«Bereke» jańa shaǵyn aýdanyna jylý júıelerin tartýmen shuǵyldanatyn qurylysshylar jer qazý jumystary kezinde birneshe adamnyń máıitin keziktirip, tıisti oryndarǵa habarlaǵan. Bir tańqalarlyǵy, osyndaı oqys oqıǵa osymen ekinshi márte qaıtalanyp otyr. Onyń aldynda da osy mańnan birneshe adamnyń denesi tabylǵan.
Jergilikti ólketanýshylar tártip saqshylarynyń eski zırat orny bolýy múmkin degen boljamymen esh keliskisi joq. О́ıtkeni, olar qalanyń úsh jerinde ǵana adamdardy jerleıtin arnaıy qorymnyń bolǵanyn, kartada belgilengenin alǵa tarsa, báz bireýler ótken ǵasyrdyń aıaǵynda Benzostroı aýmaǵynda bolǵan krımınaldyq toptardyń bir-birimen atys-shabysyn eske salady. Bul pikirdi qısynsyz deý qıyn. О́ıtkeni, máıitter jerdiń ústińgi qabatyna jasyrylǵan. Ekinshiden, jerleý saltynyń eshqandaı ádet-ǵuryptary baıqalmaǵan. Soǵan qaraǵanda asyǵys kóme salynǵan sııaqty. Onyń ústine bul mańaıdyń adam aıaǵy tımegen qamysty, batpaqty jer ekenin eskersek, kóńildegi kúdik qoıýlana túseri anyq.
Qazir Petropavl qalalyq jedel-tergeý toby zertteý jumystarymen aınalysyp, qańqa súıekter saraptamaǵa jiberildi. Túpkilikti qorytyndy shyqqannan keıin ǵana barlyq mán-jaı belgili bolady.
О́mir ESQALI,
«Egemen Qazaqstan»
PETROPAVL