2015 jylǵy 24 aqpan, Astana qalasy
«Kondıterlik buıymdardy óndirý obektilerine, kondıterlik buıymdardy óndirý, ólshep-oraý, tasymaldaý, saqtaý, ótkizý, kádege jaratý jáne joıý sharttaryna qoıylatyn sanıtarııalyq-epıdemıologııalyq talaptar» sanıtarııalyq qaǵıdalaryn bekitý týraly
«Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasynyń Kodeksiniń 144-babynyń 6-tarmaǵyna sáıkes buıyramyn:
1. Qosa berilip otyrǵan «Kondıterlik buıymdardy óndirý obektilerine, kondıterlik buıymdardy óndirý, ólshep-oraý, tasymaldaý, saqtaý, ótkizý, kádege jaratý jáne joıý sharttaryna qoıylatyn sanıtarııalyq-epıdemıologııalyq talaptar» sanıtarııalyq qaǵıdalary bekitilsin.
2. Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde onyń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrliginiń resmı ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin.
4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasy Ulttyq ekonomıka mınıstriniń
mindetin atqarýshy M.QUSAIYNOV
«KELISILGEN»
Qazaqstan Respýblıkasynyń Densaýlyq saqtaý jáne
áleýmettik damý mınıstri
____________T. DÚISENOVA
2015 jylǵy 11 naýryz
Qazaqstan Respýblıkasy Ulttyq ekonomıka mınıstriniń mindetin atqarýshynyń
2015 jylǵy 24 aqpandaǵy № 124 buıryǵymen bekitilgen
«Kondıterlik buıymdardy óndirý obektilerine, kondıterlik buıymdardy óndirý, ólshep-oraý, tasymaldaý, saqtaý, ótkizý, kádege jaratý jáne joıý sharttaryna qoıylatyn sanıtarııalyq-epıdemıologııalyq talaptar» sanıtarııalyq qaǵıdalary
1. Jalpy erejeler
1. «Kondıterlik buıymdardy óndirý obektilerine, kondıterlik buıymdardy óndirý, ólshep-oraý, tasymaldaý, saqtaý, ótkizý, kádege jaratý jáne joıý sharttaryna qoıylatyn sanıtarııalyq-epıdemıologııalyq talaptar» sanıtarııalyq qaǵıdalary (budan ári – Sanıtarııalyq qaǵıdalar) «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń (budan ári – Kodeks) 144-baby 6-tarmaǵyna sáıkes ázirlengen, qoǵamdyq tamaqtaný obektileriniń quramynda ornalasqan obektilerdi qospaǵanda, kondıterlik buıymdardy óndirý jónindegi obektilerdi (budan ári – obekt) jobalaýmen, salýmen, rekonstrýksııalaýmen, jóndeýmen jáne paıdalanýmen, kondıterlik buıymdardy óndirýmen, ólshep-oraýmen, tasymaldaýmen, saqtaýmen, ótkizýmen, kádege jaratýmen jáne joıýmen baılanysty kásipkerlik qyzmetpen aınalysatyn jeke jáne zańdy tulǵalarǵa arnalǵan jáne kondıterlik buıymdardy óndirý jónindegi obektilerdiń qyzmetine jáne kondıterlik buıymdardy óndirý, ólshep-oraý, tasymaldaý, saqtaý, ótkizý, kádege jaratý jáne joıý sharttaryna qoıylatyn sanıtarııalyq-epıdemıologııalyq talaptardy aıqyndaıdy, olardy saqtamaý adamnyń ómirine nemese densaýlyǵyna, sondaı-aq aýrýlardyń paıda bolýy men taralý qaýpin tóndiredi.
2. Kondıterlik buıymdardy (budan ári – buıymdar) óndirý osy Sanıtarııalyq qaǵıdalarǵa, tamaq óniminiń qaýipsizdigi salasyndaǵy tehnıkalyq reglamentterge jáne basqa da normatıvtik quqyqtyq aktilerge sáıkes júzege asyrylady.
3. Osy Sanıtarııalyq qaǵıdalarda mynadaı termınder men anyqtamalar paıdalanyldy:
1) bakterısıdti sham – óndiristik úı-jaılardaǵy aýany zararsyzdandyrý úshin qoldanylatyn ýltrakúlgin sáýle shyǵarǵysh;
2) dej – aralastyrýǵa arnalǵan ydys;
3) eseptik nómiri – óndirý obektisi qyzmetiniń túri men nómirin qamtıtyn kod;
4) jemis-jıdek ezbesi – untaqtalǵan jemis jumsaǵy;
5) jumyrtqa jarǵysh – jumyrtqalardy óndiriske daıyndaýǵa arnalǵan úı-jaı;
6) jumyrtqanyń jarylýy (soǵylýy) – ishindegisiniń aǵyp, qabyǵy jáne qabyq qaýyzy tutastyǵynyń buzylýy;
7) jalǵan jumyrtqalar – tehnıkalyq jaramsyz bolyp tabylatyn, ınkýbatordan alynǵan uryqtanbaǵan jumyrtqalar;
8) ınvertti shárbat – 10 paıyzdy (budan ári – %) tuz qyshqylynyń ertindisinde óńdelgen jáne as sodasynyń qos kómir qyshqylynyń eritindisimen beıtaraptandyrylǵan qant shárbaty;
9) kondıterlik buıymdardy óndirý obektileri – qanttan jáne unnan jasalǵan kondıterlik buıymdardy shyǵaratyn obektiler, onyń ishinde:
karamelder men draje, kámpıt, shokolad, ırıs, halýa, pastıla marmeladty, zefırli-marmeladty buıymdardy, shyǵys táttilerin jáne basqalardy;
kremsiz kondıterlik buıymdardy: pechene, galet, krekerler, prıanıkter, kovrıjkalar, kekster, vaflı jáne basqalardy;
kremi bar kondıterlik buıymdardy: torttar, pırojnyılar jáne basqalardy shyǵaratyn óndiris;
10) qýaty az obektiler (shaǵyn óndiris) – táýligine 0,1 tonnadan astam kremi bar kondıterlik buıymdardy, táýligine 0,3 tonnadan astam kremsiz kondıterlik buıymdardy óndiretin obektiler;
11) qamyrdy ashytyp qoıý – normatıvtik tehnıkalyq qujattarǵa sáıkes aýanyń temperatýrasy men ylǵaldylyǵy jaǵdaıynda qamyrdy ashytyp ustaý;
