2015 jylǵy 25 qarasha,Astana qalasy
Elektrondyq saýdany júzege asyrý erejesin bekitý týraly
«Saýda qyzmetin retteý týraly» 2004 jylǵy 12 sáýirdegi Qazaqstan Respýblıkasy Zańy 29-babynyń 3-tarmaǵyna sáıkes, buıyramyn:
1. Qosa berilip otyrǵan Qazaqstan Respýblıkasynda elektrondyq saýdany júzege asyrý erejesi bekitilsin.
2. Qazaqstan Respýblıkasy Ulttyq ekonomıka mınıstrliginiń Saýda qyzmetin retteý departamenti Qazaqstan Respýblıkasynyń zańnamasynda belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrliginiń resmı ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin.
4. Osy buıryq onyń alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Ulttyq ekonomıka mınıstriniń
mindetin atqarýshy M.QUSAIYNOV
«KELISILGEN»
Qazaqstan Respýblıkasynyń
Investısııalar jáne damý mınıstri
__________________ Á.ISEKEShEV
2015 jylǵy «____»___________
«KELISILGEN»
Qazaqstan Respýblıkasynyń Qarjy mınıstri
__________________ B.SULTANOV
2015 jylǵy «____»___________ «KELISILGEN»
Qazaqstan Respýblıkasynyń
Ulttyq Bankiniń tóraǵasy
__________________ D.AQYShEV
2015 jylǵy «____»___________
Qazaqstan Respýblıkasynyń Ulttyq ekonomıka mınıstriniń
mindetin atqarýshysynyń 2015 jylǵy 25 qarashadaǵy №720 buırymen bektilgen
Elektrondyq saýdany júzege asyrý qaǵıdalary
1. Jalpy qaǵıdalary
1. Osy Elektrondyq saýdany júzege asyrý qaǵıdalary (budan ári – Qaǵıdalary) Qazaqstan Respýblıkasynyń «Saýda qyzmetin retteý týraly» 2004 jylǵy 12 sáýirdegi zanyna sáıkes ázirlendi jáne elektrondyq saýdany júzege asyrý tártibin aıqyndaıdy.
2. Osy Qaǵıdalarynyń qoldanysy Qazaqstan Respýblıkasynyń memlekettik satyp alý týraly zańnamasyna sáıkes júzege asyrylatyn taýarlar, jumystar men qyzmetterdi memlekettik satyp alýǵa, Qazaqstan Respýblıkasynyń Ulttyq Bankiniń, onyń quramyna kiretin vedomstvolary, uıymdary jáne zańdy tulǵalarymen, elý jáne odan kóbirek daýys quqyǵyn beretin aksııalardy (jarǵylyq kapıtaldaǵy qatysý úlesi) Qazaqstan Respýblıkasynyń Ulttyq Bankiniń nemese onyń múligin basqarýyndaǵy jáne olardyń affılırlengen zańdy tulǵalarymen satyp alynatyn taýarlarǵa, jumystar men qyzmetterge qoldanylmaıdy.
3. Osy Qaǵıdada paıdalanylatyn uǵymdar men termınder Qazaqstan Respýblıkasynyń zańnamasyna sáıkes qoldanylady.
4. Elektrondyq saýdaǵa qatysýshylardyń quqyǵy men zańdy múddelerin qorǵaý Qazaqstan Respýblıkasynyń zańnamalyq aktilerine sáıkes júzege asyrylady.
2. Elektrondyq saýdaǵa qatysýshylar
5. Elektrondyq saýdaǵa:
elektrondyq saýdaǵa satyp alýshy, satýshy jáne (nemese) deldal retinde qatysýshy jeke jáne zańdy tulǵalar (elektrondyq saýdaǵa qatysýshylar);
aqparattyq júıeler men telekommýnıkasııalyq jelilerdi qoldanýmen satýǵa jáne satyp alýǵa usynystary bar elektrondyq qujattardy (elektrondyq habarlamalardy) alý, ornalastyrý, berý, saqtaý boıynsha qyzmet kórsetetin zańdy tulǵalar jáne jeke kásipkerler (budan ári - deldal);
tıisti taýarlardy áleýetti satyp alýshylar bolyp tabylatyn zańdy tulǵalar, jeke kásipkerler jáne jeke tulǵalar (budan ári - satyp alýshy):
belgili bir taýardy ótkizýge usynatyn zańdy tulǵalar jáne jeke kásipkerler (budan ári - satýshy);
zańdy tulǵalar, jeke kásipkerler (budan ári – kommersııalyq satýshy);
kásipkerlik qyzmet maqsatysyz bir rettik tártipte taýarlardy satýǵa usynatyn jeke tulǵalar (budan ári – kommersııalyq emes satýshy) qatysady.
