Qazaqstan Prezıdenti Pavlodar oblysyna jumys sapary aıasynda «Saryarqa» shaǵyn aýdany men Balalar tehnıkalyq mektebinde boldy. Bul týraly Aqordanyń baspasóz qyzmetine silteme jasaǵan Egemen-aqparat habarlady.
Memleket basshysyna shaǵyn aýdandaǵy kóppáterli turǵyn úıler qurylysynyń barysy jáne ınjenerlik-kommýnıkasııalyq ınfraqurylymdy júrgizý qarqyny týraly baıandaldy.
Nursultan Nazarbaev eki balabaqsha men áleýmettik-mádenı baǵyttaǵy nysandar qurylysyna arnalǵan naqtyly jobamen tanysty. Sondaı-aq, joldar men ınjenerlik kommýnıkasııany qaıta jóndeý, jasyl kóshet otyrǵyzý, turǵyn-úılerdiń aýlasyn balalarǵa arnalǵan alańmen jabdyqtaý arqyly abattandyrý qarastyrylýda.
Budan bólek, Qazaqstan Prezıdenti jańa «Saryarqa» shaǵyn aýdanynda ornalasqan Balalar tehnıkalyq mektebin aralap kórdi. Onda oqýshylar robot jasaý, radıoelektronıka, ushaq jáne keme modeldeý negizderi jóninde bilim alyp, jaratylystaný men gýmanıtarlyq pánder boıynsha birqatar mektep baǵdarlamasyn tereńdetip oqı alady.
Egemen-aqparat