2016 jylǵy 19 qyrkúıekte qazaqtyń uly aqyn-oıshyly Shákárim Qudaıberdiulynyń nemeresi, Almaty oblysynyń Talǵar aýdanyndaǵy Besaǵash aýylynyń turǵyny, asyldyń synyǵy Mereke Zııatuly 78 jasynda dúnıeden ótti.
Mereke Zııatuly Shákárimniń nemeresi. Zııat el basyna zobalań túsken, Shákárim urpaqtary qýǵynǵa ushyraǵan kezde ákesiniń uıǵarýymen Qytaıǵa kóshýine týra keledi. 1937 jyly Shyńjańdaǵy halyqtyń betke ustar ıntellıgensııasyn jappaı ustap, qyrǵynǵa ushyratqan ýaqytta el jaqsylarymen birge tutqyndalady. Mereke ákesi tutqyndalǵanda ishte qalǵan bala eken. Ol 1938 jyly 8 sáýirde Qytaıda dúnıege keldi. Anasy Mýnıra Seıitqazyqyzy Nurtaeva Úrimjide oryssha oqyp, qytaı, uıǵyr tilderin de jetik meńgergen bolatyn. Altaıdaǵy Sarysúmbe qalasynda muǵalim qyzmetin atqarǵan kózi ashyq, bilimdar edi. Mereke anasynyń kómegimen alǵash hat tanyp, saýatyn ashady. Mýnıra Seıitqazyqyzy 1946 jyly súzek aýrýynan qaıtys bolǵannan keıin Mereke ákesimen birge Qytaıǵa kelgen týysy Tákejannyń Ázimbaıynyń balasy Berdeshtiń qolynda bolady.
Ol 1955 jyly 10 mamyrda Zaısanǵa qonys aýdarady. 1956 jyly tamyz aıynda jan-jaqtaǵy týystaryn izdep júrgen aǵasy Ahat Shákárimuly Merekeni Talǵarǵa ákeldi. Mereke Zııatuly Krasnoıarsk ólkesinde úsh jyl áskerı boryshyn óteıdi. Almaty oblysynda zeınetkerlikke deıin aýyl sharýashylyǵynda jumys atqarady. Keıinirek týǵan jeri Shyńǵystaýǵa jıi kelip turǵan. Zaıyby Klara Muqanqyzy ekeýi Nurlan, Gaýhar, Merýert, Sáýle esimdi balalaryn tárbıelep ósirdi.
Mereke Zııatulynyń keńpeıildigi, parasattylyǵy jáne zııalylyǵymen erekshelengen jarqyn beınesi bizdiń jadymyzda árdaıym saqtalady. Marqumnyń týǵan-týystaryna qaıǵylaryna ortaqtasyp kóńil aıtamyz. Jatqan jeri jaıly bolyp, rýhy peıishte shalqysyn.
Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-murajaıynyń ujymy