2016 jylǵy 15 maýsym, Astana qalasy
Memlekettik arhıv mekemelerindegi eńbek qaýipsizdigi jáne
eńbekti qorǵaý jónindegi talaptardy bekitý týraly
«Tıisti ýákiletti organdardyń eńbek qaýipsizdigi jáne eńbekti qorǵaý salasyndaǵy normatıvtik quqyqtyq aktilerdiń qabyldaý qaǵıdalaryn bekitý týraly» Qazaqstan Respýblıkasy Úkimetiniń 2015 jylǵy 31 jeltoqsandaǵy №1182 qaýlysyna sáıkes buıyramyn:
1. Qosa berilip otyrǵan Memlekettik arhıv mekemelerindegi eńbek qaýipsizdigi jáne eńbekti qorǵaý jónindegi talaptary bekitilsin.
2. «Memlekettik muraǵattardaǵy eńbek qaýipsizdigi jáne eńbekti qorǵaý talaptaryn bekitý týraly» Qazaqstan Respýblıkasy Mádenıet jáne aqparat mınıstriniń 2013 jylǵy 2 mamyrdaǵy №93 buıryǵynyń (Normatıvtik quqyqtyq aktilerdiń memlekettik tirkeý tiziliminde № 8499 bolyp tirkelgen, «Egemen Qazaqstan» gazetiniń 2013 jylǵy 25 maýsymdaǵy № 155 (28094) jarııalanǵan) kúshi joıyldy dep tanylsyn.
3. Muraǵattyq is jáne qujattama departamenti (D.S. Muqataev) zańnamada belgilengen tártipte:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde osy buıryqqa qol qoıýǵa ýákiletti tulǵanyń elektrondyq sıfrlyq qoltańbasymen kýálandyrylǵan qaǵaz jáne elektrondyq túrdegi osy buıryqtyń kóshirmelerin resmı jarııalaý úshin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldanýyn, Qazaqstan Respýblıkasy normatıvtik quqyqtyq aktileriniń etalondyq baqylaý bankine, Qazaqstan Respýblıkasy Normatıvtik quqyqtyq aktileriniń memlekettik tizilimine engizilýin;
3) resmı jarııalanǵannan keıin kúntizbelik on kún ishinde osy buıryqty Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrýdy;
4) osy tarmaqpen qarastyrylǵan is-sharalar oryndalǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine is-sharalardyń oryndalýy týraly málimet berýdi qamtamasyz etsin.
4. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Mádenıet jáne sport vıse-mınıstrine júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Mádenıet jáne sport mınıstri A. MUHAMEDIULY
«Kelisildi» «Kelisildi»
Qazaqstan Respýblıkasy Qazaqstan Respýblıkasy
Densaýlyq saqtaý jáne Ulttyq ekonomıka mınıstri
áleýmettik damý mınıstri ___________Q. Bıshimbaev
___________T. Dúısenova 2016 jylǵy 30 maýsym
2016 jylǵy 21 maýsym
Qazaqstan Respýblıkasy Mádenıet jáne sport mınıstriniń 2016 jylǵy
15 maýsymdaǵy maýsymdaǵy №165 buıryǵymen bekitilgen
Memlekettik arhıv mekemelerindegi eńbek qaýipsizdigi jáne eńbekti
qorǵaý jónindegi talaptar
1-taraý. Jalpy erejeler
1. Memlekettik arhıv mekemelerindegi eńbek qaýipsizdigi jáne eńbekti qorǵaý jónindegi talaptar (budan ári – Talaptar) eńbek qyzmeti barysynda memlekettik arhıv mekemeleri jumyskerleriniń (budan ári – jumyskerler) ómiri men densaýlyǵynyń saqtalýyna baǵyttalǵan tártipti, prosedýralardy jáne normatıvterdi belgileıdi.
2. Osy Talaptarda kelesi uǵymdar paıdalanady:
1) arhıv – arhıv qujattarynyń jıyntyǵy, sondaı-aq arhıv mekemesi nemese mekemeniń, uıymnyń nemese kásiporynnyń paıdalanýshylar múddeleri úshin arhıv qujattaryn qabyldaý men saqtaýdy júzege asyratyn qurylymdyq bólimshesi;
2) arhıv qoımasy – arhıv qujattaryn saqtaý úshin arnaıy jabdyqtalǵan úı-jaı;
3) jumysker – jumys berýshimen eńbek qatynastarynda turatyn jáne eńbek sharty boıynsha jumysty tikeleı oryndaıtyn jeke tulǵa.
2-taraý. Eńbek qaýipsizdiginiń jalpy talaptary
3. Eńbek qaýipsizdigi men eńbekti qorǵaý maqsatynda mynadaı is-sharalar:
1) jumyskerlermen ózderiniń laýazymdyq mindetterin oryndaý kezinde memlekettik arhıv mekemesiniń (budan ári – arhıv) ǵımaratyn tıisti túrde ustalýyn jáne óndiristik qural-jabdyqtarynyń qaýipsizdigin qamtamasyz etý, sonymen qatar arhıvte eńbek qaýipsizdigi jáne eńbekti qorǵaý boıynsha monıtorıng júrgizý;
2) Normatıvtik quqyqtyq kesimderiniń memlekettik tirkeý tiziliminde № 12743 bolyp tirkelgen «О́ndiristik obektilerdi eńbek jaǵdaılary boıynsha mindetti merzimdik attestattaý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 28 jeltoqsandaǵy № 1057 buıryǵyna sáıkes jumys jaǵdaılary boıynsha óndiristik obektilerine attestattaý ótkizý, sonyń qorytyndysy boıynsha densaýlyqqa zııandy jáne qaýipti faktorlardy joıý sharalaryn júzege asyrý;
3) arhıv ǵımaratynda apatty jaǵdaılardyń damýyn jáne jumyskerlerine zııandy faktorlardyń áser etýin boldyrmaý úshin is-sharalar qabyldaý;
4) jumyskerlerdi Normatıvtik quqyqtyq kesimderiniń memlekettik tirkeý tiziliminde № 10634 bolyp tirkelgen «Mindetti medısınalyq qarap tekserýdi ótkizý qaǵıdalaryn bekitý týraly» Qazaqstan Respýblıkasy Ulttyq ekonomıka mınıstriniń mindetin atqarýshynyń 2015 jylǵy 24 aqpandaǵy № 128 buıryǵyna sáıkes aldyn ala (jumysqa qabyldaný kezinde) jáne merzimdik (eńbek qyzmeti barysynda) medısınalyq tekserýden ótkizý jáne kásiptik aýrýǵa shaldyǵý belgileri tanylǵan kezinde is-sharalar qabyldaý;
5) «О́rt qaýipsizdigi qaǵıdalaryn bekitý týraly» Qazaqstan Respýblıkasy Úkimetiniń 2014 jylǵy 9 qazandaǵy № 1077 (budan ár – О́rt qaýipsizdigi qaǵıdalary) jáne «О́rt qaýipsizdigine qoıylatyn jalpy talaptar» tehnıkalyq reglamentin bekitý týraly» Qazaqstan Respýblıkasy Úkimetiniń 2009 jylǵy 16 qańtardaǵy № 14 (budan ári – Tehnıkalyq reglament) qaýlylaryna sáıkes órt qaýipsizdigi júıesine, aýany jeldetý jáne kondısıonerleý júıesine, qorǵaý júıesine jáne jylytý júıelerine tıisti tehnıkalyq qyzmet kórsetýdi qamtamasyz etý, sondaı-aq memlekettik arhıv jumyskerlerine órtke qarsy nusqaýlyq júrgizý uıymdastyrylady.
3-taraý. Jumysty bastar aldyndaǵy eńbek qaýipsizdigi jáne
eńbekti qorǵaý jónindegi talaptar
4. Jumysty bastar aldynda jumysker óziniń jumys ornyn qarap shyǵady jáne jumys qural-jabdyqtarynyń (kóshirme jasaıtyn mashına jáne aıqyndaý mashınasy) jaramdyǵyn tekseredi.
5. Adamdar úshin qaýip tóndiretin qural-jabdyqtyń jaramsyzdyǵyn taýyp alǵan jumysker, jaramsyz qural-jabdyqty jeliden dereý sóndirý boıynsha shara qabyldaıdy jáne bul týraly tikeleı arhıvtiń qurylymdyq bólimshesiniń bastyǵyna, al ol bolmaǵanda – arhıv mekemesiniń basshysyna nemese onyń mindetin atqarýshy tulǵaǵa habarlaıdy.
4-taraý. Jumys ýaqytyndaǵy eńbek qaýipsizdigi jáne
eńbekti qorǵaý jónindegi talaptar
6. Arhıvterdegi jumys ýaqytynda eńbek qaýipsizdigi men eńbekti qorǵaý jumyskerlerdiń ómirin, densaýlyǵyn jáne eńbekke jaramdylyǵyn saqtaýǵa baǵyttalǵan uıymdastyrý, sanıtarlyq-gıgıenalyq jáne emdeý-aldyn alý is-sharalaryn júrgizý jolymen qamtamasyz etiledi.
7. Arhıvte eńbek tártibi 2015 jylǵy 23 qarashadaǵy Qazaqstan Respýblıkasynyń Eńbek kodeksine (budan ári – Eńbek kodeksi) sáıkes saqtalady.
8. Jumys kezinde jumysker elektr quraldarynyń, sóndirgishterdiń, shtepseldik rozetkalardyń, sondaı-aq jeke kompıýterlerdiń, prınterlerdiń, skanerlerdiń, kóshirý apparattarynyń, fakstardyń, turmystyq elektr quraldary men jaryq quraldarynyń jaramdylyǵyn tekseredi.
5-taraý. Apattyq jaǵdaılardaǵy eńbek qaýipsizdigi jáne
eńbekti qorǵaý jónindegi talaptar
9. Ot shyqqan nemese órt bolǵan jaǵdaıda arhıvtiń jumyskerleri dereý jumysty toqtatady, jeke kompıýterdi, elektr quraldaryn, jumys jabdyqtaryn sóndiredi, órtke qarsy qyzmettiń qyzmetkerlerin shaqyrady jáne memlekettik arhıvtiń basshysyna nemese onyń mindetin atqarýshy tulǵaǵa habarlaıdy.
10. Apattyq jaǵdaılarda arhıvtiń basshysy nemese onyń mindetin atqarýshy tulǵa О́rt qaýipsizdigi qaǵıdalaryna jáne Tehnıkalyq reglamentke sáıkes adamdar men ǵımarattardyń qaýipsizdigin qamtamasyz etý jónindegi sharalar qabyldaıdy.
11. Arhıvtiń ár qabatynda kórinetin, qol jetimdi jerde alǵashqy medısınalyq kómek kórsetýge arnalǵan dári-dármek qobdıshasy qarastyrylady.
6-taraý. Jumys aıaqtalǵannan keıingi eńbek qaýipsizdigi jáne
eńbekti qorǵaý jónindegi talaptar
12. Jumys aıaqtalǵannan keıin jumyskerler elektr quraldaryn, uıymdastyrý tehnıkasyn, onyń ishinde derbes kompıýterlerdi, prınterlerdi, skanerlerdi, kóshirý apparattaryn, fakstardy, jaryq berý quraldaryn jáne ózge de qural-jabdyqty sóndiredi jáne toqtan ajyratady.
