Qazaqstan Respýblıkasy
Ulttyq ekonomıka mınıstrligi
2015 jylǵy 30 maýsym №479 Astana qalasy Qazaqstan Respýblıkasy
Energetıka mınıstrligi
2015 jylǵy 22 maýsym №420 Astana qalasy
BIRLESKEN BUIRYQ
Munaı ónimderiniń jekelegen túrlerin óndirý salasyndaǵy táýekel dárejesin baǵalaý krıterıılerin jáne tekserý paraqtary nysandaryn bekitý týraly
«Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasynyń 2011 jylǵy 6 qańtardaǵy zańynyń 11-babynyń 1-tarmaǵy 2) tarmaqshasyna, 13-babynyń 3-tarmaǵyna jáne 15-babyna sáıkes buıyramyz:
1. Mynalar:
1) osy birlesken buıryqtyń 1-qosymshasyna sáıkes munaı ónimderiniń jekelegen túrlerin óndirý salasyndaǵy táýekel dárejesin baǵalaý krıterııleri;
2) osy birlesken buıryqtyń 2-qosymshasyna sáıkes munaı ónimderiniń jekelegen túrlerin óndirý salasyndaǵy munaı ónimderin óndirýshilerge qatysty tekserý paraqtary nysandary bekitilsin.
2. Osy birlesken buıryqtyń 3-qosymshasyna sáıkes keıbir birlesken buıryqtardyń kúshi joıyldy dep tanylsyn.
3. Qazaqstan Respýblıkasy Energetıka mınıstrliginiń Munaı-gaz keshenindegi ekologııalyq retteý, baqylaý jáne memlekettik ınspeksııa komıteti Qazaqstan Respýblıkasynyń zańnamasynda belgilengen tártippen:
1) osy birlesken buıryqty Qazaqstan Respýblıkasynyń Ádilet mınıstrliginde memlekettik tirkeýdi;
2) osy birlesken buıryq Qazaqstan Respýblıkasynyń Ádilet mınıstrliginde memlekettik tirkelgeninen keıin on kúntizbelik kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy birlesken buıryqty alǵan kúnnen bastap on kúntizbelik kún ishinde onyń kóshirmesin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi;
4) osy birlesken buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýdy;
5) osy birlesken buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2), 3) jáne 4) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
4. Osy birlesken buıryqtyń oryndalýyn baqylaý jetekshilik etetin Qazaqstan Respýblıkasy energetıka vıse-mınıstrine júktelsin.
5. Osy birlesken buıryq onyń alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Ulttyq ekonomıka mınıstri
________________ M.QUSAIYNOV
Qazaqstan Respýblıkasy Energetıka mınıstri
_____________ V.ShKOLNIK
«KELISILGEN»
Qazaqstan Respýblıkasy Bas prokýratýrasynyń Quqyqtyq
statıstıka jáne arnaıy esepke alý jónindegi komıtetiniń tóraǵasy
________________S.Aıtpaeva
30 maýsym 2015 jyl
Qazaqstan Respýblıkasy Ulttyq ekonomıka mınıstriniń m.a. 2015 jylǵy 30 maýsymdaǵy
№ 479 jáne Qazaqstan Respýblıkasy Energetıka mınıstriniń 2015 jylǵy 22 maýsymdaǵy
№ 420 birlesken buıryǵyna 1-qosymsha
Munaı ónimderiniń jekelegen túrlerin óndirý salasyndaǵy
táýekel dárejesin baǵalaý krıterııleri
1. Jalpy erejeler
1. Osy Munaı ónimderiniń jekelegen túrlerin óndirý salasyndaǵy táýekel dárejesin baǵalaý krıterııleri (budan ári - krıterııler) «Qazaqstan Respýblıkasyndaǵy baqylaý jáne qadaǵalaý týraly», «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» Qazaqstan Respýblıkasynyń zańdaryna jáne Qazaqstan Respýblıkasy Ulttyq ekonomıka mınıstriniń mindetin atqarýshysynyń 2015 jylǵy 17 sáýirdegi № 343 buıryǵymen (Normatıvtik quqyqtyq aktilerin memlekettik tirkeý tiziliminde № 11082 tirkelgen) bekitilgen Memlekettik organdardyń (Qazaqstan Respýblıkasynyń Ulttyq Bankin qospaǵanda) táýekelderdi baǵalaý júıesin qalyptastyrý ádistemesine sáıkes, munaı ónimderin óndirý salasyndaǵy tekseriletin sýbektilerdi táýekel dárejelerine jatqyzý maqsatynda ázirlendi.
