2015 jylǵy 23 jeltoqsan, Astana qalasy
Qazaqstan Respýblıkasy Energetıka mınıstrligi «Kapıtalmunaıgaz»
respýblıkalyq memlekettik mekemesiniń azamattyq qyzmetshilerin attestattaýdan ótkizýdiń qaǵıdalary men sharttaryn bekitý týraly
2015 jylǵy 23 qarashadaǵy Qazaqstan Respýblıkasy Eńbek Kodeksiniń 139-babynyń 7-tarmaǵyna sáıkes buıyramyn:
1. Qosa berilip otyrǵan Qazaqstan Respýblıkasy Energetıka mınıstrligi «Kapıtalmunaıgaz» respýblıkalyq memlekettik mekemesiniń azamattyq qyzmetshilerin attestattaýdan ótkizýdiń qaǵıdalary men sharttary bekitilsin.
2. Qazaqstan Respýblıkasy Energetıka mınıstrliginiń Personaldy damytý basqarmasy Qazaqstan Respýblıkasynyń zańnamasynda belgilengen tártippen:
1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi;
2) osy buıryq Qazaqstan Respýblıkasynyń Ádilet mınıstrliginde memlekettik tirkelgeninen keıin on kúntizbelik kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktileriniń Etalondyq baqylaý bankine engizý úshin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi;
3) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi berýdi qamtamasyz etsin.
3. Osy buıryq 2016 jylǵy 1 qantardan bastap qoldanysqa engiziledi jáne resmı jarııalanýy tıis.
Qazaqstan Respýblıkasynyń Energetıka mınıstri V. ShKOLNIK
Qazaqstan Respýblıkasy Energetıka mınıstriniń 2015 jylǵy 23 jeltoqsandaǵy
№744 buıryǵymen bekitilgen
Qazaqstan Respýblıkasy Energetıka mınıstrligi «Kapıtalmunaıgaz» respýblıkalyq memlekettik mekemesiniń azamattyq qyzmetshilerin attestattaýdan ótkizýdiń qaǵıdalary men sharttary
1.Jalpy ereje
1. Qazaqstan Respýblıkasy Energetıka mınıstrligi «Kapıtalmunaıgaz» respýblıkalyq memlekettik mekemesiniń azamattyq qyzmetshilerin attestattaýdan ótkizýdiń qaǵıdalary men sharttary (budan ári - Qaǵıdalar) Qazaqstan Respýblıkasy Eńbek Kodeksiniń 139 - babyna 7 - tarmaǵyna sáıkes ázirlendi jáne «Kapıtalmunaıgaz» respýblıkalyq memlekettik mekemesinde (budan ári - «Kapıtalmunaıgaz» RMM) qyzmetpen shuǵyldanatyn azamattyq qyzmetshilerdi attestattaýdan ótkizý sharttary men tártibin anyqtaıdy.
2. Azamattyq qyzmetshilerdi attestattaý - olardyń biliktilik jáne, kásibı deńgeılerin, iskerlik qasıetterin anyqtaý, biliktilik sanattaryn (razrıadtaryn) belgileý boıynsha merzimdi júzege asyrylatyn rásim.
3. Azamattyq qyzmetshilerdiń olarǵa júktelgen mindetterdi oryndaý qabilettiligi attestattaý kezinde baǵalaýdyń negizgi ólshemsharty bolyp tabylady.
4. Júkti áıelderden basqa barlyq azamattyq qyzmetshiler attestattaýǵa jatady.
5. Azamattyq qyzmetshiler azamattyq qyzmetke kelgennen keıin árbir úsh jyl saıyn attestattaýdan ótedi, biraq attestattaý kórsetilgen merzim bastalǵan kúninen bastap alty aıdan keshiktirilmeı ótkiziledi.
Bul rette, attestasııa atalǵan merzim bastalǵan kúnnen bastap alty aıdan aspaıtyn merzimde ótkiziledi.
Azamattyq qyzmetshilerdi olardyń ótinishi boıynsha belgilengen merzimge deıin attestattaýdan ótkizýge bolady.
6. Bala úsh jasqa tolǵanǵa deıin onyń kútimine baılanysty jalaqy saqtalmaıtyn demalysyndaǵy azamattyq qyzmetshiler qyzmetke shyqqannan keıin alty aıdan soń attestattalady.
