Ońtústik Qazaqstan oblysynda ruqsatsyz salynǵan qurylystar buzyldy. Bul týraly aımaqtyq kommýnıkasııalar qyzmetinde ótken baspasóz máslıhatynda aıtyldy.
Jyl basynan beri 1034 nysannyń qurylys montaj jumystaryna baqylaý jasalǵan.
«Basqarmanyń qurylys ınspektorlary oblystyń aýdan, qalalarynda salynyp jatqan qurylys nysandaryna 1453 ret tekserý jumystaryn júrgizip, anyqtalǵan kemshilikter boıynsha 587 nusqama berdi, kemshilikteri túzetildi. Sonymen qatar, ákimshilik quqyq buzýshylyq jóninde 329 hattama toltyrylyp, 242 qaýlymen 58,5 mln teńge ákimshilik aıyppul salyndy. Al zań talaptaryn buza otyryp salynǵan nysandar boıynsha sottyń qaraýyna 120 nysan jiberilip, sot sheshimimen 6,4 mln teńge aıyppul salyndy», dedi oblystyq memlekettik-sáýlet qurylys baqylaý basqarmasynyń basshysy Quttybek Jamashev.
Sonymen qatar, zań talaptaryn saqtamaı salynǵan 106 nysan boıynsha is sotqa joldanyp, onyń 32-sin buzý jóninde ókim shyqqan, 22 nysanǵa aıyppul salyndy.
Baqtııar TAIJAN