2. Osy Krıterıılerde mynadaı uǵymdar paıdalanylady:
1) munaı ónimderin óndirýshi – munaı ónimderin óndirýdi júzege asyratyn jáne óndiris pasporty bar jeke nemese zańdy tulǵa;
2) táýekel dárejesin baǵalaýdyń obektıvti krıterııleri (budan ári – obektıvti krıterııler) – belgili bir qyzmet salasynda táýekel dárejesine baılanysty jáne jeke tekseriletin sýbektige (obektige) tikeleı baılanyssyz tekseriletin sýbektilerdi (obektilerdi) irikteý úshin paıdalanylatyn táýekel dárejesin baǵalaý krıterııleri;
3) táýekel dárejesin baǵalaýdyń sýbektıvti krıterııleri (budan ári – sýbektıvti krıterııler) – naqty tekseriletin sýbektiniń (obektiniń) qyzmet nátıjelerine baılanysty tekseriletin sýbektilerdi (obektilerdi) irikteý úshin paıdalanylatyn táýekelder dárejesin baǵalaý krıterııleri;
4) munaı ónimderin óndirý salasyndaǵy táýekel – ishki naryqtyń, onyń ishinde kóktemgi egis pen egin jınaý jumystary kezińinde, sondaı-aq jylý berý kezeńinde munaı ónimderine tapshylyqtyń týyndaý yqtımaldyǵy;
5) tekseriletin sýbekti – munaı ónimderin óndirýdi júzege asyratyn jáne óndiris pasporty bar jeke nemese zańdy tulǵa bolyp tabylatyn munaı ónimderin óndirýshi;
6) munaı berýshi – «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» Qazaqstan Respýblıkasynyń Zańynda belgilengen sharttarmen ózderi óndirgen, Qazaqstan Respýblıkasynyń salyq zańnamasyna sáıkes zattaı nysanda tólenetin salyqtar retinde Qazaqstan Respýblıkasy alǵan, ımporttalǵan nemese jer qoınaýyn paıdalanýshydan tikeleı satyp alynǵan shıki munaıdy jáne (nemese) gaz kondensatyn munaı ónimderin óndirýshige, sondaı-aq Qazaqstan Respýblıkasynan tysqary jerlerde ornalasqan munaı óńdeý zaýyttaryna beretin jeke nemese zańdy tulǵa.
3. Munaı ónimderin óndirý salasyndaǵy ishinara tekserýler úshin táýekel dárejesin baǵalaý krıterııleri obektıvti jáne sýbektıvti krıterııler arqyly qalyptastyrylady.
2. Obektıvti krıterııler
4. Obektıvti krıterııler kelesi kezeńder arqyly qalyptastyrylady:
1) táýekeldi aıqyndaý;
2) tekseriletin sýbektilerdi (obektilerdi) táýekel dárejeleri boıynsha (joǵary jáne joǵary dárejege jatpaıtyn) bólý jáne ishinara tekserýler júrgizetin táýekel dárejesin anyqtaý.
5. Obektiniń kúrdelilik deńgeıine baılanysty munaı ónimderin óndirýshiler eki túrge bólinedi:
qýattylyǵy 800 myń tonnadan kem munaı ónimderin óndirýshiler;
qýattylyǵy 800 myń tonnadan joǵary munaı ónimderin óndirýshiler.
Qýattylyǵy 800 myń tonnadan joǵary tekseriletin sýbektiler qyzmeti retteletin salaǵa yqtımal keri zııan saldarynyń aýqymdylyǵy jáne zańdy múddeleri men memlekettiń múliktik múddelerine qolaısyz jaǵdaıdyń týyndaý múmkindigi saldarynan munaı ónimderin óndirý salasyna qaýip tóndiredi.
