2016 jylǵy 15 naýryz , Astana qalasy
Memlekettik monopolııa sýbektisi óndiretin jáne ótkizetin taýarlarǵa, jumystarǵa, kórsetiletin qyzmetterge baǵa belgileý qaǵıdalaryn bekitý týraly
2015 jylǵy 29 qazandaǵy Qazaqstan Respýblıkasy Kásipkerlik kodeksiniń 120-babynyń 1-tarmaǵyna jáne «Memlekettik múlik týraly» 2011 jylǵy 1 naýryzdaǵy Qazaqstan Respýblıkasy Zańynyń 13-babynyń 4-5) tarmaqshasyna sáıkes buıyramyn:
1. Qosa berilip otyrǵan Memlekettik monopolııa sýbektisi óndiretin jáne ótkizetin taýarlarǵa, jumystarǵa, kórsetiletin qyzmetterge baǵa belgileý qaǵıdalary bekitilsin.
2. «Memlekettik monopolııa sýbektisi óndiretin jáne ótkizetin taýarlarǵa baǵa belgileý qaǵıdalaryn bekitý týraly» Qazaqstan Respýblıkasy Ulttyq ekonomıka mınıstriniń 2014 jylǵy 29 jeltoqsandaǵy № 178 buıryǵynyń (Normatıvtik quqyqtyq aktilerdi memlekettik tirkeý tiziliminde № 10150 tirkelgen, «Ádilet» aqparattyq-quqyqtyq júıesinde 2015 jylǵy 26 aqpanda jarııalanǵan) kúshi joıyldy dep tanylsyn.
3. Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti Qazaqstan Respýblıkasynyń zańnamasynda belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin baspa jáne elektrondyq túrde merzimdi baspasóz basylymdaryna jáne «Ádilet» aqparattyq-quqyqtyq júıesine resmı jarııalaýǵa, sondaı-aq tirkelgen buıryqty alǵan kúnnen bastap bes jumys kún ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi;
3) osy buıryqty Qazaqstan Respýblıkasy Ulttyq ekonomıka mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq memlekettik tirkelgennen keıin on jumys kúni ishinde Qazaqstan Respýblıkasy Ulttyq ekonomıka mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
4. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Ulttyq ekonomıka mınıstri E.DOSAEV
Qazaqstan Respýblıkasy Ulttyq ekonomıka mınıstrliginiń
2016 jylǵy 15 naýryzdaǵy №134 buıryǵymen bekitilgen
Memlekettik monopolııa sýbektisi óndiretin jáne ótkizetin taýarlarǵa, jumystarǵa, kórsetiletin qyzmetterge baǵa belgileý qaǵıdalary
1. Jalpy erejeler
1. Osy Memlekettik monopolııa sýbektisi óndiretin jáne ótkizetin taýarlarǵa, jumystarǵa, kórsetiletin qyzmetterge baǵa belgileý qaǵıdalary (budan ári – Qaǵıdalar) 2015 jylǵy 29 qazandaǵy Qazaqstan Respýblıkasynyń Kásipkerlik kodeksine (budan ári – Kodeks) jáne «Memlekettik múlik týraly» 2011 jylǵy 1 naýryzdaǵy Qazaqstan Respýblıkasy Zańyna sáıkes ázirlendi.
2. Osy Qaǵıdalardy qoldaný maqsatynda mynadaı uǵymdar paıdalanylady:
1) baǵa belgileý – memlekettik monopolııa sýbektisi óndiretin jáne ótkizetin taýarlarǵa, jumystarǵa, kórsetiletin qyzmetterge baǵalardy qalyptastyrý jáne qaraý prosesi;
2) memlekettik monopolııa sýbektisi (budan ári – sýbekt) – Qazaqstan Respýblıkasynyń Úkimeti ne Qazaqstan Respýblıkasy Úkimetiniń sheshimi boıynsha oblystardyń, respýblıkalyq mańyzy bar qalanyń, astananyń jergilikti atqarýshy organdary qurǵan, «Azamattarǵa arnalǵan úkimet» memlekettik korporasııasyn jáne Áleýmettik medısınalyq saqtandyrý qoryn qospaǵanda, memlekettik kásiporyn;
3) negizdelgen baǵa – sýbektiniń negizdelgen shyǵyndarynyń jáne paıdasynyń negizinde aıqyndalǵan baǵa;
4) qaıta qurylǵan sýbekt – bir qarjy jyly ishinde naqty shyǵyndary qalyptaspaǵan, qurylǵan sátinen bastap kúntizbelik bir jyldan kem ýaqytta taýarlardy, jumystardy, kórsetiletin qyzmetterdi óndiretin jáne ótkizetin memlekettik monopolııa sýbektisi;
5) ózindik qun – sýbekt óndiretin jáne ótkizetin taýardyń, jumystyń, kórsetiletin qyzmettiń baǵasynda ýákiletti organ eskeretin shyǵyndar jıyntyǵy;
Osy Qaǵıdalarda paıdalanylatyn ózge de uǵymdar men termınder Qazaqstan Respýblıkasynyń qoldanystaǵy zańnamasyna sáıkes qoldanylady.
