2016 jylǵy 16 aqpan, Astana qalasy
Memlekettik qyzmetter kórsetý sapasyn memlekettik baqylaý
qaǵıdalaryn bekitý týraly
Qazaqstan Respýblıkasynyń 2013 jylǵy 15 sáýirdegi «Memlekettik kórsetiletin qyzmetter týraly» Zańy 7-babynyń 3) tarmaqshasyna, Qazaqstan Respýblıkasynyń 2010 jylǵy 19 naýryzdaǵy «Memlekettik statıstıka týraly» Zańynyń 16-baby 3-tarmaǵynyń 2) tarmaqshasyna sáıkes, buıyramyn:
1. Memlekettik qyzmetter kórsetý sapasyn memlekettik baqylaý qaǵıdalary bekitilsin.
2. «Memlekettik qyzmetter kórsetý sapasyn baqylaý qaǵıdalaryn bekitý týraly» Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń 2015 jylǵy 28 sáýirdegi № 146 buıryǵynyń (Normatıvtik quqyqtyq kesimderdi memlekettik tirkeýdiń tiziliminde № 11253 bolyp tirkelgen, «Ádilet» aqparattyq-quqyqtyq júıesinde 2015 jylǵy 8 shildede jarııalanǵan) kúshi joıyldy dep tanylsyn.
3. Qazaqstan Respýblıkasy Memlekettik qyzmet isteri mınıstrliginiń Memlekettik qyzmetter departamenti (Á.Q. Muqashev):
1) osy buıryqtyń Qazaqstan Respýblıkasynyń Ádilet mınıstrliginde zańnamada belgilengen tártippen memlekettik tirkelýin;
2) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin kúntizbelik on kún ishinde onyń merzimdi baspasóz basylymdaryna jáne «Ádilet» aqparattyq-quqyqtyq júıesine resmı jarııalaýǵa joldanýyn;
3) osy buıryqtyń Qazaqstan Respýblıkasy Memlekettik qyzmet isteri mınıstrliginiń ınternet-resýrsynda ornalastyrylýyn;
4) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin kúntizbelik bes kún ishinde Qazaqstan Respýblıkasynyń normatıvtik quqyqtyq aktileriniń etalondyq baqylaý bankine engizý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldanýyn qamtamasyz etsin.
4. Osy buıryqtyń oryndalýyn baqylaý memlekettik qyzmetter kórsetý sapasyn baqylaý jáne baǵalaý máselelerine jetekshilik etetin Qazaqstan Respýblıkasynyń Memlekettik qyzmet isteri vıse-mınıstrine júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Memlekettik qyzmet isteri mınıstri T.DONAQOV
«Kelisildi»
Qazaqstan Respýblıkasy Ulttyq ekonomıka mınıstrliginiń
Statıstıka komıteti tóraǵasynyń mindetin atqarýshy
B.Z. Imanálıev _______________
2016 jylǵy 18 aqpan
Qazaqstan Respýblıkasy Memlekettik qyzmet isteri mınıstriniń 2016 jylǵy 16 aqpandaǵy
№ 35 buıryǵymen bekitilgen
Memlekettik qyzmetter kórsetý sapasyn memlekettik baqylaý qaǵıdalary
1. Jalpy erejeler
1. Osy Memlekettik qyzmetter kórsetý sapasyn memlekettik baqylaý qaǵıdalary ortalyq memlekettik organdardyń, oblystardyń, respýblıkalyq mańyzy bar qalalardyń, astananyń, aýdandardyń, oblystyq mańyzy bar qalalardyń jergilikti atqarýshy organdarynyń, qaladaǵy aýdandardyń, aýdandyq mańyzy bar qalalardyń, kentterdiń, aýyldardyń, aýyldyq okrýgterdiń ákimderiniń, ortalyq memlekettik organdardyń nemese jergilikti atqarýshy organdardyń vedomstvolyq baǵynysty uıymdarynyń, Qazaqstan Respýblıkasynyń zańnamasyna sáıkes memlekettik qyzmetterdi kórsetetin jeke jáne zańdy tulǵalardyń (budan ári – tekseriletin sýbektiler) memlekettik qyzmetter kórsetýi sapasyna memlekettik baqylaý júrgizý tártibin aıqyndaıdy.
2. Qazaqstan Respýblıkasynyń 2015 jylǵy 29 qazandaǵy Kásipkerlik kodeksiniń (budan ári – Kásipkerlik kodeks) 134-babyna sáıkes memlekettik baqylaý syrtqy jáne ishki bolyp bólinedi.
3. Memlekettik baqylaý mynadaı qaǵıdattarǵa negizdeledi:
1) zańdylyq; 3) beıtaraptyq; 5) jan-jaqtylyq; 7) anyqtyq.
2) obektıvtilik; 4) ashyqtyq; 6) táýelsizdik;
2. Syrtqy baqylaý júrgizýdiń tártibi
4. Memlekettik qyzmetter kórsetý sapasyn syrtqy baqylaýdy (budan ári – syrtqy baqylaý) Qazaqstan Respýblıkasynyń Memlekettik qyzmet isteri mınıstrligi (budan ári – Mınıstrlik) jáne onyń aýmaqtyq organdary tekseriletin sýbektilerdiń Qazaqstan Respýblıkasynyń memlekettik kórsetiletin qyzmetter salasyndaǵy zańnamasyn saqtaýyn tekserý jáne monıtorıngteý nysanynda júzege asyrady.
5. Syrtqy baqylaý júrgizý kezinde Mınıstrlik jáne onyń aýmaqtyq organdary:
1) tekseriletin sýbektilerden jáne (nemese) laýazymdy adamdardan tekserý nysanasyna tıisti qaǵaz jáne (nemese) elektrondyq jetkizgishterdegi qujattardy (málimetterdi) ne olardyń kóshirmelerin tekserý nátıjeleri týraly aktige qosý úshin, sondaı-aq tekserýdiń mindetteri men nysanasyna sáıkes avtomattandyrylǵan derekter qoryna (aqparattyq júıelerge) qol jetkizýdi suratady jáne alady;
2) ishki baqylaý nátıjeleri týraly aqparatty suratady;
3) memlekettik qyzmetter kórsetý sapasynyń qoǵamdyq monıtorınginiń nátıjeleri boıynsha jeke tulǵalar, kommersııalyq emes uıymdar usynǵan aqparatty qoldanady;
4) tekseriletin sýbektilerge memlekettik qyzmetter kórsetý sapasyn arttyrý, onyń ishinde anyqtalǵan buzýshylyqtardy joıý, sondaı-aq Qazaqstan Respýblıkasynyń memlekettik kórsetiletin qyzmetter salasyndaǵy zańnamasy talaptarynyń oryndamaǵany nemese tıisti túrde oryndamaǵany úshin kináli adamdardy jaýapkershilikke tartý jóninde usynystar engizedi.