6. Munaı ónimderin óndirý salasyndaǵy qýattylyǵy jylyna 800 myń tonnadan joǵary sýbektiler joǵary táýekel dárejesine jatqyzylady jáne ishinara tekserýge jatady.
3. Sýbektıvti krıterııler
7. Sýbektıvti krıterııler:
1) derekter bazasyn qalyptastyrý jáne aqparat jınaý;
2) aqparatty taldaý jáne táýekelderdi baǵalaý kezeńderin qoldana otyryp júzege asyrylady.
8. Derekter bazasyn qalyptastyrý jáne aqparat jınaý zańnamany buzatyn tekseriletin sýbektilerdi (obektilerdi) anyqtaý úshin qajet.
Táýekelder dárejelerin baǵalaý úshin mynadaı aqparat kózderi paıdalanylady:
1) Qazaqstan Respýblıkasy Energetıka mınıstriniń 2015 jylǵy 27 naýryzdaǵy № 236 buıryǵymen bekitilgen Munaı ónimderin óndirý jáne ótkizý monıtorıngin júzege asyrý qaǵıdalaryna sáıkes tekserý sýbekti munaı ónimderin óndirý salasyndaǵy ýákiletti organǵa usynatyn eseptilik pen málimetterdi monıtorıngileý nátıjeleri (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 10950 tirkelgen) (budan ári – eseptilikti monıtorıngileý nátıjeleri);
2) burynǵy tekserýler nátıjeleri. Bul rette, buzýshylyqtyń aýyrtpalyq dárejesi (óreskel, eleýli, bolmashy) tekserý paraǵynda kórsetilgen zańnamalar talaptaryn saqtamaý jaǵdaıynda belgilenedi;
3) tekseriletin sýbekt kinásinen týyndaǵan qolaısyz jaǵdaılardyń bolýy;
4) rastalǵan shaǵymdar men aryzdardyń bolýy jáne sany;
9. Qolda bar aqparattar negizinde sýbektıvti krıterııler úsh kórsetkishke bólinedi: óreskel, eleýli, bolmashy.
Sýbektıvti krıterııler osy Krıterıılerge qosymshada keltirilgen.
10. О́reskel kórsetkishtiń bir rastalǵan krıterııi 100 kórsetkishine teńeledi jáne ishinara tártipte tekserý júrgizý úshin negiz bolyp tabylady.
Eger óreskel kórsetkish boıynsha krıterıılerdi rastaý anyqtalmasa, onda táýekel dárejesin anyqtaý úshin eleýli jáne bolmashy kórsetkishter boıynsha qosyndy máni eseptelinedi.
11. Eleýli kórsetkishterdiń qosyndy mánin anyqtaǵan kezde oryndalmaǵan krıterıılerdiń úlestik salmaǵyna 0,7 koeffısıenti qoldanylady jáne myna formýla boıynsha eseptelinedi:
ΣRz = (ΣR2 h 100/ΣR1) h 0,7
mundaǵy:
ΣRz – eleýli kórsetkishterdiń qosyndy máni;
ΣR1 – baǵalaýda qoldanylatyn eleýli dárejedegi krıterıılerdiń jalpy sany;
ΣR2 – eleýli dárejedegi rastalǵan krıterııler sany.
Burynǵy tekserýler nátıjeleri úshin talaptardy saqtamaý krıterıılerdi rastaý bolyp tabylady.
Bolmashy kórsetkishterdiń qosyndy mánin anyqtaǵan kezde oryndalmaǵan kórsetkishterdiń úlestik salmaǵyna 0,3 koeffısıenti qoldanylady jáne myna formýla boıynsha eseptelinedi:
ΣRn = (ΣR2 h 100/ΣR1) h 0,3
mundaǵy:
ΣRn – bolmashy kórsetkishterdiń qosyndy máni;
ΣR1 – bolmashy dárejedegi baǵalaýda qoldanylatyn krıterıılerdiń jalpy sany;
ΣR2 – bolmashy dárejedegi rastalǵan krıterııler sany.
Burynǵy tekserýler nátıjeleri úshin talaptardy saqtamaý krıterıılerdi rastaý bolyp tabylady.