2. Memlekettik monopolııa sýbektisi óndiretin jáne ótkizetin taýarlarǵa, jumystarǵa, kórsetiletin qyzmetterge baǵa belgileý
3. Taýarlarǵa, jumystarǵa, kórsetiletin qyzmetterge baǵa qalyptastyrý taýarlardyń, jumystardyń, kórsetiletin qyzmetterdiń árbir túri boıynsha shyǵyndardy bólek esepke alý negizinde júzege asyrylady.
Sýbektide taýarlardyń, jumystardyń, kórsetiletin qyzmetterdiń túrleri boıynsha shyǵyndardy bólek esepke alý bolmaǵan jaǵdaıda, sýbektiniń shyǵyndary sýbektiniń jalpy shyǵyndaryndaǵy kiristerdiń úles salmaǵy (kólemi, óndiristik personalǵa eńbekaqy tóleýge arnalǵan shyǵyndar) boıynsha taýarlardy, jumystardy, kórsetiletin qyzmetterdi ótkizetin sýbektiniń belgili bir qyzmet túrine jatatyn shyǵyndardy aıqyndaýdy kózdeıtin janama ádisterdiń negizinde taýarlardyń, jumystardyń, kórsetiletin qyzmetterdiń túrleri boıynsha bólinedi.
4. Qaıta qurylǵan sýbektiniń óndiretin jáne ótkizetin taýarlarǵa, jumystarǵa, kórsetiletin qyzmetterge baǵalardy qalyptastyrýy qalyptasatyn naqty shyǵyndar boıynsha kúntizbelik jyl ótken soń baǵa saraptamasynan qaıta ótken jaǵdaıda josparlanatyn shyǵyndardyń negizinde júzege asyrylady.
5. Sýbektiniń taýarlaryna, jumystaryna, kórsetiletin qyzmetterine negizdelgen baǵa qalyptastyrý kezinde ózindik qunda taýarlardy, jumystardy, kórsetiletin qyzmetterdi óndirýge (kórsetýge) tikeleı jatatyn shyǵystar jáne negizdeýshi qujattarmen (sharttarmen, shot-faktýralarmen, qarjylyq qujattarmen) rastalǵan:
1) rastaıtyn qujattarda (sharttar, shot-faktýralar) kózdelgen baǵalarǵa jáne materıaldyq resýrstardyń naqty kólemine súıene otyryp, taýarlardyń, jumystardyń, kórsetiletin qyzmetterdiń birligin shyǵarýǵa arnalǵan shıkizat, materıaldar, otyn, energııa, materıaldyq resýrstar shyǵysynyń qoldanylatyn normalaryna jáne (nemese) materıaldyq resýrstardyń jyldyq normalaryna súıene otyryp, aıqyndalatyn materıaldyq shyǵystar;
2) olardy júrgizý qajettigin qujattamalyq tehnıkalyq rastaý jáne jıyntyq smetalyq eseptemeler, obektilik, jergilikti jáne resýrstyq smetalar (árbir obekt boıynsha jeke) bolǵan jaǵdaıda, sýbektiniń negizgi quraldar qunynyń ósýine ákelmeıtin aǵymdaǵy jáne kúrdeli jóndeýge jáne basqa da jóndeý-qalpyna keltirý jumystaryna jiberetin qarajaty;
3) shyǵystarǵa baǵyttalǵan, baǵanyń shyǵyn bóliginde eskerilmegen sýbsıdııalardy qospaǵanda, baǵanyń shyǵyn bóligin azaıtýda eskeriletin sýbektige memlekettik bıýdjet qarajatynan bólinetin sýbsıdııalar;
