«Qazposhta» aksıonerlik qoǵamy ulttyq poshta jáne qarjy qyzmetteri portalynyń uıaly telefondarǵa arnalǵan post.kz baǵdarlamasyn iske qosqanyn habarlady.
«Mobıldi qosymsha iOS jáne Android operasııalyq júıelerinde qoljetimdi. Qazirgi tańda baǵdarlamaǵa portalda eń kóp qoldanatyn qyzmetter qosylǵan. Al 2016 jyldyń sońyna deıin portaldyń barlyq fýnksııalarymen tolyqtyratyn bolamyz», dedi «Qazposhta» AQ baspasóz qyzmetiniń basshysy Baıram Azızov.
Bul baǵdarlamanyń basty artyqshylyǵy «Qazposhtanyń» poshtalyq jáne qarjy qyzmetterin bir mobıldi qosymshaǵa biriktirýinde. Oǵan tirkelý arqyly sálemdemelerdi trek nómirmen baqylaýǵa, @post.kz domeni bar elektrondy poshta qoldanýǵa, uıaly telefonnyń teńgerimin toltyrýǵa, kommýnaldyq qyzmet aqysyn tóleýge, jedel tólemder jasaý úshin shablondardy saqtap, «Qazposhta» bólimshelerine kezekti onlaın túrde brondaýǵa bolady.
Mobıldi qosymsha qoldanýshylary men «Qazposhtanyń» barlyq klıentteri úshin táýlik boıy baılanys ortalyǵy (nómiri 1499) qyzmet etedi.
Aıdar О́RISBAEV