2015 jylǵy 30 naýryz, Astana qalasy
Kedendik deklarasııany elektrondyq qujat túrinde usyný,
paıdalaný jáne saqtaý qaǵıdalaryn bekitý týraly
«Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń 281-babynyń 3-tarmaǵyna sáıkes buıyramyn:
1. Qosa berilip otyrǵan Kedendik deklarasııany elektrondyq qujat túrinde usyný, paıdalaný jáne saqtaý qaǵıdalary bekitilsin.
2. Qazaqstan Respýblıkasy Qarjy mınıstrliginiń Memlekettik kirister komıteti (D.E. Erǵojın) zańnamamen belgilengen tártipte:
1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin;
2) osy buıryqty memlekettik tirkeýden ótkizgennen keıin kúntizbelik on kún ishinde merzimdik baspa basylymdarda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Qarjy mınıstrliginiń ınternet-resýrsynda ornalastyrýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr B.SULTANOV
Qazaqstan Respýblıkasy Qarjy mınıstriniń 2015 jylǵy 30 naýryzdaǵy № 226 buıryǵymen bekitilgen
Kedendik deklarasııany elektrondyq qujat túrinde usyný,
paıdalaný jáne saqtaý qaǵıdalary
1. Osy Kedendik deklarasııany elektrondyq qujat túrinde usyný, paıdalaný jáne saqtaý qaǵıdalary (budan ári – Qaǵıda) kedendik deklarasııany elektrondyq qujat túrinde usyný, paıdalaný jáne saqtaý tártibin reglamentteý maqsatynda, «Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń 281-babynyń 3-tarmaǵyna sáıkes ázirlengen.
2. Taýarlardy kedendik deklarasııalaý kezinde taýarlarǵa arnalǵan deklarasııa elektrondyq qujat (budan ári – TD EQ) túrinde elektrondyq nysanda paıdalanylady. TD EQ-da kórsetilýge jatatyn negizgi málimetter Kodekstiń 279-babynyń 2-tarmaǵynda qarastyrylǵan.
3. TD EQ memlekettik kirister organdarynyń aqparattyq júıeleri (budan ári – MKO AJ) arqyly qalyptastyrylady jáne beriledi.
4. Kodekstiń 281 jáne 282-baptaryna sáıkes kedendik baqylaýdy júzege asyrý úshin qajetti taýarlardy kedendik deklarasııalaý kezinde deklarant ne keden ókili usynatyn TD EQ men qujattar Qazaqstan Respýblıkasynyń zańnamasyna sáıkes berilgen elektrondyq sıfrlyq qoltańbamen (budan ári – ESQ) kýálandyrylady jáne MKO AJ-da beriledi.
5. MKO AJ-da paıdalanýshyny avtorlandyrý ESQ-sy bolǵan kezde «Salyq tóleýshiniń kabıneti» Web-qosymshasy arqyly júrgiziledi. Odan keıingi barlyq is-qımyl kezinde deklarant ne keden ókili TD EQ-ǵa, taýarlarǵa arnalǵan deklarasııasyn túzetýdiń elektrondyq kóshirmesine jáne Qazaqstan Respýblıkasynyń zańnamasyna sáıkes MKO AJ-daǵy elektrondyq túrdegi kedendik qujattarǵa qol qoıý úshin ESQ-ny paıdalanady.
6. MKO AJ «Kedendik deklarasııany jáne kedendik deklarasııanyń nysandaryn toltyrý jónindegi nusqaýlyq týraly» Keden odaǵy komıssııasynyń 2010 jylǵy 20 mamyrdaǵy № 257 sheshimimen bekitilgen Taýarlarǵa arnalǵan deklarasııany toltyrýdyń tártibi týraly nusqaýlyqqa sáıkes TD EQ-nyń baǵandary men joldarynyń durys toltyrýyn formattyq-logıkalyq baqylaýdy (budan ári – FLB) júrgizý jolymen avtomatty túrde júzege asyrady.
7. FLB-da qateler bolǵan kezde MKO AJ deklarantqa ne keden ókiline qateler týraly habarlamany joldaıdy jáne TD EQ pysyqtaý satysyna qaıtarady. TD EQ FLB-dan sátti ótken jaǵdaıda deklaranttyń ne keden ókiliniń ESQ-men kýálandyrylady jáne aýmaqtyq memlekettik kirister organyna beriledi.
8. TD EQ-da málimdelgen málimetterdi memlekettik kirister organdary mynadaı maqsatta paıdalanady:
kedendik tólemderdiń jáne salyqtardyń óndirip alýyn, olardyń durys eseptelýine jáne ýaqtyly tólenýine baqylaýdy qamtamasyz etý;
tyıym salýlar men shekteýlerdi qosa alǵanda kedendik-tarıftik jáne tarıftik emes retteý sharalarymen baılanysty sharttardyń saqtalýyn qamtamasyz etý;
kedendik statıstıkany qalyptastyrý;
Keden odaǵynyń keden zańnamasynyń, Qazaqstan Respýblıkasynyń keden zańnamasynyń jáne olardyń oryndalýyna baqylaý memlekettik kirister organdaryna júktelgen Qazaqstan Respýblıkasynyń ózge zańnamalarynyń oryndalýyn qamtamasyz etý.
9. MKO AJ TD EQ-nyń, TDT EK-nyń jáne deklarant pen keden ókili Qazaqstan Respýblıkasynyń zańnamasyna sáıkes elektrondyq túrde beretin kedendik qujattardyń Kodekstiń 187-babynyń 5-tarmaǵyna sáıkes kedendik baqylaýdaǵy taýarlardyń bolýy aıaqtalǵan sátten bastap bes jyldan kem emes saqtalýyn qamtamasyz etedi.
Buıryq Qazaqstan Respýblıkasynyń Ádilet mınıstrliginde 2015 jylǵy 29 sáýirde Normatıvtik quqyqtyq kesimderdi memlekettik tirkeýdiń tizilimine №10857 bolyp engizildi.