Qaraǵandy qalasynda erkin, grek-rım jáne áıelder kúresi boıynsha Keńes Odaǵynyń Batyry, ushqysh Nurken Ábdirovti eske túsirýge arnalǵan 49-shy respýblıkalyq týrnır ótti.
Boz kilem ústinde elimizdiń barlyq óńirinen kelgen 300-ge tarta sportshy kúsh synasty. Balýandar segiz salmaq boıynsha 32 medal jıyntyǵyn sarapqa saldy.
Jarys jeńimpazdary men júldegerleri medaldarmen jáne de Qaraǵandy oblystyq erkin, grek-rım jáne áıelder kúresi federasııasy atynan baǵaly syılyqtarmen marapattaldy. Týrnırde jeńis tuǵyrynyń eń bıik satysyna kóterilgen balýandarǵa «QR sport sheberi» ataǵy berildi. Sondaı-aq, olımpııalyq emes salmaq túrleri boıynsha (grek-rım kúresi – 71, 80 kg., erkin kúres – 70 kg.) úzdik shyqqan sheberler jeltoqsan aıynda Býdapeshte ótetin álem chempıonatynda kúresýge múmkindik beretin joldamaǵa ıe boldy.
Qaırat Ábildınov