2015 jylǵy 30 naýryz, Astana qalasy
Elektr energııasynyń kóterme saýda naryǵynyń sýbektileri úshin
elektr energııasyn kommersııalyq esepke alýdyń avtomattandyrylǵan júıesiniń jumys isteý qaǵıdalaryn bekitý týraly
«Elektr energetıkasy týraly» 2004 jylǵy 9 shildedegi Qazaqstan Respýblıkasy Zańynyń 5-baby 57) tarmaqshasyna sáıkes buıyramyn:
1. Qosa berilip otyrǵan Elektr energııasynyń kóterme saýda naryǵynyń sýbektileri úshin elektr energııasyn kommersııalyq esepke alýdyń avtomattandyrylǵan júıesiniń jumys isteý qaǵıdalary bekitilsin.
2. Qazaqstan Respýblıkasy Energetıka mınıstrliginiń Elektr energetıkasy departamenti Qazaqstan Respýblıkasynyń zańnamasynda belgilengen tártippen:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryq Qazaqstan Respýblıkasynyń Ádilet mınıstrliginde memlekettik tirkeýden ótkennen keıin onyń kóshirmesin kúntizbelik on kún ishinde merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýyn;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyn 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Energetıka mınıstri V. ShKOLNIK
Qazaqstan Respýblıkasy Energetıka mınıstriniń 2015 jylǵy 30 naýryzdaǵy №248 buıryǵymen bekitilgen
Elektr energııasynyń kóterme saýda naryǵynyń sýbektileri úshin elektr energııasyn kommersııalyq esepke alýdyń avtomattandyrylǵan júıesiniń jumys isteý qaǵıdalary
1. Jalpy erejeler
1. Osy Elektr energııasynyń kóterme saýda naryǵynyń sýbektileri úshin elektr energııasyn kommersııalyq esepke alýdyń avtomattandyrylǵan júıesiniń jumys isteý qaǵıdalary (budan ári – Qaǵıdalar) «Elektr energetıkasy týraly» Qazaqstan Respýblıkasynyń 2004 jylǵy 9 shildedegi Zańynyń (budan ári – Zań) 5-babynyń 57) tarmaqshasyna sáıkes ázirlengen jáne elektr energııasynyń kóterme saýda naryǵy sýbektileriniń (budan ári – sýbektiler) elektr energııasyn kommersııalyq esepke alýdyń avtomattandyrylǵan júıesin (budan ári – EKEAJ) uıymdastyrý jáne onyń jumys isteý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) kommersııalyq elektr energııasyn esepke alý kesheni – derekteri boıynsha elektr energııasy naryǵynda ózara esep aıyrysýlar júrgiziletin elektr energııasyn esepke alý kesheni;
2) tehnıkalyq elektr energııasyn esepke alý kesheni – derekteri boıynsha sýbektiniń jeke energııa obektilerimen jáne elektr qondyrǵylarymen elektr energııasyn bólisýiniń jáne tutynýynyń baqylaýy júrgiziletin elektr energııasyn esepke alý kesheni;
3) elektr energııasyn esepke alý kesheni (budan ári – EEK) – ólsheý quraldarynyń: tokty ólsheý transformatorynyń, kerneýdi ólsheý transformatory men elektr energııasyn ólsheýge arnalǵan elektr energııasyn esepke alý aspaptarynyń jıyntyǵy;
4) elektr energııasynyń teńgerimsizdigi – energııa obektisinde shaǵyn stansııanyń shınasynan qabyldanǵan jáne jiberilgen elektr energııasynyń arasyndaǵy aıyrmashylyq retinde aıqyndalatyn mólsher;
5) EKEAJ-dyń derekter bazasy – elektr energııasynyń kóterme saýda naryǵy sýbektileriniń elektr energııasyn esepke alýdyń keshenderinen alynǵan aqparatty óńdeýge, muraǵattaýǵa arnalǵan baǵdarlamalyq-tehnıkalyq keshen qurylǵylarynyń jıyntyǵy;
6) EKEAJ-dyń tájirıbelik-ónerkásiptik synaqtary – júıeniń tehnıkalyq, fýnksıonaldyq jáne metrologııalyq sıpattamalarynyń tehnıkalyq tapsyrmanyń jáne jobalar sheshimderiniń talaptarynyń sáıkestigine tekserý boıynsha is-sharalar men jumystar kesheni.
Osy Qaǵıdalarda paıdalanylatyn ózge de uǵymdar Zańǵa sáıkes qoldanylady.
3. EKEAJ esep aıyratyn kezeńmen qosa óndirýde, taratýda jáne paıdalanýda onyń saǵattap málimetin qalyptastyrýda elektr energııasyn tirkeý boıynsha senimdi jáne zańdy málimet alý úshin, elektr energııasynyń kóterme jáne teńgerimdeýshi saýda naryǵynda ózara esep aıyrysý úshin negizgi qural bolyp tabylady. Sýbektilerdiń EKEAJ-dyń bolýy Qazaqstan Respýblıkasynyń elektr energııasy kóterme saýda naryǵyna qol jetkizýi úshin shart bolyp tabylady.
2. EKEAJ-dy uıymdastyrý tártibi
4. EKEAJ-dy qurý úshin sýbektiler sýbektiniń EKEAJ-yn Júıelik operatordyń biriktirilgen EKEAJ-na qosýǵa arnalǵan tehnıkalyq sharttardy alýǵa jalǵanym ataýyn, árbir EEK quramyna kiretin ólsheý quraldarynyń tehnıkalyq jáne metrologııalyq sıpattamalaryn kórsete otyryp, elektr energııasyn berý/tutynýdyń bir syzyqtyq elektr shemasynyń qosymshasy, sýbektiniń energııa obektilerinde ornalasqan EEK tizbesi bar jazbasha erkin nysanda ótinishterin beredi.
Elektr energııasyn óńdirýde, jiberýde, taratýda jáne tutynýda ony tirkeý boıynsha biryńǵaı tehnıkalyq saıasatyn júzege asyrý maqsatynda jáne Zańnyń 10-baby 1-tarmaǵynyń 10) tarmaqshasyn oryndaý maqsatynda, jobalaýǵa tehnıkalyq tapsyrmasy, tehnıkalyq jobasy jáne EQEAJ-dyń tájirıbelik-ónerkásiptik synaqtarynyń baǵdarlamasy Júıelik operatormen kelisiledi.