13. Aýysym jumysy kezinde jumysker jumys ornyn jumysqa jaramdy kúıinde tapsyrady.
7-taraý. О́ndiristik prosester kezindegi eńbek qaýipsizdigi jáne
eńbekti qorǵaý jónindegi talaptar
14. Arhıv jumyskerleri óndiristik prosester ýaqytynda Normatıvtik quqyqtyq kesimderiniń memlekettik tirkeý tiziliminde № 12743 bolyp tirkelgen «Jumys berýshiniń eńbek qaýipsizdigi jáne eńbekti qorǵaý jónindegi nusqaýlyqty ázirleý, bekitý jáne qaıta qaraý qaǵıdalaryn bekitý týraly» Qazaqstan Respýblıkasynyń Densaýlyq saqtaý jáne áleýmettik damý mınıstriniń 2015 jylǵy 30 qarashadaǵy № 927 buıryǵyna sáıkes ázirlengen Eńbek qaýipsizdigi jáne eńbekti qorǵaý nusqaýlyǵyn basshylyqqa alady.
15. Jazataıym oqıǵalar kezinde dereý medısınalyq kómek shaqyrylady jáne zardap shekken jumyskerge alǵashqy medısınalyq kómek kórsetý sharalary qabyldanady.
16. Jumys prosesinde jumyskerlermen jazataıym oqıǵa bolǵan jaǵdaıda olarǵa Normatıvtik quqyqtyq kesimderiniń memlekettik tirkeý tiziliminde № 12521 bolyp tirkelgen «Eńbekke ýaqytsha qabiletsizdik boıynsha áleýmettik járdemaqyny taǵaıyndaý jáne tóleý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 30 qarashadaǵy № 907 buıryǵyna sáıkes áleýmettik járdemaqy taǵaıyndalady jáne tólenedi.
8-taraý. О́ndiristik úı-jaılarda eńbek qaýipsizdigin jáne
eńbekti qorǵaýdy qamtamasyz etý jónindegi talaptar
17. Arhıv órtke qatysty qaýipti nysandardan (munaı saqtaıtyn oryndar, benzokolonkalar, avtoturaqtar, garajdar) jáne óndiristik nysandardan alshaq ornalasqan arnaıy nemese beıimdelgen ǵımaratta ornalasady.
18. О́rt qural-saımany men jabdyǵyna qol jetkizý, sondaı-aq ǵımarattar men órt sóndiretin sý kózderine ótý joldary men kireberister árqashan ashyq bolady.
19. Arhıv ǵımaraty arhıvtik qujattardy qabyldaý, saqtaý, óńdeý, paıdalaný boıynsha mindetterdi jáne ákimshilik-sharýashylyq, tehnıkalyq, turmystyq sıpattaǵy mindetterdi oryndaýǵa arnalǵan, negizgi jáne qosymsha úı-jaılardyń kesheni bolyp tabylady. Úı-jaılardyń tıimdi josparlanýy kúzet, órt sıgnalızasııasy quraldarymen jabdyqtalady, jáne tómengi qabattaǵy terezelerde syrtqa qaraı ashylatyn metall torlarmen qorǵalady.
20. Arhıvtiń ǵımaraty ortalyq sýmen jabdyqtaý júıesi arqyly sharýashylyq-aýyz sý, sanıtarlyq-gıgıenalyq, tehnologııalyq jáne órtke qarsy qajettilikter úshin sýyq jáne ystyq sýmen qamtamasyz etiledi.
21. Arhıv ǵımarattarynda býmen, sýmen jáne aýamen jylytý júıeleri qoldanylady. Jylytý júıesi úshin temperatýrasy 100oS artyq emes sý, temperatýrasy 100oS artyq emes sý býy, 45-70oS deıin qyzdyrylǵan aýa qoldanylady. Arhıvtiń jylytý júıesi eldi mekenniń ortalyq jylytý júıesine qosylady nemese avtonomdy jylytý júıesi bolady.
