О́rtten saqtaný óz qolymyzda

О́tken jylǵy jylý berý maýsymynda elimizdiń jalpy turǵyn úı sektorlarynda 7616 órt tirkelgen bolsa, onyń 73 paıyzy órt qaýipsizdigi qaǵıdalaryn buzý saldarynan oryn alǵan. Qystyń qyr astyna taıaı túsýine oraı, aldaǵy jylý berý maýsymynyń qaýipsizdigine qatysty jıyn ótkizgen IIM Tótenshe jaǵdaılar komıteti tóraǵasynyń birinshi orynbasary Sábıt Bıtaev osyndaı derekterdi jarııalady. Onyń aıtýynsha, órt shyǵý oqıǵa­sy­nan jalpy somasy 1, 29 mlrd teńge materıaldyq shyǵyn kelgen. Sonyń sal­darynan 370 adam ártúrli dárejede dene jaraqatyn alǵan. Al mamandar piki­r­i­nshe, órt shyǵýynyń negizgi sebep­teri ott­y abaısyz paıdalanýdan týyn­daı­tyn kóri­nedi. Sonymen qatar, peshterdi ornatý men paı­dalaný kezinde órt qaýip­siz­digi qaǵı­da­laryn saqtamaý, elektr jab­dyqt­aryn montajdaý jáne tehnıkalyq paı­da­laný qaǵıdalaryn buzý da keleńsiz oqıǵa­lardyń sanyn kóbeıte túsedi. Tilsiz jaýdyń aldyn alý maqsatynda bıylǵy jylda vedomstvo jetekshileri birqatar jańashyl bastamalardy qolǵa alǵan. Sonyń biri – aǵymdaǵy jyldyń 15 qyrkúıeginen respýblıka boıynsha órt qaýipsizdigi aılyǵynyń ótkizilip jatqany boldy. Aılyq shara aıasynda jergilikti jer­lerdegi halyqqa úıdi pesh pen elektr jyly­tý quraldary arqyly jylytý men paı­da­laný kezinde qaýipsizdik qaǵıdalaryn saqt­aýǵa jáne órt oryn alǵan jaǵdaıda oryn­dalýy tıis amaldardy úıretýge baǵyt­­talǵan. Osy maqsatpen mamandar aýla­lardy aralap, jergilikti atqarýshy organ­dar arqyly turǵyndarmen jıi-jıi jıyn­dar ótkizýde. Sondaı-aq, áleýmettik qaýip-qater toptaryndaǵy adamdarmen de ju­mys júr­gizi­lýde. Olardyń quramyna mú­ge­­de­k­ter, jal­ǵyz­basty jáne qart adamdar enedi. Aıta keteıik, bul sharaǵa oqý oryn­daryn­da oqytýshy quramnyń qatysýymen mek­tep oqýshylarymen áńgimelesýler men dáris­ter, ınteraktıvtik sabaqtar uıym­das­ty­­rylyp, arnaıy beınerolıkter kór­setilýde. «Egemen-aqparat»