5. Júıelik operator sýbektilerden ótinishterdi alǵan soń sýbektiniń EKEAJ biregeı 18-dárejeli sáıkestendirý nómiri beriletin sýbektiniń EKEAJ-yn biriktirilgen EKEAJ-ǵa qosýǵa tehnıkalyq sharttardy otyz jumys kúni ishinde beredi.
Tehnıkalyq sharttardy sýbektilerge berý myna jaǵdaıda júzege asyrylady:
sýbektiniń EKEAJ-yn biriktirilgen EKEAJ-ǵa qosýǵa tehnıkalyq sharttardy berý úshin usynylǵan derekterdiń jetkiliktigi;
Júıelik operatordyń EKEAJ-na biriktirý úshin tehnıkalyq múmkindiktiń bolýy.
Tehnıkalyq sharttardyń qoldanys merzimi úsh jyl.
Tehnıkalyq sharttardyń qoldanys merzimi sýbektilerdiń olardyń qoldanys merzimi bitkenge deıin bergen ótinishteri boıynsha uzartylady.
Tehnıkalyq sharttardy bergeni úshin tólem alynbaıdy.
6. Tehnıkalyq sharttardy alǵan jaǵdaıda sýbektiler EKEAJ-ny jobalaýǵa tehnıkalyq tapsyrmalardy ázirleıdi.
7. Sýbektiler EKEAJ-dy jobalaýǵa arnalǵan tehnıkalyq tapsyrmany Júıelik operatorǵa kelisýge jiberedi.
8. Júıelik operator on bes jumys kúninen aspaıtyn merzimde EKEAJ-yn jobalaýǵa arnalǵan tehnıkalyq tapsyrmalardy olardyń EKEAJ-yn qurýǵa bergen tehnıkalyq sharttaryna jáne osy Qaǵıdanyń talaptaryna sáıkestigin qaraıdy jáne kelisedi.
9. EKEAJ-dy jobalaýǵa arnalǵan tehnıkalyq tapsyrmalardyń tehnıkalyq sharttar men osy Qaǵıdalardyń talaptaryna sáıkes kelmegen kezde Júıelik operator on bes jumys kúni ishinde sýbektilerge kelisýden jazbasha dáleldi bas tartý jiberedi.
10. EKEAJ-dy jobalaýǵa arnalǵan tehnıkalyq tapsyrmalardy qaıta qaraýdy Júıelik operator sýbektilerdiń dáleldi bas tartýda kórsetilgen tehnıkalyq tapsyrmanyń eskertýlerin joıǵannan keıin júrgizedi.
11. Júıelik operator EKEAJ-dy jobalaýǵa arnalǵan tehnıkalyq tapsyrmalardy kelisken jaǵdaıda sýbektiler EKEAJ jobalaryn ázirleýge jobalaý uıymdaryna ótinish jasaıdy.
12. Jobalar oryndalǵannan keıin sýbektiler EKEAJ-dyń jobasyn Júıelik operatormen kelisedi. Jobalardy kelisý sýbektiler ótinish jasaǵannan keıin otyz jumys kúni ishinde júzege asyrlady.
13. EKEAJ jobalarynyń EKEAJ-dy jobalaýǵa arnalǵan tehnıkalyq tapsyrmasyna sáıkes kelmegen kezde Júıelik operator kúntizbelik otyz kún ishinde sýbektilerge kelisýden jazbasha dáleldi bas tartý jiberedi.
14. EKEAJ jobalaryn qaıta qaraýdy Júıelik operator sýbektilerdiń dáleldi bas tartý hatynda qórsetilgen eskertýlerdi joıǵannan keıin júrgizedi.
15. Júıelik operatordyń EKEAJ jobalaryna kelisim bergen jaǵdaıda sýbektiler qurastyrý jáne iske qosý-baptaý jumystaryn júrgizedi.
16. EKEAJ quramyna kiretin kommersııalyq EEK ólsheý quraldaryn tekserý «О́lshem birligin qamtamasyz etý týraly» Qazaqstan Respýblıkasynyń 2000 jylǵy 7 maýsymdaǵy Zańynyń talaptaryna sáıkes júzege asyrylady.
17. Elektr energııasyn esepke alý úshin túrleri Qazaqstan Respýblıkasy ólshem birligin qamtamasyz etýdiń memlekettik júıesiniń tizilimine engizilgen jáne tekserýden ótkeni týraly qoldanystaǵy sertıfıkaty bar ólsheý quraldary paıdalanylady.
18. Kommersııalyq EEK quramyna kiretin ólsheý quraldaryn tekserý jónindegi jumystardy uıymdastyrý sýbektilerge – EKEAJ ıesine júkteledi.
19. Kommersııalyq EEK tehnıkalyq erekshelikteri men jalǵaý shemalary elektr energııasy salasyndaǵy Qazaqstan Respýblıkasynyń zańnamasyna sáıkes aıqyndalady.
20. Jobalaýǵa, qurastyrýǵa, paıdalanýǵa, tehnıkalyq qyzmet kórsetýge, synaýǵa, EEK-tiń quramyna kiretin ólsheý quraldaryn salystyryp tekserýge, baǵdarlamalyq qamtamasyz etý jasaqtamalaryn jańartýǵa arnalǵan shyǵyndardy, sondaı-aq baılanys arnalary men Júıelik operatordyń EKEAJ derekterine qol jetkizýge arnalǵan shyǵyndardy sýbektiler kóteredi.
3. EKEAJ-dyń tájirıbelik-ónerkásiptik synaqtary
21. Sýbektiler EKEAJ-nyń tájirıbelik-ónerkásiptik synaqtary júıeniń barlyq quram bólikteriniń jumys qabiletin, júıeniń fýnksıonaldyq tehnıkalyq sıpattamalaryn, elektr energııasyn esepke alý jónindegi derekterdi sýbektiniń elektr energııasy sanaýyshtarynan Júıelik operatordyń EKEAJ derekter bazasyna jetkizý durystyǵyn tekserý, sondaı-aq anyqtalǵan kemshilikter men sáıkessizdikterdi joıý úshin júrgiziledi.
22. EKEAJ-dyń tájirıbelik-ónerkásiptik synaqtary Júıelik operatormen kelisilgen, sýbektiniń tehnıkalyq basshysymen bekitilgen tájirıbelik synaqtar baǵdarlamasymen sáıkes júıeniń ıesimen júrgiziledi. Eger júıeniń jumysynda eskertýler bolsa, EKEAJ tájirıbelik qabyldaýǵa eskertýlerdi joıý úshin qabyldanady. Olar joıylǵannan keıin júıe ónerkásiptik paıdalanýǵa qabyldanady.
4. EKEAJ-dy ónerkásiptik paıdalanýǵa qabyldaý tártibi
23. EKEAJ-dy ónerkásiptik paıdalanýǵa qabyldaý sýbektilerdiń EKEAJ-y kómegimen elektr energııasyn esepke alý jónindegi birtutas tehnıkalyq saıasatty júzege asyrý jáne ony Qazaqstan Respýblıkasy kóterme saýda naryǵynyń birtutas EKEAJ-na biriktirý, sondaı-aq sýbektiler EKEAJ-nyń elektr energetıkasy salasyndaǵy jáne ólshem birligin qamtamasyz etý salasyndaǵy normatıvtik quqyqtyq aktilerdiń talaptaryna sáıkestigin belgileý maqsatynda júrgiziledi.
24. Tájirıbelik-ónerkásiptik synaqtar aıaqtalǵannan keıin EKEAJ sýbektisi Júıelik operatorǵa, kórshiles sýbektilerge EKEAJ-dyń tájirıbelik-ónerkásiptik synaqtar nátıjelerin taldaý jónindegi komıssııa jumysyna qatysý úshin shaqyrý hattaryn jiberedi.
25. Sýbektilerdiń EKEAJ-yn ónerkásiptik paıdalanýǵa qabyldaýdy sýbektiniń birinshi nemese tehnıkalyq basshysymen bekitilgen komıssııa júzege asyrady, onyń quramyna:
1) elektr jelilerine sýbektiler tehnologııalyq turǵydan jalǵanǵan elektr jelilik uıymdardyń;
2) sýbektilermen ortaq teńgerimdik tıesiligi bar elektr energııasy kóterme saýda naryǵyndaǵy shektes qatysýshylardyń;
3) bas merdigerlik, merdigerlik, jobalaý uıymynyń;
4) Júıelik operatordyń;
5) sýbektilerdiń qaraýyna qaraı ózge uıymdardyń ókilderi kiredi.
26. Júıelik operator jáne bir birimen baılanysty sýbektiler on jumys kúni ishinde merzimderdi kelisedi jáne óz ókilderin komıssııanyń jumysyna qatysý úshin jiberedi.
27. Sýbektiler komıssııaǵa qarastyrý úshin mynadaı qujattardy usynady:
1) EKEAJ-dy Júıelik operatordyń EKEAJ-yna qosýǵa arnalǵan tehnıkalyq sharttar;
2) Júıelik operatormen kelisilgen EKEAJ-dy jobalaýǵa arnalǵan tehnıkalyq tapsyrma;
3) Júıelik operatormen kelisilgen EKEAJ-dyń jobasy;
4) EKEAJ-ǵa arnalǵan jumys qujattamasy;
5) EKEAJ-ǵa arnalǵan paıdalaný qujattamasy, kelesini qosatyn: derekterdi jınaý, jetkizý, saqtaý jáne beıneleý qurylǵylaryna arnalǵan tehnıkalyq sıpattamalar men nusqaýlyqtar, EKEAJ-dy paıdalaný basshylyǵy, EKEAJ júıelik ákimshisiniń basshylyǵy;
6) ólshem birligin qamtamasyz etý salasyndaǵy Qazaqstan Respýblıkasynyń zańnamasy talaptaryna sáıkes EEK quramyna kiretin ólshem quraldaryn tekserý týraly sertıfıkattardyń kóshirmeleri;
7) EEK-ti kýálandyrý aktileri;
8) EKEAJ-dy júıelik jáne qoldanbaly baǵdarlamalyq qamtamasyz etýge arnalǵan lısenzııalyq shart kóshirmesi;
9) tájirıbelik paıdalanýdy ótkizý jónindegi uıymdyq-ókimdik qujattardyń: EKEAJ-dyń tájirıbelik-ónerkásiptik synaqtar baǵdarlamasynyń, EKEAJ-dyń tájirıbelik-ónerkásiptik synaqtarynyn aktisiniń, EKEAJ-dyń quramdas bólikterin tájirıbelik-ónerkásiptik synaqtar hattamalarynyń kóshirmeleri;
28. EKEAJ-ǵa qujattardy qarastyrý kezinde komıssııa mynalardy júzege asyrady:
1) qujattardyń Qaǵıdalardyń 27-tarmaǵynyń talaptaryna sáıkestigine tolyqtyǵyn tekserý;
2) tehnıkalyq tapsyrmanyń QR ST 34.015-2002 «Aqparattyq tehnologııa. Avtomattandyrylǵan júıelerge arnalǵan standarttar kesheni. Avtomattandyrylǵan júıeni qurýǵa arnalǵan tehnıkalyq tapsyrma» standartynyń, EKEAJ-dy qurýǵa arnalǵan tehnıkalyq sharttardyń talaptaryna sáıkestigin baǵalaý;
3) EKEAJ jobasynyń EKEAJ-dy jobalaýǵa arnalǵan tehnıkalyq tapsyrma talaptaryna sáıkestigin baǵalaý;
4) jumys qujatamasynyń EKEAJ jobasynyń talaptaryna sáıkestigin baǵalaý;
5) avtomattandyrylǵan júıege arnalǵan paıdalaný qujattamasy qujattarynyń (bólimderdiń) tehnıkalyq tapsyrma men jobanyń talaptaryna sáıkestigin baǵalaý, onyń ishinde «Paıdalanýshy basshylyǵyn» QR ST 1087-2002 «Baǵdarlamalyq qujattamanyń biryńǵaı júıesi. Paıdalanýshy basshylyǵy. Quramyna, mazmunyna jáne resimdelýine qoıylatyn talaptarǵa» baǵalaý.
6) EKEAJ jobasyn iske asyrǵan keıingi atqarýshy qujattama;
7) júıelik jáne qoldanbaly baǵdarlamalyq qamtamasyz etý sıpattamalaryn tehnıkalyq tapsyrma men EKEAJ jobasynyń talaptaryna sáıkestigin baǵalaý;
8) tájirıbelik paıdalanýdy júrgizý jónindegi uıymdyq-ókimdik qujattardyń BQ 50-34.698-90 «Standarttaý boıynsha basshylyq qujat. Ádistemelik nusqaýlar. Aqparattyq tehnologııa. Avtomattandyrylǵan júıelerge arnalǵan standarttar men basshylyq qujattar kesheni. Avtomattandyrylǵan júıeler. Qujattardyń mazmunyna qoıylatyn talaptar» sharttaryna sáıkestigin taldaý;
9) EKEAJ-dyń tájirıbelik-ónerkásiptik synaqtar jáne tájirıbe turǵysynan paıdalaný nátıjelerin taldaý.
29. Komıssııamen qujattardyń qarastyrý nátıjeleri osy Qaǵıdalarǵa 1-qosymshaǵa sáıkes nysan boıynsha komıssııa otyrysynyń hattamasymen resimdeledi.
30. Eskertýler bolǵan jaǵdaıda sýbektiler hattamada kórsetilgen kemshilikterdi joıady jáne Júıelik operatorǵa ónerkásiptik paıdalanýǵa qaıtadan qabyldaý júrgizýge ázirligi týraly habarlaıdy.
31. Eskertýler bolmaǵan kezde komıssııa EKEAJ-dy ónerkásiptik paıdalanýǵa engizý týraly aktini (odan ári – Akti) osy Qaǵıdalarǵa 2-qosymshaǵa sáıkes nysan boıynsha resimdeıdi.
32. Júıelik operator Júıelik operatormen júrgiziletien elektr energııasyn kommersııalyq esepke alýdyń avtomattandyrylǵan júıeleriniń tizilimine (budan ári – Tizilim) Aktini tirkeıdi.
Akti EKEAJ-dyń ishki kommersııalyq esep aıyrysýlar retinde, sonymen birge kóterme saýda naryǵyndaǵy esep aıyrysýlar úshin paıdalaný ázirligin rastaıdy.
Akti eki danada resimdeledi, olardyń biri sýbektige, ekinshi danasy Tizilim isine jiberiledi.
33. Sýbektiler EKEAJ-dy ónerkásiptik paıdalanýǵa engizgennen keıin árbir bes jylda Júıelik operatorǵa júıeniń jumys qabiletin rastaıtyn mynadaı qujattardy qamtıtyn hat usynady:
1) elektr energııasyn esepke alýdyń «kommersııalyq» nemese «tehnıkalyq» mártebesi kórsetilgen sáıkestenderý kodtarymen birge esepke alý keshenderiniń tizbesi;
2) sertıfıkattardyń EEK quramyna kiretin ólsheý quraldaryn tekserýdiń qoldanystaǵy merzimderimen birge kóshirmeleri;
3) EEK quramyna kiretin ólsheý quraldaryn aýystyrý aktileriniń kóshirmeleri;
4) keshenderden Júıelik operatordyń EKEAJ derekter bazasyna deıingi aktilerdiń kóshirmeleri;
5) EKEAJ-dy paıdalaný jáne metrologııalyq qamtamasyz etý úshin jaýapty adamdardy taǵaıyndaý týraly buıryqtardyń kóshirmeleri, baılanys telefondarynyń nómirleri men elektrondyq poshta mekenjaılary.
34. Júıelik operator kúntizbelik on bes kúndik merzimde biriktirilgen avtomattandyrylǵan júıeniń ákimshisimen birlese otyryp, Qaǵıdalardyń 33-tarmaǵynda kórsetilgen qujattardy tekserýdi júzege asyrady.
35. Eskertýler bolǵan kezde sýbektiler kemshilikterdi joıady jáne Júıelik operatorǵa qaıtadan tekserý júrgizýge ázir ekendikteri týraly habarlaıdy.
36. Qujattardy tekserýdiń oń nátıjeleri bolǵan jaǵdaıda Júıelik operator biriktirilgen avtomattandyrylǵan júıesiniń ákimshisimen birlese otyryp, osy Qaǵıdalarǵa 3-qosymshaǵa sáıkes nysan boıynsha EKEAJ-dy qaıta tirkeý týraly aktini resimdeıdi jáne tıisti ózgeristerdi kommersııalyq esepke alý tizilimine engizedi.
5. EKEAJ-dyń jumys isteý tártibi
37. Júıelik operator Qazaqstan Respýblıkasy birtutas elektr energetıkasy júıesiniń EKEAJ derekter bazasyn jańalaýdy, oǵan túzetý engizý men basqarýdy, derekterdi basqarýdy, óńdeýdi, oǵan túzetý engizý men saqtaýdy oryndaý kezinde olardyń qaýipsizdigi men qupııalylyǵyn qoldaýdy júzege asyrady.
38. Júıelik operator EKEAJ-nyń ortalyq derekter bazasynda sýbektilerdiń EKEAJ-y týraly mynadaı aqparat qamtylǵan:
1) EKEAJ ıesi;
2) dál geografııalyq ornalasqan orny;
3) EKEAJ-dy paıdalanýǵa jaýapty adamdardyń baılanys derekteri.
4) esepke alý núkteleriniń sáıkestendirilgen kodtary;
5) ólsheý quraldaryn shyǵarýshy, túri, modeli, serııalyq nómiri, shyǵarylǵan jyly men dáldik synyby;
6) tehnıkalyq jáne metrologııalyq sıpattamalarǵa qatysty derekter;
7) tekserý sertıfıkattaryn, testileý hattamalary men datany qosa alǵanda, synaýlarǵa, paıdalanýǵa iske qosýǵa qatysty aqparat;
8) qurylǵylardy almastyrý baǵdarlamasy;
9) tekserý jáne testileý, jóndeýdi júzege asyrý kesteleri men tekserý sertıfıkaty. Obektini sońǵy baqylaýdan ótkizgen kún, EEK quramdas bólikterin testileýden ótkizgen sońǵy kún jáne EEK quramdas bólikterin tekserýden ótkizgen sońǵy kún;
10) EEK quraldaryn tekserý týraly qoldanystaǵy sertıfıkat:
11) kommersııalyq esepke alý derekterin almasý úshin mekenjaıy men paroli;
12) jabdyqtyń túri, tehnıkalyq ereshelikteri, ınterfeısi men baılanys hattamasy engizilgen baılanysty qamtamasyz etýge qatysty aqparat;
13) paıdalanýshylar jáne olardyń kirý quqyqtary týraly aqparat;
14) qaýipsizdikti qamtamsyz etýge qatysty aqparat qorǵalǵan orynda saqtalady.