Bir aqparat derekkózi boıynsha táýekel dárejesiniń kórsetkishi myna formýlaǵa sáıkes kórsetkishtedi qosý arqyly anyqtalady:
ΣR = ΣRz + ΣRn
mundaǵy:
ΣR – sýbektıvti krıterııler boıynsha táýekel dárejesiniń jalpy kórsetkishi;
ΣRz – eleýli kórsetkishterdiń qosyndy máni;
ΣRn – bolmashy kórsetkishterdiń qosyndy máni.
Táýekel dárejesiniń kórsetkishteri boıynsha tekseriletin sýbekt (obekt) mynalarǵa jatady:
1) joǵary táýekel dárejesi – táýekel dárejesi 60-tan 100-ge deıingi kórsetkish kezinde jáne oǵan qatysty ishinara tekserý júrgiziledi;
2) joǵary táýekel dárejesine jatpaıdy – táýekel dárejesi 0-den 60-qa deıingi kórsetkish kezinde jáne oǵan qatysty ishinara tekserý júrgizilmeıdi.
Táýekel dárejesin taldaý men baǵalaý kezinde naqty tekseriletin sýbektige (obektige) qatysty buryn eskerilgen jáne paıdalanylǵan sýbektıvti krıterıılerdiń derekteri qoldanylmaıdy.
Ishinara tekserý júrgizý merzimdiligi jylyna bir retten aspaýy tıis.
Alynǵan málimetter taldaýy jáne kórsetkishter boıynsha baǵalaý jarty jyldyqta bir ret jarty jyldyqtyń sońǵy aıynyń birinshi kúnine deıin júrgiziledi. О́tken jartyjyldyq taldaý kezeńi bolyp tabylady.
Ishinara tekserýler tıisti eseptik kezeń bastalǵanǵa deıin kúntizbelik on bes kúnnen keshiktirmeı quqyqtyq statıstıka jáne arnaıy esepter boıynsha ýákiletti organǵa jiberiletin júrgizilgen taldaý jáne baǵalaý nátıjeleri boıynsha jartyjyldyqqa qalyptastyrylatyn ishinara tekserýler tizimderi negizinde júrgiziledi.
Ishinara tekserýlerdiń tizimderi:
sýbektıvti krıterııler boıynsha eń joǵary táýekel dárejesi kórsetkishi bar tekseriletin sýbektilerdiń (obektilerdiń) basymdyǵyn;
memlekettik organdy tekserýdi júzege asyratyn laýazymdy adamdarǵa túsetin júktemelerdi eskere otyryp jasalady.
Munaı ónimderin óndirý salasyndaǵy táýekel dárejesin baǵalaý krıterıılerine qosymsha
Táýekel dárejesin baǵalaýdyń sýbektıvti krıterııleri
Aqparat kózi Krıterııler Kórsetkish dárejesi
eseptilikti monıtorın-gileý nátıjeleri
Munaı ónimderin óndirý jónindegi aı saıynǵy aqparatty úsh nemese odan da kóp ret ýaqytyly usynbaý О́reskel
Munaı ónimderin jóneltý jónindegi aı saıynǵy aqparatty úsh nemese odan da kóp ret ýaqytyly usynbaý О́reskel
Munaı ónimderin óndirý jónindegi aı saıynǵy aqparatty eki ret ýaqytyly usynbaý Eleýli
Munaı ónimderin jóneltý jónindegi aı saıynǵy aqparatty eki ret ýaqytyly usynbaý Eleýli
Munaı ónimderin óndirý jónindegi aı saıynǵy aqparatty bir ret ýaqytyly usynbaý Bolmashy
Munaı ónimderin jóneltý jónindegi aı saıynǵy aqparatty bir ret ýaqytyly usynbaý Bolmashy
burynǵy tekserýler nátıjeleri
(aýyrtpalyq dárejesi kórsetilgen talaptardy saqtamaý jaǵdaıynda belgilenedi)
О́ndiris pasportynyń bolmaýy О́reskel
Satyp alynatyn (qabyldanatyn) shıki munaıdyń jáne (nemese) gaz kondensatynyń shyqqan jerin rastaıtyn qujattyń, sondaı-aq munaıdyń jáne (nemese) gaz kondensatynyń sapasyn rastaıtyn qujattardyń bolmaǵany kezde munaı berýshilerden shıki munaıdy jáne (nemese) kondensatty satyp alý, sonymen qatar qaıta óńdeýge qabyldaý boıynsha tyıymdy saqtamaý О́reskel