12) kondıterlik buıymdar – pishini, quramy, konsıstensııasy, qurylymy jáne ıisi boıynsha ártúrli, aıryqsha tátti dámge ıe tamaq ónimi;
13) kertilgen – qabyǵy jarylǵan jumyrtqa;
14) qaınatpa – qant qosyla otyryp ártúrli jıdekter men jemister ezbesinen qaınatylǵan massa;
15) magnıt ustaǵysh – usaq metall zattardy ustaýǵa arnalǵan qondyrǵy;
16) melanj – jumyrtqanyń aqýyzy men saryýyzynyń muzdatylǵan qospasy;
17) oraý (ólshep oraý) kúni – tamaq ónimderiniń oramaǵa (ydysqa) salynǵan kúni;
18) orama (ydys) – shıkizatty jáne daıyn ónimdi ornalastyrý, qorǵaý, tasymaldaý, tıeý jáne túsirý, jetkizý jáne saqtaý úshin paıdalanylatyn buıym;
19) ovoskopııa – arnaıy aspapta (ovoskop) elektr shamynyń jaryǵymen jumyrtqanyń sapasyn anyqtaý;
20) óndiristik baqylaý – kásiporynnyń óndiristik zerthanasynyń tehnologııalyq baqylaý júrgizýin qamtıtyn, daıyndaýshynyń óndirý (daıyndaý), saqtaý jáne kádege jaratý prosesinde kondıterlik buıymdardyń qaýipsizdigin qamtamasyz etýge baǵyttalǵan is-sharalar;
21) sanıtarııalyq arnaıy kıim (budan ári – arnaıy kıim) – shıkizattardy, qosymsha materıaldardy jáne daıyn ónimdi mehanıkalyq bólshektermen, mıkroorganızmdermen jáne basqa las zattarmen lastanýdan qorǵaýǵa arnalǵan personaldyń qorǵanysh kıiminiń jıyntyǵy;
22) sanıtarııalyq kún – úı-jaılardy kúrdeli jınaý, jabdyqtar men múkámmaldy jýý, qajet bolǵan jaǵdaıda dezınfeksııalaý, dezınseksııalaý, deratızasııalaý júrgizý úshin arnaıy bólingen ýaqyt (aıyna keminde bir ret);
23) sanıtarııalyq jaramsyzdyq – tehnologııalyq operasııalar, buıymdy tasymaldaý jáne jınaý barysyndaǵy buzýshylyqtar saldarynan týyndaıtyn, ony tikeleı maqsaty boıynsha paıdalaný múmkindigin boldyrmaıtyn, ónimniń organoleptıkalyq jáne tutyný qasıetteriniń ózgerýi;
24) salyndy – óndirýge daıyndyqtan ótken, shıkizattyń bir túrinen nemese birneshe túriniń qospasynan daıyndalǵan jáne óndirý kezeńinde kondıterlik jartylaı fabrıkattyń ishine nemese ústine salynatyn kondıterlik buıymdardyń quramdas bóligi;
25) taýar kórshilestigi – shıki jáne daıyn buıymdardy birge saqtaýdy jáne ótkizýdi boldyrmaıtyn, olardyń lastanýyn jáne taýardyń sapasyna áser etetin bóten ıistiń enýin boldyrmaıtyn jaǵdaılar;
26) tez buzylatyn tamaq ónimderi – qatań reglamenttelgen merzimderde tasymaldaýdyń, saqtaýdyń jáne ótkizýdiń arnaıy jaǵdaılaryn talap etetin tamaq ónimderi;
27) tehnologııalyq jabdyq – ónim óndirýdi qamtamasyz etý úshin qajetti tetikterdiń, mashınalardyń, qurylǵylardyń, aspaptardyń jıyntyǵy;
28) tańbalaý – tutynýshyǵa aqparat jetkizetin jáne tamaq ónimine, qujattarǵa, jadnamalarǵa (qosymsha paraqtarǵa), zatbelgilerge, kontrzatbelgilerge, koleretkalarǵa, zattańbalarǵa, japsyrmalarǵa (stıkerlerge), tutyný ydysyna (oramaǵa) túsirilgen mátin, taýar belgileri, shartty belgi jáne sýretter;
29) tamaq ónimin baıytý (fortıfıkasııalaý) – bir nemese odan da kóp qajetti ıngredıentterdi (vıtamınder, mıneraldar, amın qyshqyldary, maı qyshqyldary) jáne onda bastapqyda bolmaǵan ne jetkiliksiz mólsherde bolǵan nemese óndirý (daıyndaý) prosesinde (satysynda) joǵaltylǵan basqa da zattarǵa ónimniń taǵamdyq qundylyǵyn arttyrý jáne halyq arasynda mıkronýtrıentti aýrýlardyń aldyn alý maqsatynda olarǵa belgili bir qasıetterdi berý úshin olardy tamaq ónimderine engizý jáne teń bólý;
30) unnan jasalǵan kondıterlik buıym – negizgi reseptik quramdaýyshy un bolyp tabylatyn, pisirilgen tamaq ónimin bildiretin kondıterlik ónim (pechene, prıanıkter, kekster, bıskvıt oramalary, galetter, krekerler, vaflı jáne basqalar).
4. Osy Sanıtarııalyq qaǵıdalarda osy taraýda arnaıy aıqyndalmaǵan uǵymdar Keden odaǵy komıssııasynyń 2011 jylǵy 9 jeltoqsandaǵy № 880 sheshimimen bekitilgen Keden odaǵynyń «Tamaq ónimderiniń qaýipsizdigi týraly» (021/2011 KO TR) tehnıkalyq reglamentinde (budan ári – 021/2011 KO TR) belgilengen maǵynada paıdalanylady.
5. Obektilerdi jobalaýǵa, salýǵa, rekonstrýksııalaýǵa, jóndeýge jáne paıdalanýǵa, óndiristik baqylaýǵa, óndiris prosesterine, personaldy medısınalyq qarap tekserýge jáne gıgıenalyq oqytýǵa qoıylatyn talaptar Kodekstiń 144-babynyń 6-tarmaǵyna sáıkes halyqtyń sanıtarııalyq-epıdemıologııalyq salamattylyǵy salasyndaǵy memlekettik organ bekitetin sanıtarııalyq-epıdemıologııalyq normalaý qujattaryna (budan ári – normalaý qujattary) sáıkes belgilenedi.
6. О́ndiristik úı-jaılardyń aýasyndaǵy zııandy zattardyń ruqsat etilgen shekti shoǵyrlanýy, óndiristik úı-jaılardaǵy shýdyń, dirildiń, jaryqtandyrý men mıkroklımattyń deńgeıleri normalaý qujattaryna sáıkes keledi.