7. Attestattaý mynadaı birizdi kezeńderdi qamtıdy:
1) attestattaýdyn ótýge daıyndyq;
2) attestattaý komıssııasy ótkizetin azamattyq qyzmetshilermen áńgimelesý;
3) attestattaý komıssııanyń sheshimin shyǵarý
2. Attestattaýdy ótkizýge daıyndyqty uıymdastyrý
8. Attestattaý ótkizýge daıyndyqty basshynyń tapsyrmasy boıynsha «Kapıtalmunaıgaz» RMM kadr qyzmeti (budan ári – kadr qyzmeti) uıymdastyrady jáne ol mynandaı is-sharalardy qamtıdy:
1) attestattaýshylarǵa qajetti qujattardy daıyndaý;
2) attestattaý ótkizý kestelerin ázirleý;
3) attestattaý komıssııalarynyń quramyn anyqtaý;
4) attestattaý ótkizýdiń maqsattary men tártibi týraly túsindirý jumystaryn uıymdastyrý.
9. Kadr qyzmeti osy Qaǵıdalardyń 4,5 jáne 6-tarmaqtaryna sáıkes attestattaýǵa jatatyn azamattyq qyzmetshilerdi alty aı ishinde bir ret anyqtaıdy.
10. «Kapıtalmunaıgaz» RMM basshysy kadr qyzmetiniń usynysy boıynsha attestattalýshy adamdardyń tizimi, attestattaý kestesi men attestattaý komıssııasynyń quramy bekitiletin buıryq shyǵarady.
11. Kadr qyzmeti azamattyq qyzmetshilerge attestaý ótkizýdiń merzimi týraly ol bastalǵanǵa deıin bir aıdan keshiktirmeı jazbasha habarlaıdy.
12. Attestattaýǵa jatatyn azamattyq qyzmetshiniń tikeleı basshysy qyzmettik minezdemeni resimdeıdi jáne ony kadr qyzmetine joldaıdy.
13. Qyzmettik minezdeme attestattalýshy azamattyq qyzmetshi qyzmetiniń nátıjesin jáne onyń kásibı, tulǵalyq qasıetterin obektıvti baǵalaýǵa negizdeledi.
14. Kadr qyzmeti azamattyq qyzmetshini oǵan berilgen qyzmettik minezdememen attestattaý komıssııasynyń otyrysyna deıin úsh apta merziminen keshiktirmeı tanystyrady.
15. Azamattyq qyzmetshi oǵan berilgen qyzmettik minezdememen kelispegen jaǵdaıda kadr qyzmetine oǵan minezdeme beretin aqparatty usyna alady.
16. Kadr qyzmeti osy Qaǵıdalardyń qosymshasyna sáıkes nysan boıynsha azamattyq qyzmetshige attestattaý paraǵyn resimdeıdi.
17. Kadr qyzmeti jınaqtalǵan attestattaý materıaldaryn attestattaý komıssııasyna joldaıdy.
3.Attestattaý komıssııasy
18. Attestattaý komıssııasy kadr qyzmetiniń usynysy boıynsha «Kapıtalmunaıgaz» RMM basshysymen qurylady jáne komıssııa músheleri men hatshydan turady. Komıssııa músheleri quramynan tóraǵa taǵaıyndalady. Attestattaý komıssııasynyń tóraǵasy onyń qyzmetin basqarady, onyń otyrystarynda tóraǵalyq etedi, jumysyn josparlaıdy, jalpy baqylaýdy júzege asyrady jáne qyzmetine, qabyldaǵan sheshimderine jaýapty bolady.
19. Attestattaý komıssııasynyń quramyna «Kapıtalmunaıgaz» RMM-niń qurylymdyq bólimsheler, sonyń ishinde kadr jáne zań kyzmetiniń basshylary, «Kapıtalmunaıgaz» RMM jumyskerleriniń ókilderi kiredi.
Attestattaý komıssııasynyń múshesi qatyspaǵan jaǵdaıda, onyń ornyn almastyrýǵa jol berilmeıdi.
Kadr qyzmetiniń basshysy anyqtaıtyn kadr qyzmetiniń ókili attestattaý komıssııasynyń hatshysy bolyp tabylady.
Attestattaý komıssııasynyń hatshysy komıssııa otyrysyna tıisti materıaldardy, qajetti qujattardy daıyndaıdy jáne ony ótkizgennen keıin hattamany resimdeıdi. Hatshy tehnıkalyq qyzmet kórsetýdi júzege asyrady, attestattaý komıssııasynyń jumys isteýin qamtamasyz etedi jáne onyń daýys berýge quqyǵy joq.
20. «Kapıtalmunaıgaz» RMM basshysy laýazymyndaǵy adamdy attestattaýdan ótkizý úshin attestattaý komıssııasyn ony osy laýazymǵa taǵaıyndaǵan laýazymdy adam qurady.