4) eńbek jaǵdaılary úshin eńbek zańnamasyna sáıkes qosymsha aqylar men ústemeaqylar tóleýdi qosa alǵanda, personalǵa eńbekaqy tóleýge jumsalatyn shyǵystar baǵalardy qalyptastyrý kezinde eskeriledi, bul rette eńbekaqy tóleýge jumsalatyn shyǵystardy aıqyndaý kezinde personaldyń (ákimshilik-basqarý jáne óndiristik) naqty sany jáne ınflıasııa deńgeıiniń boljamdy ózgerisin eskere otyryp, qoldanystaǵy baǵalarmen qabyldanǵan ortasha aılyq jalaqy esepke alynady;
5) sýbektiniń esepke alý saıasatynda kózdelgen ádisti paıdalana otyryp aıqyndalatyn jáne negizgi quraldar qunynyń ulǵaıýyna alyp keletin kúrdeli jóndeý jumystaryn júrgizýge jiberiletin, ınvestısııalyq baǵdarlamalardy (jobalardy) iske asyrýǵa arnalǵan amortızasııalyq aýdarymdarǵa;
6) olardy tartý qajettigin qujattamalyq rastaý, áleýetti ónim berýshilerdi, qyzmetterdi qarjylandyrý jáne qaryz resýrstaryn qaıtarý sharttary bolǵan jaǵdaıda ınvestısııalyq jobany iske asyrýǵa nemese taýarlar, jumystar, kórsetiletin qyzmetter óndirisinde qoldanylǵan negizgi quraldardy satyp alýǵa (ınvestısııalyq baǵdarlama (joba) bolmaǵan jaǵdaıda) qaryz qarajaty úshin syıaqy tóleýge arnalǵan shyǵystar;
7) aýdıtorlyq, konsaltıngtik, marketıngtik qyzmetterge;
8) qorshaǵan ortaǵa emıssııa úshin aqy tóleýge;
9) kezeń shyǵystarynda eskeriletin mindetti saqtandyrý túrlerine, salyqtarǵa, alymdarǵa jáne bıýdjetke tólenetin basqa da mindetti tólemderge arnalǵan shyǵystar eskeriledi.
6. Cýbektiniń baǵalaryn qalyptastyrý kezinde ózindik qunda taýarlardy, jumystardy, kórsetiletin qyzmetterdi óndirýge (kórsetýge) tikeleı jatpaıtyn, sondaı-aq negizdeýshi materıaldarmen (sharttar, shot-faktýralar, qarjylyq qujattar) rastalmaǵan shyǵystar, onyń ishinde:
1) taýarlardy, jumystardy, kórsetiletin qyzmetterdi óndirý (kórsetý) kezinde paıdalanylmaıtyn negizgi quraldardyń amortızasııalyq aýdarymdary;
2) lastaýshy zattardyń normatıvten tys shyǵaryndylary (tastandylary) úshin tólemder;
3) úmitsiz boryshtar;
4) sharýashylyq sharttardyń talaptaryn buzǵany úshin aıyppuldar, ósimpuldar, turaqsyzdyq aıyby jáne sanksııalardyń basqa da túrleri, sot shyǵyndary;
5) kiristi jasyrǵany (kemitkeni) úshin aıyppuldar men ósimpuldar;
6) urlyqtan kelgen zalaldar;
7) qyzmet kórsetýshi sharýashylyqtar men ýchaskeler óndirisine tartylmaǵan aktıvterdi ustaýǵa arnalǵan;
8) kásiptik-tehnıkalyq ýchılıshelerdi qospaǵanda, densaýlyq saqtaý, mektepke deıingi balalar uıymdary, oqý oryndary obektilerin ustaýǵa arnalǵan;
9) saýyqtyrý lagerlerin, mádenıet jáne sport obektilerin, turǵyn úı qoryn ustaýǵa arnalǵan;
10) paıyzsyz nesıelerdi qosa alǵanda, uıym jumyskerleriniń turǵyn úı jaǵdaılaryn jaqsartýǵa, baý-baqsha úılerin satyp alýǵa jáne úı sharýashylyǵymen aınalysýǵa alǵan nesıelerin óteýge arnalǵan;
