Ońtústik Qazaqstan oblysy Maqtaaral aýdanynyń jeti aýyldyq okrýginiń ákimderi qylmystyq áreketteri úshin qamaýǵa alyndy.
Sybaılas jemqorlyqqa qarsy qyzmettiń baspasóz ortalyǵy taratqan málimetke sáıkes, kúdiktiler «Balapan» jáne «2011-2020 jyldarǵa arnalǵan bilimdi damytý» memlekettik baǵdarlamalary boıynsha jasalyp jatqan jumystardan 100 mln teńgeden astam qarjy qymqyrǵan dep aıyptalýda.
Jeti aýyldyq okrýgtiń ákimderi balabaqsha meńgerýshilerimen kelise otyryp, bir balany birneshe baqshaǵa jazyp, ortadaǵy aıyrma aqshany bólisken.
Keıin qylmystary belgili bolyp qalǵanda jaýapkershilikten qutylý úshin sybaılas jemqorlyqqa qarsy qyzmet departament mamandaryna 3,5 mln teńge usynǵan.
Búginde olar Maqtaaral aýdandyq ishki ister bóliminiń ýaqytsha qamaý abaqtysynda otyr.
Baqtııar TAIJAN