...qoldaý kórsetedi
Olar máńgi jadymyzda
Qazaqstan Respýblıkasynyń Prezıdenti N.Á. Nazarbaevtyń Vashıngton qalasynda ótken Iаdrolyq qaýipsizdik jónindegi IV sammıtte jarııalaǵan «Álem. HHI ǵasyr» manıfesin ilgeriletýdi qamtamasyz etý maqsatynda Qazaqstan halqy Assambleıasy «Aq oramal» respýblıkalyq aksııasyn ótkizý bastamasymen Shetpedegi Qydyrbaı Júsipov atyndaǵy ortalyq parkte aýdandyq jastar ortalyǵynyń uıymdastyrýymen «Aq oramal» respýblıkalyq aksııasy ótkizildi. Sharaǵa jastar ortalyǵy mamandary men «Jasyl el» eńbek jasaqshylary, belsendi stýdentter qatystyryldy. «Aq oramaldyń» qazaq tarıhynda fılosofııalyq maǵynasy tereń. Birinshiden, aq tús – tazalyqtyń belgisi, adamnyń oıy men jan dúnıesiniń páktigin bildiredi. Bul adamzat ómiriniń negizi – ananyń aq sútiniń túsi. Bul – abyroıdyń, izgiliktiń, amanatqa adaldyqtyń belgisi.
Aksııanyń maqsaty – aýyldyń barsha azamattaryn «Aq oramal» aksııasyn ótkizýge qatystyrý arqyly olardyń etnostyq shyǵý tegine, áleýmettik, dinı erekshelikterine qaramastan «Álem. HHI ǵasyr» manıfesi ıdeıasyna ún qosý.
Lázzat ALHAMQYZY,
aýdandyq jastar ortalyǵynyń mamany
Mańǵystaý oblysy,
Mańǵystaý aýdany
...jaqsylyǵyn aıtady
Múgedekterge arnalǵan pansıonat
Qoǵamda múgedek jandardyń taǵdyryna beıjaı qaraı almaıtyn, olarǵa kórseter qamqorlyqtyń túrli jolyn qarastyryp jatqan azamattar bar. О́tken jyly jastarǵa arnalǵan bıznes josparǵa jobasyn usynyp «Startup «Bolashak» baıqaýynda 8 mln teńgeni jeńip alǵan Eldos Baıalyshbaev búginde óz kásibin ashyp, qarjysyn ıgerýde.
«Asar» pansıonaty elimizdiń emdik qasıeti bar shıpaly Alakól jaǵalaýynda oryn tepken. 30 adamǵa arnalyp jasalǵan pansıonat túrli aýrýlardy emdeýge, júıke júıesin qalypqa keltirýge, múgedek jandardyń aıaqtan turyp, júrip ketýine arnalyp jasalyp otyr.
Joba jetekshisi E.Baıalyshbaevtyń ózi jol apatynan zardap shegip arbaǵa tańylǵan. Taldyqorǵan óńiriniń týmasy Eldos Baıalyshbaev alǵashynda ózi qatarlas jandardyń aıaqtan tik turýyna jaǵdaı jasaý úshin «Asar» fıtnes klýbyn qolǵa alsa, endi «Asar» pansıonaty sonyń jemisi.
«Meniń jobam 200 jobanyń ishinen suryptalyp úzdik bolyp tanyldy. Múmkindigi shekteýli adamdarǵa ońaltý ortalyǵyn ashqym keldi. Bar armanym – múgedek jandardy aıaqtan tik turǵyzý úshin osy ortalyqtardy keńeıtý. Syrttan keletin emdelýshilerge jataqhana, dárigerler men psıhologtardyń sanyn arttyrý, júzý alańyn, jylqymen serýendeý sııaqty jobalardy qolǵa alǵym keledi. Bizdiń jańa jobamyzǵa arhıtektorlar kómektesti, ákim de kelisip, aýdannan bir jarym sotyq jer bólýge kelisimin berdi», – deıdi E.Baıalyshbaev. Eki jyl ishinde klýbta 220 adam ońaltý prosesinen ótkizilse, onyń 35-i aıaǵyna tik turǵan. Osylaısha, «Asar» pansıonaty atalǵan bastamanyń kelesi satysy bolmaq.
