Másele oryndy kóterilgen

(«Mal dárigeriniń moıyndalmaǵan mártebesi», «EQ», 2016 jylǵy 23 tamyz) Batys Qazaqstan oblysy Jańaqala aýdanynyń veterınarııa salasynyń dárigeri, aýdannyń qurmetti azamaty Satybaldy Jumashevtiń elimizdiń bas gazeti «Egemen Qazaqstannyń» №161 sanynda jarııalan­ǵan «Mal dári­geriniń moıyndalmaǵan mártebesi» atty maqalasynda aıtyl­ǵandardy biz, Jańaqala aýdany­nyń osy salada búgingi kúni eńbek etip júrgen mal dárigerlerine de qatysty dep sanaımyz. Aýdany­myzda mal basy jyldan jylǵa artyp keledi. Osy maldardy ósirip baǵyp, ónimin molaıtyp júrgen malshylar qaýymymen birge aýrýynyń aldyn alyp egip, emdep, aýyrǵan jaǵdaıda shaqyrǵanǵa shuǵyl baryp, kómek jasap júrgen aýdannyń dáriger­ler qaýymy. Qazir aýdanymyzda 18 joǵary, 32 orta bilimdi dárigerler jumys istep júr. Maqalada kórse­til­ge­n­deı, mal dárigerleriniń aılyq jalaqysy az, ot­ba­syn asyraýǵa jetpeıtin jaǵdaılar bar. Osy ma­man­­­dyqqa oqyp, jyldaryn sarp etken dárigerler kún­kóris úshin mamandyǵyn tastap jatqandary qanshama?! Maqalada jazylǵan 1991 jylǵy 19 jeltoqsan­daǵy №1930 qaýlysy boıynsha jasalyp bekitilgen №2 tizimge mal dárigerlerin qosyp qam­qor­lyq jasaý kerek. Elbasymyz Nursultan Ábish­uly Nazarbaev aýyl sharýashylyǵynda mal basyn kóbeı­tip, onyń ónimin arttyryp, sapasyn jaqsartýdy aýyl eńbekkerlerine, mal mamandaryna tapsyryp otyr. Bul iste mal dárigerleriniń eńbegi baǵalanýy kerek. Mal dárigeriniń talap-tilegi oryndalǵaı. Qumarǵalı QAIYRJANOV, Qazaqstan Jýrnalıster odaǵynyń múshesi Batys Qazaqstan oblysy, Jańaqala aýdany