6. Kommersııalyq satýshy jáne (nemese) deldal saýda qyzmetin retteý salasyndaǵy ýákiletti organǵa, memleket aldyndaǵy salyq mindettemeleriniń oryndalýyna salyq baqylaýyn qamtamasyz etetin memlekettik organǵa jáne quqyq qorǵaý organdaryna ózi týraly elektrondy nysanda qazaq jáne/nemese orys tilderinde, al qajetti jaǵdaıda basqa tilderde shynaıy aqparatqa tıisti qol jetkizýdi qamtamasyz etedi. Bul aqparat mynadaı málimetterdi qamtıdy:
jeke kásipker retinde tirkelgen jeke tulǵanyń tegi, aty jáne ákesiniń aty (bar bolǵan kezde), zańdy tulǵanyń onyń uıymdyq-quqyqtyq nysany kórsetile otyryp, tolyq ataýy;
zańdy tulǵanyń turǵylyqty jeri jáne memlekettik tirkelgeni týraly málimet nemese jeke kásipkerdiń tirkelgeni;
lısenzııasynyń bolýy (zańnama talaptaryna sáıkestigi kezinde), lısenzııa nómiri, lısenzııanyń qoldanylý merzimi, lısenzııany bergen memlekettik organnyń ataýy týraly málimet, zańdy tulǵalar úshin bıznes ıdentıfıkasıonalyq nómiri, jeke kásipkerler úshin jeke ıdentıfıkasıonalyq nómiri, pochtalyq jáne elektrondyq meken-jaıy, sondaı-aq telefon nómiri.
7. Elektrondyq saýdada deldal aqparattyq júıede qamtylǵan elektrondyq aqparattyq resýrstaryndaǵy aqparattyq resýrstardaǵy ornalasqan aqparattyń tutastyǵyn jáne qupııalyǵyn qamtamasyz etedi.
8. Elektrondyq saýdadaǵy deldal:
1) elektrondyq qujattarda (elektrondyq habarlamalarda) qamtylǵan aqparatty jarııa etpeıdi,
2) eger elektrondyq saýdanyń basqa qatysýshylarymen jasasqan shartta nemese Qazaqstan Respýblıkasynyń zańdarynda ózgeshe kózdelmese, elektrondyq qujattardy (elektrondyq habarlamalardy) nemese olardyń kóshirmelerin, onyń ishinde olardaǵy qamtylǵan aqparatty úshinshi tulǵalarǵa bermeıdi,
3) eger elektrondyq saýdanyń basqa qatysýshylarymen jasasqan shartta nemese Qazaqstan Respýblıkasynyń zańdarynda ózgeshe kózdelmese, elektrondyq qujattardy (elektrondyq habarlamalardy) ne olardy paıdalaný tártibin ózgertpeıdi;
4) taýarǵa baǵany tek ulttyq valıýtada bekitýdi qamtamasyz etedi.
9. Kommersııalyq satýshy elektrondyq saýdany júzege asyrý kezinde elektrondyq aqparattyq resýrstardy, onyń ishinde elektrondyq saýdadaǵy deldal arqyly saqtaýdy uıymdastyrady.
10. Kommersııalyq satýshy deldalmen satýǵa usynystary bar elektrondyq qujattardy (elektrondyq habarlamalardy) ornalastyrý quqyǵyna, sondaı-aq satýshyny mamandanýy boıynsha satyp alýǵa kelip túsken suraý salýlardyń ishinen izdeý qyzmetine jazbasha nysandaǵy kelisimshart jasaıdy. Deldaldyń qyzmetine satýshymen tólem taraptar arasyndaǵy kelisim boıynsha shartta belgilengen mólsherde jáne merzimde júrgiziledi.
11. Aqparattyq júıede qamtylǵan elektrondyq aqparattyq resýrstarǵa qol jetkizgeni úshin satyp alýshylarmen tólem júrgizilmeıdi.