1-paragraf. Qazaqstan Respýblıkasynyń memlekettik kórsetiletin qyzmetter salasyndaǵy zańnamasynyń saqtalýyna tekserý júrgizýdiń tártibi
6. Tekserý kelesi túrlerge bólinedi:
1) ishinara;
2) jospardan tys.
7. Mınıstrlik jáne onyń aýmaqtyq organdary qyzmetkerleriniń ishinara tekserý júrgizýiniń negizdemeleri Mınıstrliktiń nemese onyń aýmaqtyq organynyń birinshi basshysynyń nemese olardyń mindetterin atqarýshy adamdardyń buıryǵymen jyl saıyn bekitiletin ishinara tekserý tizimi bolyp tabylady. Ishinara tekserý tizimi Kásipkerlik kodekstiń 141-babyna sáıkes bekitilgen táýekel dárejesin baǵalaý negizinde jasalady jáne eseptilikti jáne baqylaýdyń ózge de nysandarynyń nátıjelerin taldaý nátıjeleri boıynsha qalyptastyrylady.
8. Jospardan tys tekserýlerdi júrgizýdiń negizdemeleri:
1) quqyqtary, bostandyqtary men zańdy múddeleri buzylǵan jeke jáne zańdy tulǵalardyń (kórsetiletin qyzmetti alýshylardyń) ótinishteri;
2) memlekettik kórsetiletin qyzmetter salasyndaǵy zańnamanyń buzylýynyń naqty faktileri boıynsha prokýratýra organdarynyń tapsyrmalary;
3) tekserýdi júzege asyrý úshin qajetti aqparat alý maqsatynda tekseriletin sýbektimen azamattyq-quqyqtyq qatynastarda bolǵan úshinshi tulǵalarǵa qatysty qarsy tekserý;
4) qylmystyq qýdalaý organynyń Qazaqstan Respýblıkasynyń Qylmystyq-prosestik kodeksinde kózdelgen negizder boıynsha tapsyrmasy;
5) memlekettik kórsetiletin qyzmetter salasyndaǵy zańnamanyń buzylýynyń naqty faktileri boıynsha memlekettik organdardyń ótinishteri.
9. Mınıstrliktiń:
qyzmetkerleri ortalyq memlekettik organdardyń, olardyń vedomstvolarynyń jáne olarǵa vedomstvolyq baǵynysty uıymdardyń qyzmetin;
aýmaqtyq organdarynyń qyzmetkerleri quzyret sheginde, sondaı-aq Mınıstrlik basshylyǵynyń tapsyrmasy boıynsha Mınıstrliktiń qyzmetkerleri ortalyq memlekettik organdardyń jáne olardyń vedomstvolarynyń aýmaqtyq bólimsheleriniń, oblystardyń, respýblıkalyq mańyzy bar qalalardyń, astananyń, aýdandardyń, oblystyq mańyzy bar qalalardyń jergilikti atqarýshy organdarynyń, qaladaǵy aýdandardyń, aýdandyq mańyzy bar qalalardyń, kentterdiń, aýyldardyń, aýyldyq okrýgterdiń ákimderiniń jáne olarǵa vedomstvolyq baǵynysty uıymdardyń qyzmetin tekserýdi júrgizedi.
10. Osy Qaǵıdalardyń 9-tarmaǵynda kórsetilgen tekseriletin sýbektilerdi qospaǵanda, jeke jáne zańdy tulǵalardyń (kórsetiletin qyzmetti berýshilerdiń) Qazaqstan Respýblıkasynyń memlekettik kórsetiletin qyzmetter salasyndaǵy zańnamasyn buzǵany týraly aqparat kelip túsken jaǵdaıda, mundaı aqparat Kásipkerlik kodekste kózdelgen baqylaýdyń tıisti sharalaryn qabyldaý úshin osy memlekettik qyzmetter kórsetilgen salada baqylaýdy júzege asyratyn ýákiletti organdarǵa joldanady.
11. Qajet bolǵan jaǵdaıda tekserý júrgizýge tekseriletin sýbektilermen azamattyq-quqyqtyq jáne eńbek qatynastarynda turmaıtyn sarapshylar, saraptama uıymdary jáne mamandar tartylady.
12. Tekserý Mınıstrliktiń nemese onyń aýmaqtyq organynyń birinshi basshysy nemese olardyń mindetin atqarýshy adamdar Qazaqstan Respýblıkasy Bas Prokýrorynyń «Tekserýdi taǵaıyndaý týraly aktilerdi, tekserýdi toqtata turý, qaıta bastaý, onyń merzimderin uzartý týraly, qatysýshylar quramyn ózgertý jáne tekserý men onyń nátıjeleri týraly aqparattyq esepke alý qujattaryn usyný týraly habarlamalardy tirkeý qaǵıdalaryn bekitý týraly» 2016 jylǵy 26 qańtardaǵy № 13 buıryǵymen (normatıvtik quqyqtyq aktilerdi memlekettik tirkeý tiziliminde № 13171 bolyp tirkeldi) (budan ári – Bas Prokýrordyń № 13 buıryǵy) bekitilgen nysan boıynsha shyǵarǵan tekserýdi taǵaıyndaý týraly akt negizinde júrgiziledi.
13. Tekserý júrgizýdiń merzimi aldaǵy jumystardyń kólemi, qoıylǵan mindetter eskerile otyryp belgilenedi jáne quqyqtyq statıstıka jáne arnaıy esepter jónindegi ýákiletti organda tirkeı otyryp, otyz jumys kúninen aspaýǵa tıis.
Kórsetiletin qyzmetti alýshylardyń shaǵymy boıynsha jospardan tys tekserý júrgizýdiń merzimi shaǵymda qozǵalǵan máseleler, aldaǵy jumystyń kólemi eskerile otyryp belgilenedi jáne memlekettik kórsetiletin qyzmetter salasyndaǵy zańnamada belgilengen kórsetiletin qyzmetti alýshylardyń shaǵymyn qaraýdyń merziminen aspaýǵa tıis.