11) mádenı-aǵartý, saýyqtyrý jáne sporttyq is-sharalardy ótkizýge arnalǵan;
12) baý-baqsha seriktestikterin abattandyrýǵa (joldar salý, energııamen jáne sýmen jabdyqtaý, jalpy sıpattaǵy basqa da shyǵystardy júzege asyrý) arnalǵan;
13) demeýshilik kómek kórsetýge arnalǵan;
14) aqaýdan bolǵan shyǵyndarǵa arnalǵan;
15) óndiristi vahtalyq uıymdastyrýdy qospaǵanda, sýbektilerdiń personaly úshin páterlerdi, turǵyn ǵımarattardy jáne qurylystardy, jataqhanalar men qonaq úılerdegi oryndardy satyp alýǵa, jaldaýǵa jáne ustaýǵa arnalǵan;
16) mereıtoılar kúnine nemese jumyskerlerge yntalandyrý túrinde beriletin syılyqtardy satyp alýǵa arnalǵan;
17) normatıvten tys tehnıkalyq jáne kommersııalyq shyǵyndarǵa, taýar-materıaldyq qundylyqtardyń, qoımadaǵy qorlardyń buzylýyna jáne jetispeýshiligine, basqa óndirilmeıtin shyǵystarǵa;
18) jumys qorytyndylary boıynsha syılyqaqy berýge jáne yntalandyrýdyń basqa da nysandaryna arnalǵan;
19) óndiristik qajettilikke baılanysty is-sharalardy qospaǵanda, oqytatyn kýrstardy, semınarlardy, trenıngterdi, leksııalardy, kórmelerdi, pikirtalastardy, ǵylym men óner qaıratkerlerimen kezdesýlerdi, ǵylymı-tehnıkalyq konferensııalardy ótkizýge jáne uıymdastyrýǵa arnalǵan;
20) qoǵamdyq uıymdar men qaýymdastyqtarǵa múshelik jarnalarǵa arnalǵan;
21) bilim berý uıymdarynda oqıtyn jumyskerlerdiń oqý demalystaryna aqy tóleýge arnalǵan;
22) kásibı aýrýlardy ońaltyp emdeýge baılanysty shyǵyndardan basqa, sýbektiniń qarajaty esebinen jumyskerlerdiń jáne olardyń balalarynyń emdelýine, demalýyna, ekskýrsııalaryna arnalǵan joldamalarǵa aqy tóleýge arnalǵan;
23) Qazaqstan Respýblıkasynyń zańnamasynda belgilengen mindetti saqtandyrý tólemderin qospaǵanda, saqtandyrý tólemderi (sýbekt óz jumyskerleriniń paıdasyna jasaǵan jeke jáne múlikti saqtandyrý sharttary boıynsha sýbekt tólep otyratyn jarnalar);
24) jumyskerlerge qosymsha berilgen demalystarǵa (Qazaqstan Respýblıkasynyń zańnamasynda kózdelgennen tys), onyń ishinde bala tárbıelep otyrǵan áıelderge aqy tóleýge, jumyskerdiń otbasy múshelerine demalysty paıdalanatyn jerge barý jáne qaıtý jolyna aqy tóleýge arnalǵan shyǵystar;
25) Qazaqstan Respýblıkasynyń zańnamasynda kózdelgennen basqa, sýbektiniń jumyskerlerine jeńildikter;
26) mektepke deıingi mekemelerdegi, sanatorıılerdegi jáne saýyqtyrý lagerlerindegi balalardyń tamaqtaný qunyn óteýge jumsalatyn shyǵystar;
27) ujymdyq shartta aıqyndalǵan maqsattar úshin kásiptik odaqtarǵa aýdarymdar eskerilmeıdi.
7. Negizdelgen baǵaǵa engiziletin paıdanyń deńgeıin aıqyndaý kezinde sýbektilerdiń tıimdi jumys isteýin jáne damýyn qamtamasyz etetin qarajat eskeriledi.