3. Elektrondyq saýdany júzege asyrý tártibi
12. Notarıaldyq kýálandyrýdy nemese memlekettik tirkeýdi talap etpeıtin sharttar túpnusqalyǵy Qazaqstan Respýblıkasynyń elektrondyq qujat jáne elektrondyq sıfrlyq qoltańba týraly zańnamasyna sáıkes kýálandyrylǵan elektrondyq sıfrlyq qoltańbamen kýálandyrylǵan elektrondyq qujattarmen nemese elektrondyq habarlamalarmen (ofertany, aksepti, ofertany alýdy rastaý) almasý jolymen jasalady.
13. Elektrondyq saýdada jasalǵan shartta onyń jekelegen sharttary (olardyń bar bolǵan jaǵdaıynda) shartqa tıisti aqparattyq júıege ornalastyrylǵan elektrondyq qujatqa silteme arqyly engizile alatyny kózdelýi múmkin. Bul jaǵdaıda elektrondyq qujatty ornalastyrǵan tarap sharttyń áreket etýi merzimi ishinde oǵan kedergisiz qol jetkizý múmkindigin qamtamasyz etedi, al osy merzim aıaqtalǵan soń osyndaı qujattyń Qazaqstan Respýblıkasynyń zańnamasynda kózdelgen tártippen saqtalýyn qamtamasyz etedi.
14. Elektrondyq saýdadaǵy shart ofertada belgilengen merzimde aksepti alý sátinen bastap jasaldy dep sanalady. Oferta jáne aksept Qazaqstan Respýblıkasynyń zańnamasyna sáıkes sharttyń eleýli talaptarynan turady.
15. Ofertada kórsetilgen sharttyń talaptary ofertany alýshyǵa olardy saqtaýǵa jáne molaıtýǵa múmkindik beretin nysanda usynylady.
Satýshy Qazaqstan Respýblıkasynyń «Saýda qyzmetin retteý týraly» 2004 jylǵy 12 sáýirdegi jáne «Tutynýshylardyń quqyqtaryn qorǵaý týraly» 2010 jylǵy 4 mamyrdaǵy Zańdaryna sáıkes taýarlar týraly shynaıy aqparat usynady.
16. Elektrondyq saýdany júzege asyrý kezinde ofertany óz atynan elektrondyq nysanda jiberetin kommersııalyq satýshy:
1) ofertaǵa sharttyń mańyzdy talaptaryn engizýge nemese olardy aıqyndaý tártibin kórsetýge, sondaı-aq Qazaqstan Respýblıkasynyń zańnamalyq aktilerinde belgilengen ózge de talaptardy engizedi;
2) shartty jasasý tártibi týraly potensıaldyq satyp alýshylarǵa aqparatty usynady;
3) «Salyq jáne bıýdjetke tólenetin basqa da mindetti tólemder týraly» (Salyq kodeksi) Qazaqstan Respýblıkasynyń Kodeksinde aıqyndalǵan tártippen shot-faktýrany elektrondyq formada jazyp berýge, sondaı-aq «Býhgalterlik esep pen qarjylyq eseptilik týraly» Qazaqstan Respýblıkasynyń 2007 jylǵy 28 aqpandaǵy Zańyna sáıkes bastapqy ecepke alý qujattarynyń kóshirmelerin potensıaldyq satyp alýshylarǵa beredi;
4) EAEO aýmaqtyq taýarlarda ákelimde EAEO jáne Qazaqstan Respýblıkasynyń keden zańdar oryndalýyna qamtamasyz etip jatyr;
5) qazynalyq jad jáne POS–termınaly bar baqylaýshy - kassalyq mashınany qoldaný tártibin saqtaýdy qamtamasyz etedi.
17. Satýshydan shyqqan ofertalar nemese oferta jasaýǵa shaqyrýlar, sondaı-aq olar usynatyn taýarlar týraly ózge málimetter arnaıy bilimi joq adresatqa alynǵan málimetterdi elektrondyq saýdaǵa qatysty ekenin bir jaqty anyqtaýǵa jáne shartty jasasý kezinde satýshynyń quqyqtyq jaǵdaıy, olar usynatyn taýarlar, olardyń baǵalary jáne olardy satyp alý sharttary týraly shynaıy aqparat jasaýǵa múmkindik beretin nysanda usynylady.
