Toqaev belarýs telearnasyna suhbat berdi

Qazaqstan Parlamenti Senatynyń Tóraǵasy Qasym-Jomart Toqaev belarýstik «Stolıchnoe televıdenıe» (STV) telearnasyna suhbatynda eýrazııalyq yqpaldastyqtyń ózekti máseleleri, DSU jáne EQYU-men yntymaqtastyq, sondaı-aq Qazaqstan men Belarýs qatynastary týraly aıtty, dep habarlady osy palatanyń baspasóz qyzmeti. Q.Toqaevtyń pikirinshe, Eýrazııalyq ekonomıkalyq odaq qazirgi kezdegi halyq­ara­lyq qatynastardaǵy erekshe geoekonomıkalyq faktorǵa aı­naldy. Yqpaldastyqtyń qıyn­dyqtary týraly saýalǵa Senat basshysy yqpaldastyq úderis­teri zor kúsh-jigerdi jáne tıisti biliktilikti talap etetinin atap ótti. Memleket basshylarynyń saıası kúsh-jigeri, eń aldymen, saýda máseleleri boıynsha ýaǵ­da­lastyqtarda negizgi ról atqa­ratyny kúmánsiz ekeni aıtyldy. Joǵarǵy palatanyń bas­­shysy EAEO-nyń iske kiri­sýi­nen birden nátıje kútýge bolmaı­dy dep sanaıdy. «Biraq, prezı­dentter de, parlamentter de, árıne, bizdiń elderimizdiń ha­lyqtary da ekonomıkalyq jáne gý­manıtarlyq salalarda óte ty­ǵyz yqpaldastyqty qalaı­­dy. Kúrdeli geosaıası jaǵdaı­­dy esep­ke alǵanda, bul – negiz­gi másele», – dep atap ótti Q.Toqaev. Senat Tóraǵasy ekijaqty ynty­maqtastyq úshin de, aımaq­­tyq ekonomıkalyq yqpal­das­­tyqtyń ıgiligi úshin de Qazaq­stan men Belarýs Prezıdent­teri Nursultan Nazarbaev pen Aleksandr Lýkashenkonyń júı­eli kezdesýleriniń mańyzdy rólin atap ótti. «Eki eldiń basshylary jeke baılanystardy da, isker­lik baılanystardy da qol­dap otyrady, bir-birine zor qurmetpen qaraıdy. Bizdiń mem­leketterimizdiń arasyndaǵy yntymaqtastyqty damytý úshin bul óte jaqsy», – dedi Q.Toqaev. Belarýstiń Dúnıejúzilik saýda uıymyna kirýiniń kele­shegi týraly saýalǵa jaýap bere kelip, Tóraǵa Qazaq­stannyń bul úderiske barynsha yqpal etýge umtylatynyn jetkizdi. Q.Toqaev Belarýstegi par­la­menttik saılaý qarsańynda daýys berýge monıtorıng júr­gizý máseleleri boıynsha EQYU-men ózara is-qımyl týraly pikirimen de bólisti. «Men 2010 jyly Belarýs prezıdentin saılaýǵa baıqaýshy retinde qatystym, onyń qalaı ótkeni maǵan unady, sondyqtan men arnaıy málimdeme jarııa­lap, belarýs halqy óz tań­daýyn jasaǵany jáne ol tań­daýdy bizdiń bárimiz qurmet­teýimiz kerektigin aıttym. Jal­py, bizge EQYU-men yntymaq­tastyqty óristetý kerek. Bul – ámbebap uıym. Qazaqstanǵa qa­tysty aıtqanda, biz úshin ol basymdyqqa ıe. EQYU Parla­menttik Assambleıasy aıasynda belsendi jumys istep kelemiz. EQYU-daǵy belarýs dele­gasııasymen tyǵyz ári nátıjeli jumys isteýimiz kerek dep sanaımyn», – dedi Q.Toqaev.