Elordada 8-10 qyrkúıek aralyǵynda el Táýelsizdiginiń 25 jyldyǵyna oraı «Astana juldyzy» atty ulttyq oıyndar jarysy ótedi. Jarysqa Astana men Almaty qalalarynan basqa, elimizdiń 14 oblysynan úmitkerler qatysady. Qazaq halqynyń ulttyq dástúrin pash etken sport dodasy oza shaýyp báıge alǵan tulparlardy anyqtaıtyn bolady. Atap aıtsaq, júırikter báıgesi, qyz qýý, teńge alý, kókpar men aýdaryspaq syndy oıyndar oınatylyp, quralaıdy kózge atqan mergenderdiń sheberligi synalady.
Halyq súısinip tamashalaıtyn ulttyq oıyndardan basqa aqshańqan kıiz úıler tigilip, qazaqtyń ulttyq salt-dástúri nasıhattalady. Temir ıip, aǵashtan túıin túıgen qolóner sheberlerniń týyndylary kópshilik nazaryna usynylady. Sonymen qatar, qyran baptap túlki alǵan qusbegilik óner de kórsetilip, toǵyzqumalaq pen asyq atý oıyndarynan saıys ótedi.
Aıman MUQYShEVA