2. О́nimderdi óndirý sharttaryna qoıylatyn talaptar
7. Kondıterlik buıymdar óndirisi kondıterlik, nan-toqash buıymdaryn óndirý boıynsha kópbeıindi obektiler quramynda jáne óndiristik jáne qosalqy úı-jaılardyń tıisti jıyntyǵy bar, bas óndiristik korpýsta derbes tehnologııalyq sehtarda ornalasqan, qajetti jabdyqpen, apparatýramen jáne múkámmalmen jaraqtalǵan derbes óndiris retinde kózdeledi.
8. Mynalarǵa:
1) óndiristerdi biriktirýge jáne olardy aýmaqtyq-josparlaý sheshimderine baılanysty ortaq úı-jaılarǵa ornalastyrýǵa – karamel men draje óndirisin (karamel massalaryn pisirý, qalyptaý, salqyndatý, oraý jáne ólshep-oraý bólimshesi), qýaty az obektilerde shıkizatty ydysqa salý úı-jaıyn jáne maıdy tazalaý úı-jaıymen (ýchaske) ony óndirýge daıyndaýǵa;
2) biryńǵaı tehnologııalyq prosespen baılanysty jáne mıkroklımat jaǵdaılary uqsas bólimshelerdi bir úı-jaıda ornalastyrýǵa jol beriledi.
9. Mynalarǵa:
1) kremi men salyndysy bar kondıterlik buıymdardy ashyq tabaqtarda, lotoktarda, oramasyz jáne tońazytý jabdyǵynsyz tasymaldaýǵa;
2) kez kelgen kremdi daıyndaý úshin az mólsherde shyǵarylatyn nan-toqash jáne unnan jasalatyn kondıterlik buıymdardy pisirýge arnalǵan sýda júzetin qustardyń jumyrtqalaryn qospaǵanda, sýda júzetin qus jumyrtqalaryn, kertilgen, jarylǵan jáne soǵylǵan taýyq jumyrtqalaryn, jalǵan jumyrtqalardy, qustardyń qaýipti juqpaly aýrýlary boıynsha qolaısyz sharýashylyqtardan alynǵan jumyrtqalardy paıdalanýǵa;
3) jumyrtqalardyń ornyna jumyrtqa melanjyn paıdalanýǵa jol berilmeıdi.
10. Krem daıyndaý jáne torttar men pırojnyılardy árleý úı-jaılarynda jeldetkish júıesi shańǵa qarsy jáne bakterısıdti súzgishpen jabdyqtalady. Jeldetý júıeleriniń sańylaýlary uıashyqtary usaq tormen jabylady. Osy úı-jaılarda aýa baptaǵyshtar men ınsolıasııadan qorǵaıtyn qurylǵylar ornatylady. Úı-jaılardaǵy ruqsat etiletin temperatýra +18 gradýs Selsııadan (budan ári –°S) aspaıdy.
11. Kondıterlik buıymdardy óndirý jónindegi obektiler óndiristik úı-jaılarynyń quramy men jıyny, qýaty az kondıterlik sehtar óndiristik úı-jaılarynyń jıyny osy Sanıtarııalyq qaǵıdalarǵa 1 jáne 2-qosymshalarǵa sáıkes shyǵarylatyn ónimniń tıpine, qýatyna, assortımentine sáıkes belgilenedi.
12. Qamyr ıleıtin dejderdiń, vakýým-apparattardyń, qaınatý qazandarynyń jáne basqa jabdyqtardyń ishki jáne syrtqy betteri jumys aıaqtalǵan soń tazalanady jáne ystyq sýmen jýylady, vakýým-apparattar men qazandar býmen óńdeledi.
13. Qanttyń óńdelý kólemi eskerile otyryp qýaty az obektilerde – undy eleý bólimshesinde bólek úı-jaıda tartylý iriligi ártúrli qant untaǵyn alý.
14. Zaýyt qaptamasyndaǵy qoıyltylǵan sútti qospaǵanda, shıkizatty óndiristik úı-jaılarda kóliktik, aınalym ydysta saqtaýǵa jol berilmeıdi.
15. Kondıterlik buıymdardy óndirý kezinde:
1) sapasyzdyǵynyń aıqyn belgileri bar, bógde ıisteri, dámi, qosyndylary bar, túsi, ıisi, konsıstensııasy ózgergen, tamaq ónimderine arnalǵan normatıvtik jáne/nemese tehnıkalyq qujattamada kórsetilgen belgilerden aıyrmashylyǵy bar ónimdi;
2) aýyl sharýashylyǵy maldarynyń aýrýshańdyǵy boıynsha qolaısyz sharýashylyqtardan alynǵan, sondaı-aq bastapqy óńdeýden jáne pasterleýden ótpegen sút pen sút ónimderin;
3) qabyǵy lastanǵan jumyrtqalardy, taǵamdyq tolyqqandy emes jáne tehnıkalyq aqaýy bar («kertilgen», «aqqan», «jarylǵan» jáne basqalar) jumyrtqalardy, sondaı-aq qustardyń qaýipti juqpaly aýrýlary boıynsha qolaısyz sharýashylyqtardan alynǵan shıki jumyrtqalardy, úırek pen qaz jumyrtqalaryn;
4) qamba zııankesterimen zalaldanǵan undy, keptirilgen jemisterdi jáne basqa da ónimderdi;
5) kógergen jáne shirý belgisi bar jemisterdi, jańǵaqtardy;
6) shyqqan jerin, sapasy men qaýipsizdigin rastaıtyn, olardyń qadaǵalanýyn qamtamasyz etetin ilespe qujattarsyz;
7) buzylǵan nemese germetıkalyq emes qaptamada (qamtamalanǵan ónim úshin), lastanǵan ydysta;
8) tıisti tańbasy bolmaǵan kezde;
9) saqtaýdyń jáne tasymaldaýdyń tempýratýralyq jáne ylǵaldylyq jaǵdaılaryn saqtaý úshin jaǵdaı jasalmaǵan kezde;
10) belgilengen jaramdylyq merzimi bolmaǵan nemese jaramdylyq merzimi ótip ketken kezde;
11) qaýipsizdik kórsetkishteri boıynsha sáıkes kelmegen kezde;
12) tamaq óndirisinde qoldanýǵa ruqsat etilgen hosh ıisti (tatymdy) ósimdikterdi jáne ósimdikterdiń keıbir basqa da túrlerin qospaǵanda, dárilik ósimdikterdi;
13) tutynýshy qaptamasynda, zatbelgisinde, jazba belgisinde, japsyrma paraqtarda jáne/nemese ilespe qujattarynda qajetti aqparat bolmaǵanda;
14) usynylǵan aqparatqa sáıkes kelmegen kezde;
15) jalǵan bolyp tabylatyn ónimdi qabyldaýǵa, paıdalanýǵa, saqtaýǵa, tasymaldaýǵa jáne ótkizýge jol berilmeıdi.