Aıman MUQYShEVA
Almaty oblysy
...rızashylyq bildiredi
Aýylymyz ajarly, tirligimiz bazarly
Iаsnaıapolıanalyqtar ózderi turatyn eldi mekendi árkez maqtan etedi. Onyń baıyrǵy qart turǵyndarynyń biri retinde meniń de ómirden túıgenderim kóp. Arǵy-bergi shejireni aqtaratyn bolsam, ótken ǵasyrdyń otyzynshy jyldaryndaǵy surqııa saıasatty aınalyp ótý múmkin emes. Ýkraınadan kúshtep jer aýdarylǵan polıaktar Qazaqstandy qonys etýge májbúr boldy. Taǵdyrdyń taýqymetimen qazaqtar sekildi peıili keń, júregi jomart halyqqa jolyǵyp, sodan beri qýanyshymyzdy da, qaıǵymyzdy da birge bólisip kelemiz. Aýylda bir jarym myńdaı adam tursa, olardyń 80 paıyzy – polıaktar. Biraq eshýaqytta ultqa, dinge bólingen emespiz. Tatý-tátti birliktiń arqasynda aýylymyz ajarlanyp, tirligimiz bazarlanyp, órisimiz malǵa, qambamyz dánge toly.
«Elý jylda – el jańa, júz jylda – qazan» dep tekke aıtpasa kerek. Ásirese, Táýelsizdik alǵannan bergi tusta aýylymyz gúldenip, nebir mádenı nysandarmen tolyqty. Barlyq áleýmettik obektiler jumys istep tur. Anatolıı Rafalskııdiń basqarýyndaǵy sharýashylyq óz qarajatyna jýyrda sporttyq-saýyqtyrý keshenin salyp berdi. Polıaktardyń, qazaqtardyń, orystardyń keshegi, búgingi san alýan tirshiliginen syr shertetin jergilikti murajaı jumys isteıdi.
Bizdiń búgingi ómirimizge qyzyǵa qaraıtyndar kóp. Jastarymyz da otanshyl, qaladan góri dalanyń erkindigin jandaryna jaqyn tutady.
Kazımır POLIаNSKII,
aýyldyń qart turǵyny
Soltústik Qazaqstan oblysy,
Taıynsha aýdany,
Iаsnaıa Polıana aýyly
...úlgi etedi
Saýapty is atqaryldy
Saryózenniń jaǵasynda Bespishen degen aýyl bar. Aýyldastarymyz shetterinen aqkóńil, qonaqjaı, eńbekqor. Aýdan ortalyǵyna jaqyn tursa da túrli mekemelerdiń tabaldyryǵyn tozdyryp, alaqan jaıyp kómek surap júrmeıdi. Mal ósirip, óz qajettilikterin ózderi qamtamasyz etip otyr.
Taıaýda bespishendikter úshin taǵy da bir saýaby mol, basqalarǵa úlgi bolatyndaı ımandy is atqarylyp, aýyldyń mańaıyndaǵy zırat qorshaldy. Bul saýaby mol iske osy aýyldyń turǵyny bolǵan marqum Sısenǵalı Bıjanov atamyzdyń sońynda qalǵan qyzdary Baqyt pen Baıan ózderiniń mol úlesterin qosty. Ári ekeýi qyz da bolsa er-azamattyń júgin arqalaı bildi.
Al qorymdy qorshaý jumystaryn olardyń tikeleı uıymdastyrýymen aýyl turǵyndary atqardy. Sonymen birge, buǵan búgingi kúni basqa jerge qonys aýdarǵan burynǵy bespishendikter de qolushyn berdi.
Tabyldy HAFIZOV,
eńbek ardageri
Batys Qazaqstan oblysy,
Kaztalov aýdany