Hattamalar ratıfıkasııalandy

Keshe Parlament Senatynyń Tóraǵasy Qasym-Jomart Toqaevtyń tóraǵalyǵymen palatanyń kezekti jal­py otyrysy boldy. Onda aldymen Májilis ma­quldaǵan Uly Otan soǵy­sy­nyń qatysýshylary men mú­ge­dekterine, basqa memleket­terdiń aýmaǵyndaǵy urys qımyldaryna qatysýshylarǵa, qaza tapqan áskerı qyzmet­shi­lerdiń otbasylaryna arnalǵan jeńildikter men kepildikterdi ózara taný týraly TMD-ǵa qa­ty­sýshy memleket basshylary 1994 jyldyń 15 sáýirinde qol qoıǵan kelisimge engizilgen óz­gerister men tolyq­tyrý­lar tý­­ra­ly hattamany ratıfı­ka­­sııa­­­laý týraly zań jobasy qaral­dy. Zań jobasy boıynsha baıandama jasaǵan Densaýlyq saqtaý jáne áleýmettik damý mınıstri Tamara Dúısenovanyń aıtýyna qaraǵanda, zań jobasy Qazaqstanda 215 myń adamdy qamtıtyn kórinedi. Búgingi tańda TMD-ǵa qatysýshy memleketterdiń áleýmettik qamtamasyz etilýinde túbegeıli ózgerister jasalyp, ulttyq zańnamalary men áleýmettik júıeleri qalyptasty. Osynaý ózgerister 1994 jylǵy jasalǵan kelisimge engizilmeı keledi. Usynylyp otyrǵan zań jobasy osy ózgeristerdiń kelisimge engizilýin kózdeıdi, dedi mınıstr. TMD-ǵa qatysýshy mem­leketterdiń aýmaǵyna ýaqytsha barǵan osy zańdy qoldanýǵa tıisti bizdiń adamdarǵa beri­letin kepildikter tizimi óz­ger­gen. Zańǵa sáıkes, ondaılar endi aýyrǵan jaǵdaı­da, jaraqat alyp nemese ýlanyp qalsa jáne t.b. qıyn jaǵdaı­ǵa ushyrasa medısınalyq uıym­dar oǵan tegin jedel medı­sınalyq kómek jasaýǵa, al saýda jáne baı­­lanys oryndary kezekten tys qyz­met kórsetýge mindetti. Sonymen birge, jeńil­dikterge ıe bolatyn adamdar qataryna 1944 jylǵy 1 qań­tar men 1951 jylǵy 31 jel­toqsan aralyǵyndaǵy kezeń­de Ýkraına, Belarýs, Lıt­va, Latvııa, Estonııa aýmaq­taryndaǵy zańsyz qurylym­dar men toptardy joıý jónin­degi urys operasııalaryna qatys­qan adamdar da osy kelisim­ge engizilip, onyń aıasyn keńi­tip otyr. Qazaqstan aýmaǵyn­da osyndaı 29 adam turatyn kórinedi. Baıandama aıaqtalǵan soń T.Dúısenova depýtattar­dyń suraqtaryna jaýap ber­di. Sonyń ishinde senator Ań­sar Musahanov zań jobasy jeńildik kategorııalary boıyn­sha qansha adamdy qam­tıtynyn surady. Oǵan Uly Otan soǵysyna qatysýshylar – 3200, Aýǵanstan soǵysy­na qatysqandar – 18 myń, Cher­nobyl apatynyń zardaptaryn joıýǵa qatysqandar – 18 myńnan astam jáne t.b. ekendigi aıtyldy. Senator Sársenbaı Eń­segenov kelisimge engen mem­leketterde jeńildikter óz­deri­niń ulttyq valıýtasymen tólenetinin aıta kelip, olar qalaı retke keltiriletinin sura­dy. Oǵan jeńildik kóle­mi sol eldiń ulttyq zańna­ma­syn­da belgilengen kólem­de beri­le­tindigi aıtyldy. Olardy bar­lyq elde birdeı deńgeıge jet­kizý qarastyrylmaǵan eken. Bulardan basqa birneshe suraqtan keıin zań jobasy talqylanyp, hattama ratıfıkasııalandy. Jalpy otyrysta, sondaı-aq, Májilis maquldaǵan Qazaq­­stan men Serbııa úki­met­­teri arasyndaǵy tabys pen kapı­talǵa salynatyn salyq­tarǵa qatysty qosar­lan­ǵan salyq salýdy boldyrmaý jáne salyq salýdan jaltarýǵa jol bermeý týraly konvensııa men oǵan jasalǵan hattamany ratı­fı­kasııalaý týraly zań qabyl­danyp, bul hattama da ratıfıkasııalandy. 2015 jylǵy 28 tamyzda Astanada qol qoıylǵan Kon­vensııa men Hattama Qazaqstan men Serbııa arasyndaǵy ın­ves­­tısııaǵa qolaıly jaǵdaı jasaý arqyly ekonomıkalyq yn­­tymaqtastyqty nyǵaıtýǵa jáne keńeıtýge baǵyttalǵan. Konvensııa qosarlanǵan sa­lyq saldyrmaý maqsatynda jasal­ǵan halyqaralyq qujat bolyp tabylady. Taraptar salyq tóleýshige qatysýshy mem­leketterdiń birinde ǵana tek bir ret salyq tóleý múmkin­digin qamtamasyz etedi. Jalpy otyrystyń kún tártibine engizilgen máse­leler qaralyp bolǵan soń Premer-Mınıstrdiń atyna bir­qatar depýtattyq saýaldar jarııa etildi. Al senator Ańsar Musahanov Almaty ob­ly­syndaǵy úsh azamattyń óli­min tergeýge qatysty Ishki ister mınıstriniń atyna depý­tat­tyq saýal joldady. Jaqsybaı SAMRAT, «Egemen Qazaqstan»