39. Júıelik operator Tizilimde árbir júıege biregeı tirkeý nómirin beredi.
40. Sýbektiler Júıelik operatorǵa mynadaı jaǵdaılarda EEK boıynsha aqparat usynady:
1) EKEAJ-dy jumysqa qosý kezinde; 2) jańa kommersııalyq EEK ornatý kezinde;
3) kommersııalyq EEK-ge qandaı da bolmasyn ózgerister engizý kezinde.
41. Júıelik operator turaqty túrde sýbektilerdiń EKEAJ-nyń jumys isteý monıtorıngisin mynadaı jolmen júrgizedi:
derekterdi sýbektilerdiń EKEAJ derekter bazasynan Júıelik operatordyń EKEAJ ortalyq derekter bazasyna berilýin tekserý;
sýbektilerdiń EKEAJ derekter bazasy ákimshileriniń elektrondyq poshta boıynsha suratýy;
sýbektilerdiń EKEAJ-nyń jumys isteýi týraly suratýlary.
42. EKEAJ-dyń quramyna kiretin árbir qosylý úshin ózara esep aıyrysýlardy júzege asyrý maqsatynda on bes mınýtqa teń árbir ýaqyt kezeńi úshin elektr energııasynyń mynadaı ólshemderi oryndalady:
1) aktıvti energııanyń ımporty (qabyldaý), kVt.s; 3) reaktıvti energııanyń ımporty (qabyldaý), kVAr.s;
2) aktıvti energııanyń eksporty (qaıtarym), kVt.s; 4) reaktıvti energııanyń eksporty (qaıtarym), kVAr.s;
mundaǵy:
elektr energııasynyń eksporty/qaıtarymy – energııa obektisiniń shınalarynan aralas energııa obektisiniń shınalaryna elektr jetkizý jelileri arqyly aýystyrylatyn elektr energııasy (elektr energııasyn beretin energııa obektisi úshin «mınýs» belgisimen qabyldanady);
elektr energııasynyń ımporty/qabyldaý – aralas energııa obektisiniń shınalarynan energııa obektisiniń shınalaryna elektr jetkizý jelileri arqyly aýystyrylǵan elektr energııasy (elektr energııasyn qabyldaıtyn energııa obektisi úshin «plıýs» belgisimen qabyldanady).
tórt kvadrant boıynsha reaktıvti elektr energııasy (Q1 – Q4). Tómengi kerneýli jeliler úshin usynylǵan ólshem talap etilmeıdi.
43. Kommersııalyq esepke alý derekteri EKEAJ derekteri bazasynda saqtalady. Kommersııalyq esepke alý derekteri ózara esep aıyrysýlar úshin qoldanylatyn barlyq ólshengen, eseptelgen jáne saqtalǵan mánderden turady.
44. Kommersııalyq esepke alý derekterine:
1) EEK-den alynǵan aktıvti jáne reaktıvti energııanyń mánderi;
2) Júıelik operator oryndaıtyn bastapqy derekter negizine eseptelgen mánder;
3) derekter bolmaǵan nemese qate derekter bolǵan jaǵdaıda eseptelgen, túzetý engizilgen derekter kiredi.
45. Kommersııalyq esepke alý derekteri olardyń qaýipsizdigi men qupııalylyǵy qamtamasyz etile otyryp jınalady, ákimshilik óńdeýden ótkiziledi jáne EKEAJ derekter bazasynda alynǵan kezden beri úsh jyl merzimde saqtalady. Budan keıingi úsh jyldyń ishinde muraǵat pishimine jyldam kirýi qamtamasyz etiledi.
46. Júıelik operator derekterdi berý hattamasyn paıdalana otyryp, derekterdi ózara almasý jolymen kommersııalyq esepke alý derekterin jınaýdy júzege asyrady, ózara esep aıyrysý maqsaty úshin, sondaı-aq naryqqa qatysýshylardyń olardy bolashaqta paıdalanýy úshin sýbektiler EKEAJ-nyń biriktirilgen derekteri bazasynda qaýipsizdigin, qupııalylyǵy men saqtalýyn qamtamasyz etedi.
47. Sýbektiler EEK naqty núktesin taraptardyń teńgerimdik shekarasyna neǵurlym jaqyn ornatady.
48. Kúshtik transformatordyń joǵary kerneýi jaǵyna kommersııalyq EEK ornatý múmkindigi bolmaǵan jaǵdaıda transformatordyń joǵary kerneýine sáıkes keletin dáldik synyby bar tómengi kerneýi jaǵyna ornatylady.
Osyndaı EEK-ti paıdalanatyn sýbektiler jabdyqtardy qaıta jańartý kezinde joǵary kerneýi jaǵyna olardy kóshirýdi qarastyrady. EEK-tyń tehnıkalyq jáne metrologııalyq minezdemeleri Júıelik operatorǵa usynylady.
49. EKEAJ quraýyshtardyń barlyq ózgeristeri Júıelik operatormen kelisiledi jáne ózgertý jónindegi jumystar aıaqtalǵan soń solar boıynsha derekter Júıelik operatorǵa usynylady.
50. Sýbektiler Júıelik operatorǵa EEK pasport-hattamalarynyń kóshirmelerin, kerneý transformatorlarynyń, tok transformatorlary men elektr energııasyn esepke alý aspaptaryn tekserý týraly qoldanystaǵy sertıfıkattardy usynady.
51. EKEAJ-dy metrologııalyq qamtamasyz etý «О́lshem birligin qamtamasyz etý týraly» Qazaqstan Respýblıkasynyń 2000 jylǵy 7 maýsymdaǵy Zańynyń talaptaryna, EEK quramyna enetin ólsheý quraldaryna qatysty standarttar men qaǵıdalardy oryndaýǵa negizdeledi.
EEK-nyń naqty metrologııalyq sıpattamalaryn anyqtaý úshin QR ST 2.120-2006 «Elektr qýatynyń ólshemderin oryndaý ádistemesine qoıylatyn úlgi talaptar», QR ST 2.121-2006 Elektr energııasynyń ólshemderin oryndaý ádistemesine qoıylatyn úlgi talaptar, QR ST 2.122-2006 «EKEAJ-dy paıdalanýmen elektr energııasynyń ólshemderin oryndaý ádistemesine qoıylatyn úlgi talaptar» standarttaryna sáıkes ázirlengen nusqamalar boıynsha elektr rejıminiń shynaıy jaǵdaılaryndaǵy EEK-niń naqty qatelerin anyqtaý jónindegi tájirıbelik zertteýler júrgiziledi.