16. О́nim túriniń jaramdylyq, saqtaý merzimi kórsetile otyryp ár ydys ornynyń tańbalaý jazba belgisi (zatbelgi) jaramdylyq/saqtaý merzimderi aıaqtalǵansha, ónimdi tolyq paıdalanǵanǵa deıin saqtalady.
17. Temir tapshylyǵy jaı-kúıi men ıod tapshylyǵy aýrýlarynyń profılaktıkasy maqsatynda unnan jasalatyn kondıterlik buıymdardy óndirýde joǵarǵy jáne birinshi surypty bıdaı uny quramynda temir bar vıtamındermen, mıneraldarmen jáne basqa da zattarmen baıytylýy (fortıfıkasııalanýy), al as tuzy ıodtalýy tıis.
18. Daıyn buıymdardy taza, qurǵaq, bóten ıisi joq, pergament nemese Qazaqstan Respýblıkasy men Keden odaǵyna múshe memleketter aýmaǵynda qoldanýǵa ruqsat etilgen tamaq ónimderimen janasýǵa ruqsat etilgen basqa da materıaldar tóselgen ydysqa salynady.
19. Unnan jasalǵan kondıterlik buıymdardy tabaqtarǵa jáne tartpalarǵa salý, saqtaý jáne tasymaldaý ónimdi óndirýshiniń nusqaýlyǵyna sáıkes júrgiziledi. Tıeý, tasymaldaý jáne túsirý kezinde buıymdardy atmosferalyq jaýyn-shashynnan saqtaıdy.
20. О́ńdeýge kelmeıtin kondıterlik buıymdardy odan ári joıý úshin arnaıy ydysqa jınaıdy.
21. Kondıterlik buıymdardyń barlyq jaramdylyq/saqtaý merzimi ishinde tamaq óniminiń ár túri úshin belgilengen saqtaý sharttarynyń saqtalýy qamtamasyz etiledi. Kondıterlik buıymdardyń qaýipsizdigin qamtamasyz etetin saqtaý sharttarynyń sáıkestigi Kodekstiń 90-baby 4-tarmaǵy 4) tarmaqshasyna sáıkes óndiristik baqylaý baǵdarlamalaryna sáıkes baqylaý-ólsheý aspaptarynyń kórsetimderi boıynsha baǵalanady.
22. Kondıterlik buıymdardyń jaramdylyq (saqtaý) merzimderi men saqtaý sharttaryn daıyndaýshy olardyń Kodekstiń 144-baby 6-tarmaǵyna, 021/2011 KO TR sáıkes halyqtyń sanıtarııalyq-epıdemıologııalyq salamattylyǵy salasyndaǵy memlekettik organ bekitetin normalaý qujattarynyń talaptaryna sáıkestigin qamtamasyz etýdi eskere otyryp, tehnıkalyq qujattamada belgileıdi.
23. Kondıterlik buıymdardy jáne óndiriste qoldanylatyn tez buzylatyn tamaq ónimderin saqtaý, tasymaldaý jáne ótkizý ónimniń qaýipsizdigi men sapa kórsetkishterin saqtaýdy qamtamasyz etetin temperatýralyq ylǵaldylyq rejımder kezinde júzege asyrylady.
Jyldyń jyly mezgilinde tez buzylatyn unnan jasalǵan kondıterlik buıymdardy tasymaldaý:
1) salqyndatatyn shanaǵy bar arnaıy kólikte 6 saǵattan aspaıtyn;
2) sýyq kelmeıtin ızotermııaly shanaqtarda 1 saǵattan aspaıtyn ýaqytta +6 oS joǵary emes temperatýra kezinde júrgiziledi.
Kremi jáne salyndysy bar kondıterlik buıymdardy tasymaldaý úshin refrıjeratorlar paıdalanylady.
24. Kremi bar unnan jasalǵan kondıterlik buıymdar qaqpaǵy bar konteınerlerde tasymaldanady.
25. Daıyn ónimdi ótkizý kezinde óndiris obektilerinde normalaý qujattaryna sáıkes tamaq óniminiń saýdasy obektilerine qoıylatyn jaǵdaılar jasalady.
26. Oramasy joq kondıterlik buıymdardy ótkizý kezinde kesýge, ólsheýge arnalǵan arnaıy jabdyq, sondaı-aq tańbalanǵan saýda múkámmaly (taqtalar, qysqyshtar, qalaq jáne basqalary) paıdalanylady. Oramasy joq ónimderdi tikeleı tarazyda orama materıalynsyz ólsheýge jol berilmeıdi.
27. Kremi bar kondıterlik buıymdardy saqtaý úshin temperatýrasy +5 ºS deıin keminde eki tońazytý kamerasy kózdeledi.
28. Unnyń qaptary qýaty az obektilerdi qospaǵanda, qaptardy qaǵýǵa arnalǵan mashına ornatylǵan úı-jaıda saqtalady. Unnyń qaldyǵy, qaptardyń qaǵyndysy «sanıtarııalyq aqaý» degen belgisi bar arnaıy ydysqa jınalady jáne jeke úı-jaıda saqtalady.
29. Un shıkizattyń barlyq túrinen bólek, +10 °S tómen emes temperatýrada jáne 75 %-dan aspaıtyn salystyrmaly ylǵaldylyqta saqtalady. Ydyssyz saqtaǵan kezde un jekelegen syıymdylyqtarǵa tógiledi.
30. Tuz jeke, sondaı-aq erigen kúıinde súzgilermen jabdyqtalǵan ydystarda saqtalady jáne óndiriske erigen jáne súzilgen kúıinde beriledi.
31. Prestelgen ashytqy jáne ashytqy súti +4 °S aspaıtyn temperatýrada saqtalady. Prestelgen ashytqyny aýysymdyq nemese táýliktik qor sehynda saqtaýǵa jol beriledi.
32. Maılar, jumyrtqalar, sút jáne sút ónimderi +4 °S aspaıtyn temperatýrada tońazytqysh kameralarynda saqtalady.
33. Buıymdardy óndirý úshin daıyndalǵan árleýge arnalǵan salyndylar men jartylaı fabrıkattar +6 °S aspaıtyn temperatýrada tańbalanǵan jabyq ydysta nemese jınaǵyshtarda saqtalady.
34. Jumyrtqalar men jumyrtqa ónimderin saqtaý úshin jeke tońazytqysh jabdyǵy kózdeledi.
35. Seh ishindegi jabdyq, ydystar, múkámmal, ydys-aıaq, kremi bar kondıterlik buıymdardy óndirý kezinde paıdalanylatyn seh ishindegi ydystar tehnologııalyq prosess kezeńderi boıynsha qosymsha tańbalanady jáne qatań túrde maqsatyna qaraı paıdalanylady.
