El táýelsizdiginiń 25 jyldyǵyna oraı Astana qalasynyń densaýlyq saqtaý basqarmasy halyqty saýyqtyrý jáne aýrýlardyń aldyn alý boıynsha «25 izgi is» atty aksııa uıymdastyryp otyr. Bul is-shara qalanyń shalǵaı jatqan aýdandary men iri kásiporyndarda ótkizilmek. Jalpy praktıka boıynsha akýsher-gınekolog, hırýrg, oftalmolog, ÝDZ mamandarynyń, onkologtardyń qabyldaýlary uıymdastyrylady. Sonymen qatar qalalyq emhanalarda múgedekter men zeınetkerlerge arnalǵan «Ashyq esik» kúni ótedi. Munda qarııalarǵa aýrýdyń aldyn-alý sharalarynyń keńesteri usynylady.
2016 jyldyń 11 qyrkúıeginde «Otbasymyz – bizdiń álemimiz, bizdiń tynyshtyǵymyz, bizdiń bolashaǵymyz» atty otbasy kúnine arnalǵan is-shara ótkiziledi. Aksııanyń maqsaty – halyqtyń densaýlyǵyn jaqsartý, otbasyn josparlaý, ómirge deni saý urpaq ákelýge qatysty jaýapkershilikti qalyptastyrý.
Aıman MUQYShEVA