«Altyn armannan» qutty qonystaryn tapty

Sońǵy jyldary Qostanaı qalasynyń ár shalǵaıynda jańa turǵyn aýdandar jyldam ósip keledi. Qala syrtyndaǵy buryn negizinen óndiris oryndary ornalasqan aýmaq qazir ásem qalaǵa aınaldy. Onda tu­tas turǵyn aýdanmen birge soń­ǵy jyldary Nazarbaev zııatker­lik mektebi, taǵy bir qazaq or­ta mektebi balalarǵa esigin aı­qara ashty. Toyota, Sang Yong se­kildi álemdik brendter quras­ty­ry­latyn «AgromashHoldıng» jáne «SaryArqaAvtoProm» iri zaýyttary ornalasqan aýmaqta «Altyn arman» shaǵyn turǵyn aýdany boı kóterdi. Ondaǵy jańa jobamen salynǵan ásem úıler qostanaılyqtardyń arman mekeni dese bolady. Taıaýda ǵana operatory «Báı­te­rek» holdıngi ıpotekalyq kompanııasy bolyp tabylatyn «Nurly Jol» áleýmettik arendalyq tur­ǵyn úı baǵdarlamasy boıynsha 94 otbasy baspanaly boldy. Olar­dyń qatarynda bıýdjet qyz­metkerleri, kóp balaly otbasy­lar, oralmandar, ustazdar, medısına qyzmetkerleri sekildi baspanany armandap, birazdan beri kezekte turǵandar az emes. Páter kiltin tapsyrý kezinde oblys ákimi Arhımed Muhambetov «Báı­terek» holdınginiń en­shi­les kásiporyndary turyn úı baǵ­dar­lamasyna belsendi qatysyp, oblys ákimdigi qurylystyń yrǵaq­ty júrýine keshendi sharalar jasap otyrǵanyn aıtty. – Qazir «Báıterek develop­ment» jáne Qazaqstan ıpotekalyq kompanııasymen yntymaqtasa jumys isteý arqasynda Qostanaı qalasyndaǵy turǵyn aýdandarda 9 turǵyn úı qurylysy qarqyndy júrgizilýde. «Iýbıleınyı» ja­ńa turǵyn aýdanynyń ınfra­qurylymyn jasaý úshin 6 mıl­lıard teńgeden astam qarjy bólýdi oılastyryp otyrmyz, – dedi óńir basshysy. Turǵyndardy baspanamen qamtamasyz etý úshin oblys ortalyǵyndaǵy 5 turǵyn aýdanda qurylys jumystaryna basymdyq berildi. «Aeroport», «Soltústik» turǵyn aýdandaryn­da qurylys jumystary qar­qyn ala tússe, «Qonaı» jáne qa­la irgesinde ornalasqan Mı­­chý­rın selosyndaǵy «Iýbı­leı­nyı» turǵyn aýdanynda ınfra­qury­lym tartý jumystary júr­gizilip, onda 400 myń sharshy metr jeke úı salýǵa jer telimderi beri­ledi. Názıra JÁRIMBETOVA, «Egemen Qazaqstan» QOSTANAI