36. Kremi bar buıymdardy árleýge arnalǵan úı-jaılar tegis, gıgıenalyq jabyny bar ústelderimen jabdyqtalady. Kún saıyn jumys aıaqtalǵan soń ústelder jýý quralynyń 0,5 % eritindisimen óńdeledi, dezınfeksııalanady jáne +60 °S temperatýrada ystyq sýmen jýylady.
37. Erekshe sanıtarııalyq rejımdi talap etetin úı-jaılar: jumyrtqa massasyn daıyndaý, daıyn buıymdy árleý bólimsheleri, seh ishindegi múkámmaldy jýý, seh múkámmalyn óńdeý bólimsheleri, jumyrtqa jarýǵa arnalǵan úı-jaı aýysym sońynda jınaý aıaqtalǵan soń barynsha kólemdi aýdandy óńdeýdi qamtamasyz etetin jáne óndiristik ústelderdiń ústindegi keńistikti qamtıtyn oryndarda ornatylǵan bakterısıdti shamdarmen (stasıonarlyq nemese jyljymaly) óńdeledi.
38. Ekrandalmaǵan jyljymaly bakterısıdti shamdar úı-jaıdyń 1 tekshe metrine (budan ári – m3) 2,0-2,5 Vatt (budan ári – Vt) qýaty esebinen ornatylady. Ekrandalǵan bakterısıdti shamdar úı-jaıdyń 1 m3 -ne 1,0 Vt qýaty esebinen sáýle úı-jaıdaǵy adamdarǵa baǵyttalmaǵan jaǵdaıda edennen 1,8-2,0 m bıiktikte ornatylady.
Bakterısıdti shamdardyń jumys rejımin daıyndaýshy-kásiporyn olardy qoldaný jónindegi nusqaýlyqqa sáıkes belgileıdi.
Shamdardyń jumysyn esepke alý osy Sanıtarııalyq qaǵıdalarǵa 3-qosymshaǵa sáıkes nysan boıynsha bakterısıdti shamdardyń jumysyn tirkeıtin arnaıy jýrnalda tirkeledi.
39. Bakterısıdti sham qosylyp turǵan kezde úı-jaıda personaldyń jumys isteýine jol berilmeıdi. Personaldyń úı-jaıǵa kirýine bakterısıdti qondyrǵy ajyratylǵannan keıin 30 mınýttan soń jáne úı-jaıdy jeldetkennen keıin jol beriledi.
40. Tehnologııalyq jabdyqty, sútke arnalǵan apparatýrany, sıropqa arnalǵan pisirý qazandaryn, sıropty saqtaýǵa arnalǵan baktardy, ólsheýge arnalǵan shaǵyn baktardy, kondıterlik óndiristerdiń qubyrlaryn sanıtarııalyq óńdeý osy Sanıtarııalyq qaǵıdalarǵa 4-qosymshaǵa sáıkes júrgiziledi.
41. Qamyr ıleıtin dejdiń ishki betiniń joǵarǵy bóligi ár qamyr ılegen saıyn tazalanady jáne ósimdik maıymen maılanady.
42. Unnan jasalǵan kremi bar kondıterlik buıymdar óndiretin óndiristik sehtardyń (ýchaskelerdiń) jabdyǵy, múkámmaly jáne ydysy aýysymyna keminde bir ret, jibitýge arnalǵan sırop quıylatyn jáne bıskvıt úgindisine arnalǵan ydystar (tuǵyryqtar) aýysymyna keminde 2 ret óńdeledi.
43. Unnan jasalatyn buıymdardy pisirýge arnalǵan jańa qalyptar men tabalar qoldaný aldynda peshtiń ishinde qyzdyrylady. Jıekteri maıysqan, myjylǵan, qabyrshyqtanǵan qalyptar men tabalar paıdalanylmaıdy. Qalyptar men tabalar udaıy túrde kúıesin alý úshin túzetiledi, tazalanady jáne kúıdiriledi.
44. Kremmen jumys isteýge arnalǵan ushtyqtardy jáne usaq múkámmaldy, seh ishindegi ydystardy jáne iri múkámmaldy jýý oryndary, aınalym ydystyń jýý orny ystyq jáne sýyq sý ótkizilgen úsh seksııaly vannamen jabdyqtalady. Jumyrtqalardy óńdeýge arnalǵan úı-jaı tórt seksııaly jýý vannalarymen jabdyqtalady.
45. Kondıterlik óndiristiń seh ishindegi ydystar men múkámmaldy óńdeý osy Sanıtarııalyq qaǵıdalarǵa 5-qosymshaǵa sáıkes arnaıy jýý bólimshelerinde, jýý mashınalarynda nemese qolmen jýý tásilimen júzege asyrylady.
46. Aınalym ydysyn jýý seh ishindegi ydys pen múkámmaldy jýýdan bólek júrgiziledi, jýý jáne dezınfeksııalaý quraldarymen jýylady, ystyq sýmen shaıylady jáne keptiriledi.
47. Jumyrtqa massasyna arnalǵan jabdyq, múkámmal jáne ydys jumys aıaqtalǵannan keıin osy Sanıtarııalyq qaǵıdalardyń talaptaryna sáıkes sanıtarııalyq óńdeledi, al usaq múkámmal jýýdan keıin 30 mınýt boıy qaınatylady.
Jumyrtqa óńdeýge arnalǵan vannalar men jumyrtqa jarýǵa arnalǵan úı-jaıdaǵy eden jumys aıaqtalǵan soń ystyq (+50 ºS tómen emes) sýmen jýylady jáne dezınfeksııalanady.
48. Kondıterlik óndiristiń torttary men tátti toqashtardy árleýge arnalǵan ushtyqtar men usaq múkámmaldy óńdeý osy Sanıtarııalyq qaǵıdalarǵa 6-qosymshaǵa sáıkes júrgiziledi.
49. Aýysym aıaqtalǵan soń krem bylǵaıtyn mashına kremnen bosatylady jáne óńdeýdiń ár satysy úshin 10-15 mınýt boıy eritindilermen (basynda jýý, sosyn dezınfeksııalaý quraldarymen) júıeli túrde toltyrǵan soń jumys istep turǵan qalpynda óńdeledi, sodan soń ystyq sýmen jýylady. Kondıterlik ónimderdi óndirýde paıdalanylatyn basqa jabdyq ony paıdalaný jónindegi nusqaýlyqqa sáıkes sanıtarııalyq óńdeýge jatqyzylady.
