Elbasy týraly fılm Máskeýde kórsetildi

Keshe Reseı Federasııasynyń astanasy – Máskeý qalasynda Qazaqstan Respýblıkasynyń Prezıdenti  N.Á.Nazarbaevtyń ómiri men qyzmeti týraly rejısser S.Snejkınniń «Juldyzdar toǵysqanda» fılminiń kórsetilimi uıymdastyryldy. Sharaǵa Qazaqstan Mádenıet jáne sport mınıstri Arystanbek Muhamedıuly, Qazaqstannyń Reseıdegi Tótenshe jáne ókiletti elshisi Marat Tájın, Reseı Mádenıet mınıstri Vladımır Medınskıı, sonymen qatar, eki memlekettiń kórnekti mádenıet jáne óner qaıratkerleri qatysty. Elbasynyń ómiri men qyz­meti týraly fılmniń kórse­ti­limin Reseı Federa­sııasynyń Mádenıet mınıstr­ligi uıym­das­tyrdy. Mınıstr V.Medın­skıı­diń arnaıy sha­qy­rýy boıynsha shara­ǵa Qazaq­stan máde­nıet ve­dom­s­tvosynyń basshysy da qatysty. Fılm sıýjeti boıynsha Qa­­­zaqstan Prezıdenti onyń ómir­­­baıanyn jazý úshin kelgen aǵyl­­shyn jazýshysy Djeremı Vılsonmen kezdesedi. Alaıda, josparlanǵan suhbat jýrnalıst pen Elbasymyzdyń Qazaqstan boıynsha uzaq saparyna aınalyp ketedi. Vılson Qazaq elin aralap qana qoımaı, 1950, 1986, 1989, 1991 jyldardaǵy oqıǵalar týraly habardar bolady. El kartasyndaǵy kez kelgen jer Pre­zıdentimizdiń ómirinde erek­she oryn alady. Pýb­lısıst Nur­sultan Nazarbaev baıandaǵan oqı­­ǵa­­lardyń qatysýshysy men kýágerine aınalady. Fılmdegi basty tulǵa – Elba­sy rólin – qazaqstandyq tanymal akter Berik Aıt­janov somdady. Sonymen qatar, fılm­niń túsi­ri­li­mine Alekseı Gýskov, Igor Ýgolnıkov, Darıa Moroz, Hıý Freızer, Sergeı Garmash, Qarlyǵash Muhamedjanova jáne ózge akterlar qatysty. Eske sala ketsek, «Juldyzdar toǵysqanda» bıografııalyq dramasy Qazaqstan Prezıdenti Nursultan Nazarbaev týraly «Elbasy joly» kınodáýir­namasynyń jalǵasy bolyp tabylady. Fılmniń Qazaqstandaǵy tusaýkeseri ústimizdegi jyldyń 26 sáýirinde ótse, Reseıde alǵash ret ol Máskeý qalasynyń Kıno úıinde 16 mamyrda kórsetildi. Fılm kórsetilimi aıasynda V.Mıhaılov pen T.Mansu­rov­tyń «Nursultan Nazarbaev» kita­bynyń tusaýy kesilip, Qazaqstan Res­pýblıkasy Mádenıet jáne sport mınıstrligi men Reseı Fe­de­rasııasy Mádenıet mınıstrligi 2017-2019 jyldarǵa arnalǵan mádenıet salasyndaǵy yntymaqtastyq baǵdarlamasyna qol qoıdy. «Egemen-aqparat»