18. Osy qaǵıdalardyń 8-tarmaǵy 3) tarmaqshasymen kózdelgen talaptardy oryndaǵan kezde deldaldar olar qyzmet kórsetken elektrondyq qujattar (elektrondyq habarlamalar) paıdalanylyp jasalǵan sharttar boıynsha jaýapkershilik júktemeıdi.
19. Eger taraptardyń kelisimimen ózgeshe kózdelmese, elektrondyq habarlama (ofertany, aksepti, ofertany alýdy rastaý) alýdy rastaý jiberýshige ony alǵany týraly rastaýdy jiberý jolymen júrgiziledi, ol elektrondyq habarlama bolyp tabylady.
20. Elektrondyq saýda mámileleri boıynsha aqsha tólemderi men aýdarymdaryn júzege asyrý tásilderi Qazaqstan Respýblıkasynyń aqsha tólemi men aýdarymy týraly zańnamasynda belgilengen tártippen júzege asyrylady.
Elektrondyq saýda kelisimderi boıynsha tólemderdi qaıtarý «Tutynýshylardyń quqyqtaryn qorǵaý týraly» Qazaqstan Respýblıkasynyń 2010 jylǵy 4 mamyrdaǵy Zańyna sáıkes júzege asyrylatyn bolady.
Elektrondyq saýdada Qazaqstan Respýblıkasynyń tólemder jáne aýdarymdar týraly zańnamalaryna sáıkes qazaqstandyq emıtenttermen shyǵarylǵan elektrondyq aqsha qoldanylady.
21. Salyq salý obektileri men salyq salýǵa baılanysty obektilerdi aıqyndaý úshin, sondaı-aq salyqtyq mindettemelerdi esepteý úshin negizdeme bolyp tabylatyn eseptik qujattamany jasaý Qazaqstan Respýblıkasynyń zańnamasyna sáıkes júzege asyrylady.
22. Taýardy satyp alý-satý týraly ereje, sonymen qosa taýardy qaıtarý jáne jetkizý sharttary azamattyq zańnamasymen sondaı-aq «Tutynýshylardyń quqyqtaryn qorǵaý týraly» Qazaqstan Respýblıkasynyń 2010 jylǵy 4 mamyrdaǵy Zańymen retteledi.
23. Qujattardy, jazbalardy nemese ózge aqparatty saqtaý qajet bolǵan kezde mynadaı talaptar saqtalady:
1) onda bar aqparat keıinnen silteme jasaý úshin paıdalanylýy múmkin bolsa,
2) elektrondyq qujattar (elektrondyq habarlamalar) olar qurastyrylǵan, berilgen nemese alynǵan formatty saqtaıdy,
3) elektrondyq qujattar (elektrondyq habarlamalar) olar elektrondyq qujattardy (elektrondyq habarlamany) jiberýshini jáne alýshyny, sondaı-aq olardy qurastyrý nemese alý kúni men ýaqytyn aıqyndaýǵa múmkindik beretin shamada saqtalady,
4) elektrondyq saýda týraly zańnamada nemese taraptar kelisiminde kózdelgen ózge sharttardy saqtaý kezinde.
24. Osy Qaǵıdalarynyń 23-tarmaǵyna sáıkes elektrondyq qujattardy (elektrondyq habarlamany) saqtaý maqsatynda elektrondyq saýdaǵa qatysýshylar basqa qyzmeti paıdalanylmaǵan deldaldyń qyzmetterin paıdalanýy múmkin.
25. Aqparattyq júıeniń qate jumys isteý sebebi boıynsha jiberilgen qate aksept baǵyttalǵan jaǵdaıda satyp alýshy bes kúntizbelik kúnnen keshiktirmeı deldaldy kórsetilgen faktiler týraly habardar etedi.
26. Aqparattyq júıeniń qate jumys isteýi týraly habarlama alǵan deldal aqparattyq júıe jumysyndaǵy júıelik qatelikterdiń bar bolýyn tekserýdi júzege asyrady. Aqparattyq júıeniń qate jumys isteýi boıynsha faktiler dáleldengen kezde deldal satyp alýshynyń qate akseptin qaıtaryp alýyn júzege asyrady.
Buıryq Qazaqstan Respýblıkasynyń Ádilet mınıstrliginde 2015 jylǵy 30 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №12689 bolyp engizildi.