14. Tekserý kóleminiń aýqymdy bolýyna baılanysty, Mınıstrliktiń nemese onyń aýmaqtyq organdarynyń birinshi basshylary nemese olardyń mindetin atqarýshy adamdar tekserý júrgizýdiń merzimin otyz jumys kúninen aspaıtyn merzimge bir ret qana uzartady. Tekserý merzimderi uzartylǵan jaǵdaıda, quqyqtyq statıstıka jáne arnaıy esepke alý jónindegi ýákiletti organda tirkeı otyryp, tekserýdi uzartý týraly qosymsha akt resimdeledi, onda tekserýdi taǵaıyndaý týraly aldyńǵy aktiniń nómiri men tirkelgen kúni jáne uzartýdyń sebebi kórsetiledi.
15. Tekseriletin sýbektiniń qyzmetine (derbes derek boıynsha dara nemese jalpy belgilengen kezeńde) memlekettik qyzmetter kórsetý sapasynyń máselesi boıynsha tekserýdiń aldynda onyń qyzmetin retteıtin jáne sıpattaıtyn normatıvtik quqyqtyq aktiler, materıaldar zerdelenedi.
16. Mınıstrliktiń nemese onyń aýmaqtyq organynyń qyzmetkeri (budan ári – tekserýshi adam) tekserý aldynda tekserý júrgizýdiń bastalatyny týraly Kásipkerlik kodekste belgilengen merzimde tekseriletin sýbektini jazbasha túrde habardar etedi.
17. Tekseriletin sýbektige tekserýdi taǵaıyndaý týraly aktini bergen kúnnen bastap tekserý bastalǵan bolyp esepteledi.
18. Tekserýdi taǵaıyndaý týraly aktimen tanysýdan bas tartqan nemese tekserýshi adamnyń (adamdardyń) tekserý júrgizýge qajetti materıaldarǵa qol jetkizýine kedergi keltirilgen jaǵdaıda, erkin nysanda tıisti hattama jasalady. Hattamaǵa Mınıstrliktiń nemese onyń aýmaqtyq organynyń tekserý júrgizetin laýazymdy adamy (adamdary) jáne tekseriletin sýbektiniń ýákiletti adamy qol qoıady.
Tekseriletin sýbektiniń ýákiletti adamy hattamaǵa qol qoıýdan bas tartqan jaǵdaıda, ol bas tartý sebebi týraly jazbasha túsiniktemeni birden beredi ne hattamada bas tartqany týraly belgi jasaıdy. Tekserýdi taǵaıyndaý týraly aktini alýdan bas tartý tekserýdi júrgizbeýge negiz bolyp tabylmaıdy.
19. Tekserý bir aıdan aspaıtyn merzimge bir ret toqtatylady.
20. Tekserý júrgizý sheńberinde shet memleketterden eleýli máni bar málimetter men qujattardy alý, bir aıdan kóp merzimderde arnaıy zertteýler, synaqtar, saraptamalar júrgizý qajet bolǵan jaǵdaılarda, tekserý júrgizý merzimi olardy alǵanǵa ne oryndaǵanǵa deıin toqtatyla turady.
21. Tekseriletin sýbektini tekserýdi toqtata turý ne qaıta bastaý týraly habardar etý Kásipkerlik kodekstiń 148-babyna sáıkes júrgiziledi.
Tekserýdi toqtata turý nemese qaıta bastaý kezinde tekserýdi toqtata turý ne qaıta bastaý týraly akt Bas Prokýrordyń № 13 buıryǵymen bekitilgen nysan boıynsha shyǵarylady.
Toqtatyla turǵan tekserýdi júrgizý merzimin esepteý ol qaıta bastalǵan kúnnen bastap jalǵasady.
22. Tekserýdiń aıaqtalýy boıynsha tekserýshi adam tekserýdiń nátıjeleri týraly aktini eki danada jasaıdy.
Tekserýdiń nátıjeleri týraly aktide:
1) aktiniń jasalǵan kúni, ýaqyty jáne orny;
2) tekserý júrgizgen organnyń ataýy;
3) onyń negizinde tekserý júrgizilgen, tekserýdi taǵaıyndaý týraly aktiniń kúni men nómiri;
4) tekserý júrgizgen adamnyń (adamdardyń) tegi, aty jáne ákesiniń aty (ol bolǵan jaǵdaıda) jáne laýazymy;
5) tekseriletin sýbektiniń ataýy, tekseriletin sýbektiniń tekserýdi júrgizý kezinde bolǵan ókiliniń (ókilderiniń) tegi, aty, ákesiniń aty (ol bolǵan jaǵdaıda) jáne laýazymy;
6) tekserýdiń júrgizilgen kúni, orny jáne kezeńi;
7) tekseriletin sýbektiniń qyzmetin taldaý;
8) tekserýdiń nátıjeleri týraly, anyqtalǵan buzýshylyqtar týraly faktiler bolsa, olardyń sıpaty týraly málimetter;
9) memlekettik qyzmetterdi sapasyz kórsetýdiń, Qazaqstan Respýblıkasynyń memlekettik kórsetiletin qyzmetter salasyndaǵy zańnamasynyń talaptary oryndalmaýynyń sebepterin taldaý;
10) tekserý paraǵynyń ataýy jáne buzýshylyqtar tabylǵan talaptardyń tarmaqtary;
11) tekseriletin sýbekt ókiliniń, sondaı-aq tekserý júrgizý kezinde bolǵan adamdardyń aktimen tanysqany týraly nemese tanysýdan bas tartqany týraly málimetter, olardyń qoly nemese qol qoıýdan bas tartqany;
12) tekserýdi júrgizgen laýazymdy adamnyń (adamdardyń) qoly kórsetiledi.
23. Tekserýdi taǵaıyndaý týraly aktide kórsetilgen tekserýdi aıaqtaý merziminen keshiktirmeı, tekseriletin sýbektige tekserýdiń nátıjeleri týraly aktiniń tapsyrylǵan kúni tekserý merziminiń aıaqtalǵany bolyp esepteledi.