50. Jańa pisken jemister men jıdekter paıdalaný aldynda jýylady jáne keptiriledi. Jýylýy qıyn jıdekterdi (qulpynaı, tańqýraı, búldirgen, qojaqat, tut) árleý zaty retinde paıdalanýǵa jol berilmeıdi. Bul jıdekter krem toltyrǵyshtar nemese qantta glazýrlengen retinde termııalyq óńdelgennen keıin paıdalanylady.
51. Dıetalyq tamaqtaný úshin kondıterlik buıymdardy daıyndaý kezinde alkogoldi, órik súıeginiń ózegin, maıonezdi, aspazdyq jáne kondıterlik maılardy paıdalanýǵa jol berilmeıdi.
52. Meıiz, sýkattar jáne qurǵaq jemister irikteledi, sosyn aǵyndy sý astynda torda nemese arnaıy mashınada jýylady jáne termııalyq óńdeletin buıymdarda paıdalanylady.
53. Jemis-jıdek ezbesi, qoıyrtpaq óndiriste paıdalaný aldynda ysyp ezý mashınasy arqyly nemese 1,5 mıllımetrden (budan ári – mm) aspaıtyn uıashyqtary bar elek arqyly, jemis-jıdek povıdlosy, djem, salyndy jáne qaınatpa – uıashyqtary 3 mm aspaıtyn elek arqyly ótkiziledi. Bul rette olardy sýmen aralastyrýǵa jol berilmeıdi.
54. Jańǵaqtar, mındal jáne maıly daqyldardyń tuqymdary suryptaý mashınalarynda bóten qospalardan tazalanady nemese qolmen irikteledi.
55. Sıroptar, bal, suıyq shokoladty jartylaı fabrıkattar, eritilgen maılar, qaımaǵy alynbaǵan sút arnaıy elek arqyly súziledi, súzilgen soń sút qaınatylady. Qant sıroptary uıashyqtary 1,5 mm aspaıtyn metall elek arqyly súziledi.
56. Sýda júzetin qustyń jumyrtqasynan jumyrtqa massasyn daıyndaýmen aınalysatyn jumyskerler prosess aıaqtalǵan soń qoldaryn sabyndy jáne dezınfektantty qoldana otyryp jýady.
57. Qoraptardy ashý, jumyrtqalardy óńdeý jáne jumyrtqa massasyn alý aǵymdylyqty saqtaý kezinde júrgiziledi.
58. Krem daıyndaý úshin taýyqtyń dıetalyq jumyrtqasy (jumyrtqalaǵan kúndi eseptemegende jaramdylyq merzimi 7 kúnnen aspaıtyn), olardyń shyǵýyn, sapasy men qaýipsizdigin rastaıtyn qujattar bolǵan kezde, tańbalanýy sáıkes kelgen jáne taza, qabyǵy búlinbegen kezde paıdalanylady. Paıdalaný aldynda jumyrtqa suryptalady, iriktep ovoskoptan ótkiziledi jáne óńdeý úshin torly ydystarǵa salynady. Jumyrtqalardy +6 ºS aspaıtyn temperatýrada saqtaýǵa jol beriledi.
59. Kondıterlik buıymdardy daıyndaýǵa arnalǵan jumyrtqalardy óńdeý osy Sanıtarııalyq qaǵıdalarǵa 7-qosymshaǵa sáıkes júrgiziledi. Jýý vannalarynda eritindilerdi aýystyrý aýysymyna eki retten sıretpeı júrgiziledi.
60. Edenge qulaǵan buıymdar (sanıtarııalyq aqaý) «sanıtarııalyq aqaý» degen belgisi bar arnaıy ydysqa jınalady.
61. О́ńdelgen jumyrtqany metall pyshaqpen uryp jarady jáne syıymdylyǵy bes jumyrtqadan aspaıtyn arnaıy tostaǵandarǵa quıylady. Jumyrtqa massasynyń ıisi men syrtqy túri tekserilgennen keıin ony úlken ydysqa quıady, uıashyqtarynyń kólemi 3-5 mm aspaıtyn metall elek arqyly súziledi. Krem daıyndaýǵa arnalǵan jumyrtqa massasyn tikeleı krem daıyndaý aldynda daıyndaıdy. Ony +6 °C temperatýrada bir saǵattan aspaıtyn ýaqytqa saqtaýǵa jol beriledi. Jartylaı fabrıkattardy pisirýge arnalǵan jumyrtqa massasyn saqtaý merzimi osyndaı jaǵdaılarda 24 saǵattan aspaıdy. Bul rette salqyn bolmasa jumyrtqa massasyn saqtaýǵa jol berilmeıdi.
62. Jumyrtqa melanjy az mólsherde shyǵarylatyn kondıterlik buıymdarǵa arnalǵan qamyrdy daıyndaý kezinde paıdalanylady. Jumyrtqa melanjy -6 º-tan +5 ºS-qa deıingi temperatýrada saqtalady, defrostırlengen melanjdy saqtaý merzimi 4 saǵattan aspaıdy. Melanjdy qaıta muzdatýǵa jol berilmeıdi.
63. Sary maı qaptamasyn ashqannan keıin tekseriledi jáne beti tazartylady. Kremi bar kondıterlik buıymdardy óndirý úshin lastanǵan, mıkrobıologııalyq búlingen belgileri bar (kógergen jáne basqa) maıdy paıdalanýǵa jol berilmeıdi. Úı-jaıda tazartýǵa deıingi maıdy saqtaý uzaqtyǵy 4 saǵattan aspaıdy.
64. Kremder úshin ylǵaldyń massalyq úlesi 20 %-dan aspaıtyn sary maı paıdalanylady.
65. Torttar men pırojnyılardy árleý úshin sý fazasynda qanttyń quramy 60 %-dan tómen emes kremder paıdalanylady. Kremniń sý fazasyndaǵy qanttyń quramyn esepteý osy Sanıtarııalyq qaǵıdalarǵa 8-qosymshaǵa sáıkes júzege asyrylady.
66. Sıroptar qajettiligine qaraı daıyndalady. Sıropty +6 ºS-tan joǵary emes temperatýrada saqtaýǵa jol beriledi. Sińirýge arnalǵan sırop jáne ústine sebýge arnalǵan úgindiler aýysymyna keminde eki ret aýystyrylady. Úgindilerdiń jáne sıroptyń qaldyqtary joǵary temperatýralyq óńdeý kezinde jartylaı fabrıkattardy pisirý úshin paıdalanylady.
