge jumsaldy.
Sondaı-aq úsh aýysymdy eski mekteptiń ornyna boı kótergen 300 oryndyq taǵy bir jańa mektep Eńbekshiqazaq aýdany, Azat aýylynda ashyldy. Nysannyń jalpy quny – 778,1 mln teńge. Mektep Ulttyq qor men jergilikti bıýdjetten qarjylandyryldy. Al Kóksý aýdany, Jambyl aýylynda ashylǵan jańa mektepte 120 oqýshy bilim alady. Bilim ordasy jergilikti bıýdjet qarajatyna salynǵan. Jalpy quny – 438, 4 mln teńge.
Nurbol ÁLDIBAEV