24. Tekseriletin sýbekt tekserýdiń nátıjeleri týraly aktige qol qoıýdan bas tartqan jaǵdaıda, tekserýshi adam (adamdar) erkin nysanda tıisti hattama jasap, ol aktiniń bir danasymen qosa tekseriletin sýbektiniń keńsesine berip, aktiniń ekinshi danasyna usynylǵan materıaldardy tirkeý týraly hat-habarlardyń kiris jýrnalynda nemese Memlekettik organdardyń elektrondyq qujat aınalymynyń biryńǵaı júıesinde belgi soqtyryp alady.
Tekseriletin sýbekt tekserýdiń nátıjeleri týraly aktini alýdan bas tartqan jaǵdaıda, tekserýdiń nátıjeleri týraly aktini Mınıstrlik nemese onyń aýmaqtyq organy tekseriletin sýbektiniń atyna qyzmet babyndaǵy hat-habar retinde poshta baılanysy nemese Memlekettik organdardyń elektrondyq qujat aınalymynyń biryńǵaı júıesi arqyly joldaıdy.
25. Tekserý nátıjesi boıynsha eskertýler jáne (nemese) qarsylyqtar bolǵan jaǵdaıda, olardy tekseriletin sýbektiniń basshysy nemese olardyń ókilderi erkin nysanda jazbasha túrde baıandaıdy.
Eskertýler jáne (nemese) qarsylyqtar tekserý júrgizýdiń nátıjeleri týraly aktige qosa beriledi, aktige bul týraly tıisti belgi qoıylady.
26. Árbir tekserý aıaqtalǵannan keıin tekserýshi adamdar tekserýdiń nátıjeleri týraly aktini materıaldarymen qosa Mınıstrliktiń nemese onyń aýmaqtyq organynyń basshylyǵyna úsh jumys kúni ishinde beredi.
27. Mınıstrliktiń nemese onyń aýmaqtyq organynyń basshylyǵy tekserýdiń nátıjeleri týraly akt pen materıaldardy qaraý nátıjesi boıynsha mynadaı:
1) tekseriletin sýbekt basshysynyń (nemese onyń joǵary organy) atyna anyqtalǵan buzýshylyqtardy, olarǵa yqpal etetin sebepter men jaǵdaılardy joıý, memlekettik kórsetiletin qyzmetterdiń standarttary men reglamentterine tıisti ózgerister men (nemese) tolyqtyrýlar engizý, memlekettik qyzmetter kórsetý prosesterin ońtaılandyrý, kináli adamdardy jaýapkershilikke tartý, kórsetiletin qyzmetti alýshynyń buzylǵan quqyqtaryn, bostandyqtary men zańdy múddelerin qalpyna keltirý boıynsha sharalar qabyldaý jáne tıisti merzimge qaraýdyń nátıjeleri týraly Mınıstrlikke nemese onyń aýmaqtyq organyna habardar etý týraly usynymdar bar hat (budan ári – usynymdar bar hat) joldaý týraly;
2) aktide jáne usynylǵan materıaldarda baıandalǵan aqparatty nazarǵa alý týraly sheshim qabyldaıdy.
Tekseriletin sýbektilerdiń laýazymdy adamdarynyń áreketterinde qylmystyq nemese ákimshilik quqyq buzýshylyq belgileri nemese memlekettik qyzmetke kir keltiretin tártiptik teris qylyqtardyń belgileri tabylǵan jaǵdaıda, Mınıstrliktiń nemese onyń aýmaqtyq organynyń basshylyǵy tekserý materıaldaryn tıisti organdarǵa joldaý boıynsha sharalardy qabyldaıdy.
28. Mindetti túrde qaralýǵa tıis usynymdar bar hat tekseriletin sýbektiniń basshysyna Mınıstrlik basshylyǵynyń nemese onyń aýmaqtyq organdarynyń basshylarynyń nemese olardy almastyratyn adamdardyń qoldarymen Mınıstrlik basshylyǵy nemese onyń aýmaqtyq organdarynyń basshylary tekserý nátıjeleri týraly aktini jáne materıaldardy qaraǵan kúnnen bastap úsh jumys kúni ishinde joldanady.
29. Tekserýshi adam (adamdar) Qazaqstan Respýblıkasynyń zańdarynda kózdelgen jaǵdaılardy qospaǵanda, tekserý júrgizý nátıjesinde alynǵan jáne kommersııalyq, salyqtyq nemese zańmen qorǵalatyn ózge de qupııa bolyp tabylatyn aqparatty jarııa etpeýdi qamtamasyz etedi.
30. Tekserý nátıjesinde anyqtalǵan buzýshylyqtar boıynsha tekseriletin sýbekt eskertýler jáne (nemese) qarsylyqtar bolmaǵan jaǵdaıda, úsh jumys kúninen keshiktirmeı, Mınıstrliktiń nemese onyń tekserý júrgizgen aýmaqtyq organynyń basshylyǵyna anyqtalǵan buzýshylyqtardy joıý jáne usynymdardy oryndaý jónindegi is-sharalar josparyn (budan ári – Is-sharalar jospary) kelisýge usynady.
31. Is-sharalar jospary tekseriletin sýbektiniń jaýapty adamdardy, oryndalý merzimin jáne aıaqtalý nysanyn kórsete otyryp, anyqtalǵan buzýshylyqtardy joıý jáne usynymdardy oryndaý boıynsha sharalarynyń tizbesin qamtıdy.
32. Tekseriletin sýbekt usynymdar bar hatta kórsetilgen merzimderde Mınıstrlikke nemese onyń tekserý júrgizgen aýmaqtyq organyna Is-sharalar josparyn oryndaý boıynsha aqparatty jáne kináli adamdardy jaýapkershilikke tartý týraly rastaıtyn qujattardyń kóshirmelerin usynady.
33. Eger tekserý nátıjesinde anyqtalǵan buzýshylyqtar boıynsha tekseriletin sýbekt olardy joıý boıynsha sharalar qabyldamaǵan jaǵdaıda, Mınıstrlik nemese onyń tekserý júrgizgen aýmaqtyq organy Qazaqstan Respýblıkasynyń zańnamasynda kózdelgen ókilettilikter sheginde joǵaryda turǵan memlekettik organ nemese laýazymdy adamǵa tekserý nátıjeleri týraly aktini, tıisti sharalardy qabyldamaǵan adamdardyń jaýapkershiligin qaraý týraly usynym engizedi jáne osyndaı faktiler týraly prokýratýra organdaryn jáne Qazaqstan Respýblıkasynyń ózge de memlekettik organdaryn habardar etedi, sondaı-aq Qazaqstan Respýblıkasynyń sottaryna talap qoıý aryzymen júginedi.