Munaı ónimderin óndirý salasyndaǵy ýákiletti organnyń kelisiminsiz, avarııalyq jaǵdaıdyń dereý aldyn alý qajettigi týyndaǵan jaǵdaılardy qospaǵanda, munaı ónimderin óndirý úshin paıdalanylatyn tehnologııalyq qondyrǵylardyń jumysyn toqtatý boıynsha salynǵan tyıymdy saqtamaý О́reskel
Munaı ónimderin óndirý salasyndaǵy ýákiletti organmen bekitilgen tehnologııalyq qondyrǵylardyń josparly - aldyn alý jumystaryn júrgizýdiń jyldyq kestesiniń bekitý boıynsha jáne ony saqtaý mindetin saqtamaý Eleýli
Vedomstvolyq statıstıkalyq qadaǵalaý nemese ákimshilik esepke alý úshin qajetti bastapqy statıstıkalyq derekterdi nemese bastapqy ákimshilik derekterdi usyný boıynsha mindetin saqtamaý Eleýli
Munaı ónimderin óndirý salasyndaǵy ýákiletti organmen belgilengen munaı ónimderin óndirýdiń az kólemin oryndaý boıynsha mindetin saqtamaý Eleýli
Quramynda metaly bar qosyndylardy (dızel otyny úshin statıkalyq qarsy qosyndylardan basqa, temir, marganes, qorǵasyn jáne basqalary) paıdalana otyryp, benzın men dızel otynyn óndirý boıynsha salynǵan tyıymdy saqtamaý Eleýli
Qazaqstan Respýblıkasynyń rezıdent-bankinde ınvestısııalyq baǵdarlamany qarjylandyrýǵa arnalǵan aǵymdaǵy shotty ashý boıynsha mindetin saqtamaý Eleýli
Munaı berýshilerge shıki munaıdy jáne (nemese) gaz kondensatyn óńdeýge qoljetkizýdiń teń jaǵdaılaryn usyný boıynsha mindetin saqtamaý Eleýli
Shıki munaıdy jáne (nemese) gaz kondensatyn ótkizý boıynsha tyıymdy saqtamaý Eleýli
Eki nemese odan da kóp munaı ónimderin óndirýshilerdiń munaı ónimderin óndirý úshin bir ǵana jabdyqty paıdalaný boıynsha tyıymdy saqtamaý Eleýli
Investısııalyq baǵdarlamalardy iske asyrýǵa baǵyttalatyn qarjy qarajatyn maqsatty paıdalaný boıynsha mindetin saqtamaý Eleýli
Investısııalyq baǵdarlamalardy iske asyrý týraly eseptilikti usyný boıynsha mindetin saqtamaý Bolmashy
rastalǵan shaǵymdar men aryzdardyń bolýy jáne sany Úsh jáne odan da kóp rastalǵan shaǵym men aryzdyń bolýy О́reskel
Eki rastalǵan shaǵym men aryzdyń bolýy Eleýli
Bir rastalǵan shaǵym men aryzdyń bolýy Bolmashy
tekseriletin sýbekt kinásinen týyndaǵan qolaısyz jaǵdaılardyń bolýy Kóktemgi egis jáne egis jınaý jumystary, sondaı-aq jylý berý kezeńinde ishki naryqta munaı ónimderine tapshylyqtyń týyndaýy О́reskel
Kóktemgi egis, jıyn-terin jumystary, jylý berý kezeńderinen tys ishki naryqta munaı ónimderine tapshylyqtyń týyndaýy Eleýli
Qazaqstan Respýblıkasy Ulttyq ekonomıka mınıstriniń m.a. 2015 jylǵy 30 maýsymdaǵy
№ 479 jáne Qazaqstan Respýblıkasy Energetıka mınıstriniń 2015 jylǵy 22 maýsymdaǵy
№ 420 birlesken buıryǵyna 2-qosymsha
1-nysan
Tekserý paraǵy
Munaı ónimderiniń jekelegen túrlerin óndirý salasyndaǵy qýattylyǵy 800 myń tonnadan joǵary
munaı ónimderin óndirýshilerge qatysty
(tekseriletin sýbektilerdiń (obektilerdiń) birtekti tobynyń ataýy)
Tekserýdi taǵaıyndaǵan memlekettik organ ___________________________________________________________