22. Arhıv ǵımaraty ornalasqan aýdanda, atmosferalyq aýadaǵy zııandy qospalardyń táýlik boıyndaǵy ortasha shoǵyrlanýy mynadaı gıgıenalyq normalardan aspaıdy:
1) kúkirt qyshqyly – 0,1 mg/m3;
2) kúkirtti gaz – 0,05 mg/m3;
3) azot oksıdi – 0,06 mg/m3;
4) hlor – 0,03 mg/m3;
5) kúkirtsýtegi – 0,008 mg/m3.
9-taraý. О́ndiristik qural-jabdyqtarǵa qoıylatyn eńbek qaýipsizdigi jáne
eńbekti qorǵaý jónindegi talaptar
23. Jumyskerlerge eńbek qaýipsizdigi men eńbek qorǵaý boıynsha kirispe nusqaýlyqtan ótken soń mindetterin oryndaýǵa ruqsat etiledi. Nusqaýlyq júrgizý jáne bilimderin tekserý týraly jazba nusqaýlyqty tirkeý jýrnalyna engiziledi (erikti túrde).
24. Arhıvte qural-jabdyqtardyń tehnıkalyq jaǵdaıynyń jýrnaly júrgizildi (erikti túrde).
25. Jumysker óndiristik qural-jabdyqpen jumysqa kiriskende qural-jabdyq pen jumys ornyn qarap shyǵady, qural-jabdyqtyń, qosylatyn quraldardyń durystyǵyn, qorshaýlardyń bekitilýiniń bolýy men beriktigin, saqtandyrǵysh qurylǵylardyń, buǵattaǵyshtardyń jumysyn, qorǵaǵysh jerlendirýdiń bolýyn tekseredi. Qural-jabdyqtarda aqaýlar anyqtalǵan jaǵdaıda jumysker jumysqa olardy retteýshi nemese elektrık túzetkennen keıin kirisedi. Aqaýlar túzetilgennen keıin qural-jabdyqtardyń tehnıkalyq jaǵdaıynyń jýrnalyna retteýshi nemese elektrık olardy túzetý týraly jazba engizedi.
26. Qural-jabdyqtardy jóndegen jáne aldyn-alý jumystaryn júrgizgen kezde retteýshi nemese elektrık qural-jabdyqtardyń tehnıkalyq jaǵdaıynyń jýrnalyna jazba engizedi.
27. Jumys aıaqtalǵanda jumysker qural-jabdyqtardy, jalpy engizgish sóndirgishti sóndiredi, jınaıdy, jumys ornyn retke keltiredi jáne qural-jabdyqtardyń tehnıkalyq jaǵdaıynyń jýrnalyna jazba engizedi.
10-taraý. О́ndiristik qural-jabdyqtardy ornalastyrý jáne jumys oryndaryn uıymdastyrý jónindegi eńbek qaýipsizdigi jáne eńbekti qorǵaý talaptary
28. Ár jumyskerge ornalastyrý normasy boıynsha úı-jaıdyń jalpy kóleminen 7,5 sharshy metr jumys alańy bólinedi.
29. Arhıv qoımalary men úı-jaılary negizgi saqtaý quraldarymen (stasıonarlyq jáne jyljymaly metalldy sórelermen) jabdyqtalady. Arhıv qoımalarynda ottan qorǵaıtyn qospalarmen óńdelgen, stasıonarlyq aǵash sórelerin paıdalanýǵa bolady. Qosymsha nemese arnaıy jabdyqtar retinde metall shkaftardy, seıfterdi, sóre- shkaftardy qoldanýǵa bolady. Arhıv qoımalarynda ot shyǵýyn boldyrmaý maqsatynda, arhıv qujattaryn saqtaýǵa arnalǵan sórelerdi jylý kózderine tym jaqyn ornalastyrýǵa ruqsat berilmeıdi.
30. Arhıv qoımalarynda stasıonarlyq sóreler men shkaftardy ornalastyrý mynadaı normatıvterge sáıkes keledi:
1) sóreler qatarlarynyń arasyndaǵy ara qashyqtyq (basty ótý joly) – 120 santımetrden kem emes;
2) sóreler arasyndaǵy ara qashyqtyq (ótý joly) – 75 santımetrden kem emes;
3) ǵımarattyń syrtqy qabyrǵasy men sóreler, paralleldi qabyrǵalar arasyndaǵy ara qashyqtyq – 75 santımetrden kem emes.