2-paragraf. Qazaqstan Respýblıkasynyń memlekettik kórsetiletin qyzmetter salasyndaǵy zańnamasynyń saqtalýyna monıtorıng júrgizýdiń tártibi
34. Qazaqstan Respýblıkasynyń memlekettik kórsetiletin qyzmetter salasyndaǵy zańnamasynyń saqtalýynyń monıtorıngi Mınıstrlik jáne onyń aýmaqtyq organdary:
1) kórsetiletin qyzmetti berýshiler jáne memlekettik kórsetiletin qyzmetter boıynsha, onyń ishinde memlekettik qyzmetter kórsetý merziminiń buzylýy boıynsha «Monıtorıng» AJ-de kórsetilgen málimetterdi;
2) toqsan saıyn eseptik kezeńnen keıingi aıdyń 7-nshi kúnine deıin ishki baqylaý sheńberinde tekseriletin sýbektiler usynatyn aqparatty taldaý arqyly júzege asyrady.
35. Mınıstrliktiń nemese onyń aýmaqtyq organynyń basshylyǵy Qazaqstan Respýblıkasynyń memlekettik kórsetiletin qyzmetter salasyndaǵy zańnamasynyń saqtalýynyń monıtorıngi nátıjeleri boıynsha mynadaı:
1) tekseriletin sýbekt basshysynyń (nemese onyń joǵary organynyń) atyna Qazaqstan Respýblıkasynyń memlekettik kórsetiletin qyzmetter salasyndaǵy zańnamasynyń saqtalýynyń monıtorıngi qorytyndylary boıynsha anyqtalǵan buzýshylyqtardy, olarǵa yqpal etetin sebepter men jaǵdaılardy joıý, kináli adamdardy jaýapkershilikke tartý, kórsetiletin qyzmetti alýshynyń buzylǵan quqyqtaryn, bostandyqtary men zańdy múddelerin qalpyna keltirý boıynsha sharalar qabyldaý týraly usynymdar bar hat joldaý jáne tıisti merzimge qaraý nátıjeleri týraly Mınıstrlikti nemese onyń aýmaqtyq organyn habardar etý týraly;
2) ishki baqylaý nátıjelerindegi aqparatty nazarǵa alý týraly sheshim qabyldaıdy.
Tekseriletin sýbektilerdiń laýazymdy adamdarynyń áreketterinde qylmystyq nemese ákimshilik quqyq buzýshylyq belgileri nemese memlekettik qyzmetke kir keltiretin tártiptik teris qylyqtardyń belgileri tabylǵan jaǵdaıda, Mınıstrliktiń nemese onyń aýmaqtyq organynyń basshylyǵy tekserý materıaldaryn tıisti organdarǵa joldaıdy.
3. Ishki baqylaý júrgizýdiń tártibi
36. Memlekettik qyzmetter kórsetý sapasyn ishki baqylaýdy (budan ári – ishki baqylaý) ortalyq memlekettik jáne jergilikti atqarýshy organdardyń memlekettik kórsetiletin qyzmetter máselelerin úılestiretin tıisti qurylymdyq bólimsheleri baqylaý is-sharasy jáne memlekettik qyzmetter kórsetý sapasynyń monıtorıngi nysanynda júzege asyrady.
37. Ortalyq memlekettik organnyń memlekettik kórsetiletin qyzmetter máselelerin úılestiretin qurylymdyq bólimshesi ortalyq memlekettik organ, onyń vedomstvolary, vedomstvolyq baǵynysty uıymdary, sondaı-aq qyzmetin úılestirýdi ortalyq memlekettik organ júzege asyratyn jeke jáne zańdy tulǵalar kórsetetin memlekettik qyzmetterdiń sapasyna ishki baqylaý júrgizedi.
38. Jergilikti atqarýshy organnyń memlekettik kórsetiletin qyzmetter máselesin úılestiretin qurylymdyq bólimshesi tıisti ákimshilik-aýmaqtyq birliktiń jergilikti atqarýshy organdary, vedomstvolyq baǵynysty uıymdary, sondaı-aq qyzmetin úılestirýdi jergilikti atqarýshy organ júzege asyratyn jeke jáne zańdy tulǵalar kórsetetin memlekettik qyzmetterdiń sapasyna ishki baqylaý júrgizedi.
1-paragraf. Baqylaý is-sharasyn júrgizýdiń tártibi
39. Baqylaý is-sharasy baqylaý obektileriniń buzýshylyqtaryn anyqtaý, joıý jáne olarǵa jol bermeý maqsatynda ortalyq memlekettik jáne jergilikti atqarýshy organdardyń Qazaqstan Respýblıkasynyń memlekettik kórsetiletin qyzmetter salasyndaǵy zańnamasynyń jáne Qazaqstan Respýblıkasynyń ózge zańnamasynyń saqtalý boıynsha ishki baqylaý júrgizýge jaýapty qurylymdyq bólimshesi júzege asyratyn ózara baılanysty baqylaý is-qımyldarynyń kesheni bolyp tabylady.
40. Baqylaý is-sharalaryn júrgizýge negiz bolyp tabylatyn qujattar:
josparlanatyn jyldan aldyńǵy jyldyń 25 jeltoqsanynan keshiktirmeı, ortalyq memlekettik jáne (nemese) jergilikti atqarýshy organ basshylyǵynyń buıryǵymen bir jylǵa bekitiletin baqylaý is-sharalarynyń jospary;
memlekettik qyzmetter kórsetý sapasynyń monıtorıngi nátıjeleri boıynsha ortalyq memlekettik jáne (nemese) jergilikti atqarýshy organ basshylyǵynyń baqylaý is-sharasyn taǵaıyndaý týraly buıryǵy.
41. Baqylaý is-sharalary josparynda baqylaýǵa jatatyn máseleler men obektilerdiń tizbesi, júrgizý merzimderi, aıaqtaý nysandary jáne baqylaý is-sharalaryna jaýapty oryndaýshylar kórsetiledi.
42. Baqylaý is-sharasyn júrgizýdiń merzimi aldaǵy jumystardyń kólemi, qoıylǵan mindetter men obektiler sany eskerile otyryp belgilenedi jáne kúntizbelik otyz kúnnen aspaýǵa tıis.
