2016 jylǵy 25 qańtar, Astana qalasy
Telekommýnıkasııalar jelilerinde Qazaqstan Respýblıkasy zańnamasynyń
talaptaryn saqtaý máseleleri boıynsha memlekettik organdardyń
ózara is-qımyl jasasý qaǵıdalaryn bekitý týraly
«Baılanys týraly» 2004 jylǵy 5 shildedegi Qazaqstan Respýblıkasy Zańynyń 8-baby 1-tarmaǵy 6-9) tarmaqshasyna sáıkes buıyramyn:
1. Qosa berilip otyrǵan Telekommýnıkasııalar jelilerinde Qazaqstan Respýblıkasy zańnamasynyń talaptaryn saqtaý máseleleri boıynsha memlekettik organdardyń ózara is-qımyl jasasý qaǵıdalaryn bekitý týraly bekitilsin.
2. Qazaqstan Respýblıkasy Investısııalar jáne damý mınıstrliginiń Baılanys, aqparattandyrý jáne aqparat komıteti (T.B.Qazanǵap) qamtamasyz etsin:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap kúntizbelik on kún ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparattyq ortalyǵyna jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalasýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalý barysy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstriniń mindetin atqarýshy J.QASYMBEK
Qazaqstan Respýblıkasynyń Investısııalar jáne damý mınıstriniń mindetin atqarýshynyń
2016 jylǵy 25 qańtardaǵy №60 buıryǵymen bekitildi
Telekommýnıkasııalar jelilerinde Qazaqstan Respýblıkasy zańnamasynyń talaptaryn saqtaý máseleleri boıynsha memlekettik organdardyń ózara is-qımyl jasasý qaǵıdalary
1. Jalpy erejeler
1. Osy Telekommýnıkasııalar jelilerinde Qazaqstan Respýblıkasy zańnamasynyń talaptaryn saqtaý máseleleri boıynsha memlekettik organdardyń ózara is-qımyl jasasý qaǵıdalary (budan ári – Qaǵıdalar) «Baılanys týraly» 2004 jylǵy 5 maýsymdaǵy Qazaqstan Respýblıkasynyń Zańynyń 8-baby 1-tarmaǵynyń 6-9) tarmaqshasyna sáıkes ázirlendi jáne telekommýnıkasııalar jelilerinde Qazaqstan Respýblıkasy zańnamasynyń talaptaryn saqtaý máseleleri boıynsha memlekettik organdardyń ózara is-qımyl jasasý tártibin aıqyndaıdy.
2. Osy Qaǵıdalar telekommýnıkasııalar jelilerinde Qazaqstan Respýblıkasy zańdarymen jáne (nemese) sottyń zańdy kúshine engen sheshimderimen tyıym salynǵan aqparattyń taralýyn shekteý máseleleri boıynsha memlekettik organdardyń ózara is-qımyl jasasýdy uıymdastyrýǵa taralady.
3. Osy Qaǵıdalarda mynadaı uǵymdar paıdalanylady:
1) telekommýnıkasııa jelisi – kommýtasııalyq jabdyqtan (stansııalardan, kishi stansııalardan, konsentratorlardan), jol-kábildik qurylystardan (abonenttik, jalǵanym joldary men arnalarynan), taratý júıeleri men abonenttik qurylǵylardan turatyn, telekommýnıkasııa habarlamalarynyń berilýin qamtamasyz etetin telekommýnıkasııa quraldary men baılanys joldarynyń jıyntyǵy;
2) ýákiletti organ – baılanys salasyndaǵy memlekettik saıasattyń iske asyrylýyn, baılanys salasynda qyzmetter kórsetetin nemese olardy paıdalanatyn tulǵalardyń qyzmetin memlekettik baqylaýdy, úılestirý men retteýdi júzege asyratyn, Qazaqstan Respýblıkasynyń Úkimeti aıqyndaıtyn ortalyq atqarýshy organ.
2. Telekommýnıkasııalar jelilerinde Qazaqstan Respýblıkasy zańnamasynyń talaptaryn saqtaý máseleleri boıynsha memlekettik organdardyń ózara is-qımyl jasasý tártibi
4. Telekommýnıkasııalar jelilerinde zańnama talaptaryn saqtaý boıynsha memlekettik organdardyń ózara is-qımyl jasasýy olardyń quzyretteri sheginde júzege asyrylady.
