World University Rankings QS (Ulybrıtanııa) bedeldi reıtıngtik agenttiginiń zertteý qorytyndylary boıynsha, ál-Farabı atyndaǵy Qazaq ulttyq ýnıversıteti 236-orynnan kórinip, álemniń 250 úzdik ýnıversıteti qataryna endi. Aıta keterligi, bul topqa TMD elderinen eki joǵary oqý orny – Lomonosov atyndaǵy MMÝ men ál-Farabı atyndaǵy QazUÝ ǵana kirdi. Osylaısha jetekshi qazaqstandyq ýnıversıtet Ortalyq Azııa men TMD-daǵy teńdessiz kóshbasshylyǵyn taǵy da dáleldedi.
Halyqaralyq reıtıngte joǵary baǵalanýyna ýnıversıtette zamanaýı talaptarǵa saı júrgizilgen
keshendi qurylymdyq jańartýdyń yqpal etkeni anyq. Nátıjege baǵyttalǵan prosestik menedjment, basqarý júıesi jáne eńbekti reıtıngtik baǵalaý engizildi. Sondaı-aq, joǵary álemdik talaptarǵa saı ári halyqaralyq akkredıtteýden ótken eksperımenttik bilim berý baǵdarlamalary daıyndalyp engizildi, ǵylymı-zertteý jumystary da belsendi júrgizilýde.
Reıtıngi joǵary sheteldik ǵylymı jýrnaldarda Qazaqstannyń atynan jarııalanǵan árbir úshinshi maqala QazUÝ ǵalymdaryna tıesili. Memlekettik-jeke seriktestik qaǵıdalary negizinde biregeı nysandar salynyp, ýnıversıtet kampýsynyń ınfraqurylymdyq qurylystarynyń ekinshi kezeńi aıaqtaldy.
QS sarapshylarynyń usynystary boıynsha, QazUÝ tájirıbesi álemdegi úzdik ýnıversıtetterde zerttelýde. Bul kórsetkish álemdik bilim men ǵylym naryǵynda básekelestikke qabilettiliktiń aıqyn dáleli bolyp tabylady.
QazUÝ ǵylym, bilim berý jáne ınnovasııalyq jetekshi ortalyq retinde Elbasy Nursultan Nazarbaevtyń halyqqa Joldaýynda aıtylǵan Qazaqstannyń damyǵan 30 eldiń qataryna kirýi jáne eki JOO-nyń álemniń 200 úzdik ýnıversıteti quramyna enýi jónindegi memlekettik mańyzy zor tapsyrmalardy júzege asyrý maqsatynda jumys isteýde.
«Egemen-aqparat»