67. Krem úzdiksiz jumys qajettiliginiń 3 saǵatynan aspaıtyn mólsherinde daıyndalady jáne osy kezeńde paıdalanylady. Jumys úshin 30 mınýttan aspaıtyn mólsherdegi krem alynady, kremniń qalǵan mólsheri +4 ºS-tan aspaıtyn temperatýrada tońazytqyshta saqtalady. Kremniń qaldyqtaryn basqa aýysymǵa torttar men pırojnyılardy árleý úshin berýge jol berilmeıdi. 3 saǵat ishinde paıdalanylmaǵan kremniń qaldyqtary daıyndaýshynyń tehnıkalyq qujattamasynyń tehnologııalyq nusqaýlyqtaryna sáıkes joǵary temperatýrada óńdeletin jartylaı fabrıkattar men unnan jasalǵan buıymdardy pisirýge arnalǵan qamyrdy daıyndaý úshin sol aýysymda paıdalanylady.
68. Qaınatylǵan, bylǵanǵan kilegeıden alynǵan, irimshikten jasalǵan, belokpen aralastyrylǵan shıki jáne qaınatylǵan kremder saqtaýǵa kelmeıdi jáne daıyndalǵannan keıin tez arada paıdalanylady. Kremderdiń qalǵan túrleri olardy paıdalanǵanǵa deıin, biraq massalyq ónim úshin 1,5 saǵattan aspaıtyn ýaqytta jáne tapsyrys berilgen ónim úshin 2 saǵattan aspaıtyn ýaqytta +4– +2ºS aspaıtyn temperatýrada óndiriste saqtalady.
69. Kremdi bir ydystan ekinshisine salý nemese ony aralastyrý arnaıy múkámmalmen júrgiziledi. Bul rette kremdi qolymen salýǵa jol berilmeıdi. Jumys oryndaryna krem qaqpaǵy bar taza ydysta ákelinedi. Buıymdy árleý prosesinde kremi bar ydysty qaqpaqpen jappaýǵa jol beriledi.
70. Kremderdi basqa obektilerde paıdalaný úshin olardy tasymaldaýǵa jol berilmeıdi.
71. Buıymdardy kremmen árleý úshin bir ret qoldanylatyn órnek salynatyn kondıterlik qapshyqtar paıdalanylady.
72. Kremi bar kondıterlik buıymdardy óndirý kezinde árbir aýysym jumysqa taza sterıldi órnek salý qapshyqtarymen, olarǵa arnalǵan ushtyqtarmen jáne usaq múkámmalmen kirisedi.
Qapshyqtardy, ushtyqtardy jáne usaq múkámmaldy berý jáne tapsyrý árbir aýysymda esep boıynsha júrgiziledi. О́rnek salý qapshyqtaryn aýystyrý aýysymda keminde eki ret júrgiziledi.
73. О́rnek salý qapshyqtaryn, ushtyqtardy jáne kremmen jumys isteýge arnalǵan usaq múkámmaldy óńdeý jáne saqtaý úshin qoldanylatyn jabdyq basqa maqsatta paıdalanylmaıdy.
74 Kondıterlik buıymdardy árleý úshin saptary bar kondıterlik qapshyqtar, kondıterlik shprıster, qalaqtar, pyshaqtar jáne basqa da kerek-jaraqtar paıdalanylady. Kremi bar órnek salý qapshyqtary aýysym ishindegi jumys úzilisi ýaqytynda taza ydysta salqyn jerde saqtalady.
75. Sıroptardy, kremderdiń jartylaı fabrıkattaryn, jibitýge arnalǵan sıroptardy daıyndaý daıyndaýshynyń tehnıkalyq qujattamasyna sáıkes júrgiziledi.
76. Kremi bar kondıterlik buıymdar daıyndalǵannan keıin salqyndatý úshin tońazytý kamerasyna jiberiledi. +16 ºS - +18 ºS-tan aspaıtyn temperatýrada tońazytý kameralaryna salǵanǵa deıin daıyn krem buıymdaryn óndiriste saqtaý uzaqtyǵy 1 saǵattan aspaıdy, olardy tońazytý kameralarynda tez arada salqyndatý 0 ºS-tan joǵary emes temperatýrada júrgiziledi. Buıymnyń ishi temperatýrasynyń +6 ºS-qa jetýi tehnologııalyq prosestiń aıaqtalýy bolyp sanalady.
77. Kremi bar kondıterlik buıymdar +6 ºS-tan aspaıtyn temperatýrada tońazytý kameralarynda saqtalady. Kremmen árlenbegen torttar men pırojnyılar, maıly, pralın, jemis qosylǵan, jartylaı fabrıkattarmen árlengen torttar men pırojnyılar +18 ºS aspaıtyn temperatýrada jáne 70-75 % aýanyń salystyrmaly ylǵaldylyǵynda saqtalady.
78. +6 ºS aspaıtyn temperatýrada saqtalynatyn torttardyń, pırojnyılardyń, rýletterdiń jaramdylyq merzimi tehnologııalyq prosess aıaqtalǵan kezden bastap, tez buzylatyn buıymdarǵa belgilengen jaramdylyq merzimderine sáıkes júzege asyrylady. Kremdi kondıterlik buıymdardyń jaramdylyq, saqtaý jáne ótkizý merzimi tehnologııalyq prosess aıaqtalǵan kezden bastap sanalady jáne ónimniń obektige ákeliný ýaqytyn, tasymaldaý ýaqytyn, saýda jáne qoǵamdyq tamaqtaný obektilerinde saqtalý ýaqytyn qamtıdy.
79. Mehanıkalyq búlingen nemese syrtqy túri men pishini ózgergen, ótkizý merzimi ótken, biraq ótkizý merzimi aıaqtalǵan kezden bastap 24 saǵattan keshiktirmeı kondıterlik buıymdardy óńdeýge taza, qurǵaq, bóten ıisi joq ydysta saýda jelisinen keri qaıtarýǵa jol beriledi.
Jaramdylyq merzimi ótken kremi bar kondıterlik buıymdar az mólsherde pisiriletin kondıterlik buıymdardy shyǵarý úshin paıdalanylady.
80. Dámi men ıisi ózgergen, lastanǵan, bóten zattar qosylǵan, unda bolatyn jáne ózge de zııankesterimen zalaldanǵan, mıkrobıologııalyq búliný belgileri bar, sondaı-aq unnan jasalǵan buıymdardyń úgindileri bar kondıterlik buıymdardy óńdeý úshin keri qaıtarýǵa jol berilmeıdi.
81. Saýda obektileri óńdeý úshin keri qaıtaratyn kondıterlik buıymdar:
1) buıymnyń ataýy;
2) buıym danasynyń salmaǵy nemese sany;
3) shyǵarylǵan kúni;
4) ónimdi keri qaıtaratyn saýda obektisiniń ataýy;
5) keri qaıtarý kúni;
6) keri qaıtarý sebepteri belgilenetin qujatpen súıemeldenedi.