21. Attestattaý komıssııasynyń músheleri attestattaýdan jalpy negizde ótedi.
22. Attestattaý komıssııasynyń otyrysy, eger oǵan onyń quramynyń keminde úshten ekisi qatyssa, zańdy dep sanalady.
23. Daýys berý nátıjesi komıssııa músheleriniń kópshilik daýsymen anyqtalady. Daýystar teń bolǵan jaǵdaıda, komıssııa tóraǵasynyń daýysy sheshýshi bolyp tabylady.
24. Attestattaý komıssııasynyń músheleri erekshe pikir bildirýi múmkin, ol jazbasha túrde jazylady jáne komıssııa hattamasyna qosa beriledi.
4. Attestattaýdy ótkizý
25.Attestattaý komıssııasy attestattalýshy azamattyq qyzmetshiniń qatysýymen attestattaýdy ótkizedi.
Attestattalýshy komıssııanyń otyrysyna dáleldi sebeptermen qatyspaǵan jaǵdaıda, ony attestattaý máselesin qaraý komıssııa kórsetken neǵurlym kesh merzimge aýystyrylady.
26. Komıssııa otyrys barysynda usynylǵan qujattarmen tanysyp, attestattalýshy adamdy tyńdaıdy.
Attestattalýshy adamǵa beriletin suraqtar kásibı jáne biliktilik daıarlyq, iskerlik qasıetter máselelerindegi quzirettiliginiń deńgeıin anyqtaýǵa baǵyttalady.
Attestattalýshy adamnyń kásibı jáne biliktilik daıarlyǵyn, iskerlik qasıetterin talqylaý shynaıy, sypaıy jáne janashyrlyq jaǵdaıynda ótedi qajet.
27. Attestattaý komıssııasy usynylǵan qujattardy zerdelegennen jáne azamattyq qyzmetshimen áńgimelesýden keıin mynadaı sheshimderdiń birin qabyldaıdy:
1) atqaratyn laýazymyna sáıkes keledi;
2) qaıta attestattaýǵa jatady.
Oń sheshim qabyldaǵan kezde komıssııa tıisti biliktilik sanatyn (razrıad) belgildeıdi (rastaıdy).
28. Attestattaý komıssııasynyń sheshimi ashyq daýyspen qabyldanady.
29. Qaıta attestattaý osy Qaǵıdalardyń 4 - taraýynda anyqtalǵan tártipte alǵashqy attestattaý ótkizgen kúnnen bastap úsh aıdan keıin ótkiziledi. Qaıta attestattaý ótkizgen komıssııa tómendegi sheshimderdiń birin qabyldaıdy:
1) atqaratyn laýazymyna sáıkes keledi;
2) atqaratyn laýazymyna sáıkes kelmeıdi.
Atqaratyn laýazymyna sáıkes kelgen jaǵdaıda kommıssııa osy Qaǵıdalardyń 27- tarmaǵynyń ekinshi bóligin eskerip, sheshim shyǵarady.
30. Attestattaý komıssııasynyń sheshimi otyrysqa qatysqan komıssııa músheleriniń jáne hatshynyń qoly qoıylatyn hattamamen resimdeledi.
31. Azamattyq qyzmetshi attestattaý komıssııasynyń sheshimimen tanystyrylady.
32. Azamattyq qyzmetshiniń attestattaý paraǵy jáne qyzmettik minezdemesi onyń jeke is qaǵazynda saqtalady.
33. Azamattyq qyzmetshiler Qazaqstan Respýblıkasynyń zańnamasynda belgilengen tártippen attestattaý komıssııasynyń sheshimine shaǵymdana alady.
Azamattyq qyzmetshilerdi attestattaýdan ótkizýdiń qaǵıdalary men sharttaryna qosymsha
Nysan
Attestattaýǵa jatatyn azamattyq qyzmetshi attestattaý paraǵy
Attestattaý túri: kezekti -_____ ; qaıtalap - _______
(kerektisin X belgisimen belgileý kerek)
1. Tegi, aty, ákesiniń aty (bolǵan kezde)
_________________________________________
2. Týǵan kúni 19___j. «_____» _________
3. Bilimi, biliktiligin arttyrý, qaıta daıarlaýdan ótý jónindegi málimetter (qashan jáne qandaı oqý ornyn támamdaǵan, bilimi boıynsha mamandyǵy, biliktiligin arttyrý, qaıta daıarlaýdan ótý qujattar, ǵylymı dárejesi, ǵylymı ataǵy, berilgen kúni) ___________________________________________________________________
