Densaýlyq saqtaý jáne áleýmettik damý mınıstrliginiń baspasóz qyzmeti mınıstrliktiń osy jyldyń segiz aıynda densaýlyq saqtaý máseleleri boıynsha atqarǵan qyzmeti jaıly habarlady.
Atap aıtqanda, Respýblıkalyq sanıtarlyq avıasııa brıgadalary 1408 ushyrylym jasap, 1740 medısınalyq qyzmet kórsetken. Onyń ishinde 1365 naýqas tasymaldanyp, 289-yna keńes berilgen jáne 86 ota jasalǵan.
Tasymaldanǵan naýqastardyń 70 paıyzy oblystyq jáne qalalyq medısınalyq uıymdarǵa, 30 paıyzy Astana jáne Almaty qalalaryndaǵy respýblıkalyq ortalyqtarǵa jatqyzylǵan.
Atalǵan merzim ishinde sheteldik emhanalar men medısınalyq uıymdardaǵy elimizdiń azamattaryna Astana jáne Almaty qalalarynda emdeý sharalaryn jalǵastyrý úshin Pýsan (Ońtústik Koreıa), Sveıbrıýken (Germanııa), Antalııa (Túrkııa), Praga (Chehııa) Bishkek (Qyrǵyzstan), Máskeý (Reseı) qalalarynan 7 ushyrylym jasalǵan.
Sonymen birge, 2016 jyldyń 8 aıynda sanıtarlyq avıasııanyń mobıldik brıgadalary ártúrli jaraqat alǵan 425 pasıentke, onyń ishinde jol-kólik apatynan zardap shekken 180 adamǵa medısınalyq qyzmet kórsetken.
Respýblıkalyq sanıtarlyq avıasııa ortalyǵynyń jumys isteý merziminde asa bilikti mamandar tarapynan joǵary mamandandyrylǵan medısınalyq kómektiń shuǵyl ári ýaqtyly kórsetilýi nátıjesinde myńdaǵan adamnyń ómirin saqtaýǵa múmkindik bolǵan.
«Egemen-aqparat»