_______________________________________________________________________________________________
Tekserýlerdi taǵaıyndaý týraly akt ________________________________________________________________
(№, kúni)
Tekseriletin sýbektiniń (obektiniń) ataýy __________________________________________________________
_______________________________________________________________________________________________
Tekseriletin sýbektiniń (obektiniń) (JSN), BSN ____________________________________________________
_______________________________________________________________________________________________
Ornalasý orny __________________________________________________________________________________
_______________________________________________________________________________________________
№ Talaptar tizbesi Talap etiledi Talap etilmeıdi Talaptarǵa sáıkes keledi Talaptarǵa sáıkes kelmeıdi
1 2 3 4 5 6
1 О́ndiris pasportynyń bolýy
2 Qazaqstan Respýblıkasynyń rezıdent-bankinde ınvestısııalyq baǵdarlamany qarjylandyrý úshin aǵymdaǵy shotty ashý boıynsha mindetin saqtaý
3 Investısııalyq baǵdarlamalardy iske asyrý týraly esepti usyný boıynsha týraly mindetin saqtaý
4 Munaı ónimderin óndirý salasyndaǵy ýákiletti organǵa tehnologııalyq qondyrǵylardyń josparly - aldyn alý jumystaryn júrgizýdiń jyldyq kestesiniń bekitý boıynsha jáne ony saqtaý mindetin saqtaý
5 Munaı óndirý salasyndaǵy ýákiletti organǵa vedomstvolyq statıstıkalyq qadaǵalaý nemese ákimshilik esepke alý úshin qajetti bastapqy statıstıkalyq derekterdi nemese bastapqy ákimshilik derekterdi usyný boıynsha mindetin saqtaý
6 Munaı berýshilerge shıki munaıdy jáne (nemese) gaz kondensatyn óńdeýge qol jetkizýdiń teń jaǵdaılaryn usyný boıynsha mindetin saqtaý
7 Munaı ónimderin óndirý salasyndaǵy ýákiletti organmen belgilengen munaı ónimderin óndirýdiń belgilengen az mólsherin oryndaý boıynsha mindetin saqtaý
8 Shıki munaıdy jáne (nemese) gaz kondensatyn ótkizý boıynsha tyıymdy saqtaý
9 Quramynda metaly bar qosyndylardy (dızel otyny úshin statıkalyq qarsy qosyndylardan basqa, temir, marganes, qorǵasyn jáne basqalary) paıdalana otyryp, benzın men dızel otynyn óndirý boıynsha tyıymdy saqtaý
10 Eki nemese odan da kóp munaı ónimderin óndirýshilermen munaı ónimin óndirý úshin bir qondyrǵyny paıdalanýǵa tyıymdy saqtaý
11 Satyp alynatyn (qabyldanatyn) shıki munaıdyń jáne (nemese) gaz kondensatynyń shyqqan jerin rastaıtyn qujattyń, sondaı aq munaıdyń jáne (nemese) gaz kondensatynyń sapasyn rastaıtyn qujattardyń bolmaǵany kezde munaı berýshilerden shıki munaıdy jáne (nemese) kondensatty satyp alý, sonymen qatar qaıta óńdeýge qabyldaý boıynsha tyıymdy saqtaý
12 Apattyq jaǵdaıdyń dereý aldyn alý qajettigi týyndaǵan jaǵdaılardy qospaǵanda, munaı ónimderin óndirý salasyndaǵy ýákiletti organnyń kelisiminsiz, munaı ónimderin óndirýge paıdalanylatyn tehnologııalyq qondyrǵylardyń jumysyn toqtatý boıynsha tyıymdy saqtaý
