A.U.Mamındi Qazaqstan Respýblıkasy Premer-Mınıstriniń birinshi orynbasary qyzmetine taǵaıyndaý týraly
Asqar Uzaqbaıuly Mamın Qazaqstan Respýblıkasy Premer-Mınıstriniń birinshi orynbasary bolyp taǵaıyndalsyn.
Qazaqstan Respýblıkasynyń Prezıdenti
N.NAZARBAEV
Astana, Aqorda, 2016 jylǵy 9 qyrkúıek. № 320
Asqar Uzaqbaıuly MAMIN
1965 jyly týǵan, Selınograd ınjenerlik-qurylys ınstıtýtyn, G.V.Plehanov atyndaǵy Reseı ekonomıka akademııasyn bitirgen, mamandyǵy boıynsha – ınjener-qurylysshy, ekonomıst.
Eńbek jolyn «Selıntıajstroı» tresiniń qurastyrýshysy bolyp bastady. Selınograd oblystyq ishki ister organdarynda qyzmet atqardy. Kásipkerlikpen shuǵyldandy. Astana qalasy ákiminiń birinshi orynbasary – Aqmola arnaıy ekonomıkalyq aımaǵy ákimshilik keńesi tóraǵasynyń orynbasary, Kólik jáne kommýnıkasııa vıse-mınıstri, Indýstrııa jáne saýda birinshi vıse-mınıstri laýazymdarynda qyzmet atqardy. Kólik jáne kommýnıkasııa mınıstri, Astana qalasynyń ákimi qyzmetterine taǵaıyndaldy.
2008 jylǵy sáýirden – «Qazaqstan temir joly» Ulttyq kompanııasy» AQ prezıdenti.