_________________________________________________________________________________________
4. Atqaratyn laýazymy jáne taǵaıyndalǵan kúni, biliktilik sanaty (razrıady)________________________
_________________________________________________________________________________________
5. Jalpy eńbek ótili - ______________________________________________________________________
6. Azamattyq qyzmetshi laýazymdaryndaǵy jalpy jumys ótili
__________________________________________________________________
7. Attestattaý komıssııasy músheleri aıtqan eskertýler men usynystar:
______________________________________________________________
__________________________________________________________________
8. Attestattalýshynyń pikiri ________________________________
__________________________________________________________________
__________________________________________________________________
9. Attestattalýshynyń qyzmettik minezdemesi boıynsha azamattyq qyzmetshiniń
qyzmetin tikeleı basshysynyń baǵalaýy _________________
__________________________________________________________________
__________________________________________________________________
10. Otyrysqa attestattaý komıssııasynyń _____ múshesi qatysty.
11. Daýys berý nátıjeleri boıynsha qosa beriletin baǵalaý paraǵyna sáıkes attestattaý komıssııasynyń árbir múshesi toltyratyn azamattyq qyzmetshiniń qyzmetin baǵalaý:
1) atqaratyn laýazymyna sáıkes keledi (daýys sany)_________;
2) qaıta attestattaýǵa jatady (daýys sany) _________;*
3) atqaratyn laýazymyna sáıkes kelmeıdi(daýys sany)____
12. Biliktilik sanaty (razrıady):
1) _________ (jazýmen) biliktilik sanatyna (razrıadyna) sáıkes keledi ______________________
(daýys sany) _________________________________ (ár biliktilik sanaty boıynsha jeke)
2) biliktilik sanatyn (razrıadyn) belgileýge negiz joq (daýys sany) _____________.
Qorytyndy baǵalaý __________________________________________________________________
(biliktilik sanatynyń (razrıadynyń) sıfrlyq belgisi jazýmen jazylady)
13. Attestattaý komıssııasynyń usynymdary (dáleldemelerimen qosa)_______________________
______________________________________ _____________________________________________
14. Eskertpeler ______________________________________________________________________
____________________________________________________________________________________
Attestattaý komıssııasynyń tóraǵasy: ________________________ (qoly)
Attestattaý komıssııasynyń hatshysy: ________________________ (qoly)
Attestattaý komıssııasynyń músheleri: ________________________ (qoly)
________________________ (qoly)
________________________ (qoly)
________________________ (qoly)
Attestattaý ótkizilgen kúni «____»_______________20 jyl
Uıym basshysynyń attestattaý qorytyndysy boıynsha sheshimi
__________________________________________________________________
__________________________________________________________________
Attestattaý paraǵymen tanystym:_____________________________________
(azamattyq qyzmetshiniń qoly jáne kúni)
Uıym mórtańbasynyń orny
* qaıta attestattaýdan ótý kezinde qoıylmaıdy
Attestattaýǵa jatatyn azamattyq qyzmetshini attestattaý paraǵyna qosymsha
Nysan
Attestattaýǵa jatatyn azamattyq qyzmetshini baǵalaý paraǵy
(attestattaý komıssııasynyń múshesi toltyrady)
Attestattaý túri: kezekti - ; qaıtalap -
(kerektisin X belgisimen belgileý kerek)
Tegi, aty, ákesiniń aty (bolǵan kezde)
_______________________________________________________________________________
Laýazymy______________________________________________________________________
Attestattalýshynyń baǵasy________________________________________________________
(óte jaqsy, jaqsy, qanaǵattanarlyq, qanaǵattanarlyqsyz)
Attestattaý komıssııasy múshesiniń sheshimi (kórsetilgenderdiń biri: atqaratyn laýazymyna
sáıkes keledi; qaıtadan attestattaýǵa jatady*; atqaratyn laýazymyna sáıkes kelmeıdi):
________________________________________________________________________________
________________________________________________________________________________
Komıssııa múshesiniń óz sheshimin negizdeýi:
________________________________________________________________________________
________________________________________________________________________________
Biliktilik sanatyna (razrıadyna) sáıkes keledi_________________________________________
Biliktilik sanatyn (razrıadyn) belgileý úshin negizi joq __________________________________
Negizdeme:______________________________________________________________________
________________________________________________________________________________
________________________________________________________________________________
Attestattaý komıssııasynyń múshesi: ________________________
(T.A.Á., qoly)
Attestattaý komıssııasynyń hatshysy: ________________________
(T.A.Á., qoly)
Attestattaý ótkizilgen kúni «_____»_______________20 jyl
*qaıta attestattaýdan ótý kezinde qoıylmaıdy
Buıryq Qazaqstan Respýblıkasynyń Ádilet mınıstrliginde 2015 jylǵy 31 jeltoqsanda Normatıvtik quqyqtyq kesimderdi memlekettik tirkeýdiń tizilimine №12704 bolyp engizildi.