52. Biryńǵaı ýaqyt júıesin qamtamasyz etý maqsatynda EKEAJ hronometrajyna kommersııalyq esepke alý sanaýyshtaryn qosa alǵanda, mynadaı talaptar qoıylady:
1) Ámbebap úılestirilgen ýaqyttan (UTC) bir saǵat alǵa ortasha eýropalyq ýaqytqa (CET) sáıkes belgilenedi. Jazǵy ýaqytqa kóshýge jol berilmeıdi;
2) esepteý kezeńi ortasha eýropalyq ýaqytqa sáıkes 00:00:00 saǵat ýaqytynan bastalatyn esepteý núktesine baılanysty bolady;
3) EKEAJ derekter bazasyn úılestirý etalondyq ýaqyt sıgnaly men jıilikti (GPS, GLONASS, Galileo) nemese Qazaqstan Respýblıkasynda ýaqyt pen jıiliktiń memlekettik etalonynan alynatyn úılestirilgen radıosıgnaldy berý júıesiniń biriktirilgen qabyldaǵyshy arqyly ǵana júrgiziledi. Kommersııalyq esepke alý derekterin jınaýdyń árbir sıkly sanaýyshtyń jáne derekterdi jınaý men berý qurylǵysynyń óz ýaqytyn tekseredi jáne qajetti engizýge ushyraıdy;
4) elektr energııasyn esepke alý aspaby men derekterdi jınaý jáne berý qurylǵylaryn úılestirý kommersııalyq esepke alý derekterin jınaý bóligi retinde úılestiriletin etalondyq sıgnal berý jolymen júrgiziledi. Bul úılestiriletin etalondyq sıgnal kommersııalyq esepke alý derekterin árbir jınaý kezinde avtomatty túrde beriledi;
5) árbir elektr energııasyn esepke alý aspaby men derekterdi jınaý jáne berý qurylǵysy boıynsha hronometraj arqyly jiberiletin qateliktiń jalpy shegi derekterdi jınaýdyń árbir kezeńi ishinde bolýy yqtımal úılestirý irkilisterin eskere otyryp, 0,1% sheginde bolady. Kommersııalyq esepke alý derekteri +/-1 sekýnd dáldik sheginde belgilenedi;
6) árbir esepteý kezeńiniń bastalýy ±1 sekýnd sheginde bolady;
7) árbir esepteý kezeńiniń uzaqtyǵy osy kezeńde bolatyn úılestirý ýaqytyn qospaǵanda, ± 0,1% dáldik sheginde bolady;
8) hronometraj boıynsha jiberiletin qateliktiń jalpy shegi uzaqtyǵy on kúndik kezeńde sanaýyshtan jáne/nemese derekterdi jınaý men berý qurylǵysyndaǵy kommýnıkasııalaý irkilisterin eskere otyryp, mynadaı parametrlerge sáıkes keledi:
± 10 sekýnd sheginde árbir suratý kezeńiniń aıaqtalýyna qatysty;
úılestirý ýaqyty suratý kezeńine týra kelgen jaǵdaılardy qospaǵanda, ± 0,1 % sheginde árbir suraý kezeńiniń uzaqtyǵyna qatysty.
53. EKEAJ-da birneshe eselik on bes mınýt boıynsha derekterdi jınaý ıntervalyn tańdaý úshin baǵdarlamalyq-tehnıkalyq quraldar qarastyrylǵan.
54. Elektr energııasyn kommersııalyq esepke alý derekteri árbir on bes mınýt saıyn derekterdi jınaý men berý qurylǵysyna beriledi. Aqparatty berýde irkilister bolǵan jaǵdaıda bir mezgilde birneshe on bes mınýttyq ınterval úshin derekterdi jınaý múmkindigi qamtamasyz etiledi.
55. Derekterdi jınaý men berý qurylǵysy úshin jáne onymen baılanysty baılanystyń kishi júıeleriniń quramdas bólikteri úzdiksiz energııalyq jabdyqtaý kózimen nemese kepildi qorektendirý qurylǵysymen qamtamasyz etiledi.
56. Energııamen jabdyqtaý toqtatylǵan nemese zańsyz kirý áreketteri bolǵan jaǵdaıda derekterdi jınaý men berý qurylǵysy EKEAJ-dyń joǵary turǵan deńgeıine avarııalyq shyǵý sıgnalyn beredi.
57. Tómende kórsetilgen jaǵdaılardyń árqaısysy úshin baqylaý quraldary qamtamasyz etiledi:
1) elektr energııasyn esepke alý aspaby men derekterdi jınaý jáne berý qurylǵysynyń jumysyndaǵy qateler;
2) elektrmen jabdyqtaýdyń bolýy nemese bolmaýy; 3) jadty tekserý;
4) kerneý transformatory tizbekteriniń aqaýlylyǵy;
5) elektr energııasyn esepke alý aspaby men derekterdi jınaý jáne berý qurylǵysyn baqylaý quraldaryn suratý komandasyna kirý.
58. Joǵaryda kórsetilgen jaǵdaılar týraly aqparat Júıelik operatorǵa oqıǵalar týraly avarııalyq sıgnal kómegimen beriledi. Avarııalyq sıgnal oqıǵalardy, ornalasqan orny men bastama kótergen ýaqytyn toptastyrý arqyly olar bir mánge sáıkestendiriledi.
59. О́lshep alynǵan kommersııalyq esepke alý derekterin Júıelik operatordyń EKEAJ-nyń derekter bazasyna berý ıntervaly elektr energııasy kóterme saýda naryǵynyń kalypty jumys isteýi úshin Júıelik operatormen kelisiledi jáne on eki jumys saǵatynan aspaıdy.