8. Qazaqstan Respýblıkasynyń Kásipkerlik Kodeksiniń 88-babynyń 26) tarmaqshasyna sáıkes monopolııaǵa qarsy organ osy Qaǵıdalarǵa sáıkes sýbekt óndiretin jáne ótkizetin taýarlardyń, jumystardyń, kórsetiletin qyzmetterdiń baǵasyna saraptama júrgizedi.
Baǵalarǵa saraptama júrgizý úshin sýbektiler mynalardy:
1) taýarlarǵa, jumystarǵa, kórsetilgen qyzmetterge memlekettik monopolııa engizilgen kúnnen bastap kúntizbelik otyz kúnnen keshiktirmeı, baǵa deńgeıin rastaıtyn negizdemelik materıaldardy qosa bere otyryp, bosatý baǵalary týraly jazbasha nysandaǵy aqparatty;
2) taýarlar, jumystar, kórsetiletin qyzmetter baǵalarynyń aldaǵy ýaqytta ózgeretini (ósetini jáne (nemese) tómendeıtini) jáne ózgerý (ósý jáne (nemese) tómendeý) sebepterin rastaıtyn, negizdeıtin materıaldardy qosa bere otyryp, olardyń ózgerýiniń (ósýdiń jáne (nemese) tómendeýdiń) sebepteri týraly jazbasha nysandaǵy habarlamany keminde kúntizbelik otyz kún buryn beredi.
Baǵalardyń aldaǵy ýaqytta ózgerýi (ósýi jáne (nemese) tómendeýi) týraly habarlamaǵa mynalar qosa beriledi:
1) ózgerý (ósý jáne (nemese) tómendeý) sebepterin rastaıtyn qujattar (shıkizat, materıaldar, kórsetiletin qyzmetter qunynyń ózgerýin (ósýin jáne (nemese) tómendeýin) rastaıtyn tıisti sharttardyń kóshirmeleri);
2) qyzmettiń árbir túri boıynsha baǵalar jobasy;
3) býhgalterlik balans;
4) paıdalar men zalaldar týraly esep;
5) eńbek jáne jalaqy jónindegi esep;
6) óndiristik-qarjy qyzmeti týraly esep;
7) negizgi quraldar men materıaldyq emes aktıvterdiń bolýy jáne olardyń qozǵalysy;
8) tutastaı kásiporyn jáne qyzmettiń árbir túri boıynsha jeke shyǵyndar baptary boıynsha taratyp jaza otyryp, baǵalardyń jobasyn esepteý úshin qoldanylatyn kirister men shyǵystar týraly jıyntyqty derekter;
9) eńbekaqy tóleýdiń qoldanylyp otyrǵan júıesi týraly málimetter;
10) shıkizat jáne materıaldar shyǵysynyń qoldanylyp otyrǵan normalary, jumyskerlerdiń normatıvtik sany týraly málimetter;
11) bar bolǵan jaǵdaıda, esepke alý saıasaty;
12) bar bolǵan jaǵdaıda, ınvestısııalyq baǵdarlamalar (jobalar);
13) aǵymdaǵy jáne kúrdeli jóndeýge jáne negizgi quraldar qunynyń ósýine alyp kelmeıtin basqa da jóndeý-qalpyna keltirý jumystaryna baǵyttalǵan shyǵyndardyń jyldyq smetasy;
14) negizgi quraldar qunynyń ulǵaıýyna alyp keletin kúrdeli jóndeý jumystaryn júrgizýge baǵyttalǵan shyǵyndardyń jyldyq smetasy;
15) negizgi quraldardy paıdalaný merzimin kórsete otyryp, amortızasııalyq aýdarymdardyń eseptemeleri;
16) ótkizýdiń josparlanǵan kólemin rastaıtyn qujattar – nıet bildirý hattamalary, sharttar, óndirý (jetkizý) kólemderiniń eseptemeleri, jobalyq qýaty jáne ony is júzinde paıdalaný týraly derekter, sondaı-aq óndiris (jetkizý) kólemi tómendegen jaǵdaıda sýbektiler negizdeme usynady;
17) debıtorlyq jáne kredıtorlyq bereshektiń taratylyp jazylýy.
Buıryq Qazaqstan Respýblıkasynyń Ádilet mınıstrliginde 2016 jylǵy 13 sáýirde Normatıvtik quqyqtyq kesimderdi memlekettik tirkeýdiń tizilimine №13588 bolyp engizildi.