Qatysý shartyna qol qoıdy

Jaqynda «Astana EKSPO-2017» halyqaralyq mamandandyrylǵan kórmesiniń komıssary Rápil Joshybaevtyń Latvııa Respýblıkasyna sapary bolyp ótti. Sapar sheńberinde onyń Latvııa Kólik mınıstri Ýldıs Aýgýlıspen, Latvııa Saýda-ónerkásip palatasynyń tóraǵasy, eldiń EKSPO-2017 kórmesine qatysýy úshin jaýapty ulttyq seksııa komıssary Iаnıs Endzınshpen, sondaı-aq, Latvııa isker toptarynyń jáne BAQ-tyń ókilderimen kezdesýleri boldy. Kezdesý barysynda R.Joshy­baev pen Iа.Endzınsh eki el ara­syn­daǵy ekijaqty ózara is-qımyl­dyń qazirgi jaǵdaıy men perspek­tıvalaryn, Latvııa úkimeti men jergilikti kompanııalardyń EKSPO-2017-ge «jasyl» tehnologııalar salasynda qatysý sharttaryn talqylady. Astanadaǵy kórmeniń taqyry­byn eskere kele, Iа.End­zınsh Lat­vııanyń 2020 jylǵa qaraı álemdegi eń «jasyl» el atanýǵa umtylyp otyr­ǵanyn habarlady. Latvııada jańǵyr­tylmaly energııa kózderiniń úlesi aqyrǵy tutyný úderisinde 37,1 paıyzdy qurap, Eýropalyq odaqta Shvesııadan keıingi (52,1 paıyz) eń joǵary ekinshi oryn bolyp tabylady. Latvııaǵa EO-nyń klımattyń ózgerýimen kúres salasyndaǵy maqsattarǵa qol jet­kizý boıynsha baǵdarlamasy sheń­berinde 755 mln eýro bólingen edi. Latvııa tarapy eldiń geo­gra­fııalyq ornalasýynyń basym­dyǵy men Latvııa kásiporyn­darynyń «jasyl» energetıka salasyndaǵy perspektıvaly jobalarynyń artyqshylyqtaryn atap kórsetedi. Osyǵan oraı Latvııa pavılony «Kezdesý orny – Latvııa: bizdiń tabıǵatymyzdaǵy energııa» dep atalatyn bolady. Saýda-ónerkásip palatasy tóraǵasynyń sózine qara­ǵanda, Latvııa Kórmelerdiń halyq­aralyq bıýrosynyń múshesi bolyp tabylmaıdy jáne EKSPO kórmelerine birneshe ret qana qatysqan. Al Astanadaǵy kórme­ge qatysýǵa kelisim berýin Lat­vııanyń Qazaqstanǵa qatysty joǵa­ry qyzyǵýshylyǵy men erekshe dostyq qarym-qatyna­syn bildiredi. Latvııa Qazaqstan Prezıdenti Nursultan Nazar­baevtyń «Jasyl kópir» bastamasyn maquldap, osy baǵ­darlama sheńberinde Áriptes­tik hartııasyna qol qoıǵan alǵashqy elderdiń biri bolyp tabylady. Kezdesý qorytyndysy boıynsha R.Joshybaev pen Iа.Endzınsh Latvııanyń EKSPO-2017-ge qa­tysatyny týraly shartqa qol qoıdy. «Egemen-aqparat»