60. EKEAJ kesheniniń quramyna kiretin ólsheý quraldarynyń bireýi isten shyqqan jaǵdaıda sýbekti mynadaı is-sharalardy júzege asyrady:
1) quramy keminde úsh adamnan, basqa múddeli sýbektilerdiń metrologııalyq qyzmet ókilderin qosa alǵanda, komıssııany qurady;
2) aqaýly ólsheý quralyn almastyrady (ólsheý quralynyń túri – isten shyqqanǵa uqsas);
3) ólsheý quralyn ornatý durystyǵyn tekseredi;
4) osy Qaǵıdalarǵa 4-qosymshaǵa sáıkes nysan boıynsha EEK quramyna kiretin ólsheý quraldaryn olar isten shyqqan kezde almastyrý aktisin jasaıdy.
61. Aktiniń bir danasy Júıelik operatorǵa Tizilimge ózgerister engizý úshin jiberiledi, ekinshi danasy sýbektide saqtalady.
62. О́nerkásiptik paıdalaný kezinde EKEAJ ıesi Júıelik operatormen kelisim boıynsha mynadaı maqsattarda júıeni testileý rásimderin júzege asyrady:
1) sanaýyshtardyń kórsetkishteri men EKEAJ derekter bazasynda saqtalǵan tıisti aqparattyń aıyrmashylyǵyn anyqtaý. Ýaqyttyń eseptik aralyǵynda sanaýyshtardyń kórsetkishteri men EKEAJ derekter bazasynyń kórsetkishteri arasyndaǵy aıyrmashylyq 0,1 %-dan aspaıdy. Eger aıyrmashylyq bul kólemnen asatyn bolsa, akt jasalyp, EKEAJ aqaýlyǵyn joıý jónindegi is-sharalar jospary ázirlenedi;
2) kommersııalyq EEK jáne onymen baılanysty jabdyqtardyń, atap aıtqanda, plombalardyń, kleımalardyń zaqymdanýy nemese olardy qylmystyq paıdalaný jaǵdaıynyń bolmaýy.
63. Testileý kezinde anyqtalǵan barlyq kemshilikter Júıelik operatorǵa tekserý júrgizý úshin beriledi.
64. EKEAJ-da elektr energııasynyń ruqsat etilgen shamadan kóp teńgerimsizdigi anyqtalǵan jaǵdaıda, Júıelik operator mynadaı rásimderdi bastaıdy:
1) jıyrma tórt saǵat ishinde jelini paıdalanýshyny, elektr jelilik kompanııany jáne kommersııalyq esepke alatyn uıymdy habardar etedi;
2) qajet bolǵan jaǵdaıda kommersııalyq esepke alý sanaýyshtarynyń kórsetkishterin jınaý týraly ókim beredi;
3) jaýapty kásiporynǵa sáıkesinshe tekserý jáne problemalardy joıý týraly ókim beredi.
65. Elektr energııasynyń teńgerimsizdiginiń kólemi ruqsat etilgen kólemnen artqan jáne sebepterdi anyqtaý múmkindigi bolmaǵan jaǵdaıda, teńgerimsizdik EEK-ti sońǵy sátti tekserý ýaqyty men elektr energııasynyń teńgerimsizdigin anyqtaý ýaqyty arasyndaǵy kezeńde boldy dep qabyldanady.
66. Búkil kommersııalyq esepke alý kesheninde nemese onyń bólikterinde avarııa bolǵan jaǵdaıda, júıelik operator jıyrma tórt saǵat ishinde jelini paıdalanýshyny, kommersııalyq esepke alýdy júrgizetin uıymdy habardar etedi. Budan keıin sýbekti buzylysty joıyp, keshendi mynadaı ýaqyt kezeńderi aralyǵynda paıdalanýǵa daıyndaıdy:
1) ózara esep aıyrysýlardy qamtyǵan avrııalar, kommersııalyq esepke alý kesheni taǵy da bes kún ishinde paıdalanýǵa daıyn;
2) ózara esep aıyrysýlardy qamtymaǵan avarııalar (mysaly, baılanys jelileriniń avarııasy), kommersııalyq esepke alý kesheni taǵy da on bes kún ishinde paıdalanýǵa daıyn.
67. Barlyq joǵaryda atalǵan jaǵdaılarda EEK paıdalanýdy qalpyna keltirý týraly sońǵy sheshimdi Júıelik operator qabyldaıdy.
68. Kommersııalyq esepke alý derekteri bolmaǵan nemese kommersııalyq EEK isten shyqqan jaǵdaıda eseptik derekter taraptardyń kelisimi boıynsha qoldanylady.
69. Jańa EEK-ti kýálandyrý EEK-niń elektr energetıkasy salasyndaǵy Qazaqstan Respýblıkasynyń zańnamasy talaptaryna sáıkestigin belgileý maqsatynda júrgiziledi.
70. EEK-ti kýálandyrý elektr energetıkasy salasyndaǵy normatıvtik quqyqtyq aktilerge sáıkes akkredıttelgen mamandandyrylǵan elektr zerthanalary júzege asyrady.
71. EEK-ti kýálandyrý jónindegi jumystardy uıymdastyrý sýbektilerge, EKEAJ ıelerine júkteledi.
72. Paıdalanýǵa jańadan engiziletin EKEAJ kýálandyrýdy tájirıbelik paıdalaný men tájirıbelik zertteýlerdiń belgilengen merzimderi ótken soń júrgizedi.
73. EEK-ti kýálandyrý jónindegi jumystar aıaqtalǵannan keıin EEK sáıkestigi týraly kýálik osy Qaǵıdalarǵa 5-qosymshasyndaǵy nysan boıynsha resimdeledi.
EEK sáıkestigi týraly kýáliktiń bir danasy Júıelik operatorǵa usynylady.
EEK-ti kýálandyrý aktisiniń qoldanys merzimi EEK quramyna kiretin ólsheý quraldaryn eń tómengi tekserý aralyǵynan aspaıdy.
74. Júıelik operator EKEAJ derekterin suratý boıynsha mynalarǵa usynady:
1) EEK-ke sáıkes keletin jáne ony paıdalanatyn tarapqa;
2) elektr jelilik kompanııaǵa barlyq EEK-ke qatysty olardyń jelige qosylý núktelerinde.
75. Naryqqa basqa qatysýshylardyń energııa obektilerinde EKEAJ derekterin suratqan kezde suratýshy tarap osy núkteler ıelerinen ruqsat alady jáne Júıelik operatorǵa bul derekterdi retranslıasııalaý jóninde úshinshi taraptyń jazbasha kelisimin qosa tirkeı otyryp ótinish jasaıdy.