43. Obektıvti sebepter bolǵan jaǵdaıda, baqylaý is-sharasynyń merzimi ishki baqylaý júrgizýge jaýapty qurylymdyq bólimsheniń dáleldi usynysy boıynsha ortalyq memlekettik jáne (nemese) jergilikti atqarýshy organ basshylyǵynyń buıryǵy negizinde kúntizbelik otyz kúnnen aspaıtyn merzimge uzartylady.
44. Baqylaý is-sharasyn júrgizýden buryn ishki baqylaýdy júrgizýge jaýapty qurylymdyq bólimsheniń qyzmetkeri (budan ári – jaýapty oryndaýshy) baqylaý is-sharasyn júrgizý bastalǵanǵa deıin úsh jumys kúninen keshiktirmeı baqylaý obektisin jazbasha túrde habardar etedi.
45. Baqylaý is-sharasynyń bastalý merzimi baqylaý obektisine baqylaý is-sharasyn taǵaıyndaý týraly buıryqty berý kúni bolyp esepteledi.
46. Baqylaý is-sharasyn júrgizý kezinde jaýapty oryndaýshylar:
1) olar belgilegen merzimde baqylaý obektilerinen baqylaý is-sharasyn júrgizýge baılanysty máseleler boıynsha qajetti qujattardy, anyqtamalardy, aýyzsha jáne jazbasha túsiniktemelerdi suratady jáne alady;
2) memlekettik qupııa týraly zańnamany jáne zańmen qorǵalatyn ózge de qupııalardy saqtaýdy eskere otyryp, baqylaý obektisiniń baqylaý is-sharasynyń máselelerine qatysty qujattamasymen kedergisiz tanysady;
3) elektrondyq nusqada kórsetilgen memlekettik qyzmetter týraly, «Monıtorıng» AJ-de kórsetilgen memlekettik qyzmetter kórsetý merzimderiniń buzylýy týraly, memlekettik kórsetiletin qyzmetter máselesi boıynsha kelip túsken shaǵymdar jáne olardy qaraý nátıjeleri týraly málimetterdi paıdalanady;
4) ishki baqylaý júrgizýge jaýapty qurylymdyq bólimsheniń quzyretine kiretin ózge de áreketterdi júzege asyrady.
47. Qajet bolǵan jaǵdaıda, baqylaý is-sharasyn júrgizýge baqylaý obektisimen azamattyq-quqyqtyq jáne eńbek qatynastarynda turmaıtyn sarapshylar, saraptama uıymdary jáne mamandar tartylady.
48. Baqylaý is-sharasy aıaqtalǵan soń jaýapty oryndaýshylar baqylaý is-sharasynyń aktisin eki danada jasaıdy jáne oǵan qol qoıady.
Baqylaý is-sharasy aktisiniń bir danasy baqylaý is-sharasyn taǵaıyndaý týraly buıryqta kórsetilgen aıaqtalý merziminen keshiktirmeı, baqylaý obektisiniń basshysyna tanystyrý úshin usynylady. Tanysýdan bas tartqan jaǵdaıda, baqylaý is-sharasynyń aktisinde bas tartqany týraly belgi qoıylady.
Tanysýdan bas tartý baqylaý is-sharasynyń materıaldaryn odan ári iske asyrý úshin kedergi bolyp tabylmaıdy.
49. Baqylaý nátıjeleri týraly aktide:
1) aktiniń jasalǵan kúni, ýaqyty jáne orny;
2) baqylaý is-sharasy júrgizilgen baqylaý obektisiniń ataýy, baqylaý obektisiniń baqylaý is-sharasyn júrgizý kezinde bolǵan ókiliniń (ókilderiniń) tegi, aty, ákesiniń aty (ol bolǵan jaǵdaıda) jáne laýazymy;
3) onyń negizinde baqylaý is-sharasy júrgizilgen, baqylaý is-sharasyn taǵaıyndaý týraly buıryqtyń jasalǵan kúni men nómiri;
4) baqylaý is-sharasyn júrgizgen jaýapty oryndaýshylardyń tegi, aty jáne ákesiniń aty (ol bolǵan jaǵdaıda) jáne laýazymy;
5) baqylaý is-sharasynyń júrgizilgen kúni, orny jáne kezeńi;
6) baqylaý obektisiniń qyzmetin taldaý;
7) baqylaý is-sharasynyń nátıjeleri týraly, anyqtalǵan buzýshylyqtar faktileri bolsa, olar týraly málimetter;
8) memlekettik qyzmetterdi sapasyz kórsetýdiń, Qazaqstan Respýblıkasynyń memlekettik kórsetiletin qyzmetter salasyndaǵy zańnamasy talaptarynyń oryndalmaýynyń sebepterin taldaý;
9) oryndaý merzimderin kórsete otyryp, anyqtalǵan buzýshylyqtardy, olarǵa yqpal etetin sebepter men jaǵdaılardy joıý boıynsha, sondaı-aq memlekettik qyzmetter kórsetý sapasyn arttyrý maqsatynda ishki resimderdi jaqsartý boıynsha usynymdar;
10) Qazaqstan Respýblıkasynyń memlekettik kórsetiletin qyzmetter salasyndaǵy zańnamasynyń buzylý faktileri anyqtalǵan jaǵdaıda buzýshylyqty jasaǵan kináli adamdardy jaýapkershilikke tartý boıynsha usynymdar;
11) baqylaý obektisi basshysynyń aktimen tanysqany nemese tanysýdan bas tartqany, sondaı-aq baqylaý is-sharasyn júrgizý kezinde bolǵan adamdardyń qoldary nemese qol qoıýdan bas tartqany týraly málimetter;
12) baqylaý is-sharasyn júrgizgen jaýapty adamdardyń qoldary kórsetiledi.
Qazaqstan Respýblıkasynyń memlekettik kórsetiletin qyzmetter salasyndaǵy zańnamasynyń buzylý faktileri anyqtalǵan jaǵdaıda, baqylaý is-sharasy materıaldaryna olardyń qujattary, anyqtamalary, qujattardyń tıisti túrde rastalǵan kóshirmeleri, sondaı-aq olarǵa qatysy bar laýazymdy adamdardyń fýnksıonaldyq mindetterine baılanysty olardyń jazbasha túsiniktemeleri qosa tirkeledi.
