AQSh-tyń boks taqyrybyna arnalǵan Boxing News basylymy Rıo Olımpıadasynyń altyn júldegeri Danııar Eleýsinovtiń kásipqoı boksqa aýysýy múmkin ekenin habarlady. «Qazaqstandyq olımpıada chempıony altyn medaldi múmkindiginshe tıimdi paıdalanǵysy keledi. Áńgimelerge qaraǵanda, 25 jastaǵy boksshy jaqyn arada Brýklınde (Nıý-Iork) turyp jattyǵatyn, promoýter Lý Dı Belldiń qanaty astynda jekpe-jekterge shyǵatyn aǵasy Dáýrenniń qasyna barady» dep jazady. Osynyń aldynda Danııar Eleýsinov áýesqoı bokstaǵy armanyna jetkenin, kásipqoı boksqa kóshý máselesin áli sheshpegenin aıtqan bolatyn.
Egemen-aqparat