Mańǵystaýlyq kıkboksshylar Reseıdiń Anapa qalasynda kıkboksıngten jastar men jasóspirimder arasynda ótken Álem Kýbogynan tabysty oraldy. Uzyn sany 12 atletten quralǵan top 8 medaldy qanjyǵalaryna baılaı keldi.
Aǵaıyndy jattyqtyrýshylar Esemurat jáne Tóremurat Selıkovterdiń shákirtteri 27 eldiń 830 sportshysy qatysqan alamanda eselerin jibere qoımapty. Bir altyn, eki kúmis jáne bes qola medal enshilengen olar Mańǵystaýǵa kóńildi oraldy.
Altyn medaldi ıelengen Jubatqan Saıynov 84 kılogramǵa deıingi salmaqta jeńip alǵan.
– Biz sońǵy tórt jyl boıyna chempıondyq tıtýldy utyp alyp júrgen Jasulan Nejımov, Nurbolat jáne Bekjan Jaılaýbaevtar, Ahmet Nábıev syndy atletterimizdi maqtan etemiz. Bıyl bul qatarǵa endi Jubatqan Saıynov qosyldy. Anapadan ákelgen júldemizdi elimizdiń Táýelsizdik merekesine arnaımyz, – deıdi oblystyń kıkboksıng quramasynyń bas jattyqtyrýshysy E.Selıkov.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy