B.Á.Saǵyntaevty Qazaqstan Respýblıkasynyń Premer-Mınıstri qyzmetine taǵaıyndaý týraly
Baqytjan Ábdiruly Saǵyntaev Qazaqstan Respýblıkasynyń Premer-Mınıstri bolyp taǵaıyndalsyn.
Qazaqstan Respýblıkasynyń Prezıdenti
N.NAZARBAEV
Astana, Aqorda, 2016 jylǵy 9 qyrkúıek. № 319
Baqytjan Ábdiruly SAǴYNTAEV
1963 jyly týǵan. Qazaq memlekettik ýnıversıtetin bitirgen, mamandyǵy boıynsha – ekonomıst, saıası ekonomııa pániniń oqytýshysy. Ekonomıka ǵylymdarynyń kandıdaty ǵylymı dárejesi bar.
Eńbek jolyn joǵary oqý ornynda oqytýshylyq qyzmetten bastady. Sodan keıin kásipkerlikpen shuǵyldandy. Jambyl oblysy ákiminiń orynbasary, Qazaqstan Respýblıkasy Shaǵyn bıznesti qoldaý, Tabıǵı monopolııalardy retteý agenttikteri tóraǵalarynyń orynbasary boldy. Tabıǵı monopolııalardy retteý agenttiginiń tóraǵasy, Qazaqstan Respýblıkasy Premer-Mınıstri Keńsesiniń basshysy, Pavlodar oblysynyń ákimi, Qazaqstan Respýblıkasy Ekonomıkalyq damý jáne saýda mınıstri bolyp taǵaıyndaldy. «Nur Otan» halyqtyq-demokratııalyq partııasy Tóraǵasynyń birinshi orynbasary, Eýrazııalyq ekonomıkalyq komıssııa Keńesinde Qazaqstan Respýblıkasynyń ókili boldy.
Sońǵy kezde – Qazaqstan Respýblıkasy Premer-Mınıstriniń birinshi orynbasary.