5. Memlekettik organdar telekommýnıkasııalar jelilerinde Qazaqstan Respýblıkasy zańdarymen jáne (nemese) sottyń zańdy kúshine engen sheshimderimen tyıym salynǵan aqparat taralǵan jaǵdaıda ýákiletti organǵa osy Qaǵıdalarǵa qosymshaǵa sáıkes habarlamany jiberedi.
6. Baılanys jáne paıdalanylatyn tehnologııalardyń túrine qaraı habarlamada Qazaqstan Respýblıkasynyń zańdarymen tyıym salynǵan aqparatty taratý úshin qoldanylatyn derekter berý jelisindegi mekenjaılar, kirý mekenjaılary, ınternet-resýrsty sáıkestendirýshiler jáne abonenttik qurylǵynyń sáıkestendirý kodtary kórsetiledi.
7. Habarlamalar Qazaqstan Respýblıkasynyń zańnamasyna sáıkes atalǵan is-qımyl túrin jasasýǵa ýákiletti memlekettik organnyń laýazymdy adamynyń (adamdarynyń) qoly qoıylyp jiberiledi, olardyń tizimi ýákiletti organǵa memlekettik organnyń birinshi basshysy nemese onyń orynbasarynyń qoly qoıylyp jiberiledi.
8. Habarlama alynǵan sátten bastap úsh jumys kúni ishinde ýákiletti organ habarlama jibergen memlekettik organdy jáne telekommýnıkasııalar jelilerinde aqparatty ornalastyrǵan tulǵany qabyldanǵan sharalar týraly habardar etedi.
9. Telekommýnıkasııalar jelilerinde Qazaqstan Respýblıkasy zańnamasynyń talaptaryn saqtaý máseleleri boıynsha memlekettik organdardyń ózara is-qımyl jasasý elektrondyq qujat aınalymy júıesi men aqparattyq júıelerdi paıdalana otyryp, júzege asyrylady.
Telekommýnıkasııalar jelilerinde Qazaqstan Respýblıkasy zańnamasynyń talaptaryn saqtaý máseleleri boıynsha memlekettik organdardyń ózara is-qımyl jasasý qaǵıdalaryna qosymsha
Nysan
____________________________
____________________________
(Ýákiletti organnyń ataýy)
HABARLAMA
azaqstan Respýblıkasynyń Investısııalar jáne damý mınıstriniń mindetin atqarýshynyń 2016 jylǵy 25 qańtardaǵy № 60 buıryǵymen bekitilgen Telekommýnıkasııalar jelilerinde Qazaqstan Respýblıkasy zańnamasynyń talaptaryn saqtaý máseleleri boıynsha memlekettik organdardyń ózara is-qımyl jasasý qaǵıdalaryna sáıkes, Qazaqstan Respýblıkasy zańdarymen jáne (nemese) sottyń zańdy kúshine engen sheshimderimen tyıym salynǵan aqparat týraly málimetterdi jiberemiz.
1. Buzýshylyq túri _________________________.
2. Qazaqstan Respýblıkasynyń zańnamalyq aktisiniń normasy __________________________________________________________________.
3. Qazaqstan Respýblıkasynyń zańnamasyn buzýshylyq tizimi (derekter berý jelisindegi mekenjaılar (IP-adres) jáne (nemese) domendik ataý jáne (nemese) ınternet-resýrsty jáne (nemese) ony ınternet-paraqshasyn sáıkestendirýshi, ınternet-resýrspen paıdalanatyn derekter berý jelisiniń hattamasy, abonenttik qurylǵynyń sáıkestendirý kodtary (MAC-qurylǵy mekenjaıy, IMEI-baılanys quralynyń kody)1:
1) ________________________;
2) ________________________;
3) ________________________;
4) ________________________.
Osy habarlamada kórsetilgen málimetterdiń zańdylyǵy men negizdiligin kýálandyramyn,
Ýákiletti laýazymdy adam ________ ____________________
(laýazymy) (qol tańba) (Tegi, aty, ákesiniń aty (eger bar bolsa)
_____________________
1 Eskertý: baǵandar sany habarlamaǵa engizilgen Qazaqstan Respýblıkasynyń zańnamasyn buzýshylyqqa baılanysty
Buıryq Qazaqstan Respýblıkasynyń Ádilet mınıstrliginde 2016 jylǵy 22 aqpanda Normatıvtik quqyqtyq kesimderdi memlekettik tirkeýdiń tizilimine №13157 bolyp engizildi.