50. Baqylaý obektisiniń basshysy baqylaý is-sharasynyń aktisi tanystyrylýǵa usynylǵan kúnnen bastap úsh jumys kúni ishinde:
baqylaý is-sharasynyń nátıjesimen kelisken jaǵdaıda – baqylaý is-sharasy aktisiniń eki danasyna da qol qoıady;
baqylaý is-sharasynyń nátıjesimen kelispegen jaǵdaıda – ishki baqylaý júrgizýge jaýapty qurylymdyq bólimshege baqylaý is-sharasynyń aktisine erkin túrde qarsylyqtaryn joldaıdy.
Qarsylyqtar baqylaý is-sharasynyń aktisine qosa tirkeledi, ol týraly aktide tıisti belgi qoıylady.
51. Ishki baqylaý júrgizýge jaýapty qurylymdyq bólimshe baqylaý is-sharasy aıaqtalǵannan keıin 7 jumys kúni ishinde memlekettik organnyń basshysyna baqylaý is-sharasynyń materıaldary men aktisin usynady.
52. Baqylaý is-sharasynyń materıaldary men aktisin qaraý nátıjesi boıynsha kelesi sheshimderdiń biri:
1) baqylaý obektisi basshysynyń atyna anyqtalǵan buzýshylyqtardy, olarǵa yqpal etetin sebepter men jaǵdaılardy joıý, memlekettik qyzmetter kórsetýdiń ishki resimderin jaqsartý, memlekettik kórsetiletin qyzmetterdiń standarttary men reglamentterine tıisti ózgerister jáne (nemese) tolyqtyrýlar engizý, memlekettik qyzmetterdi kórsetý prosesterin ońtaılandyrý, Qazaqstan Respýblıkasynyń memlekettik kórsetiletin qyzmetter salasyndaǵy zańnamasynyń buzylýyna kináli adamdardy jaýapkershilikke tartý týraly usynymdar bar hat (budan ári – usynymdar bar hat) joldaý týraly;
2) usynymdar bolmaǵan jaǵdaıda, baqylaý is-sharasynyń materıaldary men aktisindegi aqparatty nazarǵa alý týraly sheshim qabyldanady.
53. Osy Qaǵıdalar 52-tarmaǵynyń 1) tarmaqshasynda kózdelgen jaǵdaıda, baqylaý obektisi usynymdar bar hatty alǵannan keıin úsh jumys kúninen keshiktirmeı, ishki baqylaý júrgizýge jaýapty qurylymdyq bólimsheniń basshylyǵyna anyqtalǵan buzýshylyqtardy joıý jáne usynymdardy oryndaý jónindegi is-sharalar josparyn (budan ári – Is-sharalar jospary) qaraýǵa usynady.
54. Is-sharalar jospary baqylaý obektisiniń jaýapty oryndaýshylardy, oryndalý merzimderin jáne aıaqtalý nysandaryn kórsete otyryp, anyqtalǵan buzýshylyqtardy joıý jáne usynymdardy oryndaý boıynsha sharalar tizbesin qamtıdy.
55. Baqylaý obektisi usynymdar bar hatta kórsetilgen merzimderde ishki baqylaý júrgizýge jaýapty qurylymdyq bólimshege Is-sharalar josparyn oryndaý boıynsha aqparatty jáne Qazaqstan Respýblıkasynyń memlekettik kórsetiletin qyzmetter salasyndaǵy zańnamasynyń buzylýyna kináli adamdardyń jaýapkershilikke tartylǵany týraly qujattardyń rastalǵan kóshirmelerin usynady.
2-paragraf. Memlekettik qyzmetter kórsetý sapasynyń monıtorıngi
56. Memlekettik qyzmetter kórsetý sapasynyń monıtorıngin ortalyq memlekettik jáne jergilikti atqarýshy organdardyń ishki baqylaý júrgizýge jaýapty qurylymdyq bólimsheleri toqsan saıyn júrgizedi jáne mynalardy:
1) memlekettik kórsetiletin qyzmetter standarttarynyń jobalaryn jarııa talqylaý úshin ornalastyrýdy, jarııa talqylaýdyń aıaqtalýy týraly esepterdi (ortalyq memlekettik organdar úshin), memlekettik qyzmetterdi «elektrondyq úkimet» veb-portalynda, memlekettik organnyń resmı ınternet-resýrsynda kórsetý máseleleri boıynsha qyzmet týraly esepterdi taldaýdy;
2) memlekettik kórsetiletin qyzmetterdiń bekitilgen standarttarynyń (ortalyq memlekettik organdar úshin) jáne reglamentteriniń bolýy, olardy bekitý merzimderiniń saqtalýyn, olardy «elektrondyq úkimet» veb-portalynda, memlekettik organnyń resmı ınternet-resýrsynda ornalasýyn taldaýdy;
3) memlekettik kórsetiletin qyzmetter standarttarynyń jáne reglamentteriniń ózektendirý qajettigin taldaýdy;
4) memlekettik kórsetiletin qyzmetterdi tabý jáne/nemese joıý boıynsha zańnamany taldaýdy;
5) Memlekettik kórsetiletin qyzmetter máseleleri boıynsha biryńǵaı baılanys-ortalyǵynda, memlekettik qyzmetter kórsetiletin oryndarda, «elektrondyq úkimet» veb-portalynda, memlekettik organnyń resmı ınternet-resýrsynda memlekettik qyzmetterdi kórsetýdiń tártibi týraly aqparattyń ózektiligin taldaýdy;
6) memlekettik kórsetiletin qyzmetterdiń bıznes-prosesin taldaýdy;
7) Qazaqstan Respýblıkasynyń memlekettik kórsetiletin qyzmetter salasyndaǵy zańnamasy talaptarynyń saqtalýyn taldaýdy;
8) Qazaqstan Respýblıkasy zańdarynda, sondaı-aq ekinshi sanattaǵy ruqsatty berý kezinde normatıvtik quqyqtyq aktilerde kózdelmegen negizder boıynsha memlekettik qyzmetti kórsetýden bas tartý, kórsetiletin qyzmetti alýshylardan aqparattyq júıelerden alynýy múmkin qujattardy ne memlekettik kórsetiletin qyzmet standartynda rettelmegen qujattardy talap etý faktilerin anyqtaýdy;
9) múmkindikteri shekteýli adamdardyń memlekettik kórsetiletin qyzmetterdi alýy kezinde olarǵa qajetti jaǵdaıdyń bolýyn taldaýdy;
10) «Monıtorıng» AJ-ge memlekettik qyzmetti kórsetý kezeńi týraly derekterdi engizýdi taldaýdy;
11) memlekettik qyzmetter kórsetý sapasynyń qoǵamdyq monıtorınginiń qorytyndylaryn taldaýdy;
12) memlekettik qyzmetter kórsetý sapasyna qoǵamdyq monıtorıng júrgizý úshin qajetti qosymsha aqparat alý úshin memlekettik organǵa ótinishti;
13) kórsetiletin qyzmetti alýshylardyń memlekettik kórsetiletin qyzmetter máseleleri boıynsha shaǵymdary men aryzdaryn qaraýdy jáne olarǵa taldaý júrgizýdi qamtıdy.
