Búgin Aqordada ótip jatqan QR Úkimetiniń keńeıtilgen otyrysynda Memleket basshysy Nursultan Nazarbaev Úkimetke baǵanyń turaqtylyǵyn qamtamasyz etip, tarıfterdi ósirmeýdi tapsyrdy.
«Makroekonomıkalyq turaqtylyqtyń kepili ınflıasııany 2016-2017 jyldary 6-8 paıyzdyq dálizde ustaý. Aıyrbas baǵamyn erkindikke jibere otyryp, biz óndirýshilerimizdiń básekege qabilettiligin qamtamasyz ettik. О́sim qarqyny qalpyna kele bastady. Sonymen qatar, teńgeni túzetý ınflıasııalyq prosesstiń kúsheıýine ákep soqty. Osyǵan baılanysty baǵanyń turaqtylyǵyn qamtamasyz etip, bıyl tabıǵı monolpolııalar qyzmetine tarıftiń ósýine jol bermeý sharalaryn júzege asyrýdy tapsyramyn»,- dedi Memleket basshysy.
Bul rette Elbasy bıylǵy jyly aýyl sharýashylyǵy daqyldarynan mol ónim túskenin aıta kele, ony respýblıka kóleminde ońtaıly bólý, aýyldarda qamtamasyz etý máselesin júktedi.