Syr tolaǵaıy Aleksandr Zaıchıkov búginde týǵan jerin aralap júr. Ár aýdan, aýylǵa barǵan saıyn halyq zor qurmetpen qarsy alyp, úlken qoshemetpen shyǵaryp salýda. Jeti aýdandy tolyq aralap shyqty. Eldiń yqylasy erekshe.
Sońynda ol Qyzylorda oblysynyń tarıhı-ólketaný mýzeıine arnaıy bardy. Rıo Olımpıadasynyń qola júldegeri Aleksandr Zaıchıkov jurtshylyqpen kezdesý ótkizip, syndarly suhbat qurdy. Kezdesý barysynda aýyr atlet Olımpıadadan alǵan áserin ortaǵa saldy. Sonymen qatar, Rıo tórinde jeńis tuǵyryna kóterilip, marapat alǵan sátinde kıgen sporttyq kıimin mýzeı qoryna tartý etti.
Osy sharaǵa qatysqan stýdentter, mýzeı qyzmetkerleri sportshyǵa ózderin qyzyqtyrǵan suraqtar qoıyp, tushymdy jaýaptar aldy. Sondaı-aq, Olımpıada júldegeri mýzeıdiń qurmet kitabyna óz qoltańbasyn qaldyryp, Qyzylorda oblysy áleýmettik salasynyń damýy zalymen tanysty.
Erjan BAITILES,
«Egemen Qazaqstan»
QYZYLORDA