76. EKEAJ-dyń menshik ıesi aýysqan kezde Júıelik operator bes jumys kúni ishinde EKEAJ-dy sýbektiniń jazbasha ótinimi negizinde EKEAJ-ǵa quqyq belgileýshi qujattardy qosa tirkeı otyryp júrgizedi.
Elektr energııasynyń kóterme saýda naryǵynyń sýbektileri úshin elektr energııasyn kommersııalyq esepke alýdyń avtomattandyrylǵan júıesiniń jumys isteý qaǵıdalaryna 1-qosymsha
Nysany
Komıssııa otyrysynyń hattamasy
«____» ________________ 20__ j.
Komıssııa sýbektiniń EKEAJ-na qujattaryn tekserýdi ótkizdi:
________________________________________________________________________________
(sýbektiniń ataýy)
Tekserý nátıjesi boıynsha belgilengeni (sáıkes/sáıkes emes):
1. «____» ____ 20__ j. №____ esepke alý EKEAJ-n jobalaýǵa arnalǵan
tehnıkalyq tapsyrma __________________________
2. «____» ____ 20__ j. №____ EKEAJ jobasy ________________
3. «____» ____ 20__ j. №____ EKEAJ jumys qujattamasy _____________
4. EKEAJ paıdalaný qujattamasy:
1) Derekterdi jınaý, jetkizý, saqtaý jáne beıneleý qurylǵylaryna arnalǵan paıdalaný jónindegi tehnıkalyq sıpattama men nusqaýlyq _________________
2) Paıdalanýshynyń esepke alý júıesi basshylyǵy ________________________
3) Júıelik ákimshiniń basshylyǵy ___________________________
5. Keshenderdiń Elektr energııasynyń kóterme saýda naryǵy (EKN) sýbektileriniń elektr energııasyn kommersııalyq esepke alýdyń avtomattandyrylǵan júıesiniń jumys isteý qaǵıdasyna sáıkestigi týraly kýálikter, barlyq kýálikter _______, s.i. №№_______________ ______________
6. EKEAJ-dyń tájirıbelik-ónerkásiptik synaýlar baǵdarlamasy ____________
7. EKEAJ-ǵa tájirıbelik-ónerkásiptik synaqtar júrgizý týraly
«__» ______ 20__ j. №___buıryq _________________________
8. EKEAJ-dy tájirıbelik paıdalanýǵa
«__» ______ 20__ j. №___qabyldaý aktisi __________________
9. EKEAJ –dy ______ 20__ j. №_________ 20__ j. №___ tájirıbelik
paıdalaný hattamalarynyń kóshirmeleri_________________________
Eskertýler men usynystar:_________________________________________________________
________________________________________________________________________________
________________________________________________________________________________
________________________________________________________________________________
________________________________________________________________________________
________________________________________________________________________________
________________________________________________________________________________
Komıssııa tóraǵasy:
_____________________ ___________________ ___________________
Laýazymy qoly tegi, aty-jóni
Komıssııanyń músheleri:
_____________________ ___________________ ___________________
Laýazymy qoly tegi, aty-jóni
_____________________ ___________________ ___________________
Laýazymy qoly tegi, aty-jóni
_____________________ ___________________ ___________________
Laýazymy qoly tegi, aty-jóni
_____________________ ___________________ ___________________
Laýazymy qoly tegi, aty-jóni
_____________________ ___________________ ___________________
Laýazymy qoly tegi, aty-jóni
_____________________ ___________________ ___________________
Laýazymy qoly tegi, aty-jóni
Elektr energııasynyń kóterme saýda naryǵynyń sýbektileri úshin elektr energııasyn kommersııalyq esepke alýdyń avtomattandyrylǵan júıesiniń jumys isteý qaǵıdalaryna 2-qosymsha
Nysany
Elektr energııasyn kommersııalyq esepke alýdyń avtomattandyrylǵan
júıesin ónerkásiptik paıdalanýǵa engizý týraly akti
Júıelik operatordyń
elektr energııasyn kommersııalyq esepke alý
júıeleriniń tiziliminde tirkelgen
№_______________
Tirkelý kúni «___» _________ 20__ j.
Osy Akti elektr energııasyn kommersııalyq esepke alýdyń avtomattandyrylǵan júıesi
__________________________________________________________________________
(zańdy tulǵa – Qazaqstan Respýblıkasy
__________________________________________________________________________
elektr energııasynyń kóterme saýda naryǵy sýbektisiniń ataýy, zańdy mekenjaıy)
elektr energııasynyń kóterme saýda naryǵy (EKN) sýbektileri kommersııalyq esepke alýdyń avtomattandyrylǵan júıesiniń jumys isteý qaǵıdasynyń talaptaryna jaýap beretinin kýálandyrady jáne Qazaqstan Respýblıkasy elektr energııasynyń kóterme saýda naryǵynda qoldanýǵa ruqsat etiledi.
Komıssııanyń músheleri:
_____________________ ___________________ ___________________
Laýazymy qoly tegi, aty-jóni
_____________________ ___________________ ___________________
Laýazymy qoly tegi, aty-jóni
_____________________ ___________________ ___________________
Laýazymy qoly tegi, aty-jóni
_____________________ ___________________ ___________________
Laýazymy qoly tegi, aty-jóni
_____________________ ___________________ ___________________
Laýazymy qoly tegi, aty-jóni
Elektr energııasynyń kóterme saýda naryǵynyń sýbektileri úshin elektr energııasyn kommersııalyq esepke alýdyń avtomattandyrylǵan júıesiniń jumys isteý qaǵıdalaryna 3-qosymsha
Nysany
Elektr energııasyn kommersııalyq esepke alýdyń avtomattandyrylǵan júıesin qaıta tirkeý týraly akt
Júıelik operatordyń
elektr energııasyn kommersııalyq esepke alý
júıeleriniń tiziliminde tirkelgen
№_______________
Tirkelý kúni «___» _________ 20__ j.
Qoldanys kúni «___» ____________ 20__ j.
Osy Akti elektr energııasyn kommersııalyq esepke alýdyń avtomattandyrylǵan júıesi
___________________________________________________
(zańdy tulǵa - Qazaqstan Respýblıkasy
________________________________________________________________________________
elektr energııasynyń kóterme saýda naryǵy sýbektisiniń ataýy, zańdy meken-jaıy)
elektr energııasynyń kóterme saýda naryǵy (EKN) sýbektileri komm