57. Memlekettik qyzmetter kórsetý sapasynyń qoǵamdyq monıtorınginiń qorytyndysy boıynsha ishki baqylaýǵa jaýapty qurylymdyq bólimshe:
1) memlekettik kórsetiletin qyzmetterdiń bıznes-prosesterin jetildirý, onyń ishinde olardy avtomattandyrý, ońtaılandyrý jáne Memlekettik korporasııa arqyly olardy kórsetýge kóshirý;
2) Memlekettik kórsetiletin qyzmetter tizilimine, memlekettik kórsetiletin qyzmetterdiń standarttary men reglamentterine ózgerister jáne (nemese) tolyqtyrýlar engizý;
3) Qazaqstan Respýblıkasynyń memlekettik kórsetiletin qyzmetter salasyndaǵy zańnamasy saqtalmaýynyń anyqtalǵan faktilerin joıý;
4) Qazaqstan Respýblıkasynyń memlekettik kórsetiletin qyzmetter salasyndaǵy zańnamasynyń buzylý faktileri boıynsha baqylaý is-sharalaryn júrgizý;
5) Memlekettik kórsetiletin qyzmetter máseleleri boıynsha biryńǵaı baılanys-ortalyǵynda, memlekettik qyzmetter kórsetiletin oryndarda, «elektrondyq úkimet» veb-portalynda, memlekettik organnyń resmı ınternet-resýrsynda memlekettik qyzmetterdi kórsetýdiń tártibi týraly aqparattyń ózektiligi;
6) kórsetiletin qyzmetti alýshylardy memlekettik qyzmetterdi kórsetýdiń tártibi týraly aqparattandyrý boıynsha túsindirme is-sharalaryn júrgizý;
7) qyzmetkerlerdiń memlekettik qyzmetter kórsetý boıynsha biliktiligin arttyrýdy qamtamasyz etý boıynsha usynymdardy ázirleıdi.
58. Memlekettik qyzmetter kórsetý sapasynyń qoǵamdyq monıtorınginiń qorytyndysy boıynsha usynymdar olardy oryndaý boıynsha sharalardy qabyldaý týraly aqparattandyrý merzimin kórsete otyryp, kórsetiletin qyzmetti alýshylarǵa jiberý úshin memlekettik organnyń basshylyǵyna kelisýge jáne maquldaýǵa engiziledi.
3-paragraf. Mınıstrlikke jáne onyń aýmaqtyq organdaryna ishki baqylaý boıynsha jumys týraly esepterdi usynýdyń tártibi
59. Osy Qaǵıdalarǵa 1-qosymshaǵa sáıkes nysan boıynsha toqsan saıyn eseptik kezeńnen keıingi aıdyń 7-nshi kúnine deıin taldamalyq anyqtamany qosa otyryp, ishki baqylaý boıynsha jumys týraly esepti:
ortalyq memlekettik organdar Mınıstrlikke;
ortalyq memlekettik organdardyń jáne olardyń vedomstvolarynyń aýmaqtyq bólimsheleri Mınıstrliktiń aýmaqty organdaryna usynady.
Esep ortalyq memlekettik organ, onyń vedomstvolary, vedomstvolyq baǵynysty uıymdary, sondaı-aq qyzmetin úılestirýdi ortalyq memlekekttik organ júzege asyratyn jeke jáne zańdy tulǵalar kórsetetin memlekettik qyzmetter sapasyn ishki baqylaýdyń qorytyndysyn qamtıdy.
60. Jergilikti atqarýshy organdar osy Qaǵıdalarǵa 2-qosymshaǵa sáıkes nysan boıynsha ishki baqylaý boıynsha jumys týraly esepti taldamalyq anyqtamany qosa otyryp, Mınıstrlikke jáne onyń aýmaqtyq organdaryna toqsan saıyn eseptik kezeńnen keıingi aıdyń 7-nshi kúnine deıin usynady.
Esep oblystardyń, respýblıkalyq mańyzy bar qalalardyń, astananyń, aýdandardyń, oblystyq mańyzy bar qalalardyń, qaladaǵy aýdandardyń, aýdandyq mańyzy bar qalalardyń, kentterdiń, aýyldardyń, aýyldyq okrýgterdiń jergilikti atqarýshy organdary, vedomstvolyq baǵynysty uıymdardyń, sondaı-aq qyzmetin úılestirýdi jergilikti atqarýshy organdar júzege asyratyn jeke jáne zańdy tulǵalar kórsetetin memlekettik qyzmetter sapasyn ishki baqylaýdyń qorytyndysyn qamtıdy.
61. Ishki baqylaý boıynsha jumys týraly usynylǵan esep ortalyq memlekettik nemese jergilikti atqarýshy organdar túzetý qajettigi týraly rastaıtyn materıaldardy usynǵan jaǵdaıda ǵana eseptik jyldyń tórtinshi toqsanynyń qorytyndysy boıynsha Mınıstrliktiń jáne onyń aýmaqtyq organdarynyń túzetýine jatady.
62. Esep mindetti túrde tolyq toltyrylady, nysanda qaldyryp ketken, toltyrylmaǵan keste uıashyǵynyń bolýyna jol berilmeıdi. Málimetter bolmaǵan jaǵdaıda tıisti keste uıashyǵynda «-» belgisi qoıylady.
63. Esepke taldamalyq anyqtamaǵa ishki baqylaý boıynsha jumys týraly eseptik nysanda kórsetilgen málimette