2016 jylǵy 22 tamyz №395 Astana qalasy
«Memlekettiń artyqshylyqty quqyǵy sheńberinde ulttyq operator satyp
alatyn shıki jáne taýarlyq gazdyń baǵasyn aıqyndaý qaǵıdalaryn bekitý
týraly» Qazaqstan Respýblıkasy Energetıka mınıstriniń 2014 jylǵy
13 qarashadaǵy № 121 buıryǵyna ózgerister engizý týraly
1. «Memlekettiń artyqshylyqty quqyǵy sheńberinde ulttyq operator satyp alatyn shıki jáne taýarlyq gazdyń baǵasyn aıqyndaý qaǵıdalaryn bekitý týraly» Qazaqstan Respýblıkasy Energetıka mınıstriniń 2014 jylǵy 13 qarashadaǵy № 121 buıryǵyna (Normatıvtik quqyqtyq aktilerdi memlekettik tirkeý tiziliminde № 9958 bolyp tirkelgen, «Ádilet» aqparattyq-quqyqtyq júıesinde 2015 jylǵy 23 qańtarda jarııalanǵan) mynadaı ózgerister engizilsin:
kórsetilgen buıryqpen bekitilgen Memlekettiń artyqshylyqty quqyǵy sheńberinde ulttyq operator satyp alatyn shıki jáne taýarlyq gazdyń baǵasyn aıqyndaý qaǵıdalarynda:
kórsetilgen Memlekettiń artyqshylyqty quqyǵy sheńberinde ulttyq operator satyp alatyn shıki jáne taýarlyq gazdyń baǵasyn aıqyndaý qaǵıdalaryna 1-qosymshada:
toǵyzynshy abzas mynadaı redaksııada jazylsyn:
«AEPO – tarıfterdiń negizinde aıqyndalatyn, shıki munaıdy jer qoınaýyn paıdalanýshydan Qazaqstan Respýblıkasynyń shekarasyna deıin tasymaldaý jónindegi shyǵystardy shegere otyryp, Qazaqstan Respýblıkasy Ulttyq ekonomıka mınıstrliginiń Statıstıka komıteti jarııalaıtyn kedendik statıstıka derekteri boıynsha esepteletin Qazaqstan Respýblıkasynyń shekarasyndaǵy shıki munaıdyń ótken kúntizbelik jyly ortasha ólshengen eksporttyq baǵasy, tonnasy úshin teńge;
*Eskertpe: shıki munaı óndirilmegen jaǵdaıda, r qundyq koeffısıenti 1-ge teń;»;
kórsetilgen Memlekettiń artyqshylyqty quqyǵy sheńberinde ulttyq operator satyp alatyn shıki jáne taýarlyq gazdyń baǵasyn aıqyndaý qaǵıdalaryna 2-qosymshada:
toǵyzynshy abzas mynadaı redaksııada jazylsyn:
«AEPO – tarıfterdiń negizinde aıqyndalatyn, shıki munaıdy jer qoınaýyn paıdalanýshydan Qazaqstan Respýblıkasynyń shekarasyna deıin tasymaldaý jónindegi shyǵystardy shegere otyryp, Qazaqstan Respýblıkasy Ulttyq ekonomıka mınıstrliginiń Statıstıka komıteti jarııalaıtyn kedendik statıstıka derekteri boıynsha esepteletin Qazaqstan Respýblıkasynyń shekarasyndaǵy shıki munaıdyń ótken kúntizbelik jyly ortasha ólshengen eksporttyq baǵasy, tonnasy úshin teńge;
Eskertpe: shıki munaı óndirilmegen jaǵdaıda, r1 qundyq koeffısıenti 1-ge teń;»;
on altynshy abzas mynadaı redaksııada jazylsyn:
«qosymsha óndirilgen ónimniń (suıytylǵan munaı gaz) kólemi gazdy óndirý kólemine qaraı, mynadaı formýla boıynsha esepteledi:
r2=r2.1*r2.2*r2.3
mundaǵy,
r2.1 – ótken kúntizbelik jyldaǵy gazdyń óndirý kólemi mynadaı dıapazonda eseptep shyǵarylady:
gazdy óndirý kólemi 1000 mln.m3 deıin koeffısıent 0,7-ge teń;
gazdy óndirý kólemi 1000 mln.m3 bastap 2000 mln.m3 deıin koeffısıent 1-ge teń;
gazdy óndirý kólemi 2000 mln.m3 bastap 3000 mln.m3 teń deıin koeffısıent 2-ge teń;
gazdy óndirý kólemi 3000 mln.m3 bastap 4000 mln.m3 deıin koeffısıent 4,5-ke teń;
gazdy óndirý kólemi 4000 mln.m3 bastap koeffısıent 5,7-ge teń;».
2. Qazaqstan Respýblıkasy Energetıka mınıstrliginiń Gaz ónerkásibin damytý departamenti Qazaqstan Respýblıkasynyń zańnamasynda belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq memlekettik tirkelgennen keıin onyń kóshirmelerin kúntizbelik on kún ishinde merzimdi baspa basylymdarynda, «Ádilet» aqparattyq-quqyqtyq júıesinde resmı jarııalaýǵa jáne Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi;
3) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi berýdi qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń energetıka vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Energetıka mınıstri Q.BOZYMBAEV
Buıryq Qazaqstan Respýblıkasynyń Ádilet mınıstrliginde 2016 jylǵy 31 tamyzdaǵy Normatıvtik quqyqtyq kesimderdi memlekettik tirkeýdiń tizilimine №14187 bolyp engizildi.