31. Arhıv ǵımaratynda kólemi, salmaǵy nemese nysany qol kúshimen jyljytýǵa múmkindik bermeıtin bolsa, arhıvtik qujattardyń ornyn aýystyrý úshin lıft qural-jabdyqtary ornatylady.
11-taraý. Arhıvtik qujattardy saqtaý jáne tasymaldaý tásilderine qoıylatyn eńbek qaýipsizdigin jáne eńbekti qorǵaýdy qamtamasyz etý talaptary
32. Qujattardy kez kelgen jetkizgishterde uzaq ýaqyt saqtaý úshin Normatıvtik quqyqtyq kesimderiniń memlekettik tirkeý tiziliminde № 10127 bolyp tirkelgen «Ulttyq muraǵat qorynyń qujattaryn, basqa da muraǵat qujattaryn memlekettik jáne arnaýly memlekettik muraǵattardyń tolyqtyrýy, saqtaýy, esepke alýy men paıdalanýy qaǵıdalaryn bekitý týraly» Qazaqstan Respýblıkasy Mádenıet jáne sport mınıstriniń 2014 jylǵy 22 jeltoqsandaǵy № 145 buıryǵyna sáıkes temperatýralyq-ylǵaldylyq parametrleri qoldanylady.
33. Arhıv qoımalarynda jeldetilmeıtin turaqty mıkroklımat aımaǵynyń qalyptasýyn boldyrmaıtyn, erikti aýa aınalymy qamtamasyz etiletin aýany tabıǵı nemese jasandy túrde jeldetý qarastyrylady.
34. Qala, aýdan (eldi meken) sheginde arhıvtik qujattardy jetkizý birge baratyn arhıv jumyskeri úshin qaýipsiz otyratyn orny bar jabyq avtokólikte júzege asyrylady.
35. Júkti tıeý jáne túsirý jumystary arhıvtiń qatty jáne tegis jamylǵysy bar arnaıy bólingen aýmaǵynda júzege asyrylady.
36. Salmaǵy 20 kılogrammnan asatyn júkter úshin, sondaı-aq júkterdi 3 metrden astam bıiktikke kótergen jaǵdaıda tıeý jáne túsirý jumystarynyń mehanıkalandyrylǵan tásili mindetti bolyp tabylady.
37. Aýyr salmaqty qolmen kóterýge jáne oryn aýystyrýǵa ruqsat etiletin shekti júk normasy Normatıvtik quqyqtyq kesimderiniń memlekettik tirkeý tiziliminde № 12597 bolyp tirkelgen «On segiz jasqa tolmaǵan jumyskerlerdiń eńbegin paıdalanýǵa tyıym salynatyn jumystardyń tizimin, on segiz jasqa tolmaǵan jumyskerlerdiń aýyr zattardy tasýy men qozǵaltýynyń shekti normalaryn jáne áıelderdiń eńbegin paıdalanýǵa tyıym salynatyn jumystardyń tizimin, áıelderdiń aýyr zattardy qolmen kóterýiniń jáne jyljytýynyń shekti normalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 8 jeltoqsandaǵy № 944 buıryǵyna sáıkes anyqtalady.
12-taraý. Arhıv jumyskerleriniń eńbek jáne demalys rejımi
38. Arhıv jumyskerleriniń jumys ýaqyty men tynyǵý ýaqytynyń rejımi Eńbek kodeksine sáıkes belgilenedi.
39. Kúndelikti jumystyń bastalý jáne aıaqtalý ýaqyty, jumystaǵy úzilister ýaqyty Eńbek kodeksimen, Qazaqstan Respýblıkasynyń 1994 jylǵy 27 jeltoqsandaǵy Azamattyq kodeksimen belgilengen tártipte jasalatyn eńbek jáne ujymdyq sharttarmen anyqtalady.