13 Aǵymdaǵy shot qarajatyn ınvestısııalyq baǵdarlamany qarjylandyrý maqsatyna jumsaý boıynsha mindetin saqtaý
Laýazymdyq tulǵa (tulǵalar) ______________ _________ ____________
(laýazymy) (qoly) (T.A.Á. (bolǵan jaǵdaıda)
______________ _________ ____________
(laýazymy) (qoly) (T.A.Á. (bolǵan jaǵdaıda)
Tekseriletin sýbektiniń jetekshisi _________________________ __________
(T.A.Á. (bolǵan jaǵdaıda), laýazymy) (qoly)
2 - nysan
Tekserý paraǵy
Munaı ónimderiniń jekelegen túrlerin óndirý salasyndaǵy qýattylyǵy 800 myń tonnadan kem
munaı ónimderin óndirýshilerge qatysty
(tekseriletin sýbektilerdiń (obektilerdiń) birtekti tobynyń ataýy)
Tekserýdi taǵaıyndaǵan memlekettik organ ________________________________________________________
_______________________________________________________________________________________________
Tekserýlerdi taǵaıyndaý týraly akt _______________________________________________________________
(№, kúni)
Tekseriletin sýbektiniń (obektiniń) ataýy ___________________________________________________________
_____________________________________________________________________________________________
Tekseriletin sýbektiniń (obektiniń) (JSN), BSN ____________________________________________________
_______________________________________________________________________________________________
Ornalasý orny __________________________________________________________________________________
_______________________________________________________________________________________________
№ Talaptar tizbesi Talap etiledi Talap etilmeıdi Talaptarǵa sáıkes keledi Talaptarǵa sáıkes kelmeıdi
1 2 3 4 5 6
1 О́ndiris pasportynyń bolýy
2 Shıki munaıdy jáne (nemese) gaz kondensatyn ótkizý boıynsha tyıymdy saqtaý
3 Quramynda metaly bar qosyndylardy (dızel otyny úshin statıkalyq qarsy qosyndylardan basqa, temir, marganes, qorǵasyn jáne basqalary) paıdalana otyryp, benzın men dızel otynyn óndirý boıynsha tyıymdy saqtaý
4 Eki nemese odan da kóp munaı ónimderin óndirýshilermen munaı ónimin óndirý úshin bir qondyrǵyny paıdalaný boıynsha tyıymdy saqtaý
5 Satyp alynatyn (qabyldanatyn) shıki munaıdyń jáne (nemese) gaz kondensatynyń shyqqan jerin rastaıtyn qujattyń, sondaı aq munaıdyń jáne (nemese) gaz kondensatynyń sapasyn rastaıtyn qujattardyń bolmaǵany kezde munaı berýshilerden shıki munaıdy jáne (nemese) kondensatty satyp alý, sonymen qatar qaıta óńdeýge qabyldaý boıynsha tyıymdy saqtaý
6 Munaı óndirý salasyndaǵy ýákiletti organǵa vedomstvolyq statıstıkalyq qadaǵalaý nemese ákimshilik esepke alý úshin qajetti bastapqy statıstıkalyq derekterdi nemese bastapqy ákimshilik derekterdi usyný boıynsha mindetin saqtaý
7 Munaı berýshilerge shıki munaıdy jáne (nemese) gaz kondensatyn óńdeýge qoljetkizýdiń teń jaǵdaılaryn usyný boıynsha mindetin saqtaý
Laýazymdyq tulǵa (tulǵalar) ______________ _________ ____________
(laýazymy) (qoly) (T.A.Á. (bolǵan jaǵdaıda)
______________ _________ ____________
(laýazymy) (qoly) (T.A.Á. (bolǵan jaǵdaıda)
Tekseriletin sýbektiniń jetekshisi _____________________________________
(T.A.Á. (bolǵan jaǵdaıda), laýazymy) (qoly)
Qazaqstan Respýblıkasy Ulttyq ekonomıka mınıstriniń m.a. 2015 jylǵy 30 maýsymdaǵy
№ 479 jáne Qazaqstan Respýblıkasy Energetıka mınıstriniń 2015 jylǵy 22 maýsymdaǵy
№ 420 birlesken buıryǵyna 3-qosymsha
Kúshi joıyldy dep tanylǵan keıbir birlesken buıryqtardyń tizbesi
1. «Munaı ónimderin óndirý salasyndaǵy jeke kásipkerlik sýbektileriniń táýekel dárejesin baǵalaý ólshemderin bekitý týraly» Qazaqstan Respýblıkasy Munaı jáne gaz mınıstriniń 2011 jylǵy 25 tamyzdaǵy № 146 jáne Ekonomıkalyq damý jáne saýda mınıstriniń m.a 2011 jylǵy 31 tamyzdaǵy № 275 birlesken buıryǵy (Normatıvtik quqyqtyq aktilerin memlekettik tirkeý tiziliminde № 7180 bolyp tirkelgen, 2011 jylǵy 15 qazandaǵy № 497-500 (26892) «Egemen Qazaqstan» gazetinde jarııalanǵan);
2. «Munaı ónimderin óndirý salasyndaǵy jeke kásipkerlik sýbektilerin tekserý paraǵynyń nysanyn bekitý týraly» Qazaqstan Respýblıkasy Munaı jáne gaz mınıstriniń 2011 jylǵy 25 tamyzdaǵy № 147 jáne Qazaqstan Respýblıkasynyń Ekonomıkalyq damý jáne saýda mınıstri m.a. 31 tamyzdaǵy № 276 birlesken buıryǵynyń (Normatıvtik quqyqtyq aktilerin memlekettik tirkeý tiziliminde № 7179 bolyp tirkeldi, 2011 jylǵy 15 qazandaǵy № 497-500 (26892) «Egemen Qazaqstan» gazetinde jarııalanǵan);
3. «Qazaqstan Respýblıkasy Munaı jáne gaz mınıstriligi men Qazaqstan Respýblıkasy Ekonomıkalyq damý jáne saýda mınıstrliginiń keıbir normatıvtik quqyqtyq aktilerine ózgerister engizý týraly» Qazaqstan Respýblıkasy Munaı jáne gaz mınıstriniń 2013 jylǵy 11 shildedegi № 123 jáne Qazaqstan Respýblıkasy О́ńirlik damý mınıstriniń m.a. 2013 jylǵy 16 shildedegi № 135/NQ birlesken buıryǵymen bekitilgen ózgerister engiziletin Qazaqstan Respýblıkasy Munaı jáne gaz mınıstrligi men Qazaqstan Respýblıkasy Ekonomıkalyq damý jáne saýda mınıstrliginiń normatıvtik quqyqtyq aktileri tiziliminiń 3-tarmaǵy (Normatıvtik quqyqtyq aktilerin memlekettik tirkeý tiziliminde № 8619 bolyp tirkelgen, 2013 jylǵy 11 qyrkúıektegi № 209 (28148) «Egemen Qazaqstan» gazetinde jarııalanǵan);
4. «Qazaqstan Respýblıkasy Munaı jáne gaz mınıstrligi jáne Qazaqstan Respýblıkasy Ekonomıkalyq damý jáne saýda mınıstrliginiń keıbir normatıvtik quqyqtyq aktilerine ózgeris engizý týraly Qazaqstan Respýblıkasy Munaı jáne gaz mınıstriniń 2014 jylǵy 28 qańtardaǵy № 10 jáne Qazaqstan Respýblıkasy О́ńirlik damý mınıstriniń 2014 jylǵy 31 qańtardaǵy № 22-NQ birlesken buıryǵynyń qosymshasynyń 1 jáne 2-tarmaqtary (Normatıvtik quqyqtyq aktilerin memlekettik tirkeý tiziliminde № 9184 bolyp tirkelgen, 2014 jylǵy 4 qyrkúıektegi № 172 (28395) «Egemen Qazaqstan» gazetinde jarııalanǵan).
Buıryq Qazaqstan Respýblıkasynyń Ádilet mınıstrliginde 2015 jylǵy 3 tamyzda Normatıvtik quqyqtyq kesimderdi memlekettik tirkeýdiń tizilimine №11822 bolyp engizildi.