Keshe Qyrǵyzstannyń Ystyqkól oblysynda ótip jatqan Kóshpelilerdiń búkilálemdik II oıyndary tórtinshi jarys kúni saıys qyzdyrdy. Osy kúni qyrǵyzdyń kúróshi men túriktiń aba gıýreshi óziniń jeńimpazdary men júldegerleriniń esimderin anyqtady. Osymen bir mezgilde ázerbaıjannyń gıýleshi men túrikmenniń goreshiniń beldesýleri de bastalyp ketti. Budan ári 80 shaqyrymdyq qashyqtyqty quraıtyn alaman báıgeniń de qorytyndysy shyqty.
Al toǵyzqumalaqtyń qyrǵyzsha nusqasy – togýz-korgoolý, túrikshe nusqasy – mangala jáne qyrǵyzdyń asyq oıyny – orda jarystary áli jalǵasyp jatyr. Sonymen birge, kókpardan jartylaı fınaldyq oıyndar da oınaldy.
Endi sadaq atý (jaa atýý), at ústinen naıza atý (djırıtý), aýdaryspaq (er enısh) jáne ıt jarystyrý (taıgan jaryshý) saıystarynyń irikteý synaqtary bastalǵaly tur.
Jalpy, II oıyndarǵa 62 eldiń myńǵa tarta sportshysy qatysýda. Olar baǵdarlamaǵa engen 26 túrli saıys boıynsha kúsh synasýda.
Ázirge komandalyq esepte Reseı komandasy birinshi orynda keledi. Bul elden kelgen saıyskerler oıyndarǵa úsh komanda bolyp qatysýda. Al ekinshi orynda Qazaqstan quramasy tur. Úshinshi orynǵa Grýzııa komandasy ornalassa, tórttikti alań ıeleri tuıyqtap otyr.
Kóshpelilerdiń búkilálemdik oıyndarynyń kelesi úshinshi jarysy 2018 jyly Túrkııanyń Ystanbul qalasynda ótetin bolyp belgilendi.
Damır QOJAMQUL