13-taraý. Arhıv jumyskerlerin kásiptik irikteýge jáne eńbek qaýipsizdigi men eńbekti qorǵaý máseleleri jónindegi bilimin tekserýge qoıylatyn talaptar
40. Jumysqa qabyldanǵan tulǵalar aldyn-ala oqytýdan ótip, keıinnen eńbek qaýipsizdigi jáne eńbekti qorǵaý máseleleri boıynsha onyń bilimin tekserý júrgiziledi.
41. Eńbek kodeksiniń 16-babynyń 16-1) tarmaǵyna sáıkes eńbek qarym-qatynastaryn retteý salasyndaǵy ýákiletti memlekettik organmen bekitiletin Jumystar men jumysshy kásipteriniń biryńǵaı tarıftik-biliktilik anyqtamalyǵyn, jumysshy kásipteriniń tarıftik-biliktilik sıpattamalaryn, Basshylar, mamandar jáne basqa da qyzmetshiler laýazymdarynyń biliktilik anyqtamalyǵyna sáıkes arhıvtiń shtattyq kestesinde kásibı ınjenerlik-tehnıkalyq bólim qarastyrylady.
42. Arhıvtiń ınjenerlik-tehnıkalyq bólimimen jumys isteıtin elektr symdaryna, elektr jelilerine, elektr quraldaryna qyzmet kórsetiledi jáne olardy jedel aýystyryp qosý, jóndeý, qurastyrý jáne durystaý jumystary júzege asyrylady.
14-taraý. Arhıv jumyskerlerin arnaıy kıim jáne basqa da jeke qorǵanysh quraldarymen qamtamasyz etý jónindegi talaptar
43. Arhıv jumyskerlerine arnaıy kıim jáne basqa da jeke qorǵanysh quraldaryn berý Normatıvtik quqyqtyq kesimderiniń memlekettik tirkeý tiziliminde № 12627 bolyp tirkelgen «Alýan túrli ekonomıkalyq qyzmet uıymdarynyń jumyskerlerine arnaıy kıim jáne basqa da jeke qorǵanysh quraldaryn berý normalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 8 jeltoqsandaǵy № 943 buıryǵyna sáıkes júzege asyrylady.
15-taraý. Arhıv jumyskerlerin sanıtarlyq turmystyq úı-jaılarmen
qamtamasyz etý jónindegi talaptar
44. Arhıvti sanıtarlyq-turmystyq úı-jaılarmen jabdyqtaý Normatıvtik quqyqtyq kesimderiniń memlekettik tirkeý tiziliminde № 10637 bolyp tirkelgen «Turǵyn úıdi jáne basqa da úı-jaılardy, qoǵamdyq ǵımarattardy kútip-ustaýǵa jáne paıdalanýǵa qoıylatyn sanıtarııalyq-epıdemıologııalyq talaptar» sanıtarııalyq qaǵıdalaryn bekitý týraly» Qazaqstan Respýblıkasy Ulttyq ekonomıka mınıstri mindetin atqarýshysynyń 2015 jylǵy 24 aqpandaǵy № 125 buıryǵyna sáıkes júzege asyrylady.
45. Arhıvte tazalaýǵa arnalǵan ınventardy, jýý jáne dezınfeksııalaý zattaryn saqtaý úshin arnaıy úı-jaılar bólinedi.
46. О́ndiristik úı-jaılar men arhıv qoımalarynda qabyrǵalardy, tóbelerdi, terezelerdi shańnan tazarta otyryp tolyq tazalaý jumysy aıyna bir ret júrgiziledi.
Buıryq Qazaqstan Respýblıkasynyń Ádilet mınıstrliginde 2016 jylǵy 29 shildede Normatıvtik quqyqtyq kesimderdi memlekettik tirkeýdiń tizilimine №14042 bolyp engizildi.