82. Saýda jelisinen keri qaıtarylatyn kondıterlik buıymdar óndiristik zerthananyń, ol bolmaǵan kezde – bógde quzyretti, onyń ishinde akkredıttelgen zerthananyń qorytyndysynan keıin óńdeýge jiberiledi.
83. «Sozylmaly» (kartop) aýrýmen zaqymdalǵan kondıterlik buıymdardy tamaq maqsaty úshin paıdalanýǵa jol berilmeıdi jáne óńdeýge jatpaıdy.
«Kondıterlik buıymdardy óndirý obektilerine, kondıterlik buıymdardy óndirý, ólshep-oraý,
tasymaldaý, saqtaý, ótkizý, kádege jaratý jáne joıý sharttaryna qoıylatyn
sanıtarııalyq-epıdemıologııalyq talaptar» sanıtarııalyq qaǵıdalaryna 1-qosymsha
Kondıterlik buıymdardy óndirý obektileriniń óndiristik úı-jaılarynyń quramy
1-keste
О́ndiris Úı-jaılar ataýy
1 2
Qantty kondıterlik buıymdar óndirisi
Karamel óndirisi Shárbat, karamel massalaryn pisirý, salyndy, oramasy men qaptamasy bar karamelderdi qalyptaý jáne salqyndatý bólimshesi
Karameldiń keri qaıtarylǵan qaldyqtarynan ınvertti shárbat daıyndaý bólimshesi
Draje óndirisi Pisirý, draje korpýstaryn daıyndaý, drajdeý, kóterilý, ólshep-oraý jáne qaptamalaý bólimshesi
Kámpıt óndirisi Pisirý, qalyptaý, quımalaý, oraý jáne qaptamalaý bólimshesi
Krahmaldy keptirý bólimshesi
Shokolad óndirisi Shokolad pen shokolad massasyn qalyptaý bólimshesi
Salyndyny daıyndaý bólimshesi
Kakao untaǵyn úgý jáne ólshep-oraý bólimshesi
Oraý-qaptamalaý bólimshesi
Pastıla-marmeladty buıymdar óndirisi Pisirý, qalyptaý, keptirý jáne qaptamalaý bólimshesi
Unnan jasalǵan kondıterlik buıymdar óndirisi
Kremsiz kondıterlik buıymdar (pechene, galetter, krekerler, vaflı, prıanık jáne basqalary) 1. Reseptýralyq úı-jaı
2. Untaqty óńdeý úı-jaıy
3. Invertti shárbat daıyndaý úı-jaıy
4. Ashytý kamerasy
5. Qamyr ıleý úı-jaıy
6. Qalyptaý úı-jaıy
7. Pisirý úı-jaıy
8. Oraý jáne qaptamalaý úı-jaıy
Kremdi kondıterlik buıymdar (torttar men pırojnyılar) 1. Tez buzylatyn shıkizatty saqtaýǵa arnalǵan tońazytý kameralar jabdyǵy bar shıkizatty táýliktik saqtaý úı-jaıy
2. Maıdy tazalaý úı-jaıy
3. Massalardy untaqtaý úı-jaıy
4. Jartylaı fabrıkattardy daıyndaý úı-jaıy
5. Shárbat pisirý úı-jaıy
6. Kesý úı-jaıy
7. Jartylaı fabrıkattardy saqtaýǵa arnalǵan úı-jaı
8. Kremdi daıyndaý úı-jaıy
9. Torttar men pırojnyılardy árleý úı-jaıy
10. Syǵymdap quıý qaptaryn, ushtyqtardy jáne usaq múkámmaldy óńdeýge arnalǵan úı-jaı
11. Usaq múkámmaldy sterılızasııalaýǵa arnalǵan úı-jaı
Joǵaryda sanamalanǵan barlyq óndiristerge arnalǵan ortaq óndiristik úı-jaılar
Joǵaryda sanamalanǵan barlyq óndiristerge arnalǵan ortaq úı-jaılar 1. Jumyrtqalar men melanjdy daıyndaý (qaptamasyn sheshý jáne saqtaý) úı-jaıy
2. Jumyrtqalardy jýý jáne dezınfeksııalaý úı-jaıy
3. Jumyrtqa massasyn alýǵa arnalǵan úı-jaı (jumyrtqa jarǵysh)
4. Shıkizatty ydysynan alýǵa jáne ony óndiriske daıyndaýǵa arnalǵan úı-jaı
5. Qoıyltylǵan sútti ydysynan quıyp alýǵa jáne saqtaýǵa arnalǵan úı-jaı*
6. Bóshkelerdi jýý úı-jaıy
7. Súrtip tazartý úı-jaıy
8. Elekten ótkizý úı-jaıy
9. Qapty qaǵý úı-jaıy
10. Qumshekerdi úgý úı-jaıy
Eskertpe. *Jeke úı-jaı bolmaǵan kezde atalǵan prosesterdi qaýipsizdik talaptary saqtalǵan jáne qoıyltylǵan súttiń ekinshi ret lastanýyn boldyrmaǵan jaǵdaıda, basqa shıkizatty ydysynan quıyp alý jáne saqtaýǵa arnalǵan úı-jaıda júzege asyrýǵa jol beriledi.
Kondıterlik buıymdar óndirisiniń qoıma úı-jaılarynyń quramy
2-keste
Úı-jaılar ataýy
Maıdy, sútti, sirneni qabyldaý jáne saqtaý úı-jaıy
Shıkizat qoımasy
Jemis-jıdek shıkizaty qoımasy
Essensııa, spırtter, sharap, konıak qoımasy
Un qoımasy
Qant qoımasy
Daıyn ónim qoımasy
Ekspedısııa
Janar-jaǵar maı materıaldary qoımasy
Materıaldy qoıma
Qosalqy bólshekter qoımasy
Ydys qaptaý materıaldary qoımasy
Sehtyq qoımalar
Tońazytý kamerasy
Kondıterlik buıymdar óndirisiniń qosalqy úı-jaılarynyń quramy
3-keste
Úı-jaılar ataýy
Múkámmaldy jýýǵa arnalǵan úı-jaılar
Qaǵazdardy, zatbelgilerdi, kartondy buıymdardy (oıyp jazatyndardy) saqtaýǵa arnalǵan qoımalar
Baǵaly shıkizatqa arnalǵan qoıma
Jınaý múkámmalyn saqtaýǵa arnalǵan úı-jaı
О́ndiristik aqaýy bar buıymdardy óńdeýge arnalǵan úı-jaı (karamel jáne un óndirisi úshin)
Aınalymdaǵy ydystardy (lotoktardy, bóshkelerdi, flıagalardy, konteınerlerdi) jýýǵa arnalǵan úı-jaı
О́ndiristik zerthana
L